ព័ត៌មានជាតិ ព័ត៌មានថ្មីៗ

អាជីវករទិញមាសនិងលក់មាសនៅផ្សារប៉ាហ៊ី ខេត្តប៉ៃលិន ទិញប៉ះចំមាសចោរលួចគេពីបាត់ដំបង ដឹងរឿងផ្អើលពេញផ្សារ

May 15, 2022 nmr Comments Off

ខេត្តប៉ៃលិន ៖ ប្រជាពលរដ្ឋនាំគ្នាផ្អើលឆោឡោពេញផ្សារ ខណ:ពេលឃើញក្រុមមន្ត្រីនគរបាលនាំជនសង្ស័យម្នាក់ ដែលបានលួចគ្រឿងអលង្ការពីខេត្តបាត់ដំបង យកទៅលក់ដូរនៅតូបមួយចំនួន ក្នុងផ្សារប៉ៃលិន។ បន្ទាប់ពីចាប់ឃាត់ខ្លួន កម្លាំងនគរបាលបាននាំជនសង្ស័យមកឱ្យចង្អុលបង្ហាញនៅកន្លែងតូបលក់មាស ស្រាប់តែអាជីវករលក់ដូរក្នុងផ្សារផ្អើលឆោឡោចោមរោមមើល បង្កឱ្យមានការភ្ញាក់ផ្អើលពេញផ្សារមើលតែម្តង។
ហេតុការណ៍នគរបាលនាំចោរជនជាតិថៃ ទៅចង្អុលបង្ហាញតូបលក់មាសអាជីវករក្នុងផ្សារសាមគ្គី ហៅប៉ាហ៊ីនេះ បានកើតឡើងនៅវេលាម៉ោង៣និង៣០នាទីរសៀល ថ្ងៃទី១៤ ខែឧសភា ឆ្នាំ២០២២ ស្ថិតក្នុងភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន។

ប្រភពព័ត៌មានពីនគរបាល បានឱ្យដឹងថា ៖ ជនសង្ស័យមានឈ្មោះ ថាវី ណងនុត ហៅមូ ភេទប្រុស អាយុ៤៦ឆ្នាំ ជនជាតិថៃ មានស្រុកកំណើតប្រទេសថៃ ធ្លាប់ជាប់ពន្ធនាគារចំនួន២ឆ្នាំ នៅប្រទេសថៃ ក្រោយចេញពីពន្ធនាគារក៏ឆ្លងដែនមកធ្វើសកម្មភាពលួចជាបន្តបន្ទាប់ នៅតាមព្រំដែនខេត្តបាត់ដំបង ។

ប្រភពដដែលបន្តទៀតថា ជនសង្ស័យរូបនេះ បានធ្វើសកម្មភាពលួចគាស់ផ្ទះយកទ្រព្យសម្បត្តិប្រជាពលរដ្ឋអស់ជាច្រើន ដូចជាគ្រឿងអលង្ការ គ្រឿងមាស គ្រឿងពេជ្រ និងគ្រឿងត្បូង ព្រមទាំងថវិកាយ៉ាងច្រើននៅស្រុករតនមណ្ឌល និងស្រុកបាណន់ ខេត្តបាត់ដំបង ហើយត្រូវសមត្ថកិច្ចចាប់ឃាត់ខ្លួន ដោយបន្ទាប់ពីសួរនាំ ជនសង្ស័យបានសារភាពថា រូបគេយករបស់ទាំងនោះ មកលក់ដូរនៅផ្សារសាមគ្គី ហៅប៉ាហ៊ី ទើបកម្លាំងនាំទៅឱ្យបង្ហាញនៅទីតាំងលក់មាស ឈានដល់សួរនាំអាជីវករបន្ថែមទៀត។
ប្រភពដដែលបានបញ្ជាក់ថា ៖ មានករណីលួចមានស្ថានទម្ងន់ទោស (គាស់ទម្លុះទម្លាយ) កាលពីថ្ងៃទី០៥ ខែឧសភា ឆ្នាំ២០២២ នៅចំណុចផ្ទះ លេខ៦០ ក្រុមទី០៧ ភូមិគរ ឃុំស្នឹង ស្រុកបាណន់ ខេត្តបាត់ដំបង ជនសង្ស័យខាងលើបានចុះទៅចង្អុលបង្ហាញទីតាំងផ្សារ ប៉ាហ៊ីតូប លេខ០៦E ដែលមានម្ចាស់ឈ្មោះ ច័ន្ទ ឡាវ និឡាវណ្ណ (ទទួលផលចោរកម្ម) ដោយមានការចូលរួមពីលោកមេភូមិប៉ាហ៊ីត្បូង និងកម្លាំងប៉ុស្តិ៍នគរបាល សង្កាត់ប៉ៃលិន។

ក្រោយបានពិនិត្យជាក់ស្តែង ឃើញមានចិញ្ជៀន (លោហៈធាតុពណ៌លឿង) ចំនួន០១វង់ និងគ្រឿងមួយចំនួនទៀត ដោយមិនដឹងទៅណា (ម្ចាស់តូបមិនព្រមឆ្លើយ)។ ចំណែកតូបមួយទៀត បានបិទទ្វារ។

