បច្ចេកវិទ្យា ព័ត៌មានថ្មីៗ

វិទ្យាស្ថានជាតិពហុបច្ចេកទេសអង្គរ ជ្រើសរើសសិស្សចូលរៀនជំនាញបច្ចេកទេសចំនួន៦០០នាក់

Posted on Author nmr Comments Off on វិទ្យាស្ថានជាតិពហុបច្ចេកទេសអង្គរ ជ្រើសរើសសិស្សចូលរៀនជំនាញបច្ចេកទេសចំនួន៦០០នាក់

សម្រាប់សិស្សនិស្សិតនៅខេត្តសៀមរាប ពេលនេះ វិទ្យាស្ថានជាតិពហុបច្ចេកទេសអង្គរ (NPIA) ប្រកាសទទួលពាក្យសម្រាប់ការសិក្សាជំនាញបច្ចេកទេស និងវិជ្ជាជីវៈ ដោយទទួលបានអាហារូបករណ៍១០០ភាគរយ ចំនួន ៦០០នាក់ ក្រោមកម្មវិធីបណ្តុះបណ្តាលសញ្ញាបត្របច្ចេកទេស និងវិជ្ជាជីវៈ១ ដល់យុវជនមកពីគ្រួសារក្រីក្រ និងងាយរងហានីភ័យ (១.៥លាននាក់)។

 

នាញដែលអាហារូបករណ៍ផ្តល់ជូនរួមមាន ៖ ការដំឡើងបណ្តាញអគ្គិសនីក្នុងអគារ ចំនួន១៥០នាក់, ការដំឡើងបណ្តាញបំពង់ទឹក ចំនួន ៦០នាក់, ការងារកំបោរ ចំនួន៦០នាក់, សេវាកម្មបរិក្ខាត្រជាក់ក្នុងគេហរដ្ឋាន ចំនួន ១២០នាក់, ការដំឡើង និងថែទាំកាមេរ៉ាសុវត្ថិភាព ចំនួន៦០នាក់, ការថែទាំ និងជួសជុលរថយន្តចំនួន ៩០នាក់ និងការថែទាំ និងជួសជុលអគ្គិសនីរថយន្តចំនួន ៦០នាក់។

លក្ខខណ្ឌនៃការជ្រើសរើស ៖ មានប័ណ្ណក្រីក្រ១ ឬក្រីក្រ២, ប័ណ្ណងាយរងហានិភ័យ។

 

សម្រាប់ព័ត៌មានបន្ថែម សូមទាក់ទងទៅកាន់ទូរស័ព្ទលេខ 070 37 31 67 / 012 70 09 11 ឬទៅកាន់វិទ្យាស្ថានដែលមានទីតាំងស្ថិតនៅតាមបណ្តោយផ្លូវវិថីសម្តេចវិបុលបញ្ញា សុខ អាន ៕

nmr

Related Articles
ព័ត៌មានថ្មីៗ

សម្តេចកិត្តិសង្គហបណ្ឌិត ម៉ែន សំអន អញ្ជើញប្រគេនទេយ្យទានជូនព្រះសង្ឃចំនួនបីវត្ត និងថ្វាយគ្រឿងសក្ការៈ ថ្វាយភ្លេងនៅចេតិយព្រះនាងក្រពុំឈូក ក្នុងខេត្តក្រចេះ NMR ក្រចេះ ថ្ងៃទី២១ ខែកញ្ញា ឆ្នាំ២០២៤–

Posted on Author nmr

នារសៀលថ្ងៃសៅរ៍ ៤រោច ខែភទ្របទ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២១ ខែកញ្ញា ឆ្នាំ២០២៤ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា អញ្ជើញជាអធិបតីពិធីប្រគេនទេយ្យទានជូនព្រះសង្ឃចំនួនបីវត្ត នៅវត្តព្រះវិហារធំសសរ១០០ វត្តវិហារគោក និងវត្តព្រះវិហារលាវ និងពិធីថ្វាយគ្រឿងសក្ការៈ ថ្វាយភ្លេងនៅចេតិយព្រះនាងក្រពុំឈូក ដោយមានការអញ្ជើញចូលរួមពីសំណាក់ ឯកឧត្តម វ៉ា ថន អភិបាលខេត្ត និងលោកជំទាវ ឯកឧត្តម ហឿ សុីយ៉ែម ប្រធានក្រុមប្រឹក្សាខេត្តក្រចេះ និងលោកជំទាវ ស្ថិតនៅវត្តព្រះវិហារធំសសរ១០០ ឃុំសំបូរ ស្រុកសំបូរ ខេត្តក្រចេះ។   រូបថត៖ រដ្ឋបាលខេត្តក្រចេះ ————
ជីវិតនិងសង្គម ព័ត៌មានជាតិ ព័ត៌មានថ្មីៗ

