ព័ត៌មាននយោបាយ

ខ្ញុំសង្ឃឹមថាក្រុមហ៊ុនFacebook នឹងប្រកាន់ខ្ជាប់នូវក្រមសីលធម៌ មិនងងិតងងុលដូចក្រុមមនុស្សខូចដែលជាមនុស្សមិនត្រូវបានស្វាគមន៍នៅកម្ពុជានោះឡើយ។ សង្ឃឹមថាក្រុមហ៊ុនFacebook នឹងទទួលបានប្រាក់ចំណេញលើស២០០លានដុល្លារក្នុងមួយឆ្នាំនៅកម្ពុជាឯរាជរដ្ឋាភិបាលទទួលបាន១០ភាគរយ ដែលមានទឹកប្រាក់លើស២០លានដុល្លារ ក្នុងមួយឆ្នាំ(តួរលេខផ្នែកពន្ធដារ)។ ក្រសួងប្រៃសណីយ៍ និងទូរគនាគមន៍បានចេញសេចក្តីប្រកាសទទួលយកតំណាងក្រុមហ៊ុនFacebook ឱ្យចូលមកធ្វើការនៅកម្ពុជាវិញ តែមិនស្វាគមន៍ក្រុមមនុស្សខូចដែលផ្តល់អនុសាសន៍មិនត្រឹមត្រូវនោះឡើយ។ សូមអំនាវនាវជាថ្មីម្តងទៀតចំពោះបងប្អូនដែលប្រើឈ្មោះខ្ញុំបង្កើតFacebook,TikTokក្លែងក្លាយ សូមលុបចោលជាបន្ទាន់ដើម្បីជៀសវាងការភ័យច្រឡំ។

ភ្នំពេញ ៖ អភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានព្រមានដកមន្ត្រីរូបណា ជាប់ពាក់ព័ន្ធនឹងគ្រឿងញៀន ព្រមទាំងលុបបំបាត់នូវវប្បធម៌អន្តរាគមន៍គ្រប់ប្រភេទ ដែលពាក់ព័ន្ធបទល្មើសនានា។ ក្នុងពិធីប្រកាសចូលកាន់មុខតំណែង អគ្គលេខាធិការ អគ្គនាយក និងប្រធានបណ្ឌិត្យសភានគរបាលកម្ពុជា នៃក្រសួងមហាផ្ទៃ នាថ្ងៃទី៣០ ខែសីហា ឆ្នាំ២០២៣ នៅទីស្តីការក្រសួង លោកឧបនាយករដ្ឋមន្ដ្រី ស សុខា បានថ្លែងថា «ការងារពាក់ព័ន្ធនឹងការជួញដូរគ្រឿងញៀនកន្លងមក មានស្នងការរងម្នាក់ បានបន្លំឯកសារ ដោយអន្តរាគមន៍ដល់ សម្តេចក្រឡាហោម ពេលនោះ នីតិកាលទី៦ ប៉ុន្តែឥលូវនេះនីតិកាលទី៧ យើងលុបបាត់ចោល។ អាណត្តិទី៧នេះ ចំពោះអ្នកដែលមានតួនាទីជាកងកម្លាំងប្រដាប់អាវុធ បើមានការស្រាវជ្រាវឃើញពាក់ព័ន្ធនឹងការជួញដូរគ្រឿងញៀនខ្ញុំគិតថា ពួកគាត់មិនគួរនៅជាមួយពួកយើងទៀតទេ»។ លោកឧបនាយករដ្ឋមន្ដ្រី លើកឡើងថា មន្ត្រីដែលពាក់ព័ន្ធគ្រឿងញៀននោះ បើទុកទៅមិនដឹងមានប្រយោជន៍អ្វីទៀតនោះទេ។ លោកឧបនាយករដ្ឋមន្ដ្រី បន្ថែមថា ក្រៅពីការអន្តរាគមន៍ចំពោះគ្រឿងញៀន ក៏មានការលុបំបាត់ចំពោះការអន្តរាគមន៍ករណីផ្សេងទៀតផងដែរ។ ជាមួយគ្នានោះដែរ លោក ឧបកនាយករដ្ឋមន្ត្រី បានអះអាងថា នឹងលុបបំបាត់ចំពោះការអន្តរាគមន៍ណាមួយ ដែលធ្វើឲ្យប៉ះពាល់ដល់ប្រទេសជាតិ ដែលជាចំណុចមួយសំខាន់ណាស់។ លោក ឧបនាយករដ្ឋមន្ដ្រី បន្ថែមថា […]

នាយករដ្ឋមន្ត្រីថៃទើបតែងតាំង លោក Srettha Thavisin បាននិយាយ កាលពីថ្ងៃចន្ទ សប្តាហ៍នេះថា ជួរគណៈរដ្ឋមន្ត្រីរបស់លោកត្រូវបានរៀបចំបញ្ចប់ហើយ ចំពេលមានការរំពឹងទុកថា រដ្ឋមន្ត្រីការពារជាតិថ្មីអាចជាសមាជិកស៊ីវិល មកពីគណបក្សភឿថៃ របស់លោកនាយករដ្ឋមន្ត្រី។ លោក Srettha Thavisin បានថ្លែងនៅទីស្នាក់ការគណបក្សថា ការប្រជុំរៀបចំគណៈរដ្ឋមន្ត្រី គឺបានដោះស្រាយរួចរាល់ហើយ ជាអ្វីដែលលោកបារម្ភ ខណៈដែលសមាសភាពរដ្ឋមន្ត្រីថ្មីទាំងនោះ នឹងពិនិត្យលើលក្ខណៈសម្បត្តិ មុនពេលត្រូវស្នើសុំការអនុម័ត ពីព្រះមហាក្សត្រ។ លោក នាយករដ្ឋមន្ត្រីបានបដិសេធមិនធ្វើអត្ថាធិប្បាយលើ «របាយការណ៍ដែលថា សមាជិកបក្សភឿថៃ និងអ្នកគាំទ្រអាវក្រហមមួយចំនួននៃគណបក្សរបស់លោក ដែលមិនចង់ឱ្យ ឧត្តមសេនីយ៍ Natthapol Nakpanich អគ្គលេខាធិការក្រុមប្រឹក្សាសន្តិសុខជាតិ បច្ចុប្បន្ន ធ្វើជារដ្ឋមន្ត្រីការពារជាតិនោះទេ»។ ប្រភពពី Bangkok Post

