Author: nmr

នៅព្រឹកថ្ងៃសៅរ៍ ១២រោច ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣១ ខែសីហា ឆ្នាំ២០២៤ នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អមដំណើរដោយឯកឧត្តមជាថ្នាក់ដឹកនាំ មន្ត្រីជំនាញក្រសួង អាជ្ញាធរទន្លេសាប គណៈកម្មាធិការជាតិទន្លេមេគង្គកម្ពុជា និងមន្ទីរធនធានទឹក និងឧតុនិយមខេត្តកណ្តាល រួមជាមួយឯកឧត្តម គួច ចំរើន អភិបាលនៃគណៈអភិបាលខេត្តកណ្តាល និងអាជ្ញាធរមូលដ្ឋានគ្រប់លំដាប់ថ្នាក់ បានចុះពិនិត្យវឌ្ឍនភាពគម្រោងការពារច្រាំងទន្លេបាសាក់ប្រវែង ១២០០ម៉ែត្រ ស្ថិតក្នុងភូមិសាស្ត្រសង្កាត់ព្រែកជ្រៃ ក្រុងសំពៅពូន ខេត្តកណ្តាល។ សូមជម្រាបថា ការប្រែប្រួលនៃចរន្តទឹក និងជម្រាបទឹកពីក្រោមដីបានបណ្តាលឱ្យមានការបាក់ស្រុតច្រាំងទន្លេជាបន្តបន្ទាប់។ នៅអំឡុងខែសីហា ឆ្នាំ២០១៩ ច្រាំងទន្លេបាសាក់នៅបរិវេណបង្គោលព្រំដែនលេខ២៤៥/៤(១)ត្រូវបានចរន្តទឹកហូរច្រោះបណ្តាលឱ្យបាក់ស្រុតខ្លាំង។ ក្នុងគោលបំណង ដើម្បីការពារបង្គោលព្រំដែន និងហេដ្ឋារចនាសម្ព័ន្ធនានានៅក្នុងតំបន់ ក្រសួងធនធានទឹក និងឧតុនិយមបានអនុវត្ដវិធានការបន្ទាន់ដោះស្រាយបញ្ហាទៅតាមផែនការកាត់បន្ថយការបាក់ច្រាំងទន្លេឱ្យបានជាអតិបរមា ដើម្បីការពារច្រាំងទន្លេ។ ឯកឧត្តមរដ្ឋមន្ត្រីបានបញ្ជាក់ឱ្យដឹងថា ក្រសួងធនធានទឹក និងឧតុនិយម ដោយមានការឯកភាពពីគណៈកម្មាធិការចម្រុះកិច្ចការព្រំដែន បានអនុវត្តការងារការពារច្រាំងទន្លេបាសាក់បរិវេណព្រំដែនលេខ២៤៥/៤(១) ប្រវែង ១២០០ ម៉ែត្រ ជាពីរដំណាក់កាលគឺ៖ ដំណាក់កាលទី១ នៅខែសីហា […]

ឯកឧត្តម ជិន ម៉ាលីន រដ្ឋលេខាធិការប្រចាំការ និងជាអ្នកនាំពាក្យក្រសួងយុត្តិធម៌៖ «សូមជម្រាបជូនសាធារណជនទាំងអស់ជ្រាបថា ក្នុងរយៈពេល ១ខែ គិតចាប់ពីថ្ងៃទី១ ដល់ថ្ងៃទី៣១ ខែសីហា ឆ្នាំ២០២៤ សាលាដំបូង និងអយ្យការអមសាលាដំបូងរាជធានី ខេត្ត បានទទួលចាត់ការលើសំណុំរឿងពាក់ព័ន្ធនឹងគ្រឿងញៀនសរុបចំនួន ៤៨០ ករណី ដែលក្នុងនោះ មានជនសង្ស័យចំនួន ១២៩៣ នាក់ និងត្រូវបានឃាត់ខ្លួនចំនួន ១០១៨ នាក់។ អ្នកនាំពាក្យក្រសួងយុត្តិធម៌ សូមថ្លែងអំណរគុណយ៉ាងជ្រាលជ្រៅដល់អាជ្ញាធរមានសមត្ថកិច្ច ព្រមទាំងសាលាដំបូង និងអយ្យការអមសាលាដំបូងរាជធានី ខេត្ត ដែលបានចាត់វិធានការក្នុងការអនុវត្តច្បាប់យ៉ាងម៉ឺងម៉ាត់ក្នុងសំណុំរឿងពាក់ព័ន្ធនឹងករណីគ្រឿងញៀន ប្រកបដោយការយកចិត្តទុកដាក់ និងស្មារតីទទួលខុសត្រូវខ្ពស់ ដើម្បីការការពារសន្តិសុខ និងសុវត្ថិភាពរបស់សង្គមជាតិ ព្រមទាំងភាពសុខសាន្តរបស់ប្រជាពលរដ្ឋ។ បន្ថែមពីនេះ ក្នុងនាមអ្នកនាំពាក្យក្រសួងយុត្តិធម៌ យើងខ្ញុំសូមអំពាវនាវដល់ប្រជាពលរដ្ឋទាំងអស់ចាកឆ្ងាយពីគ្រឿងញៀន ក៏ដូចជាចៀសវាងនូវរាល់សកម្មភាពទាំងឡាយណាដែលបង្កអន្តរាយដល់គ្រួសារ និងសង្គមជាតិ និងចូលរួមអនុវត្ត “៣កុំ ១រាយការណ៍” ដែលមានន័យថា “កុំពាក់ព័ន្ធ កុំអន្តរាគមន៍ កុំលើកលែងក្នុងបទល្មើសនានា និងជួយរាយការណ៍ពីបទល្មើសគ្រឿងញៀន និងបទល្មើសផ្សេងៗទៀត” ដែលកើតមាននៅមូលដ្ឋានរបស់ខ្លួនជូនដល់សមត្ថកិច្ច»៕

ឯកឧត្តម សុខ សូកេន រដ្ឋមន្ត្រីក្រសួង ទេសចរណ៍ អញ្ជើញជាអធិបតីក្នុងកម្មវិធី Pre-event នៃព្រឹត្តិការណ៍ Gumball 3000 Rally in Cambodia ដែលមានរថយន្តប្រណីតៗប្រមាណ៨០គ្រឿង ចូលរួមបើកបរសាកល្បងនៅអតីតអាកាសយានដ្ឋានអន្តរជាតិសៀមរាប ខេត្តសៀមរាប នាព្រឹកថ្ងៃទី០១ ខែកញ្ញា ឆ្នាំ២០២៤ ដោយមានការអញ្ជើញចូលរួមពីសំណាក់លោក ទៀ ស្យាម ស្ថាបនិកសមាគមវប្បធម៌រថយន្តកម្ពុជា និងឧកញ៉ា លាង ពៅ (ភីធើរ) អគ្គនាយកពហុពាណិជ្ជកម្មនៃក្រុមហ៊ុន ជីប ម៉ុង គ្រុប។ ក្នុងព្រឹត្តិការណ៍នេះដែរ ក៏មានការសម្ដែងទេពកោសល្យបើកបររថយន្តពីសំណាក់កញ្ញា លីអូណា កំពូលនារីប្រណាំងរថយន្តមកពីប្រទេសម៉ាឡេស៊ីផងដែរ។ រូបថត៖ ឃុត សៅ

