ភ្នំពេញ៖ លោកកើត ឆែ អភិបាលរងរាជធានីភ្នំពេញបានណែនាំឱ្យមន្ត្រី រដ្ឋបាលរាជធានីភ្នំពេញ ត្រូវពង្រឹងសមត្ថភាពការងារឲ្យស្របទៅតាមបច្ចេកវិទ្យាបច្ចុប្បន្នពិសេសត្រូវអភិវឌ្ឍចំណេះដឹង និងត្រូវធ្វើជាមេទ័ពនាំមុខក្នុងកិច្ចការងារទាំងអស់របស់រដ្ឋបាលរាជធានីភ្នំពេញ ។ ការណែនាំបែបនេះរបស់លោកកើត ឆែបានធ្វើឡើង ក្នុងពិធីតែងតាំងមន្ត្រីរាជការ៤រូប ក្នុងរចនាសម្ព័ន្ធរដ្ឋបាលរាជធានីភ្នំពេញ នារសៀលថ្ងៃទី២១ខែកញ្ញាឆ្នាំ២០២១នេះ នៅសាលារាជធានីភ្នំពេញ ។ ក្នុងពិធីនេះ ត្រូវបានប្រកាសតែងតាំងលោកស៊ុក សង្វាពេជ្រ មន្ត្រីឋានន្តរស័ក្តិ ថ្នាក់លេខ១ជានាយករងរដ្ឋបាលរាជធានីភ្នំពេញ ជំនួសលោកជូ ម៉េងចាន់ ដែលត្រូវទៅកាន់តំណែងថ្មីជាអនុរដ្ឋលេខាធិការក្រសួងសុខាភិបាល។ លោក តុប សីហា ឋានន្តរស័ក្តិឧត្តមមន្ត្រី ថ្នាក់លេខ៦ ជានាយករងទីចាត់ការរដ្ឋបាល ។ លោក ជីវ សារិទ្ធ ឋានន្តរស័ក្តិឧត្តមមន្ត្រី ថ្នាក់លេខ៦ជាប្រធានការិយាល័យស្ថិតិ និងអត្រានុកូលដ្ឋាននៃទីចាត់ការរដ្ឋបាល និងលោក ថង វង្សសុវិឡា ឋានន្តរស័ក្តិអនុមន្ត្រីថ្នាក់លេខ៣ ជាអនុប្រធានការិយាល័យស្ថិតិ និងអត្រានុកូលដ្ឋាន នៃទីចាត់ការរដ្ឋបាល។ ក្នុងឱកាសនោះលោកកើត ឆែបានមានប្រសាសន៍លើកឡើងថា ការតែងតាំងមន្ត្រីរដ្ឋបាលរាជធានីខាងលើនេះ ធ្វើឡើង ក្រោយពី លោកជូ ម៉េងចាន់ នាយករងរដ្ឋបាលរាជធានីភ្នំពេញ ត្រូវទៅកាន់តំណែងថ្មីជាអនុរដ្ឋលេខាធិការក្រសួងសុខាភិបាល។ លោកបន្តថា ការតែងតាំងមន្ត្រីនេះ គឺយើងមើលទៅលើសមត្ថភាពការងារនិងប្រសិទ្ធភាពការងាររបស់មន្ត្រីយើង […]
អ្នកជំនាញអារ្យធម៌ខ្មែរ នៅថ្ងៃនេះបានបង្ហាញការគាំទ្រ សម្ដេចមហាបវរធិបតី ហ៊ុន ម៉ាណែត ដែលបានស្នើរឱ្យបង្កើនអ្នកស្រាវជ្រាវប្រវត្តិសាស្ត្រ ហើយសរសេរសៀវភៅប្រវត្តិសាស្ត្រខ្មែរ ដោយជនជាតិខ្មែរ ។ ឯកឧត្តម រ័ត្ន សណ្ដាប់ អ្នកជំនាញអារ្យធម៌ខ្មែរ មានប្រសាសន៍ថា ការជំរុញឲ្យមានអ្នកស្រាវជ្រាវប្រវត្តិសាស្ត្រជាជនជាតិខ្មែរនេះ គឺជារបត់ថ្មីមួយ ដែលធ្វើឲ្យគុណភាពនៃការស្រាវជ្រាវកាន់តែស៊ីជម្រៅ និងមានតម្លៃ ត្បិតលោកជឿជាក់ថា