កូនស្រីរបស់លោក ថាក់ស៊ីន ស៊ីណាវ៉ាត់ នៅថ្ងៃទី១៩ ខែសីហានេះ បានបង្ហើបឱ្យដឹងថា ឪពុករបស់ខ្លួននឹងវិលត្រឡប់ចូលប្រទេសថៃវិញ នៅថ្ងៃទី២២ ខែសីហានេះ ចំថ្ងៃដែលសភាថៃនឹងបោះឆ្នោត ដើម្បីជ្រើសរើសនាយករដ្ឋមន្រ្តីថ្មី ដែលអាចនឹងបិទបញ្ចប់ភាពជាប់គាំងផ្នែកនយោបាយ។ កូនស្រីលោក ថាក់ស៊ីន គឺអ្នកនាង ផែថោងថាន ស៊ីនណាវ៉ាត់ ដែលជាសមាជិកជាន់ខ្ពស់ម្នាក់នៅក្នុងគណបក្សភឿថៃ នៅថ្ងៃទី១៩ ខែសីហានេះ បានបង្ហោះសារនៅលើបណ្តាញសង្គម Instagram ថា នៅថ្ងៃអង្គារទី២២ ខែសីហា ម៉ោង៩ព្រឹក ខ្ញុំនឹងទៅទទួលលោកប៉ាខ្ញុំ គឺលោក ថាក់ស៊ីន នៅឯព្រលានយន្តហោះដូនមឿង។ ការវិលត្រឡប់របស់លោក ថាក់ស៊ីន ចូលស្រុកវិញ នឹងគាប់ជួនពេលគ្នាជាមួយនឹងការបោះឆ្នោតនៅសភាថៃនារសៀលថ្ងៃដដែល ដែលនឹងត្រូវមើលឃើញថាតើលោក ស្រេតថា ថាវីស៊ីន ដែលជាបេក្ខជនរបស់គណបក្សភឿថៃ អាចក្លាយជានាយករដ្ឋមន្រ្តីដែរឬយ៉ាងណា ដើម្បីបិទបញ្ចប់ភាពជាប់គាំងផ្នែកនយោបាយរយៈពេល៣ខែមកនេះ គិតចាប់តាំងតែពីការបោះឆ្នោតសកលកាលពីខែឧសភាមក។ ប្រភព៖ AFP

ប្រធានាធិបតីប្រេស៊ីល លោក លូឡា ដាស៊ីលវ៉ា បាននិយាយនៅក្នុងព្រឹត្តិការណ៍មួយក្នុងទីក្រុង Rio de Janeiro កាលពីថ្ងៃសុក្រសប្តាហ៍មុនថា យើងនឹងប្រាប់លោក បៃដិន ថា សហរដ្ឋអាមេរិកបានគិតតែពីសង្គ្រាមអស់រយៈពេលជាច្រើនឆ្នាំ ហើយមិនបានគិតអំពីការវិនិយោគនៅប្រេស៊ីលទេ។ ការចំណាយថវិកាតិចតួចលើការវិនិយោគនៅក្នុងប្រទេសយើង នោះជាអ្វីដែលនាំមកនូវសន្តិភាពដល់ប្រទេសយើង។ លោក លូឡា និងលោក បៃដិន ត្រូវបានគេរំពឹងថា នឹងជួបគ្នានាខែកញ្ញាខាងមុខ នៅខាងក្រៅអង្គប្រជុំមហាសន្និបាតអង្គការសហប្រជាជាតិក្នុងទីក្រុងញូវយ៉ក។ លោក លូឡា បានរក្សាអព្យាក្រឹតភាពលើជម្លោះរុស្ស៊ី និងអ៊ុយក្រែន ដោយអំពាវនាវម្តងហើយម្តងទៀតឱ្យមានការចរចាសន្តិភាពដើម្បីបញ្ចប់ការប្រយុទ្ធគ្នា ហើយថា ពិភពលោកកំពុងចាប់ផ្តើមនឿយហត់នឹងជម្លោះនៅអ៊ុយក្រែន។ ប្រភព៖ RT

អគ្គលេខាធិការគណបក្សប្រជាជនបដិវត្តន៍ឡាវ ដែលបានផ្ញើសារអបអរសាទរជូនសម្តេច ចំពោះជ័យជម្នះរបស់គណបក្សប្រជាជនកម្ពុជា ក្នុងការបោះឆ្នោតជាតិជ្រើសតាំងតំណាងរាស្រ្ត អាណត្តិទី៧ កន្លងទៅនេះ។   

ដែលបានផ្ញើសារអបអរសាទរជូនសម្តេចចំពោះជ័យជម្នះរបស់ គណបក្សប្រជាជនកម្ពុជា ក្នុងការបោះឆ្នោតជាតិជ្រើសតាំងតំណាងរាស្រ្ត អាណត្តិទី៧នេះ។   