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន នៃព្រះរាជាណាចក្រកម្ពុជា អំពាវនាវឱ្យបណ្តាប្រទេសជាសមាជិកវិទ្យាស្ថានអភិវឌ្ឍន៍ប្រព័ន្ធផ្សព្វផ្សាយសោតទស្សន៍អាស៊ីប៉ាស៊ីហ្វិក (AIBD) ចូលរួមជាមួយកម្ពុជាក្នុងយុទ្ធនាការប្រយុទ្ធប្រឆាំងនឹងព័ត៌មានក្លែងក្លាយ ដែលជាបញ្ហារួមរបស់តំបន់ និងបានអំពាវនាវឱ្យបណ្តាលប្រទេសជាសមាជិក ចូលរួមជាមួយកម្ពុជានៅក្នុងយុទ្ធនាការនេះ ដើម្បីរួមគ្នាលើកកម្ពស់ការយល់ដឹងរបស់ប្រជាពលរដ្ឋ។ គំនិតផ្តួចផ្តើមនេះត្រូវបានបង្ហាញនូវជំហរគាំទ្រ និងសាទរ។ ការបង្ហាញពីគំនិតផ្តួចផ្តើមលើការប្រយុទ្ធប្រឆាំងព័ត៌មានក្លែងក្លាយនៅក្នុងតំបន់នេះត្រូវបានធ្វើឡើងក្នុងអំឡុងពេលឯកឧត្តម នេត្រ ភក្រ្តា អញ្ជើញចូលរួមជាអធិបតីក្នុងពិធីបិទ”កិច្ចប្រជុំប្រចាំឆ្នាំលើកទី៤៩ និងមហាសន្និបាតលេីកទី២២ និងកិច្ចប្រជុំពាក់ព័ន្ធ” (49th Annual Gathering/22nd AIBD General Conference & Association Meetings) របស់វិទ្យាស្ថានអភិវឌ្ឍន៍ប្រព័ន្ធផ្សព្វផ្សាយសោតទស្សន៍អាស៊ីប៉ាស៊ីហ្វិក នៅរសៀលថ្ងៃទី០១ ខែកញ្ញា ឆ្នាំ២០២៤ នៅប្រទេសម៉ាឡេស៊ី។ ពិធីនេះមានការចូលរួមពីបណ្តាលប្រទេសសមាជិក១៩ផ្សេងគ្នា និងមានអ្នកចូលរួមប្រមាណ៦០រូប។ នៅក្នុងសុន្ទរកថាបិទ ឯកឧត្តមរដ្ឋមន្រ្តី បានជម្រាបជូនគណៈប្រតិភូដែលអញ្ជើញចូលរួម ពីគំនិតផ្តួចផ្តើមរបស់កម្ពុជាអំពីយុទ្ធនាការប្រយុទ្ធប្រឆាំងនឹងព័ត៌មានក្លែងក្លាយ ដែលជាបញ្ហារួមរបស់តំបន់ និងបានអំពាវនាវឱ្យបណ្តាប្រទេសជាសមាជិក ចូលរួមជាមួយកម្ពុជានៅក្នុងយុទ្ធនាការនេះ ដើម្បីរួមគ្នាលើកកម្ពស់ការយល់ដឹងរបស់ប្រជាពលរដ្ឋ។ គណៈប្រតិភូទាំងអស់ បានបង្ហាញនូវជំហរគាំទ្រ និងសាទរចំពោះគំនិតផ្តួចផ្តើមរបស់កម្ពុជា លើការរួមគ្នាប្រយុទ្ធប្រឆាំងនឹងព័ត៌មានក្លែងក្លាយ ដែលលើកឡើងដោយឯកឧត្តមរដ្ឋមន្រ្តី។ ជាមួយគ្នានេះ ឯកឧត្តមរដ្ឋមន្រ្តី ក៏បានគូសបញ្ជាក់ពីកិច្ចខិតខំប្រឹងប្រែងរបស់កម្ពុជា ចំពោះការប្រឆាំងនឹងព័ត៌មានក្លែងក្លាយ តាមរយៈការបង្កើតគណៈកម្មាធិការប្រយុទ្ធប្រឆាំងព័ត៌មានក្លែងក្លាយ និងគណៈកម្មការត្រួតពិនិត្យព័ត៌មានក្លែងក្លាយ។ […]

ទី១-ការងារខណ្ឌសីមានិងបោះបង្គោលព្រំដែន​ត្រូវផ្អែកលើផែនទីជាមូលដ្ឋានគឺផែនទីបូនខ្នាត ១/១០០ ០០០​​របស់ក្រុមភូមិសាស្ត្រឥណ្ឌូចិនបារាំងដែលសម្តេចព្រះ នរោត្តម​ សីហនុ​ បានយកទៅតម្កល់នៅអង្គការសហប្រជាជាតិក្នុងឆ្នាំ ១៩៦៤ ដែលត្រូវបានទទួលស្គាល់ជាអន្តរជាតិ ទី២-ឈរមូលដ្ឋាននិយាមការដែលបានកំណត់និងបរិយាយលម្អិតនៅក្នុងពិធីសាស្តីពីការបរិយាយខ្សែព្រំដែន និងបង្គោលព្រំដែនដែលប្រទេសទាំងបានឯកភាពគ្នា ទី៣-មុននឹងធ្វើការបោះបង្គោលព្រំដែននៅលើដីជាក់ស្តែង ត្រូវឆ្លងកាត់នីតិវិធីបច្ចេកទេសលម្អិតដែលធ្វើឡើងដោយក្រុមបច្ចេកទេសចម្រុះព្រំដែននៃភាគីទាំងពីរ ដោយមិនមានការលម្អៀងសូម្បីតែមួយមិល្លីម៉ែត្រឡើយ។ ដូច្នេះការដែលយកផែនទី​ google map ឬផែនទីដែលបានមកពីប្រភពផ្សេងៗមកបកស្រាយពីខ្សែបន្ទាត់ព្រំដែននិងការបោះបង្គោលព្រំដែន មិនត្រឹមត្រូវនិងមិនអាចយកជាការបានឡើយ។ សូម្បីបញ្ជាក់ថា កន្លងមក ប្រទេសមួយចំនួននៅលើពិភពលោករួមទាំងកម្ពុជាផងបានធ្វើការតវ៉ាទៅក្រុមហ៊ុន google អំពីការបង្ហោះផែនទីដែលមិនស្របនឹងផែនទីកំណត់ព្រំដែនរដ្ឋនៃប្រទេសទាំងនោះ។ ម្យ៉ាងទៀត, ក្នុងការងារកំណត់ព្រំដែនរវាងរដ្ឋនិងរដ្ឋ គេមិនអាចយកផែនទី google map មកធ្វើជាមូលដ្ឋានវាស់វែងខណ្ឌសីមានិងបោះបង្គោលព្រំដែនបានជាដាច់ខាត។ ដូច្នេះ សូមបងប្អូនកុំមានការយល់ច្រឡំ ជឿលើការបំភ្លៃរបស់បុគ្គលជ្រុលនិយមមួយក្តាប់តូច។ រូបភាពពីតំបន់ព្រំដែនក្នុងខេត្តត្បូងឃ្មុំ ក្រចេះ មណ្ឌលគិរី #ហ៊ុនម៉ាណែត #Hunmanet #កម្ពុជា #cambodia #សន្តិភាពនៅកម្ពុជា #Peaceincambodia #អង្គភាពអ្នកនាំពាក្យរាជរដ្ឋាភិបាល #rusg