ពាក់ព័ន្ធទៅនឹងបញ្ហាខាងលើនេះ រហូតដល់វេលាម៉ោង០៤និង៤០នាទីរសៀល ដោយបាននាំម្ចាស់តូបឈ្មោះ ច័ន្ទ ឡាវ និឡាវណ្ណ ភេទស្រី អាយុ២៩ឆ្នាំ មុខរបរអាជីវករ ទីលំនៅភូមិអូរតាពុកលើ សង្កាត់ប៉ៃលិន ក្រុងប៉ៃលិន ខេត្តប៉ៃលិន ទៅកាន់ការិយាល័យព្រហ្មទណ្ឌកម្រិតស្រាលនៃស្នងការនគរបាលខេត្តប៉ៃលិន ដើម្បីស្រង់សាវតាជាតិ និងបាននាំខ្លួនទៅការិយាល័យនគរបាលព្រហ្មទណ្ឌកម្រិតស្រាលខេត្តបាត់ដំបង ដើម្បីចាត់ការបន្តនីតិវិធី។

nmr

ជីវិតនិងសង្គម ព័ត៌មានជាតិ ព័ត៌មានថ្មីៗ ព័ត៌មាននយោបាយ

មន្ត្រីជាន់ខ្ពស់ក្រសួងយុត្តិធម៌ពិភាក្សាការងារជាមួយទូតសឹង្ហបុរីផ្តោតលេីវិស័យច្បាប់និងប្រព័ន្ធយុត្តិធម៌

June 27, 2022 nmr

ភ្នំពេញៈ ឯកឧត្តម ជិន ម៉ាលីន រដ្ឋលេខាធិការក្រសួងយុត្តិធម៌ បានជួបជាមួយលោកជំទាវ TEO Lay Cheng ឯកអគ្គរដ្ឋទូតសឹង្ហបុរីប្រចាំប្រទេសកម្ពុជា ដើម្បីពិភាក្សាលើកិច្ចសហប្រតិបត្តិការរវាងក្រសួងយុត្តិធម៌កម្ពុជានិងប្រទេសសឹង្ហបុរី ក្នុងវិស័យច្បាប់និងប្រព័ន្ធយុត្តិធម៌។ ជំនួបនេះ ធ្វេីឡេីងនៅនារសៀលថ្ងៃទី២៤ ខែមិថុនា ឆ្នាំ២០២២ ។ កិច្ចពិភាក្សានេះបានផ្តោតសំខាន់លើកិច្ចសហប្រតិបត្តិទ្វេភាគីរវាងក្រសួងយុត្តិធម៌កម្ពុជានិងប្រទេសសឹង្ហបុរីក្នុងវិស័យច្បាប់និងប្រព័ន្ធយុត្តិធម៌ ជាពិសេសកិច្ចសហប្រតិបត្តិការលើគម្រោងការដោះស្រាយវិវាទក្រៅប្រព័ន្ធតុលាការ។ ក្នុងជំនួបពិភាក្សានេះ លោកជំទាវឯកអគ្គរដ្ឋទូត បានអញ្ជើញ ឯកឧត្តម ជិន ម៉ាលីន ចូលរួមវគ្គបណ្តុះបណ្តាលស្តីពីភាពជាអ្នកដឹកនាំជាន់ខ្ពស់នៅសាលានយោបាយសាធារណ: Lee Kuan Yew (Lee Kuan Yew School of Public Policy) រយ:ពេល ៦ សប្តាហ៍ នៅប្រទេសសឹង្ហបុរី ពីពាក់កណ្តាលខែតុលា ដល់ចុងខែវិច្ឆិកា ខាងមុខនេះ។ ក្នុងរយ:ពេលនៃវគ្គបណ្តុះបណ្តាលនេះ លោកជំទាវឯកអគ្គរដ្ឋទូត ក៏នឹងរៀបចំឱ្យឯកឧត្តម ជិន ម៉ាលីន ជួបពិភាក្សាការងារជាមួយថ្នាក់ដឹកនាំនិងស្ថាប័នពាក់ព័ន្ធរបស់ប្រទេសសឹង្ហបុរី ដើម្បីស្វះស្វែងរកឱកាសក្នុងការសហការរវាងក្រសួងយុត្តិធម៌កម្ពុជានិងប្រទេសសឹង្ហបុរី។

ជីវិតនិងសង្គម ព័ត៌មានជាតិ ព័ត៌មានថ្មីៗ

សម្ដេចក្រឡាហោម ស ខេង អញ្ជើញជាព្រះរាជតំណាងដ៏ខ្ពង់ខ្ពស់ ព្រះមហាក្សត្រនៃព្រះរាជាណាចក្រកម្ពុជា ក្នុងពិធីបើកអនុសំវច្ឆរមហាសន្និបាតមន្ត្រីសង្ឃ ទូទាំងប្រទេស លើកទី៣០