ឯកឧត្ដមបណ្ឌិត ហ៊ុន ម៉ាណែត បានផ្ញើសារថ្លែងអំណរគុណចំពោះសម្ដេច ឯកឧត្តម លោកជំទាវ អ្នកឧកញ៉ា លោកឧកញ៉ា លោកតាលោកយាយ លោកអ៊ំ ពូមីង បងប្អូន ក្មួយៗប្រជាពលរដ្ឋខ្មែរគ្រប់មជ្ឈដ្ឋាន ដែលបានផ្ញើសារអបអរសាទរចំពោះរូបឯកឧត្ដមក្នុងឱកាសដែល ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានចាត់តាំងឯកឧត្ដមជានាយករដ្ឋមន្ត្រី នៃព្រះរាជាណាចក្រកម្ពុជា សម្រាប់នីតិកាលទី៧ នៃរដ្ឋសភា។ ទាំងនេះគឺជាការលើកទឹកចិត្តដ៏មហិមាចំពោះឯកឧត្ដមដោយឯកឧត្ដមសូមប្តេជ្ញាចិត្តខិតខំអោយអស់ពីសមត្ថភាពដើម្បីបំពេញបេសកកម្មដ៏ឧត្តុង្គឧត្តមថ្លៃថ្លានេះ ក្នុងការបម្រើជាតិ មាតុភូមិ និងប្រជាជន តាមរយៈការថែរក្សាអោយបានជាដាច់ខាតនូវសុខសន្តិភាព ស្ថិរភាព និងការជំរុញការអភិវឌ្ឍប្រទេសប្រកបដោយបរិយាបន្ន សំដៅធ្វើយ៉ាងណាពង្រឹងកំណើនសេដ្ឋកិច្ចជាតិ និងលើកកម្ពស់ជីវភាពរស់នៅរបស់ប្រជាជន ក៏ដូចជាការលើកស្ទួយកិត្យានុភាពកម្ពុជានៅលើឆាកអន្តរជាតិ។

ឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានបង្ហាញការស្វាគមន៍ ចំពោះវត្តមានរបស់ប្រតិភូសហព័ន្ធធុរកិច្ចសិង្ហបុរី ចំពោះការចុះមកសិក្សាស្វែងយល់ពីសក្ដានុពលទីផ្សារ និងការវិនិយោគនៅកម្ពុជា ខណៈរដ្ឋមន្ត្រីសេដ្ឋកិច្ច ក៏លើកបង្ហាញពីវិស័យសក្តានុពល ដែលរំពឹងថានឹងមានកំណើនវិជ្ជមានថែមទៀត។ នេះបើយោងតាមសេចក្តីជូនដំណឹងរបស់ក្រសួងសេដ្ឋកិច្ច និងហិរញ្ញវត្ថុ នាថ្ងៃទី២ ខែសីហា ស្តីពីលទ្ធផលជំនួបពិភាក្សាការងាររបស់ឧបនាយករដ្ឋមន្ត្រី អូន ព័ន្ធមុនីរ័ត្ន ជាមួយសហព័ន្ធធុរកិច្ចសិង្ហបុរី (SBF)។ សេចក្តីជូនដំណឹងបន្តថា ប្រតិភូសហព័ន្ធធុរកិច្ចសិង្ហបុរី (SBF) ដឹកនាំដោយលោក Gary Lim ប្រធានប្រចាំប្រទេស អមដោយសមាជិកប្រតិភូ មកពីបណ្តាក្រុមហ៊ុននានា ចំនួន ២៣ រូបទៀត បានចូលជួបពិភាក្សាការងារជាមួយឧបនាយករដ្ឋមន្ត្រី អូន ព័ន្ធមុនីរ័ត្ន ក្នុងគោលបំណងស្វែងយល់ពីសក្ដានុពលទីផ្សារ និងការវិនិយោគ ពិសេសស្វែងរកកិច្ចសហប្រតិបត្តិការ និងកាលានុវត្តភាពធុរកិច្ចនៅកម្ពុជា។   

កម្លាំងសមត្ថកិច្ចបានចាប់ខ្លួនស្ត្រីម្នាក់ដែលតាំងខ្លួនជាព្រះម៉ែ live និយាយតាម TikTok ធ្វើឲ្យប៉ះពាល់កិត្តិយសនិងសេចក្តីថ្លៃថ្នូររបស់លោកបណ្ឌិត ហ៊ុន ម៉ាណែត អនាគតនាយករដ្ឋមន្ត្រី រាជរដ្ឋាភិបាលអាណត្តិទី៧ នេះ។ ការចាប់ខ្លួនបានធ្វើឡើងកាលពីយប់ថ្ងៃទី៣១ ខែកក្កដា ឆ្នាំ២០២៣ នៅភូមិត្រពាំងក្រសាំង សង្កាត់ ត្រពាំងក្រសាំង ខណ្ឌពោធិ៍សែនជ័យ។ បន្ទាប់ពីចាប់ខ្លួន សមត្ថកិច្ចបានបញ្ជូនខ្លួនស្ត្រីរូបនេះទៅស្នងការដ្ឋាននគរបាលរាជធានីភ្នំពេញ។ សមត្ថកិច្ចបានឲ្យដឹងថា ជនសង្ស័យ ភី អ៊ូក នៅភូមិត្រពាំងក្រសាំង សង្កាត់ ត្រពាំងក្រសាំង ខណ្ឌពោធិ៍សែនជ័យ។

(ភ្នំពេញ)៖ លោក លី ឈាង (Li Qiang) នាយករដ្ឋមន្រ្ដី នៃសាធារណរដ្ឋប្រជាមានិតចិន បានផ្ញើសារលិខិតជូន សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា ដោយអបអរសាទរខួបអនុស្សាវរីយ៍លើកទី ៦៥ នៃការបង្កើតទំនាក់ទំនងការទូតរវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិន។ ខាងក្រោមនេះជាសារលិខិតរបស់ លោក លី ឈាង៖  