ភ្នំពេញ)៖ គិតត្រឹមម៉ោង ៨យប់ថ្ងៃទី២៩ ខែសីហា ឆ្នាំ២០២៤នេះ យុទ្ធនាការជាតិនិយម ដើម្បីចូលរួម «មូលនិធិកសាងហេដ្ឋារចនាសម័្ពន្ធតាមព្រំដែន» បានកើនឡើងដល់ជាង២៥ម៉ឺននាក់ហើយ ក្នុងនោះគ្រាន់តែរយៈពេលមួយថ្ងៃនេះ (ថ្ងៃទី៤) មានប្រជាពលរដ្ឋជាង៧ម៉ឺននាក់បានចូលរួមបរិច្ចាគដោយស្ម័គ្រចិត្ត ខណៈថវិកាសរុបបានកើនឡើងដល់ជាង១១លានដុល្លារ។   នេះបើតាមតួលេខដែលបណ្តាញព័ត៌មាន Fresh News ទទួលបានពី មូលនិធិកសាងហេដ្ឋារចនាសម្ព័ន្ធតាមព្រំដែន នៅយប់ថ្ងៃទី២៩ ខែសីហា ឆ្នាំ២០២៤។   ថវិកា និងចំនួនសប្បុរសជន បានកើនឡើងយ៉ាងខ្លាំង នឹងនៅមានជាបន្តបន្ទាប់ទៀត។ យុទ្ធនាការជាតិនិយមមួយនេះ ទទួលបានការគាំទ្រយ៉ាងសម្បើមពីប្រជាពលរដ្ឋទូទាំងប្រទេស ដែលរឿងប្រវត្តិសាស្ត្រមួយរបស់កម្ពុជា។   សូមជំរាបថា សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា សម្រេចបង្កើត «មូលនិធិកសាងហេដ្ឋារចនាសម្ព័ន្ធតាមព្រំដែន» ក្នុងគោលបំណងដើម្បីកៀរគរថវិកាបន្ថែម សម្រាប់កសាងហេដ្ឋារចនាសម្ព័ន្ធតាមបណ្ដោយព្រំដែន ដោយផ្ដោតលើការកសាងផ្លូវក្រវាត់ព្រំដែន ព្រមទាំងបានផ្តល់ឱកាសឱ្យប្រជាពលរដ្ឋខ្មែរគ្រប់មជ្ឈដ្ឋាន ទាំងក្នុង និងក្រៅប្រទេស បានចូលរួមចំណែកដោយផ្ទាល់ជាមួយ រាជរដ្ឋាភិបាលនៅក្នុងបុព្វហេតុការពារ និងអភិវឌ្ឍជាតិ ក្នុងស្មារតីមហាសាមគ្គីជាតិខ្មែរ ដើម្បីថែរក្សា សុខសន្តិភាព អធិបតេយ្យ និងបូរណភាពទឹកដី ក៏ដូចជាការជំរុញការអភិវឌ្ឍ នៅតាមតំបន់ព្រំដែនឱ្យបានកាន់តែរឹងមាំ និងប្រកបដោយចីរភាព៕

កញ្ញា Andrea Rubio ជនជាតិវេនេស៊ុយអេឡា ដែលជាបវរកញ្ញាអន្តរជាតិឆ្នាំ២០២៣ (Miss International 2023) បានមកដល់ព្រលានយន្តហោះអន្តរជាតិភ្នំពេញ នៅល្ងាចថ្ងៃទី២៨ ខែសីហា ឆ្នាំ២០២៤ ដើម្បីចូលរួមជាភ្ញៀវកិត្តិយស ការប្រកួតបវរកញ្ញាកម្ពុជាឆ្នាំ២០២៤ (Miss Cambodia 2024) វគ្គផ្តាច់ព្រ័ត្រ។   កញ្ញា Andrea Rubio នឹងចូលរួមជាកិត្តិយស ការប្រកួត Miss Cambodia 2024 ដែលនឹងប្រព្រឹត្តឡើងចាប់ពីល្ងាចថ្ងៃទី៣០ ខែសីហា ឆ្នាំ២០២៤ នៅស្ថានីយ៍ទូរទស្សន៍ភីអិនអិន (ព្រែកព្នៅ)។   Miss International 2023 នឹងធ្វើដំណើរទស្សនកិច្ចតំបន់ទេសចរណ៍សំខាន់ៗ ជុំវិញរាជធានីភ្នំពេញ ដើម្បីបង្កើនអនុស្សាវីរយ៍ល្អៗ ភាពស្និទ្ធស្នាល និងឈ្វេងយល់ពីវប្បធម៌ អរិយធម៌ និងការរស់នៅរបស់ប្រជាជនកម្ពុជា រួមទាំងការថតបង្ហាញម៉ូដគ្រឿងពេជ្រដ៏ប្រណិតរបស់ហាងពេជ្រ CSNJ ផងដែរ។   រូបថត៖ ខឹម សុវណ្ណារ៉ា —

សមិទ្ធផលទេសចរណ៍ថ្មីសន្លាងមួយបន្ថែមទៀតដែលបំរើដល់វិស័យទេសចរណ៍ បន្ទាប់ពីឆ្នេរខ្សាច់កម្សាន្ត សួនកម្សាន្ត ពិសេសរូបសំណាកត្រីសេះសមុទ្របាញ់ទឹក គឺនាឡិកាធំ ហើយខ្ពស់ជាងគេក្នុងខេត្តកំពត ដែលមានមុខកាត់អង្កត់ផ្ចិតទំហំ ៩,៧ម៉ែត្រ និងមានកម្ពស់ ៣៥ម៉ែត្រ ត្រូវបានលើកបំពាក់មុខនាឡិកាហើយ នៅព្រឹកថ្ងៃទី២៩ ខែសីហា ឆ្នាំ២០២៤ ក្រោមការពិនិត្យដោយផ្ទាល់ពីសំណាក់ឯកឧត្ដមបណ្ឌិត ម៉ៅ ធនិន អភិបាល នៃគណៈអភិបាលខេត្តកំពត។   តាមការអោយដឹងពីមន្ត្រីជំនាញ បានឱ្យដឹងថា ការសាងសង់នាឡិកាខ្ពស់ ហើយធំជាងគេនេះនឹងរួចរាល់នៅក្នុងថ្ងៃនេះ។ មន្ត្រីជំនាញបានបន្តថា សមិទ្ធផលថ្មីនេះនឹងធ្វើឱ្យខេត្តកំពតកាន់តែមានភាពទាក់ទាញភ្ញៀវទេសចរ ឱ្យមកលេងកម្សាន្តក្នុងខេត្តកំពតកាន់តែច្រើន ដោយសារសំណង់នាឡិកានេះ គឺជាសមិទ្ធផលទេសចរណ៍ឯក (Unique) ថ្មីមួយបន្ថែមទៀតរបស់ខេត្ត ក៏ដូចជាកម្ពុជាទាំងមូល បន្ទាប់ពីរូបសំណាក់ត្រីសេះសមុទ្របាញ់ទឹក ដែលបាននិងកំពុងមានភាពល្បីល្បាញ។   សូមបញ្ជាក់ថា ក្រោមការដឹកនាំ និងកិច្ចចង្អុលការផ្ទាល់របស់ ឯកឧត្ដម ម៉ៅ ធនិន ខេត្តមានការអភិវឌ្ឍរីកចម្រើនយ៉ាងឆាប់រហ័ស ទាំងហេដ្ឋារចនាសម្ព័ន្ធផ្លូវក្នុងក្រុង ពិសេសឯកឧត្តមអភិបាលខេត្តបានចាត់ទុកវិស័យទេសចរណ៍ជាវិស័យចម្បង និងត្រូវអភិវឌ្ឍន៍មុនគេ។   ជាមួយគ្នានេះដែរ បើតាមប្រសាសន៍របស់ឯកឧត្តមអភិបាលខេត្តកាលពីពេលថ្មីៗនេះ បានបញ្ជាក់ថា នៅពេលខាងមុខខេត្តនឹងបង្កើតអោយមានឆ្នេរសមុទ្រកម្សាន្តមួយបន្ថែមទៀតបន្ទាប់ពីនាឡិកាខ្ពស់ និងធំជាងគេនេះ ហើយដើម្បីសម្រួលដល់ការកកស្ទះចរាចរណ៍ ក៏ដូចជាសម្រួលដល់ការធ្វើដំណើររបស់បងប្អូនប្រជាពលរដ្ឋ និងភ្ញៀវទេសចរ ខេត្តគ្រោងនឹងសាងសង់ស្ពានឆ្លងព្រែកកំពង់បាយមួយបន្ថែមទៀត៕ […]