មានតែជនជាតិយើងប៉ុណ្ណោះ ដែលដឹងពីរឿងរបស់យើងច្បាស់។ ឯកឧត្តម បន្ថែមថា យើងគួរមានមូលនិធិសម្រាប់ការស្រាវជ្រាវដោយអ្នកប្រាជ្ញខ្មែរ។ បើយើងលើកស្ទួយ យើងយកចិត្តទុកដាក់ វាធ្វើឲ្យគុណភាព នៃការស្រាវជ្រាវនោះ មានតម្លៃសម្រាប់ប្រវត្តិសាស្ត្រខ្លួនឯង ។ គួរបញ្ជាក់ថា រាជបណ្ឌិតសភាកម្ពុជា ក៏បានប្រមូលផ្ដុំអ្នកប្រវត្តិសាស្ត្រទូទាំងប្រទេស និង បញ្ញវន្តនានា ដើម្បីចងក្រងប្រវត្តិសាស្ត្រខ្មែរផងដែរ ដែលដឹកនាំដោយ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិតសភាកម្ពុជា ។
ខេត្តបាត់ដំបង៖ ពលករខ្មែរប្រុសស្រីចំនួនជាង ២០០នាក់បន្ថែមទៀតហើយត្រូវបានទាហានថៃចាប់បញ្ជូនប្រគល់មកអោយអាជ្ញាធរកម្ពុជាវិញតាមច្រកអូរអន្លក់ ស្ថិតក្នុងស្រុកកំរៀង នៃខេត្តបាត់ដំបង ស្របពេលដែលកម្លាំងអនុវត្តតាមគោលការណ៍ស្ដីពីការការពារសន្តិសុខតាមខ្សែបន្ទាត់ព្រំដែនកម្ពុជា-ថៃ ដើម្បីត្រួតពិនិត្យពលរដ្ឋឆ្លងដែន និងស្រាវជ្រាវរកមុខសញ្ញាមេខ្យល់នាំពលករចេញដោយមិនស្របច្បាប់ ក្នុងភូមិសាស្ត្ររបស់ខ្លួន ។ ជាក់ស្តែងនៅថ្ងៃទី ១៩ ខែមករា ឆ្នាំ ២០២២នេះនគរបាលវរ:៨១៩ សហការជាមួយកម្លាំងកងយោធពលខេមរភូមិន្ទ រួមទាំងគ្រូពេទ្យ បានចុះទទួលពលករខ្មែរឲ្យវិលត្រឡប់មកស្រុកវិញពីភាគីថៃ សរុបចំនួន ២៣៩នាក់ បញ្ជូនតាមច្រកតំបន់អូរអន្លក់ ក្នុងភូមិអូរអន្លក់ ឃុំតាសែន ស្រុកកំរៀង ខេត្តបាត់ដំបង។ ក្រោយការប្រគល់ទទួល មន្ត្រី ក៏ដូចជានគរបាលជំនាញបានអប់រំណែនាំពីវិធានការការពារការរាលឆ្លងនៃជំងឺកូវី-១៩ រួចក្រុមគ្រូពេទ្យពិនិត្យយកតេស្តជាលទ្ធផលរកឃើញវិជ្ជមានជំងឺកូវីដ-១៩ លើស្ត្រីម្នាក់ និងបានបញ្ជូនទៅកាន់មណ្ឌលព្យាបាល ស្រុកសំពៅលូន។ ដោយឡែកចំពោះពលករដែលមានកាតចាក់វ៉ាក់សាំងរួចចំនួន ១៩៥នាក់ បុរសចំនួន ៧៣នាក់ ស្ត្រីចំនួន ៧០នាក់ និងក្មេងចំនួន ៥២នាក់ ត្រូវបានក្រុមគ្រូពេទ្យអនុញ្ញាតអោយវិលត្រឡប់ទៅកាន់លំនៅឋានរៀងៗខ្លួនវិញ និងអ្នកនៅសេសសល់មិនទាន់បានទទួលការចាក់វ៉ាក់សាំង ត្រូវបានចាត់បញ្ជូនទៅធ្វើចត្តាឡីស័កនៅមណ្ឌលគីឡូ៩ ក្នុងស្រុកសំពៅលូន៕
