នៅទីស្ដីការក្រសួងមហាផ្ទៃ នារសៀលថ្ងៃទី២៦ ខែកក្កដា ឆ្នាំ២០២១នេះ ក្រុមការងារឧក្រិដ្ឋកម្មឆ្លងដែន (SOMTC) កម្ពុជា ផែនការងារប្រឆាំងការជួញដូរមនុស្ស ចូលរួមកិច្ចប្រជុំកិច្ចប្រជុំឧក្រិដ្ឋកម្មឆ្លងដែនអាស៊ាន ស្ដីពីការប្រឆាំងការជួញដូរមនុស្ស លើកទី១៧ តាមរយៈប្រព័ន្ធវីដេអូ ហើយក្រុមការងារSOMTCកម្ពុជាចូលរួមកិច្ចប្រជុំនាថ្ងៃនេះ ដឹកនាំដោយលោកជំទាវ ឧត្តមសេនីយ៍ទោ រ៉ន សិរីលក្ខិណា សមាជិកក្រុមការងារSOMTCកម្ពុជា និងជាមន្ត្រីបង្គោលនៃផែនការងារ ដោយមានការចូលរួមពីមន្ត្រីជំនាញពាក់ព័ន្ធផងដែរ។ គួរបញ្ជាក់ថា កិច្ចប្រជុំក្រុមការងារលើកទី១៧នេះ គឺដឹកនាំដោយប្រទេសហ្វីលីពីន និងមានការចូលរួមពីតំណាងបណ្ដាប្រទេសអាស៊ាន។ ព្រមជាមួយនេះ កិច្ចប្រជុំនឹងរួមគ្នាពិនិត្យ ពិភាក្សាលើផែនការការងារសម្រាប់វិស័យនេះ និងការចែករំលែកបទពិសោធន៍លើការអនុវត្តការងារ បញ្ហាប្រឈមនាពេលកន្លងមក ដោយបណ្ដាប្រទេសអាស៊ានតាមការធ្វើបទបង្ហាញរយៈពេលខ្លីផងដែរ៕ ដោយ៖ នាយកដ្ឋានព័ត៌មានវិទ្យា
នៅល្ងាចថ្ងៃចន្ទ ១៣កើត ខែចេត្រ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី៣ ខែមេសា ឆ្នាំ២០២៣ នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានអញ្ជើញជួបជុំសំណេះសំណាល និងទទួលទានអាហារសាមគ្គីជាមួយមហាគ្រួសារកីឡាកម្ពុជាប្រមាណសរុបចំនួន ៤២៦៤ នាក់ នៅមជ្ឈមណ្ឌលកោះពេជ្រ។ ពិធីទទួលទានអាហារសាមគ្គីនាពេលនេះ ពិតជាមហាកិត្តិយសដ៏ឧត្តុង្គឧត្តមសម្រាប់មន្ត្រីកីឡា អាជ្ញាកណ្តាល-ចៅក្រម គ្រូបង្វឹក ព្រឹទ្ធាចារ្យកីឡា និងកីឡាករ កីឡាការិនី ដែលបានមកជួបជុំគ្នា និងមានភព្វសំណាងបានជួបផ្ទាល់ជាមួយសម្តេចតេជោនាយករដ្ឋមន្ត្រី មុនពិធីបុណ្យចូលឆ្នាំថ្មី និងមុនពេលការប្រកួតកីឡា SEA Games-ASEAN Para Games ឆ្នាំ២០២៣ នឹងខិតជិតមកដល់នាពេលឆាប់ៗនេះ ។ សម្តេចតេជោ ហ៊ុន សែន ពិតជារីករាយដែលមានឱកាសបានបងប្អូនកីឡាករកីឡាការិនីសារជាថ្មីម្ដងទៀត ក្រោមបរិយាកាសដ៏ស្រស់ស្រាយ និងសាមគ្គីភាពយ៉ាងកក់ក្តៅជាទីបំផុត។ សម្តេចតេជោ ហ៊ុន សែន បានថ្លែងថា ទោះបីកម្ពុជាបានឆ្លងកាត់សង្គ្រាម និងរបបប្រល័យពូជសាសន៍ តែពហុកីឡដ្ឋានជាតិអូឡាំពិក នៅតែអាចបម្រើដល់ការប្រកួតស៊ីហ្គេមនៅឆ្នាំ២០២៣នេះបានទៀត។ សម្តេចតេជោចាត់ទុកពហុកីឡដ្ឋានជាតិអូឡាំពិក ជាផ្លែឈើសម្រាប់កូនខ្មែរជំនាន់ […]
ស្ថានឯកអគ្គរាជទូតកម្ពុជាប្រចាំប្រទេសជប៉ុន បានរៀបចំព្រឹត្តិការណ៍ប្រកួតកីឡាបាល់ទាត់មិត្តភាពនៅទីក្រុងតូក្យូ ដើម្បី “អបអរសាទរពិធីបើកការដ្ឋានព្រែកជីកហ្វូណនតេជោ” ក្រោមអធិបតីភាព ឯកឧត្ដម ទុយ រី ឯកអគ្គរាជទូតកម្ពុជាប្រចាំជប៉ុន ដោយមានក្រុមកីឡាករបាល់ទាត់ខ្មែរចំនួន ៩ក្រុម បានចូលរួមប្រកួត និងមានការចូលរួមទស្សនាដ៏ច្រើនកុះករពីសំណាក់សហគមន៍ខ្មែរ កម្មសិក្សាការី-ពលករជំនាញខ្មែរ ដែលកំពុងរស់នៅ ធ្វើការ និងសិក្សាក្នុងប្រទេសជប៉ុន សរុបជាង ២០០នាក់ នៅថ្ងៃទី១៨ ខែសីហា ឆ្នាំ២០២៤ ម្សិលមិញនេះ។ ក្នុងឱកាសនោះ ឯកឧត្ដមឯកអគ្គរាជទូត បានថ្លែងអំណរគុណដល់ក្រុមកីឡាករខ្មែរ និងអ្នកចូលរួមទាំងអស់ដែលបានចំណាយពេលវេលាមកចូលរួមក្នុងព្រឹត្តិការណ៍ ដើម្បី “អបអរសាទរពិធីបើកការដ្ឋានព្រែកជីកហ្វូណនតេជោ” ដែលត្រូវបានបើកការដ្ឋាន ក្រោមអធិបតីភាពដ៏ខ្ពង់ខ្ពស់បំផុតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជណាចក្រកម្ពុជា កាលពីថ្ងៃទី០៥ ខែសីហា ឆ្នាំ២០២៤ ប្រកបដោយភាពជោគជ័យធំធេង និងជាទីមោទកភាពនៃព្រះរាជាណាចក្រកម្ពុជាដ៏រុងរឿង ដោយមានប្រជាពលរដ្ឋគ្រប់ជាន់ថ្នាក់ទាំងក្នុងនិងក្រៅប្រទេសបានគាំទ្រដោយស្មោះស្ម័គ្រ។ ឯកឧត្តមឯកអគ្គរាជទូត ក៏បានសង្កត់ធ្ងន់អំពីសារៈប្រយោជន៍នៃព្រែកជីកហ្វូណនតេជោ ដែលនឹងក្លាយជាមរតកដ៏មហាសាលជាប្រវត្តិសាស្ត្រ ក្រោយព្រែកជីកនេះ ត្រូវបានសាងសង់រួច ហើយពេលនោះវានឹងផ្តល់ប្រយោជន៍ដ៏សំខាន់ ដល់វិស័យជាច្រើន ជាពិសេស ការដឹកជញ្ជូន ការបង្កើតតំបន់ពាណិជ្ជកម្មនិងមជ្ឈមណ្ឌលភស្តុភារកម្ម អភិវឌ្ឍផែរណបថ្មីៗ ការអភិវឌ្ឍន៍កសិកម្ម ធារាសាស្ត្រ វារីវប្បកម្ម និងចិញ្ចឹមសត្វ […]