ក្រសួងសេដ្ឋកិច្ច និងហិរញ្ញវត្ថុបានសម្រេចធ្វើកំណែទម្រង់ការលក់បណ្ណ និងកែទម្រង់់នីតិវិធីប្រតិបត្តិក្នុងការត្រួតពិនិត្យបណ្ណចូលទស្សនារមណីយដ្ឋានអង្គរឱ្យកាន់តែប្រសើរឡើង ចំនួន ៦ ចំណុច។ ក្នុងនោះ រួមមាន សម្រាប់បណ្ណទស្សនារយៈពេល ១ ថ្ងៃគឺ សម្រេចលុបចោលទាំងស្រុងនូវតម្រូវការព័ត៌មានរបស់ភ្ញៀវទេសចរ ព្រមទាំងកែសម្រួលប្រព័ន្ធត្រួតពិនិត្យដែលមានភាពសាំញ៉ាំមួយចំនួនទៀត។ ជុំវិញកំណែទម្រង់នេះ អ្នកនៅក្នុងវិស័យទេសចរណ៍ បានអបអរសាទរ និងមានការជឿជាក់ថា វិធានការនេះ នឹងជួយទាក់ទាញភ្ញៀវទេសចរអន្តរជាតិមកទស្សនារមណីយដ្ឋានអង្គរកាន់ច្រើនឡើងថែមទៀត។   ក្នុងកិច្ចប្រជុំក្រុមប្រឹក្សាភិបាលនៃគ្រឹះស្ថានអង្គរ អាណត្តិទី ៣ លើកទី ៤ នៅថ្ងៃទី ២៧ ខែ សីហា ឆ្នាំ២០២៤ ដឹកនាំដោយ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ដោយមានការអញ្ជើញចូលរួមពីឯកឧត្តម សុខ សូកេន រដ្ឋមន្ត្រីក្រសួងទេសចរណ៍។   អង្គប្រជុំ បានសម្រេចធ្វើកំណែទម្រង់ការលក់បណ្ណ និងនីតិវិធីប្រតិបត្តិក្នុងការត្រួតពិនិត្យបណ្ណចូលទស្សនារមណីយដ្ឋានអង្គរឱ្យ កាន់តែប្រសើរឡើង ចំនួន ៦ ចំណុច រួមមាន ទី១ សម្រាប់បណ្ណទស្សនារយៈពេល ១ថ្ងៃ គឺសម្រេចលុបចោលទាំងស្រុងនូវតម្រូវការព័ត៌មានរបស់ភ្ញៀវទេសចរដូចជា រូបថត, […]

ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានសហព័ន្ធកីឡាការ៉ាតេកម្ពុជា បានគូសបញ្ជាក់ថា លទ្ធផលល្អជាផ្លែផ្កានានាគួរជាទីមោទនៈកន្លងមកបានកើតចេញពីការឯកភាព និងសាមគ្គីភាពផ្ទៃក្នុងដ៏រឹងមាំក្នុងការដឹកនាំ និងការគ្រប់គ្រងប្រកបដោយប្រសិទ្ធភាពរបស់ថ្នាក់ដឹកនាំសហព័ន្ធកីឡាការ៉ាតេកម្ពុជា គួបផ្សំនឹងកិច្ចសហការយ៉ាងស្អិតរមួត ក្នុងចំណោមមហាគ្រួសារកីឡាការ៉ាតេកម្ពុជា។   នេះជាការលើកឡើង ក្នុងមហាសន្និបាតបញ្ចប់អាណត្តិទី៩ ឆ្នាំ ២០២០-២០២៤ និងបន្តអាណត្តិទី១០ ឆ្នាំ ២០២៤-២០២៨របស់សហព័ន្ធកីឡាការ៉ាតេកម្ពុជា នៅថ្ងៃទី២៩ ខែសីហា ឆ្នាំ២០២៤ នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC)។    

   សមាជិកសមាជិកា សាខាសមាគមសម្ព័ន្ធយុវជនដើម្បីសន្តិភាពខេត្តក្រចេះ ឱ្យបន្តស្រឡាញ់គាំទ្រ និងចូលរួមយ៉ាងផុសផុលចំពោះគម្រោងកិច្ចសហប្រតិបត្តិការតំបន់ត្រីកោណអភិវឌ្ឍន៍ និងស្មារតីរួមគ្នាកសាងហេដ្ឋារចនាសម្ព័ន្ធតាមបណ្តោយព្រុំដែនកម្ពុជា ជាមួយរាជរដ្ឋាភិបាលកម្ពុជា និងបន្តណែនាំលោកប្រធានសាខាខេត្ត សហការជាមួយមន្ទីព័ត៌មានខេត្ត រៀបចំវីដេអូ និងញ្ញតិគាំទ្រចេញពីចិត្ត ពីបេះដូងស្រឡាញ់គាំទ្ររបស់បងប្អូន និងលទ្ធភាពចលនាចូលរួមគាំទ្រថវិកាតិចច្រើនតាមទឹកចិត្ត ដើម្បីចូលរួមបំផុស និងកសាងហេដ្ឋារចនាសម្ព័ន្ធតាមណ្តោយព្រំដែន ជាចំណែកស្មារតីស្រលាញ់ជាតិ និងសន្តិភាព។

និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកចិត្របុរី និងឯកឧត្តម ទុយ ប៊ុនសេរីរ័ត្នមុនី អភិបាលរងខេត្ត និងជាប្រធានក្រុមការងារខេត្តចុះមូលដ្ឋានស្រុកចិត្របុរី អញ្ជើញជាអធិបតីភាពក្នុងវេទិការសាធារណ: ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាលកម្ពុជា ក្នុងឃុំកោះច្រែង ស្រុកចិត្របុរី ដើម្បីចុះជួបជាមួយប្រជាពលរដ្ឋ ដោះស្រាយបញ្ហាប្រឈម ក្តីទុក្ខកង្វល់ផ្សេងៗដែលបងប្អូនប្រជាពលរដ្ឋត្រូវបានស្នើសុំឱ្យអាជ្ញាធរជួយដោះស្រាយ ស្របតាមគោលការណ៍រាជរដ្ឋាភិបាល។ _____ #បណ្តាញយុវជនក្នុងវិស័យព័ត៌មាន៖ ចូលរួមផ្សព្វផ្សាយព័ត៌មានពិត ប្រឆាំងព័ត៌មានក្លែងក្លាយ ✅Telegram: https://t.me/MoiYouthni ✅TikTok: www.tiktok.com/@moiyouthni2024 ✅Page: https://www.facebook.com/profile.php?id=61558104266965&mibextid=LQQJ4d

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន អញ្ជើញជាអធិបតី កិច្ចប្រជុំពិភាក្សា និងពិគ្រោះយោបល់លើការគ្រប់គ្រងសណ្តាប់ធ្នាប់ការផ្សាយពាណិជ្ជកម្មគ្រឿងស្រវឹង និងផលិតផលប៉ះពាល់សុខភាពផ្សេងៗ រវាងក្រសួងព័ត៌មាន និងក្រុមហ៊ុន Marketing Solutions Asia, Ltd. (MSA) នាព្រឹកថ្ងៃទី២៨ ខែសីហា ឆ្នាំ២០២៤ នៅទីស្តីការក្រសួង រាជធានីភ្នំពេញ។   រូបថត៖ ខឹម សុវណ្ណារ៉ា ——