December 12, 2022 nmr

នាព្រឹកថ្ងៃចន្ទ ទី១២ ខែធ្នូ ឆ្នាំ២០២២នេះ សម្ដេចក្រឡាហោម ស ខេង នាយករដ្ឋមន្ត្រីស្តីទី នៃរាជរដ្ឋាភិបាលកម្ពុជា បានអញ្ជើញជាព្រះរាជតំណាងដ៏ខ្ពង់ខ្ពស់របស់ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ក្នុងពិធីបើកអនុសំវច្ឆរមហាសន្និបាតមន្ត្រីសង្ឃ ទូទាំងប្រទេស លើកទី៣០ ប្រចាំឆ្នាំ២០២២ ដោយមានការយាង និមន្ត និងអញ្ជើញចូលរួមពីសម្ដេចព្រះមហាសង្ឃរាជទាំងពីរគណៈ សម្ដេចព្រះរាជាគណៈគ្រប់ឋានុក្រម ព្រះមេគណ ព្រះអនុគណ ព្រះចៅអធិការ ព្រះថេរានុត្ថេរៈ ថ្នាក់ដឹកនាំ សមាជិក សមាជិការព្រឹទ្ធសភា រដ្ឋសភា រាជរដ្ឋាភិបាល ថ្នាក់ដឹកនាំមន្រ្តីរាជការតាមបណ្ដាក្រសួង ស្ថាប័ន រាជធានី ខេត្ត តំណាងឯកអគ្គរាជទូត-រដ្ឋទូត ថ្នាក់ដឹកនាំបរិស័ទនៃសាសនាឥស្លាម គ្រឹះសាសនា និងភ្ញៀវកិត្តិយសជាតិ និងអន្តរជាតិប្រមាណ៤៥០អង្គ-នាក់។ ឯកឧត្តម ឈិត សុខុន រដ្ឋមន្រ្តីក្រសួងធម្មការ និងសាសនា បានមានប្រសាសន៍ថា ពិធីអនុសំវច្ចរមហាសន្និបាតនេះ នឹងប្រព្រឹត្តទៅរយៈពេល២ថ្ងៃ គឺពីថ្ងៃចន្ទ ទី១២ ដល់១៣ ខែធ្នូ ឆ្នាំ២០២២ ដើម្បីបូកសរុបសកម្មភាព […]

ព័ត៌មានថ្មីៗ

សមត្ថកិច្ចជំនាញបង្ក្រាបករណីជួញដូរគ្រឿងញៀនឆ្លងដែនចាប់ខ្លួនជនជាតិឡាវ២នាក់ និងរឹបអូសថ្នាំញៀនជិត៥គីឡូក្រាម

June 17, 2021 nmr

(ព្រះវិហារ)៖ សមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀន បានសហការជាមួយកម្លាំងនគរបាលខេត្តព្រះវិហារ បង្ក្រាបករណីជួញដូរគ្រឿងញៀនឆ្លងដែន ចាប់ខ្លួនជនជាតិឡាវ ២នាក់ និងរឹបអូសគ្រឿងញៀនជិត ៥ គីឡូក្រាម នៅព្រះវិហារ ការបង្ក្រាបនេះ អនុវត្តតាមបញ្ជានាយឧត្ដមសេនិយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងនាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់របស់ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន។ សមត្ថកិច្ចបញ្ជាក់ថា ការបង្ក្រាបនេះធ្វើឡើងនៅថ្ងៃទី១៦ ខែមិថុនា ឆ្នាំ២០២១ វេលាម៉ោង១០៖៣២នាទី កម្លាំងជំនាញ នៃមន្ទីរប្រឆាំងបទល្មើសគ្រឿងញៀន (ក១) ដឹកនាំដោយឧត្តមសេនីយ៍ទោ អ៊ិន សុង នាយករងមន្ទីរ មានការចូលរួមពីកម្លាំងជំនាញនៃស្នងការដ្ឋាននគរបាលខេត្តព្រះវិហារ កម្លាំងរបស់ប៉ុស្តិ៍កំពង់កំស្រឡៅនៃវរ:ការពារព្រំដែនលេខ១០៥ ព្រមទាំងមានការសម្របសម្រួលពីលោក ទី សុវិនថាល់ ព្រះរាជអាជ្ញា អយ្យការអមសាលាដំបូងខេត្តព្រះវិហារ បានបើកការស៊ើបអង្កេត ស្រាវជ្រាវ បង្ក្រាបករណីជួញដូរគ្រឿងញៀនឆ្លងដែន ចូលពីឡាវមកកម្ពុជាតាមផ្លូវទឹក នៅចំណុច ភូមិកំពង់ពោធិ៍ ឃុំកំពង់ស្រឡៅ១ ស្រុកឆែម ខេត្តព្រះវិហារ ។ ការបង្ក្រាបនេះសមត្ថកិច្ច ឃាត់ខ្លួនជនសង្ស័យ០២នាក់៖ ១៖ […]

Related Articles