ព័ត៌មានជាតិ ព័ត៌មានថ្មីៗ

ប្រជាពលរដ្ឋពីរនាក់កែច្នៃគ្រាប់បោកត្រីខុសបច្ចេកទេសបណ្តាលឱ្យផ្ទុះរបួសធ្ងន់ទាំងពីរនាក់

Posted on Author nmr Comments Off on ប្រជាពលរដ្ឋពីរនាក់កែច្នៃគ្រាប់បោកត្រីខុសបច្ចេកទេសបណ្តាលឱ្យផ្ទុះរបួសធ្ងន់ទាំងពីរនាក់

បាត់ដំបង: បុរសពីរនាក់បែកគំនិតកែច្នៃគ្រាប់យកទៅបោកត្រីខុសបច្ចេកទេសបណ្តាលឱ្យផ្ទុះរបួសធ្ងន់ កាលពីថ្ងៃទី២៥ ខែឧសភា ឆ្នាំ២០២២ ត្រង់ចំណុច ភូមិអូរតាតឹង ស្ថិតក្នុងឃុំសំឡូត ស្រុកសំឡូត ខេត្តបាត់ដំបង។ សមត្ថកិច្ចស្រុកសំឡូតបានអោយដឹងថាជនរងគ្រោះឈ្មោះមឿន ពិសិទ្ធ អាយុ២៨ឆ្នាំ រងរបួសដាច់កដៃខាងឆ្វេង និងឈ្មោះសុត សឿនអាយុ៦២ឆ្នាំ រងរបួសដៃ ជើងខាងស្តាំ ព្រមទាំងភ្នែកខាងឆ្វេង។ ទាំងពីរនាក់រស់នៅភូមិឃុំកើតហេតុខាងលើ។

លោកវរសេនីយ៍ទោ ម៉ែន រីម អធិការនគរបាលស្រុកសំឡូត បានអំពាវនាវដល់បងប្អូនប្រជាពលរដ្ឋនៅក្នុងមូលដ្ឋានទាំងអស់ ត្រូវបង្កើនការប្រុងប្រយ័ត្ន ពិសេសការកែច្នៃផាវបង្កជាគ្រឿងផ្ទុះខុសបច្ចេកទេស ដែលវាអាចបង្កការគ្រោះថ្នាក់ដល់អាយុជីវិត ឬទ្រព្យសម្បត្តិផ្សេងៗជាយថាហេតុបាន៕

nmr

Related Articles
ព័ត៌មានជាតិ

ឃាត់ខ្លួនក្រុមចោរជាបន្តបន្ទាប់ ខណៈដែលក្រុមទាំងអស់នោះបានធ្វើសកម្មភាពក្នុងមូលដ្ធាន

Posted on Author nmr

(បន្ទាយមានជ័យ)៖ កម្លាំងនគរបាលក្រុងប៉ោយប៉ែត ខេត្តបន្ទាយមានជ័យ បានបង្ក្រាបក្រុមចោរដែលតែងតែងធ្វើសកម្មភាពលួចសម្ភាររបស់ប្រជាពលរដ្ឋយ៉ាងសកម្មនៅក្នុងមូលដ្ឋាន ព្រមទាំងបង្កបញ្ហាអសន្តិសុខដល់ប្រជាពលរដ្ឋ។ ករណីបង្ក្រាបក្រុមចោរនេះ បានធ្វើឡើងក្រោមការណែនាំយកចិត្តទុកដាក់ពីលោកឧត្ដមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ អំពីបញ្ហាខាងលើក្រោមការដឹកនាំបញ្ជាផ្ទាល់ពីលោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត កម្លាំងការិយាល័យជំនាញបានចុះស្រាវជ្រាវ រហូតឈានដល់បំបែកសម្បុកក្រុមចោរទាំងនេះ និងបានឃាត់ខ្លួនជាបន្តបន្ទាប់។ សូមបញ្ជាក់ថា នៅវេលាថ្ងៃយប់ម៉ោង១២៖០០ថ្ងៃទី៣១ ខែកក្កដា ឆ្នាំ២០២១ កម្លាំងប៉ុស្តិ៍រដ្ឋបាលសង្កាត់ផ្សារកណ្តាល បានចុះយាមល្បាត ខណៈដល់ចំណុចផ្លូវបេតុងមុខវត្តផ្សារកណ្តាល ស្ថិតនៅក្នុងភូមិផ្សារកណ្តាល ក៏បានប្រទះជួបបុរសចំនួន០២នាក់ មានឈ្មោះ សៅ ពុំ ភេទប្រុស អាយុ២៨ឆ្នាំ និងឈ្មោះ យ៉ុន សារ៉ាត់ ភេទប្រុស អាយុ១៨ឆ្មាំ ដើរស្ពាយការ៉ុង គួរឱ្យសង្ស័យ សមត្ថកិច្ចក៏បានសួរនាំធ្វើការត្រួតពិនិត្យ ឃើញមានក្បាលរ៉ូមីណេទឹកកន្លះការ៉ុង។ តាមការសាកសួរជនសង្ស័យ បានឆ្លើយថាគេទាំង២ស្នាក់នៅភូមិផ្សារកណ្តាល ហើយបានធ្វើសកម្មភាពលួចយករបស់ប្រជាពលរដ្ឋនៅក្នុងផ្ទះ ដែលអត់មានមនុស្សស្នាក់នៅ ស្ថិតក្នុងភូមិគីឡូលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ លុះដល់ថ្ងៃទី០១ ខែសីហា ឆ្នាំ២០២១ នៅវេលាម៉ោង១១៖៣០នាទី យោងតាមចម្លើយសារភាពរបស់ជនទាំង២ ក៏បានឈានដល់ឃាត់ខ្លួនបក្ខពួក ចំនួន០៧នាក់បន្ថែមទៀត […]
ជីវិតនិងសង្គម ព័ត៌មានជាតិ ព័ត៌មានថ្មីៗ ព័ត៌មានអន្តរជាតិ