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន អនុញ្ញាតឱ្យលោក Jonathan Shen ប្រធានក្រុមហ៊ុន Shinework Pictures និងជាផលិតករប្រចាំនៅបុស្តិ៍ទូរទស្សន៍ចិន លេខ៦ រួមជាមួយសហការី ចូលជួបសម្តែងការគួរសម និងពិភាក្សាការងារ នារសៀលថ្ងៃទី២៨ ខែសីហា ឆ្នាំ២០២៤ នៅទីស្តីការក្រសួង រាជធានីភ្នំពេញ។   ក្នុងជំនួបនេះភាគីទាំងបានពិភាក្សាអំពីការបង្កើតកិច្ចសហប្រតិបត្តិការរវាងក្រសួងព័ត៌មាន និងបុស្តិ៍ទូរទស្សន៍ចិន លេខ៦ ដើម្បីជំរុញការផ្សព្វផ្សាយទេសចរណ៍ និងការផ្លាស់ប្តូរវប្បធម៌នៃប្រទេសទាំងពីរទៅក្នុងតំបន់ និងអន្តរជាតិ ជាពិសេសដើម្បីអបអរឆ្នាំនៃការផ្លាស់ប្តូរប្រជាជន និងប្រជាជនកម្ពុជា-ចិន ឆ្នាំ២០២៤ ។   រូបថត៖ ខឹម សុវណ្ណារ៉ា ——

ជាការកត់សម្គាល់ ក្នុងរយៈពេលចុងក្រោយនេះ ជាពិសេសចាប់តាំងពីដើមឆ្នាំ២០២៤ គេតែងសង្កេតឃើញក្រសួងរៀបចំដែនដី នគរូបនីយកម្ម និងសំណង់ ប្រកាសអញ្ជើញអតិថិជនដែលបានទិញលំនៅឋានរបស់គម្រោងអភិវឌ្ឍន៍ដែលមានបញ្ហាមកចូលរួមដោះស្រាយនៅក្នុងក្រសួង ហើយជាលទ្ធផល គម្រោងជាច្រើនត្រូវបានដោះស្រាយចប់សព្វគ្រប់ជាស្ថាពរ ហើយក្រសួងក៏បាន និងកំពុងបន្តដោះស្រាយបញ្ហាជាបន្តបន្ទាប់ចំពោះគម្រោងដែលមានបញ្ហាជាមួយអតិថិជន ។   ជាក់ស្ដែង នៅព្រឹកថ្ងៃទី២៦ ខែសីហា ឆ្នាំ២០២៤នេះ ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានអញ្ជើញចូលរួមក្នុងពីធីប្រគល់បណ្ណវិញ្ញាបនបត្រសម្គាល់ម្ចាស់អចលនវត្ថុ ជូនអតិថិជនបុរី វីធាយភី ខេត្តព្រះសីហនុ ដោយឯកឧត្តម បានលើកឡើងថា ៖ « ពួកយើងមកថ្ងៃនេះ ដើម្បីមកប្រគល់បណ្ណកម្មសិទ្ធិ ដែលជាទ្រព្យដ៏ថ្លៃថ្លាជូនបងប្អូន ដើម្បីផ្តល់នូវសុវត្ថិភាពផ្លូវច្បាប់ និងសន្តិភាពផ្លូវចិត្ត ក្នុងការកាន់កាប់អចលនទ្រព្យ»។    

ដោយក្ដីមេត្តាករុណា សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានចាត់ក្រុមគ្រូពេទ្យស្ម័គ្រចិត្តយុវជនសម្ដេចតេជោ (TYDA) និងក្រុមគ្រូពេទ្យនៃមន្ទីរពេទ្យកុមារជាតិ ពិនិត្យ ព្យាបាល និងតាមដានទារិកា លី ធីតា អាយុ ៨ខែ មកពីខេត្តកំពត ដែលមានបញ្ហាឆែបក្រអូមមាត់ និងរាគរូសធ្ងន់ធ្ងរតម្រូវឱ្យសម្រាកព្យាបាលនៅមន្ទីរពេទ្យ ។ បច្ចុប្បន្ន ទារិកាបានជាសះស្បើយពីជំងឺរាគរូសធ្ងន់ធ្ងរ ហើយត្រូវបានអនុញ្ញាតិអោយត្រលប់ទៅផ្ទះវិញ ដោយ សម្តេចមហាបវរធិបតី និងលោកជំទាវបណ្ឌិត រ៉ាប់រងលើការចំណាយលើការព្យាបាលទាំងអស់ ។ ទឹកចិត្តដ៏មហាសប្បុរសនេះ ធ្វើឱ្យក្រុមគ្រួសារមានក្តីរីករាយជាពន់ពេក និងគោរពថ្លែងអំណរគុណជូនចំពោះ សម្តេចធិបតី និងលោកជំទាវបណ្ឌិត ជាអនេក ៕

ដោយក្ដីមេត្តាករុណា សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានចាត់ក្រុមគ្រូពេទ្យស្ម័គ្រចិត្តយុវជនសម្ដេចតេជោ (TYDA) និងក្រុមគ្រូពេទ្យនៃមន្ទីរពេទ្យកុមារជាតិ ពិនិត្យ ព្យាបាល និងតាមដានទារិកា លី ធីតា អាយុ ៨ខែ មកពីខេត្តកំពត ដែលមានបញ្ហាឆែបក្រអូមមាត់ និងរាគរូសធ្ងន់ធ្ងរតម្រូវឱ្យសម្រាកព្យាបាលនៅមន្ទីរពេទ្យ ។   បច្ចុប្បន្ន ទារិកាបានជាសះស្បើយពីជំងឺរាគរូសធ្ងន់ធ្ងរ ហើយត្រូវបានអនុញ្ញាតិអោយត្រលប់ទៅផ្ទះវិញ ដោយ សម្តេចមហាបវរធិបតី និងលោកជំទាវបណ្ឌិត រ៉ាប់រងលើការចំណាយលើការព្យាបាលទាំងអស់ ។   ទឹកចិត្តដ៏មហាសប្បុរសនេះ ធ្វើឱ្យក្រុមគ្រួសារមានក្តីរីករាយជាពន់ពេក និងគោរពថ្លែងអំណរគុណជូនចំពោះ សម្តេចធិបតី និងលោកជំទាវបណ្ឌិត ជាអនេក ៕

   ខេត្តក្រចេះ ៖ នៅព្រឹកថ្ងៃទី២៨ ខែសីហា ឆ្នាំ២០២៤ ឯកឧត្តម សុខ ចាន់ភក្តី រដ្ឋលេខាធិការក្រសួងព័ត៌មាន អនុប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកចិត្របុរី សហការជាមួយរដ្ឋបាលខេត្ត អញ្ជើញចូលរួមជាអធិបតីភាព ក្នុងកម្មពិធីវេទិកាសាធារណៈ ដែលរៀបចំឡើងដោយរដ្ឋបាលស្រុកចិត្របុរី សម្រាប់ខែសីហា ។   កម្មវិធីបានប្រព្រឹត្តទៅនៅក្នុងបរិវេណសាលាឃុំកោះច្រែង ស្រុកចិត្របុរី ខេត្តក្រចេះ ដែលមានប្រជាពលរដ្ឋ និងមន្ត្រីចំណុះអោយខេត្ត ស្រុក ចូលរួមប្រមាណ២២៥ជាងនាក់។   ក្នុងឱកាសវេទិកានោះ បងប្អូនប្រជាពលរដ្ឋបានលើកជាបញ្ហា សំនួរ និងសំណូមពរ អំពីបញ្ហាប្រឈម ក្តីកង្វល់របស់ខ្លួនចំនួន១០ចំណុច និងចំនួន៩ចំណុច ឯកឧត្តម លោកលោកស្រី ជាថ្នាក់ដឹកនាំ បានឆ្លើយតប និងដោះស្រាយនៅនិងកន្លែង នៅសល់សំណូមពរ១ករណី មានផលប៉ះពាល់ខ្លាំងដែលមិនអាចដោះស្រាយជូនបានពាក់ព័ន្ធការពង្រីកផ្លូវចុងកោះ នឹងក្តីកង្វល់ សំណូមពរ និងសំណួររបស់ប្រជាពលរដ្ឋ ក្រុមការងារវេទិកាសាធារណ: ពិសេសឯកឧត្តមប្រធាន បានចាត់តាំងក្រុមការងារដោះស្រាយ, ពន្យល់បកស្រាយ និងឆ្លើយតបបានទាន់ពេលវេលាបានទាំង៩ករណី ជាលទ្ធផលបងប្អូនប្រជាពលរដ្ឋបានទះដៃអបអរសាទរទទួលយកដែលក្រុមការងារបានដោះស្រាយជូន។   បន្ទាប់ពីចប់កម្មពិធីវេទិកាសាធារណៈឯកឧត្តមប្រធានក្រុមការងារ បានចុះពិនិត្យបែបបទនីតិវិធីរដ្ឋបាលក្នុងការចែកប័ណ្ណកម្មសិទ្ធិដីធ្លីជូនប្រជាពលរដ្ឋនៅសាលាឃុំកោះច្រែងផងដែរ។   ប្រភព […]

