ក្រោយពិធីបិទកិច្ចប្រជុំកំពូលអាស៊ានលើកទី៣៨ និងទី៣៩ ចាប់ពីថ្ងៃទី២៨ ខែតុលា នេះតទៅ កម្ពុជានឹងក្លាយជាប្រធានប្តូរវេនអាស៊ាន បន្តពីប្រទេសប្រ៊ុយណេដារ៉ូសាឡាម។ នេះជាលើកទី៣ហើយ ដែលកម្ពុជាបានធ្វើជាប្រធានអាស៊ាន និងជាម្ចាស់ផ្ទះកិច្ចប្រជុំកំពូលអាស៊ាន។ ក្នុងដំណើរជាង ២២ ឆ្នាំ ជាមួយអាស៊ាននេះ កម្ពុជាបានឆ្លងកាត់ និងកសាងសមិទ្ធផលសំខាន់ៗជាច្រើនជាមួយអាស៊ាន ជាពិសេសដំណើរការកសាងសហគមន៍ ជោគវាសនារួម ដែលកំពុងបោះជំហានទៅមុខរបស់អាស៊ាន។ ការទទួលបានភាពជាប្រធាននេះ មិនត្រឹមតែជាមោទកភាពរបស់កម្ពុជាប៉ុណ្ណោះទេ ប៉ុន្តែថែមទាំងបានឆ្លុះបញ្ចាំងឲ្យឃើញពីសមត្ថភាព និងតួនាទីដ៏សំខាន់របស់កម្ពុជាក្នុងតួនាទីដឹកនាំអង្គការតំបន់ដ៏សំខាន់មួយនេះ។
ខេត្តបាត់ដំបង ៖ ដោយអនុវត្តន៍តាមបទបញ្ជារបស់ លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង ជាប់ជាប្រចាំស្ដីពីការការពារសន្តិសុខតាមខ្សែបន្ទាត់ព្រំដែន កម្ពុជា-ថៃ ត្រួតពិនិត្យពលរដ្ឋឆ្លងដែន និងស្រាវជ្រាវរកមុខសញ្ញា មេខ្យល់នាំពលករចេញដោយមិនស្របច្បាប់ក្នុងភូមិសាស្ត្រ ក្រោមការបញ្ជាផ្ទាល់របស់លោកវរសេនីយ៍ឯក ម៉ង់ ស៊ី នៅថ្ងៃទី១៨ ខែធ្នូនេះ ។ នេះបើយោងតាមអគ្គស្នងការដ្ឋាននគរបាលជាតិបានបង្ហោះនៅថ្ងៃទី១៨ ខែធ្នូនេះ ដោយលោកបានចាត់កម្លាំងប៉ុស្តិ៍អូរអន្លក់សហការជាមួយកម្លាំងកងយោធពលខេរភូមិន្ទ និងក្រុមគ្រូពេទ្យ បានទទួលពលករវិលត្រឡប់មកស្រុកវិញ ដែលភាគីថៃបានបញ្ជូនមកតាមច្រកតំបន់អូរអន្លក់ ស្ថិតក្នុងភូមិអូរអន្លក់ ឃុំតាសែន ស្រុកកំរៀង ។ បន្ទាប់ពីសាកសួរ កត់ឈ្មោះ ចុះកំណត់ហេតុ និងអប់រំណែនាំអំពីវិធានការការពារការឆ្លងជំងឺកូវី-១៩រួច ពលករសរុបចំនួន១១១នាក់ (ស្រី៣២នាក់) ក្មេង១៦នាក់ (ស្រី៦នាក់) ក្រុមគ្រូពេទ្យធ្វើតេស្តរហ័ស ។ ជាលទ្ធផល អវិជ្ជមានកូវីដ-១៩ទាំងអស់ ។ បន្ទាប់មកពលករចំនួន៦៥នាក់ត្រូវបានបញ្ជូនទៅធ្វើចត្តាឡីស័កនៅមណ្ឌលគីឡូ៩ ស្រុកសំពៅលូន ។ ក្នុងនោះ ពលករដែលមានកាតចាក់វ៉ាក់សាំង ចំនួន៤៦នាក់ (ស្រី២២នាក់) ក្មេង១១នាក់(ស្រី៤នាក់) និងបានចាក់វ៉ាក់សាំងឲ្យក្មេងចាប់ពីអាយុ៦ឆ្នាំដល់១២ឆ្នាំ ចំនួន៦នាក់(ស្រី២នាក់) ត្រូវបានក្រុមគ្រូពេទ្យអនុញ្ញាតអោយត្រឡប់ទៅស្រុកកំណើតរៀងៗវិញ ៕
(ភ្នំពេញ)៖ រាជរដ្ឋាភិបាលកម្ពុជា បានចំណាយថវិកា ចំនួន៨២៣លានដុល្លារ ក្នុងគម្រោងថវិកាត្រៀមអន្ដរាគមន៍សរុបចំនួន១៦៦៤លានដុល្លារ ដើម្បីស្ដារសេដ្ឋកិច្ចឡើងវិញ ក្នុងឆ្នាំ២០២០កន្លងមក។ នេះបើតាមបញ្ជាក់ឲ្យដឹង ពីលោក វង្សី វិស្សុត រដ្ឋមន្រ្តីប្រតិភូ អមនាយករដ្ឋមន្រ្តី និងជារដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុ ក្នុងវេទិកាសាធារណៈ ស្តីពីគ្រប់គ្រងម៉ាក្រូសេដ្ឋកិច្ច និងច្បាប់ស្តីពីហិរញ្ញវត្ថុ សម្រាប់ការគ្រប់គ្រងឆ្នាំ២០២១ នាព្រឹកថ្ងៃទី២៧ ខែមករា ឆ្នាំ២០២១នេះ។ លោក វង្សី វិស្សុត បានបញ្ជាក់យ៉ាងដូច្នេះថា «យើងចាយអស់ប្រមាណ៩៦ភាគរយនៃច្បាប់ យើងបានផ្លាស់ប្ដូរ ការចំណាយបានល្អ តម្រង់ទិសទៅការទ្រទ្រង់ជីវភាពប្រជាជន សេដ្ឋកិច្ច ធុរកិច្ច និងការទប់ទល់ជំងឺកូវីដ-១៩ គឺយើងធ្វើបានល្អ […] អ្វីយើងគ្រោង១៦៦៤លានដុល្លារ ជាអន្ដរាគមន៍ យើងបានចាយអស់៨២៣លានដុល្លារ»។ លើសពីនោះទៀត លោក វង្សី វិស្សុត ក៏បានបញ្ជាក់ឲ្យដឹងផងដែរថា ក្នុងឆ្នាំ២០២០កន្លងទៅនេះ រាជរដ្ឋាភិបាលកម្ពុជា ប្រមូលចំណូលក្នុងស្រុក បានប្រមាណ៥,៧០០លានដុល្លារអាមេរិក សម្រេចក្នុងផែនការបាន៨៨ភាគរយ បើទោះបីជាជួបវិបត្ដិសេដ្ឋកិច្ច យ៉ាងណាក្ដីក៏ដោយ។ លោក វង្សី វិស្សុត បានបន្ដថា «អ្វីដែលយើងគ្រោង១០០ភាគរយ ជាចំណូលក្នុងស្រុក ឥឡូវរកចំណូលបាន៨៨ភាគរយហើយ […]
