ជីវិតនិងសង្គម ព័ត៌មានជាតិ ព័ត៌មានថ្មីៗ

លោក ថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រីថៃ និងលោកស្រី យីងឡាក់ បានបង្ហាញវត្តមាននៅក្នុងពិធីខួបកំណើតសម្តេចតេជោ ហ៊ុន សែន

Posted on Author nmr Comments Off on លោក ថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រីថៃ និងលោកស្រី យីងឡាក់ បានបង្ហាញវត្តមាននៅក្នុងពិធីខួបកំណើតសម្តេចតេជោ ហ៊ុន សែន

ភ្នំពេញ ៖ លោក ថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រីថៃ និងលោកស្រី យីងឡាក់ បានបង្ហាញវត្តមាននៅក្នុងពិធីខួបកំណើតរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។
សម្តេចតេជោ ហ៊ុន សែន បានថ្លែងប្រាប់អោយដឹងថា លោក ថាក់ស៊ីន និងលោកស្រី យីងឡាក់ បានស្នាក់នៅភូមិគ្រឹះសម្តេចតេជោនាក្រុងតាខ្មៅមួយយប់។ លុះព្រឹកឡើងបន្ទាប់ពីស្រស់ស្រូបអាហារពេលព្រឹកជាមួយសម្តេចតេជោហើយនោះ លោក ថាក់ស៊ីន និងលោកស្រី យីងឡាក់ បានហោះចេញពីកម្ពុជា។
តាមរយៈវីដេអូកាត់នំខួបកំណើតដែលសម្តេចតេជោបង្ហោះលើ TikTok គេបានសង្កេតឃើញមានការចូលរួមពីក្រុមគ្រួសារ។ បន្ថែមពីលើនោះ គេបានឃើញវត្តមានលោក ថាក់ស៊ីន និងលោកស្រី យីងឡាក់ នៅក្នុងពិធីនោះផងដែរ។

       

nmr

Related Articles
ព័ត៌មានថ្មីៗ

ប្រមុខរាជរដ្ធាភិបាល ណែនាំស្ថាប័នរដ្ឋ ត្រូវចេះសន្សំសំចៃការប្រើប្រាស់ថាមពលអគ្គិសនី និងទឹក