(ភ្នំពេញ)៖ ឯកឧត្តមបណ្ឌិត ហ៊ុន ម៉ាណែត នៅព្រឹកថ្ងៃទី១៨ ខែកក្កដា ឆ្នាំ២០២៣នេះ តាមរយៈបណ្តាញទំនាក់ទំនងសង្គម Facebook និង Telegram បានបង្ហោះវីដេអូឃ្លីបមួយ ដោយដាក់ចំណងជើងថា «ផ្លូវគឺជានិមិត្តរូបនៃក្តីសង្ឃឹម»។ លោកបានលើកឡើងថា​ រាជរដ្ឋាភិបាលខិតខំប្រឹងប្រែងកសាងផ្លូវស្ពានខ្វាត់ខ្វែង ប្រទាក់ក្រឡាពីតំបន់មួយទៅតំបន់មួយ និងសាងសង់កាន់តែមានគុណភាពល្អ គឺដើម្បីផ្តល់ភាពងាយស្រួល ដល់ប្រជាពលរដ្ឋក្នុងធ្វើដំណើរ ផ្តល់ជម្រើសកាន់តែច្រើនដល់ពួកគាត់។ លោកបណ្ឌិតបានលើកឡើងដូច្នេះថា «ផ្លូវជាក្តីសង្ឃឹម មានផ្លូវច្រើន គឺមានសង្ឃឹមច្រើន មានន័យថាយើងមានជម្រើសច្រើន ក្នុងការជ្រើសរើសអនាគត ផ្លូវសំដៅទៅអនាគត បើអត់ផ្លូវយើងពិបាក។ បើអត់ផ្លួវអ្នកដែលមានលទ្ធភាពឆ្លងកាត់តិចណាស់ បើមានទឹក អ្នកដែលមានទូកទើបឆ្លងបាន អ្នកអត់មានទូកហែលមិនស្រួលលង់ទៀត តែបើមានផ្លូវអាចធ្វើដំណើរបាន។ ផ្លូវកាន់តែច្រើន កាន់តែមានច្រើន ផ្លូវល្អ ផ្លូវបេតុង ផ្លូវកៅស៊ូ ជានិមិត្តរូបនៃក្តីសង្ឃឹមដែលកាន់តែរឹងមាំយូរអង្វែង។ ការកសាងផ្លូវ ទំហំផ្លូវ ប្រភេទផ្លូវ វាឆ្លុះបញ្ចាំងអំពីការរីកចម្រើននៅ

ភ្នំពេញៈ ថ្ងៃទី១០ ខែកក្កដា ឆ្នាំ២០២៣ នេះ គឺជាថ្ងៃទីដប់នៃយុទ្ធនាការឃោសនាបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣។ ផ្អែកតាមរបាយការណ៍របស់គណៈកម្មការរាជធានី ខេត្តរៀបចំការបោះឆ្នោត (គធ.ខប) គណបក្សនយោបាយ ចំនួន ១៤ បានធ្វើសកម្មភាពឃោសនាបោះឆ្នោត ក្នុងនោះមានគណបក្សនយោបាយ ចំនួន ៥ បានហែក្បួនឃោសនា។ នេះបើយោងតាមសេចក្តីប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោត (គ.ជ.ប) នៅល្ងាចថ្ងៃទី១០ ខែកក្កដា ឆ្នាំ២០២៣។          

នៅព្រឹកថ្ងៃអង្គារ ៣កើត ខែបឋមាសាឍ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី២០ ខែមិថុនា ឆ្នាំ២០២៣ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញអបអរសាទរខួប៤៦ឆ្នាំ នៃទិវានៃការចងចាំដំណើរឆ្ពោះទៅរកការផ្តួលរំលំ របបប្រល័យពូជសាសន៍ ប៉ុល ពត (២០ មិថុនា ១៩៧៧-២០ មិថុនា ២០២៣) ដែលពិធីអបអរសាទរនេះប្រារព្ធធ្វើឡើងនៅក្រសួងការពារជាតិ។ គួររំលឹកថា នៅថ្ងៃទី២០ ខែមិថុនា ឆ្នាំ២០២៣ គឺជាខួបគម្រប់ ៤៦ឆ្នាំ នៃដំណើរតស៊ូឆ្ពោះទៅរកការរំដោះជាតិរបស់សម្តេចតេជោ ហ៊ុន សែន និងយុទ្ធមិត្ត ដើម្បីរំដោះជាតិ និងប្រជាជនកម្ពុជាចេញពីការកាប់សម្លាប់នៃរបបប្រល័យពូជសាសន៍ ប៉ុល ពត។ ថ្ងៃទី២០ ខែមិថុនា ឆ្នាំ១៩៧៧ ជាពេលដែលសមមិត្ត ហ៊ុន សែន ក្នុងវ័យ២៥ឆ្នាំ រួមនឹងយុទ្ធមិត្តដ៏ស្ម័គ្រស្មោះ៤រូបផ្សេងទៀត បានសម្រេចចិត្តក្នុងស្ថានភាពដ៏តាន់តឹងបំផុតលាចាកទឹកដី លាចាកឧត្តមភរិយា និងកូនក្នុងផ្ទៃជាទីស្រឡាញ់ធ្វើដំណើរជ្រែកស្បៃរាត្រីឆ្លងកាត់ព្រំដែនទាំងគ្រោះថ្នាក់បំផុត ឆ្ពោះទៅកាន់ប្រទេសវៀតណាម ដើម្បីស្វែងរកគាំទ្រក្នុងការរំដោះជាតិ […]

