ភ្នំពេញ៖ នៅទីស្ដីការក្រសួងមហាផ្ទៃ នាព្រឹកថ្ងៃចន្ទ ទី១២ ខែធ្នូ ឆ្នាំ២០២២នេះ ឯកឧត្តម សក់ សេដ្ឋា រដ្ឋលេខាធិការប្រចាំការ ក្រសួងមហាផ្ទៃ បានអញ្ជើញជាអធិបតីដឹកនាំកិច្ចប្រជុំត្រួតពិនិត្យរថយន្តដែលស្នើសុំលើកលែងពន្ធនាំចូល ព្រមទាំងជម្រះបញ្ជីរថយន្តដែលខូចចាស់ទ្រុឌទ្រោមចេញពីបញ្ជីសារពើភណ្ឌរបស់ក្រសួងមហាផ្ទៃ ដោយមានការអញ្ជើញចូលរួមពីរដ្ឋលេខាធិការ អនុរដ្ឋលេខាធិការ អគ្គស្នងការនគបាលជាតិ ព្រមទាំងមន្ត្រីពាក់ព័ន្ធជាច្រើនរូបទៀត។ ឯកឧត្តម សក់ សេដ្ឋា រដ្ឋលេខាធិការប្រចាំការ បានប្រសាសន៍ថាកិច្ចប្រជុំនេះរៀបចំឡើងតបតាមការស្នើសុំរបស់ អគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ ក្នុងការដកចេញរថយន្តមួយចំនួនចេញពីការលើកលែងពន្ធនាំចូល និងដើម្បីជម្រះបញ្ជីរថយន្តដែលខូចចាស់ទ្រុឌទ្រោមចេញពីបញ្ជីសារពើភណ្ឌ និងបញ្ជូនរថយន្តដែលយកពីស្ថាប័នតុលាការ បញ្ជូនទៅឱ្យតុលាការវិញ។ នាឱកាសនោះដែរ ឯកឧត្តម សក់ សេដ្ឋា រដ្ឋលេខាធិការប្រចាំការ មានប្រសាសន៍ណែនាំដល់អង្គភាពនីមួយៗត្រូវរៀបចំឯកសារនៃរថយន្តនីមួយឱ្យបានច្បាស់លាស់ ដោយឡែកការជម្រះបញ្ជីរថយន្តដែលខូចចាស់ទ្រុឌទ្រោមចេញពីបញ្ជីសារពើភណ្ឌ ឯកឧត្តមបានណែនាំ ឱ្យអង្គភាពនីមួយៗដែលមានចំនួនរថយន្តខូចខាតលែងប្រើប្រាស់ ត្រូវបញ្ជូនព័ត៌មានទៅកាន់អគ្គនាយកដ្ឋានភស្តុភារ និង ហិរញ្ញវត្ថុ ក្រសួងមហាផ្ទៃ ដើម្បីពិនិត្យលទ្ធភាពក្នុងកាត់តួលេខរថយន្តទាំងនោះ ចេញពីក្នុងបញ្ជីភស្តុភារ៕ ដោយ៖ នាយកដ្ឋានព័ត៌មានវិទ្យា
រាជធានីភ្នំពេញ ៖ នៅរសៀលថ្ងៃព្រហស្បតិ៍ ៦កើត ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៥ ខែកក្កដា ឆ្នាំ២០២១ នេះ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងជាអនុប្រធានគណៈប្រតិបត្តិ នៃគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩ (គ.អ.ក) ទទួលបន្ទុកអនុគណៈកម្មការគ្រប់គ្រងច្រកទ្វារចេញ-ចូលប្រទេស និងធ្វើចត្តាឡីស័ក អញ្ជើញចូលរួមកិច្ចប្រជុំចង្អៀតគណៈប្រតិបត្តិ នៃគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩ (គ.អ.ក) ដើម្បីពិនិត្យ និងពិភាក្សាលើរបៀបវារៈចំនួន ២ រួមមាន ៖ ១-ការវាយតម្លៃសភាពការណ៍ និងការពិនិត្យលទ្ធភាពក្នុងការផ្លាស់ប្តូរយុទ្ធសាស្រ្ត ដើម្បីឆ្លើយតបទៅនឹងសភាពការណ៍វិវត្តន៍ថ្មី នៃការឆ្លងរាលដាលជំងឺកូវីដ-១៩ ២-ការងារផ្សេងៗ កិច្ចប្រជុំដ៏មានសារៈសំខាន់ខាងលើ ធ្វើឡើងតាមប្រព័ន្ធវីដេអូ (ZOOM) ក្រោមអធិបតីភាព ឯកឧត្តម ម៉ម ប៊ុនហេង រដ្ឋមន្រ្តីក្រសួងសុខាភិបាល និងជាប្រធានគណៈប្រត្តិបត្តិ នៃគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩ (គ.អ.ក) ៕
ទស្សនកិច្ចទិសឦសានជើងទី៦ លើតម្រាយផ្លូវខេត្តក្រចេះ មណ្ឌលគិរី រយៈពេលមួយយប់ពីរថ្ងៃ (១៩-២០) បានបញ្ចប់ដោយជោគជ័យ ពោពេញដោយក្តីរីករាយ ស្នាមញញឹម និងមោទនភាព ចំពោះរាជរដ្ឋាភិបាល ដែលបានស្ថាបនាផ្លូវក្រវាត់ព្រំដែន និងបោះបង្គោលព្រំដែនកម្ពុជា-វៀតណាម បានយ៉ាងត្រឹមត្រូវ និងរឹងមាំ។ ដំណើរទស្សនកិច្ចទិសឦសានជើងទី៦ ខេត្តក្រចេះ-មណ្ឌលគិរី នៅថ្ងៃទី១៩ និង២០ ខែតុលា ឆ្នាំ២០២៤ នេះ មានបងប្អូនប្រជាពលរដ្ឋសរុបជាង ២០០ នាក់ចូលរួម ដើម្បីស្វែងយល់ពីការពិតនៃកិច្ចការពារបូរណភាពទឹកដី និងអធិបតេយ្យភាពជាតិ។ ក្នុងនោះ ប្រជាពលរដ្ឋ បានទស្សនាច្រកទ្វារព្រំដែនអន្តរជាតិត្រពាំងស្រែ ស្រុកស្នួល ខេត្តក្រចេះ ផ្លូវក្រវាត់ព្រំដែន បង្គោលព្រំដែន ចំការ ដំណាំរបស់ប្រជាពលរដ្ឋ ការនេសាទត្រីតាមអូព្រំដែន ច្រកទ្វារព្រំដែនឡាប៉ាខេ ខេត្តមណ្ឌលគិរី និងបង្គោលព្រំដែនដាក់ដាំ ក្នុងស្រុកពេជ្រាដា ខេត្តមណ្ឌលគិរី មុននឹងធ្វើដំណើរវិលត្រឡប់មករាជធានីភ្នំពេញវិញ។ ក្រោយពីបញ្ចប់ដំណើរទស្សនកិច្ចនេះ ប្រជាពលរដ្ឋបានថ្លែងថា «លឺ១០០០ ដង មិនស្មើនឹងឃើញផ្ទាល់ភ្នែក ១ ដង» ហើយការភូតកុហក និងបំភ្លៃការពិតនៅលើបណ្តាញសង្គម គ្មានតម្លៃសម្រាប់ការជឿជាក់របស់គាត់នោះទេ។ ពួកគាត់ជឿជាក់លើរាជរដ្ឋាភិបាលកម្ពុជា ក្នុងការការពារបូរណភាពទឹកដី […]