លោកបណ្ឌិត គិន ភា ២៣៤ ៥៦៧រៀល, លោកឧត្តមសេនីយ៍ទោ ឈឿន សុចិត្ត និងភរិយា ៥លានរៀល, លោក តាំង សុខយី និងភរិយា ១០លានរៀល, ឯកឧត្តម សួន សុមាលីន និងលោកជំទាវ ១០លានរៀល, លោកឧត្តមសេនីយ៍ឯក ឆាង សុវណ្ណារិទ្ធ និងភរិយា ១លានរៀល, ឯកឧត្តម សំ ប្រជាមានិត ២លានរៀល, លោក យី យ៉េន ១លានរៀល, ឯកឧត្តម ស៊ូ ភិរិន្ទ ៤លានរៀល, ឯកឧត្តម ជីវ ចាន់តារា និងលោកជំទាវ ៤លានរៀល, ឯកឧត្តម ប៉េង ពោធិ៍សា និងលោកជំទាវ ១០លានរៀល, តារាចំរៀង ខាន់ ជែមស៍ ២០លានរៀល, ឯកឧត្តម ង៉ាន់ ភិរម្យ និងលោកជំទាវ […]

NMR ហុកកៃដូ ថ្ងៃទី២៧ ខែសីហា ឆ្នាំ២០២៤– ឯកឧត្ដម ទុយ រី ឯកអគ្គរាជទូតកម្ពុជា ប្រចាំប្រទេសជប៉ុន អមដំណើរដោយលោក កៅ និរោធន៍ អនុព័ន្ធការងារបានចុះសួរសុខទុក្ខពលករជំនាញខ្មែរ ដែលកំពុងបម្រើការងារនៅក្រុមហ៊ុន Hokkaido Green Partner ផ្នែកកសិកម្មដាំឆៃថាវ និងដាំផ្កាខាត់ណា (Broccoli) នៅស្រុក Toyoroko នៃកោះហុកកៃដូ ចំនួនសរុបប្រមាណ ៣០នាក់ នាថ្ងៃទី២៥ ខែសីហា ឆ្នាំ២០២៤ កន្លងទៅថ្មីៗនេះ។   ក្នុងឱកាសនោះ ឯកឧត្ដមឯកអគ្គរាជទូត មានការភ្ញាក់ផ្អើល និងត្រេកអរបំផុតដែលបានឃើញផ្ទាល់នូវសកម្មភាពការងារ ទិដ្ឋភាពជាក់ស្ដែងនៅកន្លែងការងារ នៅកោះដ៏ឆ្ងាយពីទីក្រុងតូក្យូមួយនេះ ដោយថៅកែជប៉ុនបានយកចិត្តទុកដាក់មើលថែទាំដ៏កក់ក្តៅ មិនត្រឹមតែប៉ុណ្ណោះ ម្ចាស់ក្រុមហ៊ុននេះអនុញ្ញាតឱ្យចាក់ចម្រៀងខ្មែរកំដរក្នុងពេលម៉ោងពួកគាត់កំពុងធ្វើការងារផងដែរ។ ឯកឧត្ដម បានថ្លែងអំណរគុណដល់ក្រុមហ៊ុន Hokkaido Green Partner ដែលបានជ្រើសរើសធនធានមនុស្សពីកម្ពុជា និងបានលើកទឹកចិត្តក្មួយៗពលករជំនាញខ្មែរដែលកំពុងតែបម្រើការងារទាំងអស់ ខិតខំក្រេបយកចំណេះជំនាញ តាំងពីពេលដាំរហូតដល់ការបញ្ចេញផលិតផលលក់លើទីផ្សារ ដើម្បីអាចប្រកបរបរចិញ្ចឹមជីវិតដោយខ្លួនឯងបាន ពេលវិលត្រលប់ទៅមាតុប្រទេសវិញ។   នៅថ្ងៃទី២៦ ខែសីហា ឆ្នាំ២០២៤ […]

១. លោកអ្នកឧកញ៉ា លី យ៉ុងផាត់ និងលោកជំទាវអ្នកឧកញ៉ា គីម ហ៊ាង ១លានដុល្លារ ២. អ្នកឧកញ៉ា សេង ញ៉ក់ និងជំទាវអ្នកឧកញ៉ា លី អាផណ ២០០លានរៀល ៣. ជំទាវអ្នកឧកញ៉ា លី ផៃលីន ២០០លានរៀល ៤. អ្នកឧកញ៉ា លី ឆូកឆៃ ២០០លានរៀល ៥. ឧកញ៉ា ភូ សេពីង និងជំទាវអ្នកឧកញ៉ា លី យ៉ាវឡាក់ ២០០លានរៀល ៦. អ្នកឧកញ៉ា លី ភូនរ៉ាត់ និងជំទាវអ្នកឧកញ៉ា លីវ ប៉ឆេង ២០០លានរៀល ៧. ឧកញ៉ា អន ប៊ុនហាក់ ២០,០០០,០០០៛ ៨. ឧកញ៉ា លន់ ពៅ ២,០០០,០០០៛ ៩. ជំទាវឧកញ៉ា តាំង […]

ឯកឧត្តម ឧត្តមនាវីឯក ទៀ សុខា មេបញ្ជាការរងកងទ័ពជើងទឹក និងជាអគ្គលេខាធិការរង នៃគណៈកម្មាធិការជាតិសន្តិសុខលម្ហសមុទ្រ បានដឹកនាំក្រុមរថយន្ត Off-Road ក្រុមយុវជន ក១៥៧ និងក្រុមយុវជនជាង២០០នាក់ មានរថយន្ត Off-Road ៣០គ្រឿង ធ្វើដំណើរតាមក្រវាត់ព្រំដែនភូមិភាគឦសាន ដើម្បីចូលរួមផ្សព្វផ្សាយពីសក្តានុពលធនធានធម្មជាតិខេត្តចំនួន៤ គឺខេត្តក្រចេះ មណ្ឌលគីរី រតនៈគីរី និងខេត្តស្ទឹងត្រែង ។   ឯកឧត្តម ឧត្តមនាវីឯក ទៀ សុខា មានប្រសាសន៍ថា ការធ្វើដំណើរនេះ តាមអនុសាសន៍សម្តេចធិបតី យើងគួរតែធ្វើដំណើរទេសចរតាមក្រវាត់ព្រំដែន ៤ខេត្តភូមិភាគឦសាន ហើយគឺជាលើកទី២ពីមុនមិនដែលធ្វើដំណើរតាមក្រវាត់ព្រំដែនបែបនេះទេ តែពេលនេះយើងបានជួបជុំគ្នាច្រើនពីខេត្តក្រចេះ មណ្ឌលគីរី រតនគីរី ស្ទឹងត្រែង ឃើញថាស្ថានភាពខ្សែបន្ទាត់ព្រំដែនមានភាពអ៊ូអរ និងតំបន់ទេសចរមួយចំនួនក៏អ៊ូអរដូចគ្នា ជាមួយនឹងទេសភាពបៃតងខ្ចី។    