(ភ្នំពេញ)៖ ថ្ងៃទី២០ ខែមិថុនា ឆ្នាំ២០២៣នេះ គឺជារយៈពេល​ ៤៦ឆ្នាំ​ហើយ ដែលសម្តេចតេជោ ហ៊ុន សែន និងយុទ្ធមិត្តរួមអាវុធដ៏ស្មោះស្ម័គ្រ៤រូប បានរួម​គ្នាយកជីវិតធ្វើជាដើមទុនចេញទៅកាន់ប្រទេសវៀតណាម ស្វែងរកការ​គាំទ្រ ដើម្បីតស៊ូរំដោះជាតិ និងប្រជាជនកម្ពុជា ចេញពីរបបប្រល័យពូជ​សាសន៍​​ដ៏ឃោរ​ឃៅ​របស់ខ្មែរ ប៉ុល ពត និងបក្ខពួក។ សម្តេចតេជោ ហ៊ុន សែន នឹងអញ្ជើញជាអធិបតីក្នុងពិធីរំលឹក ដល់ថ្ងៃនៃដំណើរ​ចេញតស៊ូកាលពី៤៦ឆ្នាំមុនោះ។ ពិធីនៅឆ្នាំនេះនឹងរៀបចំឡើងនៅក្រសួងការ​ពារជាតិ មិនមានរៀបចំនៅទីតាំងនៃការផ្តើមដំណើរតស៊ូតំបន់ X16 ក្នុងឃុំ​ទន្លូង ស្រុកមេមត់ ខេត្តត្បូងឃ្មុំដូចឆ្នាំកន្លងទៅនោះឡើយ។ សូមបញ្ជាក់ថា នៅថ្ងៃទី២០ ខែមិថុនា ឆ្នាំ២០២៣ គឺជារយៈពេលគម្រប់៤៦ឆ្នាំហើយ (២០ មិថុនា ១៩៧៧-២០ មិថុនា ២០២៣) ដែលយុទ្ធជន ហ៊ុន សែន ក្នុងវ័យ ២៥ឆ្នាំ រួមនឹងយុទ្ធមិត្តដ៏ស្ម័គ្រស្មោះ ៤រូបផ្សេង បានសម្រេចចិត្តក្នុងស្ថានភាពដ៏តាន់តឹងបំផុតលាចាកទឹកដី លាចាកឧត្តមភរិយា និងកូនក្នុងផ្ទៃជាទីស្រឡាញ់ឆ្លងកាត់ព្រំដែន ទាំងគ្រោះថ្នាក់បំផុតឆ្ពោះទៅកាន់ប្រទេសវៀតណាម ដើម្បីស្វែងរកគាំទ្រក្នុងការរំដោះជាតិ និងប្រជាជនកម្ពុជា ចេញពីក្រញាំបិសាចដ៏សែនឃោរឃៅ ប៉ុល ពត។ […]

(កំពង់ឆ្នាំង)៖ ឯកឧត្តមបណ្ឌិត ហ៊ុន ម៉ាណែត សមាជិកគណៈអចិន្ត្រៃយ៍ នៃគណៈកម្មាធិការកណ្តាលគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល នៅថ្ងៃទី១៩ ខែមិថុនា ឆ្នាំ២០២៣នេះ បានជួបសំណេះសំណាល ជាមួយក្រុមការងារយុវជនគណបក្សប្រជាជនកម្ពុជាខេត្តកំពង់ឆ្នាំង។ នៅក្នុងឱកាសនោះ ឯកឧត្តមបណ្ឌិត ហ៊ុន ម៉ាណែត បានថ្លែងថា គណបក្សប្រជាជនកម្ពុជា ត្រូវបានបង្កើតឡើងក្នុងឆ្នាំ១៩៥១ ដោយរហូតមកដល់ពេលនេះ បានបំពេញបេសកកម្មជាច្រើន ក្នុងរបត់នៃប្រវត្តិសាស្ត្រកម្ពុជា រួមមាន៖ *ទី១៖ ១៩៥១-៥៣ តស៊ូប្រឆាំងរបបអាណានិគម ដើម្បីឯករាជ្យជាតិ *ទី២៖ ១៩៥៤-៧០ ការពារឯករាជ្យ, សន្តិភាព និងអព្យាក្រឹតភាពកម្ពុជា ប្រឆាំងការជ្រៀតជ្រែករបស់បរទេស *ទី៣៖ ១៩៧០-៧៥ តស៊ូរំដោះជាតិពីរបប លន់ នល់ *ទី៤៖ ១៩៧៥-៧៩ តស៊ូផ្តួលរំលំរបប ប៉ុល ពត *ទី៥៖ ១៩៧៩-បច្ចុប្បន្ន៖ ការពារការវិលត្រលប់នៃរបបខ្មែរក្រហម, ស្តារកសាងប្រទេសពីបាតដៃទទេ, បង្រួបបង្រួមជាតិ ក្រោម បាវចនា ជាតិ សាសនា ព្រះមហាក្សត្រ, ការពារបូរណភាពទឹកដី, បញ្ចប់សង្គ្រាមតាមរយៈនយោបាយឈ្នះ-ឈ្នះ និងថែរក្សាសន្តិភាពតាមរយៈការទប់ស្កាត់បដិវត្តន៍ពណ៌, អភិវឌ្ឍសង្គម-សេដ្ឋកិច្ច និងលើកកម្ពស់ជីវភាពរបស់ប្រជាជន ។ ឯកឧត្តមបានគូសរំលេចថា […]

ខេត្តកំពង់ឆ្នាំង៖ នៅរសៀលថ្ងៃអាទិត្យ ទី១៨ ខែមិថុនា ឆ្នាំ២០២៣ ឯកឧត្តម នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា បានអញ្ជើញជាអធិបតីដ៏ខ្ពង់ខ្ពស់ក្នុងពិធីបំពាក់គ្រឿងឥស្សរិយយស ជូនសមាជិកអតីតយុទ្ធ ចំនួន៥២៧នាក់ ក្នុងនោះនៅស្រុកសាមគ្គីមានជ័យចំនួន ៣០៧នាក់ និងស្រុកកំពង់ត្រឡាច ចំនួន២២០នាក់ ដោយមាន អញ្ជើញចូលរួមពី ឯកឧត្តម ស៊ុន សុវណ្ណារិទ្ធិ អភិបាល និងជាប្រធានកិត្តិយស សមាគមអតីតយុទ្ធជនកម្ពុជាខេត្តកំពង់ឆ្នាំង និងឧត្តមសេនីយ៍ត្រី អ៊ុំ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង និងជាប្រធានសមាគមអតីតយុទ្ធជនកម្ពុជាខេត្ត ។ ឯកឧត្តម ទេសរដ្ឋមន្ត្រី គន់ គីម បានថ្លែងកោតសរសើរចំពោះគណៈកម្មាធិការសមាគមអតីតយុទ្ធជនកម្ពុជាខេត្តកំពង់ឆ្នាំង ក៏ដូចជាសមាគមអតីតយុទ្ធជនកម្ពុជាស្រុកសាមគ្គីមានជ័យ និងស្រុកកំពង់ត្រឡាច ដែលកន្លងមកបានយកចិត្តទុកដាក់អំពីសុខទុក្ខដល់បងប្អូនជាប្រចាំ និងតែងបានជួយសម្រួលកិច្ចការងារ និងរាល់ការលំបាករបស់បងប្អូនអតីតយុទ្ធជន ។ ឯកឧត្តម កិត្តិសង្គហបណ្ឌិត បានបន្តថា ពិធីបំពាក់គ្រឿងឥស្សរិយយសជូនអតីតយុទ្ធជននាពេលនេះ គឺពិតជាមានអត្ថន័យជាប្រវត្តិសាស្ត្រ ដែលប្រកបដោយការគោរព និងដឹងគុណ នូវវីរភាពដ៏អង់អាចក្លាហាន របស់បងប្អូនអតីតយុទ្ធជន […]