Posted on Author nmr

(ភ្នំពេញ)៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅព្រឹកថ្ងៃទី០១ ខែកុម្ភៈ ឆ្នាំ២០២១នេះ បានណែនាំទៅកាន់ប្រធានអង្គភាព ស្ថាប័នរដ្ឋទាំងអស់ ត្រូវយកចិត្តទុកដាក់សន្សំសំចៃលើការប្រើប្រាស់ថាមពលអគ្គិសនី និងទឹកជាដើម ដើម្បីកាត់បន្ថយការចំណាយ និងរក្សាថាមពលឲ្យប្រើប្រាស់នៅកន្លែងផ្សេងៗបានច្រើន។ ក្នុងឱកាសអញ្ជើញបើកការដ្ឋានសាងសង់រោងចក្រប្រព្រឹត្តកម្មទឹក ស្អាតបាក់ខែង និងពិធីសម្ពោធដាក់ឲ្យដំណើរការជាផ្លូវការ រោងចក្រប្រព្រឹត្តកម្មទឹកស្អាតចម្ការមន សម្ដេចតេជោ ហ៊ុន សែន បានគូសបញ្ជាក់ទៀតថា ក្រសួង ស្ថាប័នរដ្ឋ មិនគួរគម្បីបើកម៉ាស៉ីនត្រជាក់ខ្លាំងពេកនោះ ពោលប្រសិនបើកខ្លាំងថាមពលអគ្គិសនីក៏អស់ច្រើនដែរ ហើយពេលចេញក្រៅ ឬមិនចាំបាច់ត្រូវបិទភ្លើងដូចគ្នាផងដែរ។ សម្ដេចតេជោ ហ៊ុន សែន បានមានប្រសាសន៍យ៉ាងដូច្នេះថា «ឥលូវនេះយើងគម្បីសន្សំសំចៃទៅលើការប្រើប្រាស់ទាំងអគ្គិសនីក្ដី ទាំងទឹកក្ដី កុំខ្ចះខ្ចាយ កុំមើលស្រាល មិនថាគ្រួសារទេ ពិសេសស្ថាប័នរដ្ឋត្រូវតែប្រយ័ត្នប្រយែងទៅលើការប្រើប្រាស់អគ្គិសនី […] ដើម្បីកាត់បន្ថយការប្រើប្រាស់ភ្លើងបាន កុំបើកម៉ាស៉ីនត្រជាក់ខ្លាំងពេក ហើយពេលចេញពីធ្វើការត្រូវបិទម៉ាស៉ីនត្រជាក់ និងបិទភ្លើង»។ សម្ដេចតេជោនាយករដ្ឋមន្ដ្រី ក៏បានលើកឡើងអំពីក្រសួងមួយចំនួន ដែលប្រើប្រាស់សូឡាដោយយកពន្លឺព្រះអាទិត្យ បំលែងទៅជាថាមពលអគ្គិសនី រួមមាន ក្រសួងបរិស្ថាន, ក្រសួងសាធារណការ និងដឹកជញ្ជូន និងក្រសួងឧស្សាហកម្ម បច្ចេកវិទ្យា និងនវានុវត្ត (កំពុងដំណើរការសាងសង់។ សម្ដេចតេជោថា ការនេះគឺជារឿងល្អ […]
ជីវិតនិងសង្គម ព័ត៌មានជាតិ ព័ត៌មានថ្មីៗ ព័ត៌មាននយោបាយ

សម្ដេចក្រឡាហោម ស ខេង អញ្ជើញជាអធិបតីក្នុងពិធីបញ្ចុះខណ្ឌសីមាឆ្លងព្រះវិហារ និងសម្ពោធសមិទ្ធផលនានានៅវត្តបឹងដោល ខេត្តព្រៃវែង

Posted on Author nmr

នាព្រឹកថ្ងៃពុធ ទី៣១ ខែឧសភា ឆ្នាំ២០២៣នេះ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង និងបាត់ដំបង បានអញ្ជើញជាអធិបតីដ៏ខ្ពង់ខ្ពស់ក្នុងពិធីបញ្ចុះខណ្ឌសីមា ឆ្លងព្រះវិហារ និងសម្ពោធសមិទ្ធផលនានានៅវត្តបឹងដោល ស្ថិតក្នុងភូមិបឹងដោល ឃុំបឹងដោល ស្រុកព្រះស្តេច ខេត្តព្រៃវែង។ លោក ភុន សម្ផស្ស អភិបាល នៃគណៈអភិបាលស្រុកព្រះស្ដេច បានធ្វើរបាយការណ៍គោរពជូនអង្គពិធីឱ្យដឹងថា វត្តបឹងដោល ស្ថិតនៅភូមិបឹងដោល បានកសាងឡើងក្នុងរជ្ជកាលព្រះបាទនរោត្តម នៅឆ្នាំ១៨៩០ ស្ថិតលើដីទួលចាស់មួយកន្លែងដែលមានទំហំជិត ២ហិចតា ដោយចាស់ព្រឹទ្ធាចារ្យ និងពុទ្ធបរិស័ទ មន្ត្រីរាជការសម័យនោះ ដោយមាន ភិក្ខុ ព្រះនាម ចឺម ជាអ្នកដឹកនាំកសាងដំបូង។ បន្តមកទៀត នៅឆ្នាំ១៩៧៥ របបកម្ពុជាប្រជាធិបតេយ្យ ប៉ុល ពត វត្តនេះត្រូវបានពួកខ្មែរក្រហម យកធ្វើជាកន្លែងផ្សំថ្នាំឱសថបុរាណ រហូតក្រោយថ្ងៃរំដោះ ៧ មករា ១៩៧៩ អាជ្ញាធរ ចាស់ព្រឹទ្ធាចារ្យ និងពុទ្ធបរិស័ទក៏រៀបចំបង្កើតឡើងវិញនៅឆ្នាំ១៩៨៥ ដោយបាននិមន្តភិក្ខុព្រះនាម ពូនង ប៊ុនម៉េង […]
ព័ត៌មានថ្មីៗ