កីឡាករវាយកូនគោលជាប់ជាបេក្ខភាពពេញសិទ្ធិចំនួន៤រូប និងបំរ៉ុងចំនួន ២រូបចូលរួមក្នុងព្រឹត្តិការណ៍Asia Development Tour ដែលកម្ពុជាទទួលធ្វើជាម្ចាស់ផ្ទះលើកដំបូងនៅលើទឹកដីអង្គរ ខេត្តសៀមរាប ចុង ខែ កញ្ញា ឆ្នាំ២០២៤ បានរកឃើញហើយ នាព្រឹកថ្ងៃទី២៧ ខែ សីហា ឆ្នាំ២០២៤ បន្ទាប់ពីប្រកួតជម្រុះអស់រយៈពេល ២ថ្ងៃនៅទីលានកីឡាវាយកូនគោលហ្គ្រេន ភ្នំពេញ។   ឯកឧត្តម ហាប់ អូម៉ាលី អគ្គលេខាធិការរង សហព័ន្ធកីឡាវាយកូនគោលកម្ពុជា បានថ្លែងគូសបញ្ជាក់ថា ការប្រកួតជម្រុះដែលសហព័ន្ធកីឡាវាយកូនគោលកម្ពុជាបានរៀបចំឡើងរយៈពេល២ថ្ងៃនេះ មានកីឡាករចូលរួមចំនួន១៣រូប។    

នៅវិមានរដ្ឋសភា នាព្រឹកថ្ងៃទី២៦ ខែសីហា ឆ្នាំ២០២៤ ឯកឧត្តម សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃរដ្ឋសភា(គណៈកម្មការទី៥) និងជាអនុប្រធានប្រចាំការអនុគណៈកម្មការប្រតិបត្តិ ដើម្បីរៀបចំសម័យប្រជុំពេញអង្គលើកទី១១ នៃសភាអន្តរជាតិដើម្បីភាពអត់ឱន និងសន្តិភាព(IPTP) បានអញ្ជើញដឹកនាំកិច្ចប្រជុំដើម្បីពិនិត្យវឌ្ឍនភាពការងាររបស់អនុគណៈកម្មការប្រតិបត្តិ នៃគណៈកម្មការដឹកនាំ និងរៀបចំសម័យប្រជុំពេញអង្គលើកទី១១ នៃសភាអន្តរជាតិដើម្បីភាពអត់ឱន និងសន្តិភាព(IPTP) ដែលរដ្ឋសភាកម្ពុជាត្រៀមធ្វើម្ចាស់ផ្ទះរៀបចំកិច្ចប្រជុំនៅខែវិច្ឆិកា ឆ្នាំ២០២៤ ខាងមុខនេះ។   កិច្ចប្រជុំនេះ មានការអញ្ជើញចូលរួមពីឯកឧត្តម លោកជំទាវ ជាសមាជិក សមាជិកាព្រឹទ្ធសភា ឯកឧត្តម អង្គ វង្ស វឌ្ឍានា ប្រធានអនុគណៈកម្មការខ្លឹមសារ និងឯកសារ ឯកឧត្តម ឈាង វុន ប្រធានអនុគណៈកម្មការហិរញ្ញវត្ថុ ផ្គត់ផ្គង់ និងភស្តុភារ លោកជំទាវ និន សាផុន ប្រធានអនុគណៈកម្មការឡូជីស្ទីក ពិធីការ និងបដិសណ្ឋារកិច្ច ឯកឧត្តម ទី សុគន្ធ ប្រធានអនុគណៈកម្មការព័ត៌មាន ផ្សព្វផ្សាយ និងព័ត៌មានវិទ្យា ឯកឧត្តម កែប […]

នៅក្នុងសេចក្ដីថ្លែងការណ៍ពិសេសស្ដីពី «សមិទ្ធផលរយៈពេល១ឆ្នាំ របស់រដ្ឋាភិបាល នីតិកាលទី៧កាលពីរាត្រីថ្ងៃទី២២ សីហា ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានណែនាំ បានលើកឡើងពាក់ព័ន្ធនឹងបញ្ហាកន្លងមក ដែលមានរវាងប្រជាពលរដ្ឋ និងអាជ្ញាធរការពាររមណីយដ្ឋាន និងការគ្រប់គ្រងតំបន់អង្គរ ។   សម្ដេចធិបតី ហ៊ុន ម៉ាណែត បានជូនដំណឹងដល់បងប្អូនប្រជាពលរដ្ឋរស់នៅក្នុងតំបន់ការពាររមណីយដ្ឋានអង្គរថា សម្ដេច បានប្រគល់ការងារជូនឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ដើម្បីដឹកនាំពិភាក្សាជាមួយគ្រប់ភាគីពាក់ព័ន្ធ សំដៅបន្តស្វែងរកដំណោះស្រាយបញ្ហាសេសសល់ ដែលអាចរក្សាតុល្យភាព រវាងការថែរក្សា និងអភិរក្សនូវសម្បត្តិ បេតិកភណ្ឌដូនតាយើង ជាមួយនឹងវឌ្ឍនភាព នៃជីវភាពរស់នៅ របស់ប្រជាពលរដ្ឋឈានទៅរកការលុបបំបាត់នៃបញ្ហ និងទំនាស់នានា ដែលកើតមានឡើងជារឿយៗរវាងប្រជាពលរដ្ឋ និងអាជ្ញាធរជាតិអប្សរា ជាយូរមកហើយនោះ ។    

ការប្រកួតកីឡាយុទ្ធគុនចម្រុះខ្មែរបុរាណពានរង្វាន់ សម្តេច ធបតី ហ៊ុន ម៉ាណែត លើកទី១ គ្រោងដំណើរការប្រកួតចាប់ពីថ្ងៃទី១៨ ដល់ថ្ងៃទី២០ ខែ តុលា ឆ្នាំ២០២៤ នៅក្នុងវិមានកីឡានៃពហុកីឡដ្ឋានជាតិអូឡាំពិក។   ឯកឧត្តម វ៉ាត់ ចំរើន រដ្ឋលេខាធិការ ក្រសួងអប់រំយុវជន និងកីឡា និងជា អគ្គលេខាធិការ គណៈកម្មាធិការជាតិអូឡាំពិកកម្ពុជា បានថ្លែងគូសញ្ជាក់ថា ការប្រកួតនេះបានរៀបចំឡើង ដើម្បីចូលរួមការពារ និងលើកស្ទួយក្បាច់គុនបុរាណខ្មែរយើង។   ឯកឧត្តម បានពន្យល់ថា ការប្រកួតនេះ បានរៀបចំឡើងផ្តោតលើការយកចិត្តទុកដាក់បង្កើនស្មារតីចូលរួមរបស់យុទ្ធគុនទាំងអស់មានល្បុក្កតោ យុទ្ធគុនខម គុនចម្រុះខ្មែរ និងគុនខ្មែរ ដោយមិនសំដៅលើលាភសក្ការៈនោះឡើយ។ ប៉ុន្តែនៅក្នុងនោះ សម្រាប់ម្ចាស់ជ័យលាភីតាមវិញ្ញាសានីមួយៗ គឺទទួលបានប្រាក់រង្វាន់មិនខ្ពស់ពេកហើយក៏មិនទៀបពេក ផ្តល់ជូនសមរម្យអាចទទួលយកបាន។    