ខេត្តកំពង់ឆ្នាំង៖ នៅថ្ងៃអាទិត្យ ទី១៨ ខែមិថុនា ឆ្នាំ២០២៣ ឧត្តមសេនីយ៍ត្រី អ៊ុំ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង និងជាប្រធានសមាគមអតីតយុទ្ធជនកម្ពុជាខេត្ត បានអមដំណើរ ឯកឧត្តម នាយឧត្តមសេនីយ៍ គន់ គីម ទេសរដ្ឋមន្ត្រី អនុប្រធាននិងជាអគ្គលេខាធិការ សមាគមអតីតយុទ្ធជនកម្ពុជាអញ្ជើញជួបសំណេះសំណាល និងសួរសុខទុក្ខ បងប្អូនអតីតយុទ្ធជនចំនួន ៩៦២នាក់ ក្នុងនោះនៅស្រុករលាប្អៀរ ៦៨៩នាក់ និងស្រុកបរិបូណ៌ ២៧៣នាក់ ។ ថ្លែងក្នុងឱកាសនេះ ឯកឧត្តម អគ្គលេខាធិការ បានពាំនាំនូវក្តីនឹករលឹកយ៉ាងជ្រាលជ្រៅជាទីបំផុតពីសំណាក់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានសមាគមន្ត្រីតយុទ្ធជនកម្ពុជា ជូនចំពោះបងប្អូនអតីតយុទ្ធជន ទាំងអស់ ។ ឯកឧត្តម ទេសរដ្ឋមន្ត្រីមានប្រសាសន៍ថា ជានិច្ចកាល សម្ដេចតេជោប្រធានសមាគមអតីតយុវជនកម្ពុជា តែងតែណែនាំដល់ឯកឧត្តម ឲ្យចុះសួរសុខទុក្ខដល់បងប្អូនអតីតយុវជនទូទាំងប្រទេសកម្ពុជា និយាយរួមនិយាយដោយឡែក ក្នុងខេត្តកំពង់ឆ្នាំងផងដែរ ដើម្បីដឹងពីសុខទុក្ខ និងជីវភាពរស់នៅរបស់បងប្អូន ។ ឯកឧត្តម ទេសរដ្ឋមន្ត្រី បានបន្តណែនាំដល់អាជ្ញាធរមូលដ្ឋានគ្រប់លំដាប់ថ្នាក់ ទាំងថ្នាក់ខេត្ត ក្រុងស្រុក […]

នៅរសៀលថ្ងៃចន្ទ ២រោច ខែបឋមាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៩ ខែមិថុនា ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីប្រជុំបូកសរុបរបាយការណ៍​ប្រចាំ​អាណត្តិទី៦ របស់ក្រុមការងាររាជរដ្ឋាភិបាលចុះមូលដ្ឋាន។ សម្តេចតេជោ ហ៊ុន សែន បានមានប្រសាសន៍ថា ការដឹកនាំប្រទេសរបស់គណបក្សប្រជាជនកម្ពុជា បានដាក់មន្ត្រីចុះជួយមូលដ្ឋានតាំងពីឆ្នាំ១៩៨២មកម្ល៉េះ ដើម្បីផ្សារភ្ជាប់ភាពស្និទ្ធស្នាលជាមួយប្រជាពលរដ្ឋ និងចូលរួមអភិវឌ្ឍន៍នៅមូលដ្ឋាន។ សម្តេចតេជោបានមានប្រសាសន៍ទៀតថា ការបញ្ជូនមន្ត្រីចុះទៅមូលដ្ឋានមិនមែនជារឿងថ្មីថ្មោងនោះឡើយ សម្រាប់រាជរដ្ឋាភិបាលដឹកនាំដោយគណបក្សប្រជាជនកម្ពុជា។ តាមរយៈក្រុមការងាររាជរដ្ឋាភិបាលចុះជួយមូលដ្ឋានរាជធានីខេត្ត យើងបានដោះស្រាយបញ្ហាជាច្រើនរួមទាំងសមិទ្ធផលសំខាន់ៗជាច្រើនទៀតសម្រាប់ជាតិមាតុភូមិ។ សម្ដេចតេជោ ហ៊ុន សែន បានមានប្រសាសន៍ទៀតថា រាជរដ្ឋាភិបាលកម្ពុជា បានចាត់វិធានការមុតស្រួច និងប្រកបដោយប្រសិទ្ធភាព ដើម្បីគ្រប់គ្រងលើការឆ្លងរាលដាលនៃជំងឺកូវីដ-១៩បានល្អប្រសើរ ដែលធ្វើឱ្យមានលំនឹង និងកំណើនសេដ្ឋកិច្ច ព្រមទាំងជីវភាពប្រជាពលរដ្ឋល្អប្រសើរថែមទៀតផង។ក្នុងក្របខណ្ឌអន្តរជាតិ កម្ពុជាបាន និងកំពុងចូលរួមយ៉ាងសកម្ម ដោយស្មើភាព ស្មើមុខ ស្មើមាត់ជាមួយនឹងប្រទេសនានាលើឆាកអន្តរជាតិ។ នៅក្នុងកិច្ចប្រជុំនេះ សម្តេចតេជោ ហ៊ុន សែន បានមានប្រសាសន៍បញ្ជាក់ផងដែរថា រដ្ឋសភានឹងបើកកិច្ចប្រជុំពិនិត្យអនុម័តលើវិសោធនកម្មច្បាប់បោះឆ្នោតនាពេលខាងមុខ ខណៈដែលសម្ដេចក្រឡាហោម ស ខេង ឧបនាយកដ្ឋមន្រ្ដី រដ្ឋមន្រ្ដីក្រសួងមហាផ្ទៃ […]