សម្តេចប្រធានរដ្ឋសភា៖ គណបក្សប្រជាជនកម្ពុជា នៅរួមសុខ រួមទុក្ខជាមួយប្រជាជនក្នុងគ្រប់កាលៈទេសៈ, “គណបក្សប្រជាជនកម្ពុជា កើតចេញពីប្រជាជន ដើម្បីប្រជាជន និងសម្រាប់ប្រជាជន

Posted on Author nmr

សម្តេច ហេង សំរិន ប្រធានរដ្ឋសភា បានឱ្យដឹងនៅក្នុងផេកហ្វេសប៊ុក នៅព្រឹកថ្ងៃទី២៨ ខែមិថុនា ឆ្នាំ២០២១នេះថា អបអរសាទរខួបលើកទី៧០ឆ្នាំ ថ្ងៃបង្កើតគណបក្សប្រជាជនកម្ពុជា ថ្ងៃទី២៨ ខែមិថុនា ឆ្នាំ២០២១នេះ ជាទិវាគម្រប់ខួបលើកទី៧០ នៃថ្ងៃបង្កើតគណបក្សប្រជាជនកម្ពុជាដែលមាន ឈ្មោះដើមបក្សប្រជាជនបដិវត្តន៍ខ្មែរ ។ គណបក្សប្រជាជនកម្ពុជា មានប្រភពកើតចេញពីចលនាតស៊ូស្នេហាជាតិ ប្រឆាំងរបបអាណានិគមនិយមបារាំងដើម្បីឯករាជ្យជាតិ ។ នៅក្នុងរយៈពេល ៧០ឆ្នាំមកនេះ យើងបានខិតខំ តស៊ូ លះបង់ និងចូលរួមយ៉ាងសកម្មនៅក្នុងការបម្រើ ការពារ និងអភិវឌ្ឍប្រទេសជាតិ ដោយបានឆ្លងកាត់ឧបសគ្គរាប់រយជំពូក។ គណបក្សប្រជាជនកម្ពុជា បានដឹកនាំចលនាតស៊ូប្រឆាំងរបបអាណានិគមនិយមដើម្បីឯករាជ្យជាតិ បន្ទាប់មកពីឆ្នាំ ១៩៥៣ ដល់ឆ្នាំ ១៩៧០ បានចូលរួមយ៉ាងសកម្មក្នុងការការពារឯករាជ្យ សន្តិភាព និងអធិបតេយ្យជាតិ ។ គណបក្សបានបន្តធ្វើការតស៊ូ ដើម្បីរំដោះជាតិពីការឈ្លានពានរបស់បរទេស ពីភ្លើងសង្គ្រាមឆ្នាំ១៩៧០-១៩៧៥ និងបានរំដោះប្រទេសជាតិចេញផុតពីរបបដ៏សាហាវយង់ឃ្នង ប្រល័យពួជសាសន៍ ប៉ុល ពត នាថ្ងៃទី៧ ខែមករាឆ្នាំ១៩៧៩។ យើងមិនអាចរៀបរាប់អស់ពីអ្វីដែលយើងបានឆ្លងកាត់ នៅក្នុងរយៈពេល៧០ឆ្នាំមកនេះ បានអស់នាពេលនេះ បាននោះឡើយ។ ប៉ុន្តែជាសក្ខីភាព ទោះបីត្រូវប្រឈមនឹងការវិវឌ្ឍដ៏ឆាប់រហ័ស […]