សិស្សានុសិស្សក្រីក្រ៣០នាក់ ជួបការលំបាក បានទទួលអំណោយពីអភិបាលខេត្តបន្ទាយមានជ័យ

Posted on Author nmr

បន្ទាយមានជ័យ៖ បន្ទាប់ពីមានការបង្ហោះលើបណ្តាញសង្គមពីការលំបាករបស់សិស្សានុសិស្សនៅសាលាបឋមសិក្សាគោកពន្លៃ ក្នុងឃុំចំណោម ស្រុកមង្គលបូរី នៅថ្ងៃទី២៦ ខែមករា ឆ្នាំ២០២២នេះ មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តបន្ទាយមានជ័យ បាននាំយកអំណោយរបស់ឯកឧត្តម អ៊ុំ រាត្រី អភិបាលខេត្ត ដើម្បីចែកជូនដល់សិស្សានុសិស្សក្រីក្រចំនួន៣០នាក់។ អំណោយដែលសិស្សានុិស្ស ក្នុង១នាក់ទទួលបាន៖ អង្ករ២៥គីឡូ, មី១កេស, ទឹកស៊ីអ៉ីវ១យួរ, ត្រីខ១០កំប៉ុង, ប្រេងឆា១លីត្រ, សំលៀកបំពាក់សិក្សា១ឈុត និងសម្ភារ:សិក្សា៤មុខ ហើយអាណាព្យាបាលសិស្សទាំង៣០នាក់ ជាគ្រួសារដែលមានប័ណ្ណសមធម៌ ដែលជាក្រុមក្នុងចំណោមគ្រួសារងាយរងហានិភ័យទទួលបានប្រាក់ឧបត្ថម្ភពីរាជរដ្ឋាភិបាល។
ជីវិតនិងសង្គម ព័ត៌មានថ្មីៗ

គណៈកម្មការរៀបចំពិព័រណ៍សៀវភៅកម្ពុជាលើកទី១០ រំពឹងថានឹងទទួលបានអ្នកចូលរួមក្នុង ពិព័រណ៍សៀវភៅនៅថ្ងៃទី១៤ រហូតដល់ ថ្ងៃទី១៧ ខែធ្នូ ខាងមុខនេះ ប្រហែលជា ១៨ម៉ឺននាក់

Posted on Author nmr

រាជធានីភ្នំពេញ៖ ពិព័រណ៍សៀវភៅកម្ពុជាលើកទី១០ ក្នុងឆ្នាំ២០២៣នេះ នឹងប្រារព្ធឡើងក្រោមប្រធានបទ «សរសេរចំណាន អានចំណាប់ ចាប់យកចំណេះ» ដែលនឹងប្រព្រឹត្តទៅចំនួនបួនថ្ងៃ ចាប់ពីថ្ងៃទី១៤ រហូតដល់ ថ្ងៃទី១៧ ខែធ្នូ ខាងមុខនេះ នៅសួនច្បារខាងមុខសាលាបុរីកោះពេជ្រ ចាប់ពីម៉ោង ៨:០០ព្រឹក ដល់ម៉ោង ៨:០០យប់។ សូមបញ្ជាក់ផងដែរថា ស្តង់ដែលមានក្នុងពិព័រណ៍សៀវភៅកម្ពុជាលើកទី១០ មានរហូតដល់ ២២៩ស្តង់ ដែលមានការចូលរួមពីគ្រឹះស្ថានបោះពុម្ពផ្សាយ និងអ្នកនិពន្ធល្បីៗជាច្រើន រហូតដល់ ១៥២ ស្ថាប័ន។ ចំណែកឯ ប្រភេទសៀវភៅមានគ្រប់ប្រភេទដែលបានដាក់តាំងលក់តាមស្ដង់នីមួយៗ មានដូចជា សៀវភៅបែបប្រលោមលោក សៀវភៅទស្សនវិជ្ជានិងចិត្តវិទ្យា សៀវភៅសម្រាប់កុមារ  សៀវភៅប្រវត្តិវិទ្យា និងភូមិវិទ្យា សៀវភៅទាក់ទងនឹងសាសនានិងសិល្បៈ ជាដើម។ អ្វីដែលកាន់តែពិសេសនោះ តាមស្ដង់នីមួយៗ នឹងមានការបញ្ចុះតម្លៃពិសេសរហូតដល់៥០% និងមានការចែកជូនសៀវភៅដោយឥតគិតថ្លៃ ព្រមទាំងកាដូពិសេសៗផងដែរ។ មិនតែប៉ុណ្ណោះ ពិព័រណ៍សៀវភៅកម្ពុជា ក៏បានរៀបចំសកម្មភាព លេងល្បែងកំសាន្តជាមួយនឹងអ្នកចូលរួមដើម្បីឈ្នះរង្វាន់ផ្សេងៗ ការប្រគំតន្ត្រី ដែលចូលរួមសម្ដែងដោយតារា ចម្រៀងល្បីៗ។ បន្ថែមពីលើនោះទៀត អ្នកចូលរួមអាចមកទិញសៀវភៅផង ជួបជាមួយអ្នកនិពន្ធផ្ទាល់ ជាវវត្ថុអនុស្សាវរីយ៍ជាមួយនឹងក្រុមការងារ និងបានថតរូបលេងកម្សាន្តផងដែរ។ ជាមួយគ្នានេះដែរគណៈកម្មការរៀបចំពិព័រណ៍សៀវភៅកម្ពុជាលើកទី១០ […]