(ភ្នំពេញ)៖ នៅព្រឹកថ្ងៃចន្ទ ២កើត ខែបឋមសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៩ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋ​មន្ត្រី​កម្ពុជា អញ្ជើញសម្ពោធដាក់ឱ្យប្រើប្រាស់រោងចក្រផលិតទឹកស្អាតបាក់ខែងជំហានទី១ ដែលជា​រោងចក្រផលិតទឹកស្អាតធំជាងគេនៅកម្ពុជា។ រោងចក្រផលិតទឹកស្អាតបាក់ខែងជំហានទី១ ត្រូវបានបើកការដ្ឋានសាងសង់កាល​ពី​ខែកុម្ភៈ ឆ្នាំ២០​២១​ ក្រោមអធិបតីភាពសម្តេចតេជោ ហ៊ុន សែន។ រោងចក្រផលិតទឹក​ស្អាត​បាក់ខែងជំហានទី១ សាងសង់នៅលើផ្ទៃដី ១៥ហិកតា ដែល​មានសមត្ថភាព​ផលិត​សរុប ១៩៥,០០០ម៉ែត្រគូបក្នុងមួយថ្ងៃ។ រោងចក្រនេះ បានដាក់ដំណើរការ​សាកល្បងផលិតទឹក និងចែកចាយទឹកស្អាតចាប់តាំង​ពីថ្ងៃទី២១ ខែមេសា ឆ្នាំ២០២៣ និងឈានដល់ការបញ្ចប់ការងារសាងសង់ជាស្ថាពរ នាថ្ងៃទី០៥ ខែឧសភា ឆ្នាំ២០២៣ ពោលគឺមានរយៈពេលសាងសង់ចំនួន៣៦ខែ។ រោងចក្រផលិតទឹកស្អាតបាក់ខែងជំហានទី១ គឺជាគម្រោងធំជាងគេជាប្រវត្តិសាស្ត្រ​ក្នុង​វិស័យអភិវឌ្ឍន៍ហេដ្ឋារចនាសម្ព័ន្ធទឹកស្អាតកម្ពុជា ដែលអនុវត្តការងារសាងសង់​ដោយ​ក្រុមហ៊ុន Vinci Construction Grands Projets មកពីប្រទេសបារាំង ស្ថិតក្រោម​ការ​ត្រួត​ពិនិត្យរបស់រដ្ឋាករទឹកស្វយ័តរាជធានីភ្នំពេញ និងការជួយ​ផ្តល់យោបល់ពី​ទី​ប្រឹក្សាបច្ចេកទេស SAFEGE Consulting Engineers មកពីប្រទេសបារាំង។ រោងចក្រផលិតទឹកស្អាតបាក់ខែងជំហានទី១ បានបន្ថែមលើសមត្ថភាពផលិត​ទឹក​ស្អាត ដែលមានស្រាប់ចំនួន ៦៤០.០០០ម៉ែត្រ​គូបក្នុងមួយថ្ងៃ […]

ភ្នំពេញ : ឯកឧត្តម បណ្ឌិត ហ៊ុន ម៉ាណែត បានបញ្ជាក់ថា សម្តេចតេជោនាយករដ្ឋមន្ត្រី បានចុះជួបផ្ទាល់ជាមួយកម្មករ-និយោជិត គឺដើម្បីដឹងសុខទុក្ខជាក់ស្តែង និងដើម្បីដោះស្រាយបញ្ហា ព្រមទាំងសំណូមពរផ្សេងៗ ពីព្រោះនេះ គឺជាទម្លាប់ការងាររបស់ សម្តេចតេជោ តាំងពីដើមរៀងមក។ ទម្លាប់ចុះមូលដ្ឋាន គឺជាការត្រួតពិនិត្យប្រសិទ្ធភាពគោលនយោបាយ សំដៅកែលម្អបំពេញបន្ថែមចំណុចខ្វះខាត និងសម្រេចចិត្តឱ្យចំគោលដៅ តាមរយៈការជួបសាកសួរផ្ទាល់ជាមួយនឹងអ្នកទទួលផលជាក់ស្តែងពីគោលនយោបាយដែលបានដាក់ចេញនីមួយៗ ។ បើទោះបីជា សម្តេចតេជោ មានភារកិច្ចរវល់មមាញឹកយ៉ាងណាក៏ដោយ គឺទម្លាប់ចុះផ្ទាល់នៅមូលដ្ឋានបែបនេះ គឺជារបៀបរបបការងាររបស់លោក ដោយឈរលើឆន្ទៈ និងមនសិការនៃផលប្រយោជន៍ជាតិ និងប្រជាជនគ្រប់ពេលវេលា។ ការបញ្ជាក់នេះ ក្នុងពិធីសំណេះសំណាលជាមួយប្រធានរដ្ឋបាល និងប្រធានផ្នែករបស់រោងចក្រ-សហគ្រាស មកពីខេត្តកំពង់ចាម, កំពង់ឆ្នាំង, កំពង់ស្ពឺ, កណ្តាល និងតាកែវ កាលពីព្រឹកថ្ងៃអាទិត្យ ទី១៨ ខែមិថុនា ឆ្នាំ២០២៣។