រុស្ស៊ីងាកទៅរកវិធីសាស្ត្រថ្មីក្នុងការបង្កប់ចារកម្ម និងភ្នាក់ងារក្រៅផ្លូវការ

Posted on Author nmr

ប្តីប្រពន្ធជនជាតិអាហ្សង់ទីនមួយគូដែលកំពុងរស់នៅក្នុងប្រទេសស្លូវេនី និងអ្នកថតរូបជនជាតិម៉ិកស៊ិកសញ្ជាតិក្រិកម្នាក់ ដែលកំពុងប្រកបរបរបើកហាងអំបោះនៅទីក្រុងអាថែន ព្រមទាំងជនជាតិប៊ុលហ្គារីបីនាក់ ត្រូវបានចាប់ខ្លួននៅអង់គ្លេស។ គួរកត់សម្គាល់ថា ក្នុងរយៈពេលមួយឆ្នាំកន្លងមកនេះ ប៉ូលិស និងសន្តិសុខនៅទូទាំងពិភពលោក បានចោទប្រកាន់មនុស្សជាច្រើនដែលរស់នៅក្នុងជីវិតសាមញ្ញ និងដែលគ្មានកំហុស ថាជាភ្នាក់ងារស៊ើបការណ៍សម្ងាត់របស់រុស្ស៊ី។ បន្ថែមលើនេះ មនុស្សជាច្រើនទៀតត្រូវបានចោទប្រកាន់ពីបទបញ្ជូនព័ត៌មានទៅឱ្យរុស្ស៊ី សូម្បីតែសន្តិសុខនៅស្ថានទូតអង់គ្លេសនៅទីក្រុងប៊ែរឡាំង ក៏ត្រូវបានកាត់ទោសឱ្យជាប់ពន្ធនាគាររយៈពេល ១៣ ឆ្នាំ។ មនុស្សរាប់សិបនាក់ក៏ត្រូវបានចាប់ខ្លួននៅក្នុងប្រទេសប៉ូឡូញ ដែលត្រូវបានចោទប្រកាន់ពីបទធ្វើការស៊ើបការណ៍សម្ងាត់ឱ្យរុស្ស៊ី។ ប្រភព៖ The Guardian
ព័ត៌មានថ្មីៗ

ប្រធានសភាពាណិជ្ជកម្មត្រកូលលីនពិភពលោក កោតសរសើរចំពោះការរីកចម្រើនយ៉ាងឆាប់រហ័សរបស់ព្រះរាជាណាចក្រកម្ពុជា និងបង្ហាញពីបំណងចង់បណ្តាក់ទុនវិនិយោគនៅកម្ពុជា

Posted on Author nmr

នារសៀល ថ្ងៃទី២៨ ខែឧសភា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោក Tan Sri Dato Lim Soon Peng ប្រធានសភាពាណិជ្ជកម្ម ត្រកូលលីនពិភពលោក និងគណៈប្រតិភូ ចូលជួបសម្តែងការគួរសម និងពិភាក្សាការងារ នៅវិមានសន្តិភាព។   ក្នុងឱកាសនៃជំនួប លោក Tan Sri Dato Lim Soon Peng បានថ្លែងអំណរគុណយ៉ាងជ្រាលជ្រៅចំពោះ សម្តេចធិបតី ដែលបានចំណាយពេលដ៏មមាញឹកអនុញ្ញាតឱ្យរូបលោក និងគណៈប្រតិភូ ចូលជួបសម្ដែងការគួរសម និងពិភាក្សាការងារ ព្រមទាំងបានគោរពជម្រាបជូនសម្ដេចធិបតីថា សភាពាណិជ្ជកម្មត្រកូលលីនពិភពលោក ជាសមាគមមិនរកប្រាក់ចំណេញ និងត្រូវបានបង្កើតឡើងក្នុងឆ្នាំ 2011។ លោកប្រធានគណៈប្រតិភូ ក៏បានសម្តែងនូវការអបអរសាទរ និងវាយតម្លៃខ្ពស់ចំពោះការអភិវឌ្ឍរីកចម្រើន យ៉ាងឆាប់រហ័សរបស់ព្រះរាជាណាចក្រកម្ពុជា ជាពិសេសការសម្រេចបាននូវកំណើនសេដ្ឋកិច្ចខ្ពស់ និងការរក្សាបាននូវសន្តិភាព និងស្ថិរភាពនយោបាយ ដែលផ្តល់នូវទំនុកចិត្តសម្រាប់ការវិនិយោគនៅកម្ពុជា។ បន្ថែមពីនេះ លោកប្រធានគណៈប្រតិភូ ក៏បានគោរពជម្រាបជូនសម្តេចធិបតីអំពីគោលបំណងនៃដំណើរទស្សនកិច្ចរបស់លោក និងគណៈប្រតិភូ គឺដើម្បីសិក្សាស្វែងយល់ឱ្យកាន់តែស៊ីជម្រៅបន្ថែមទៀតពីសក្តានុពលរបស់កម្ពុជាក្នុងការវិនិយោគលើវិស័យសំណង់ […]