ឯកឧត្ដម អ៊ុន ចាន់ដា អភិបាលខេត្តកំពង់ចាម កាលពីថ្ងៃទី២៥ ខែសីហាឆ្នាំ២០២៤បានគូសបញ្ជាក់អំពីសមិទ្ធផល លើវិស័យអប់់រំរបស់ខេត្តកំពង់ចាមក្រោមការដឹកនាំរបស់សម្តេចតេជោ ហ៊ុន សែន អតីតនាយករដ្ឋមន្រ្តីនិងបន្តដឹកនាំ ដោយសម្ដេចធិបតី ហ៊ុន ម៉ាណែត និងក្រោមដំបូលសន្តិភាព។ឯកឧត្តមបញ្ជាក់ថា បច្ចុប្បន្នខេត្តមានគ្រឹះស្ថានសិក្សាចំនួន ៥៤២កន្លែង ,ឃុំ-សង្កាត់មួយមាន អនុវិទ្យាល័យមួយកន្លែងចំនួន ១០៨ឃុំ-សង្កាត់ លើ១០៩ឃុំសង្កាត់ ស្មើនឹង៩៩ភាគរយ ។   ការបញ្ជាក់នេះនៅក្នុងពិធីសម្ពោធអគារសិក្សាមួយខ្នង កម្ពស់ពីរជាន់ មាន១០បន្ទប់ នៅវិទ្យាល័យល្វា ក្នុងឃុំល្វា ស្រុកព្រៃឈរ ខេត្តកំពង់ចាម ដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជានិងលោក ជំទាវបណ្ឌិត ក្រោមអធិបតីភាពឯកឧត្តមឧត្តម សេនីយ៍ឯក ហ៊ុន ម៉ានិត តំណាងដ៏ខ្ពង់ខ្ពស់សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា។    

ប្រតិភូ និងអត្តពលិកកីឡាតេក្វាន់ដូ ITF កម្ពុជា ដែលដឹកនាំផ្ទាល់ដោយទេសរដ្ឋមន្ដ្រី កែវ រ៉េមី ប្រធានសហព័ន្ធកីឡាតេក្វាន់ដូ ITF កម្ពុជា បានត្រឡប់មកដល់មាតុភូមិវិញហើយ នៅព្រឹកថ្ងៃទី២៦ ខែសីហា ឆ្នាំ២០២៤ ក្រោយបញ្ចប់បេសកកម្មដ៏ជោគជ័យក្នុងការប្រកួតកីឡាតេក្វាន់ដូ ITF ជ្រើសរើសជើងឯកអាស៊ី លើកទី១០ នៅប្រទេសឥណ្ឌា រយៈពេលជាង ១សប្ដាហ៍កន្លងមក។ គួរដឹងថា កម្ពុជាបានបញ្ជូនប្រតិភូ មន្ដ្រីអាជ្ញាកណ្ដាល គ្រូបង្វឹក គ្រូជំនួយ និងកីឡាករ-កីឡាការិនីសរុប ២៧នាក់ ចូលរួមព្រឹត្តិការណ៍ប្រចាំទ្វីបខាងលើ ចាប់ពីថ្ងៃទី១៩-២៥ ខែសីហាកន្លងទៅ។ ជាលទ្ធផលកម្ពុជាដណ្ដើមបានមេដាយសរុប ២៤គ្រឿង រួមមានមេដាយមាស ៣ មេដាយប្រាក់ ៧ និងមេដាយសំរឹទ្ធ ១៤គ្រឿង។ នេះគឺជាសមិទ្ធផលដ៏ល្អប្រសើរមួយ សម្រាប់សហព័ន្ធដែលបានបញ្ជូនអត្តពលិកវ័យក្មេងជាច្រើនចូលរួម។

ក្នុងគោលបំណងដើម្បីកៀរគរថវិកាបន្ថែមសម្រាប់ កសាងហេដ្ឋារចនាសម្ព័ន្ធនានានៅតាមបណ្តោយព្រំដែន ព្រមទាំងបានផ្តល់ឱកាសឱ្យ ប្រជាពលរដ្ឋខ្មែរគ្រប់មជ្ឈដ្ឋាន ទាំងក្នុង និងក្រៅប្រទេស បានចូលរួមចំណែកដោយផ្ទាល់ជាមួយ រាជរដ្ឋាភិបាលនៅក្នុងបុព្វហេតុការពារ និង អភិវឌ្ឍជាតិ ក្នុងស្មារតីមហាសាមគ្គីជាតិខ្មែរ ដើម្បីថែរក្សា សុខសន្តិភាព អធិបតេយ្យ និងបូរណភាពទឹកដី ក៏ដូចជាការជំរុញការអភិវឌ្ឍ នៅតាមតំបន់ព្រំដែនឱ្យបានកាន់តែរឹងមាំ និងប្រកបដោយចីរភាព។ សម្រាប់ការចូលរួមជាសាច់ប្រាក់ សូមទាក់ទង ឯកឧត្តម សេង ទៀង នាយករងខុទ្ទកាល័យ សម្តេចធិបតីនាយករដ្ឋមន្ត្រី ទូរស័ព្ទលេខ 012 961 971 ទីតាំង៖ នៅទីស្តីការគណៈរដ្ឋមន្ត្រី ” អគារជាប់ផ្លូវកម្ពុជាក្រោម បន្ទប់លេខ ២០៦ ជាន់ទី២ ” ចំពោះការបរិច្ចាគតាមរយៈគណនីធនាគារដូចខាងក្រោម៖ ឈ្មោះគណនី៖ “Foundation for Border Infrastructure Development” លេខគណនីធនាគារទាំង៦​ រួមមាន៖ ១ ⁃ ធនាគារកាណាឌីយ៉ា “Canadia Bank” ៖ 1341325012 (KHR) , […]

ឯកឧត្តម ហ៊ុន ម៉ានី ប្រធាន សហភាពសហព័ន្ធយុវជនកម្ពុជា បានអញ្ជើញជាអធិបតីក្នុងពិធី បើកសិក្ខាសាលាផ្សព្វផ្សាយ “ឯកសារទស្សនាទានសហភាពសហព័ន្ធយុវជនកម្ពុជា ២.០ (UYFC 2.0)” នៅសាលសន្និសីទសណ្ឋាគារសុខាភ្នំពេញ។ អញ្ជើញមានវត្តមាននាឱកាសនោះរួមមាន ឯកឧត្តម លោកជំទាវ អនុប្រធានស.ស.យ.ក. ឯកឧត្តម លោកជំទាវ សមាជិក សមាជិកាគណៈអចិន្ត្រៃយ៍ ឯកឧត្តម លោកជំទាវ លោក លោកស្រី សមាជិក សមាជិកា គណៈកម្មាធិការកណ្តាល ព្រមទាំង សមាជិកស.ស.យ.ក. ចំណុះនាយកដ្ឋាន អង្គភាពចំណុះគណៈកម្មាធិការកណ្តាលប្រមាណ ៨០០នាក់ នាព្រឹកថ្ងៃទី២៤ ខែសីហា ឆ្នាំ២០២៤ ។   ជាកិច្ចចាប់ផ្តើម លោកជំទាវ ដាំ ដារីនី អនុប្រធានសហភាពសហព័ន្ធយុវជនកម្ពុជា និងជាប្រធានក្រុមដឹងនាំរៀបចំសេចក្តីព្រាងឯកសារទស្សនាទាន UYFC 2.0 បានគូសបញ្ជាក់ថា UYFC 2.0 ត្រូវបានរៀបចំឡើងក្នុងគោលបំណងផ្សព្វផ្សាយព្រមទាំងផ្តល់វេទិកា ដើម្បីចូលរួមជាផ្នែកមួយក្នុងការកែប្រែសហភាពសហព័ន្ធយុវជនកម្ពុជា ទៅជាស្ថាប័នដែលមានតែគុណតម្លៃស្របតាមបរិបទនៃការវិវត្តសេដ្ឋកិច្ច និងសង្គមកិច្ច ដើម្បីបន្តបេសកកម្មរបស់ខ្លួនក្នុងបុព្វហេតុដ៏ត្រឹមត្រូវនៃការប្រមូលផ្តុំធនធានយុវជនសម្រាប់ប្រទេសកម្ពុជា និងមានទិសដៅសម្រួច និងពង្រឹង […]