ភ្នំពេញ៖នៅក្នុងឱកាសដែលសម្តេចក្រឡាហោម ស ខេង ឧបនាយករដ្ឋមន្តី រដ្ឋមន្ត្រីក្រសួងមហាផ្ទៃ បានទទួលនូវសញ្ញាបត្របណ្ឌិតកិត្តិយសផ្នែកអភិវឌ្ឍន៍ជនបទ ពីសាកលវិទ្យាល័យជាតិ ជាស៊ីមកំចាយមារ ឯកឧត្តម សន្តិបណ្ឌិត ខៀវ សុភ័គ រដ្ឋលេខាធិការ និងជានាយកខុទ្ធកាល័យសម្តេចក្រឡាហោម ស ខេង មានសេចក្តី សោមនស្សរីករាយឥតឧបមា សូមគោរពអនុញ្ញាតចូលរួមអបអរសាទរយ៉ាងក្លៀវក្លាបំផុតចំពោះការទទួល សញ្ញាបត្របណ្ឌិតកិត្តិយនេះ ។ ការប្រគល់សញ្ញាបត្របណ្ឌិតកិត្តិយសជូនសម្ដេចក្រឡាហោម គឺជាសក្ខីភាព និងជាការទទួលស្គាល់ នូវការរួមចំណែកយ៉ាងធំធេងរបស់សម្ដេចក្រឡាហោម ក្នុងការអភិវឌ្ឍន៍លើវិស័យពាក់ព័ន្ធដ៏ច្រើនលើសលប់ ដូចជា៖ សិល្បៈ វិទ្យាសាស្ត្រ និងបច្ចេកវិទ្យា ការអប់រំ នយោបាយ ច្បាប់ សេវាសាធារណៈ ជំនួយមនុស្សធម៌ សាសនា និងការដឹកនាំប្រកបដោយសីលធម៌ និងសិទ្ធិសេរីភាព។ បណ្ឌិតកិត្តិយសផ្នែកអភិវឌ្ឍន៍ជនបទនេះ គឺជាការបង្ហាញនូវការដឹងគុណចំពោះគំនិត គុណតម្លៃ និងស្នាដៃរបស់សម្ដេចក្រឡាហោម លើលក្ខខណ្ឌ បីសំខាន់ៗសម្រាប់ការអភិវឌ្ឍជនបទ រួមមាន៖ ១-សន្តិភាព និងស្ថិរភាព ២-ការបង្កើតប្រព័ន្ធអភិបាលកិច្ចថ្មី និង៣-ការដាក់ចេញនូវគោលនយោបាយជំរុញកិច្ចអភិវឌ្ឍមូលដ្ឋាន និងការផ្តល់សេវាសាធារណៈប្រកបដោយ តម្លាភាព និងគណនេយ្យភាព។ ក្នុងឱកាសដ៏វិសេសវិសាលនេះ ឯកឧត្តម សន្តិបណ្ឌិត […]

(ភ្នំពេញ)៖ លោកបណ្ឌិត ហ៊ុន ម៉ាណែត តាមរយៈវីដេអូខ្លីមួយដែលបង្ហោះតាមបណ្តាញទំនាក់ទំនងសង្គមផ្លូវការ នៅព្រឹកថ្ងៃទី១៥ ខែមិថុនា ឆ្នាំ២០២៣នេះ បានពន្យល់នូវអ្វីដែលមិនប្រែប្រួល និងអ្វីដែលប្រែប្រួល សម្រាប់គណបក្សប្រជាជនកម្ពុជា ក្នុងរយៈពេលជាង ៤០ឆ្នាំ ក្នុងការដឹកនាំប្រទេស។ លោកបណ្ឌិតបានលើកឡើងថា អ្វីដែលដដែលសម្រាប់គណបក្សប្រជាជនកម្ពុជា ទី១ គឺរក្សាឈ្មោះដដែល «ស្លាប់មិនដូរឈ្មោះ រស់មិនដូរត្រកូល»។ គណបក្សប្រជាជនកម្ពុជា នៅតែរក្សាឈ្មោះជាគណបក្សរបស់ប្រជាជនកម្ពុជា។ ទី២ គឺបុព្វហេតុរបស់គណបក្សប្រជាជនកម្ពុជា មិនដូរនោះទេ គ្រប់កាលៈទេសៈទាំងអស់ គឺត្រូវបម្រើជាតិ និងប្រជាជន។ លោកបន្តថា អ្វីដែលផ្លាស់ប្តូរ និងប្រែប្រួលនោះ គឺការកែទម្រង់គោលនយោបាយ ប្រែប្រួលគ្រប់កាលៈទេសៈ ដើម្បីឲ្យជាតិខ្លាំង ប្រជាជនខ្លាំង។ លោកបណ្ឌិតបានបញ្ជាក់ទៀតថា «គណបក្សប្រជាជនកម្ពុជា យើងដូរខ្លួនឯង​ ដូរជានិច្ចកាលតាមកាលៈទេសៈ ដើម្បឲ្យប្រទេសយើងអភិវឌ្ឍន៍ នេះហើយការផ្លាស់​ប្តូរពិតប្រាកដ មិនត្រូវផ្លាស់ប្តូរឲ្យតែលឺ ដូចឈ្មោះដដែលសុំដូរសាកល្បង កុំអី! ត្រូវគិតមើលមានលទ្ធផលឬអត់? បើសិនជាអ្នកដឹកនាំប្រទេសគណបក្ស មិនបានបង្កើតលទ្ធផល ប្តូរលទ្ធផលដើម្បីបម្រើប្រជាជនយ៉ាងល្អ ចាំដូរទៅ តែបើគណបក្សមួយ ដឹកនាំប្រទេសបង្កើតលទ្ធផល សមិទ្ធផលថ្មីៗ ឲ្យប្រជាពលរដ្ឋរហូត នេះហើយការប្រែប្រួលការផ្លាស់ប្តូរ ដែលវិជ្ជមានសម្រាប់ប្រជាជន ជឿទុកចិត្តចុះ ហើយជឿទុកចិត្តគណបក្សប្រជាជនកម្ពុជាចុះ […]

(កំពង់ចាម)៖ នៅព្រឹកថ្ងៃទី១៤ ខែមិថុនា ឆ្នាំ២០២៣នេះ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាប្រធានក្រុមការងារថ្នាក់ជាតិចុះជួយស្រុកកោះសូទិន បានអញ្ជើញជួបសំណេះសំណាល និងបំពាក់មេដាយ ជូនដល់អតីតយុទ្ធជនស្រុកកោះសូទិន ខេត្តកំពង់ចាម ចំនួន១៣៥នាក់។ លោកវរសេនីយ៍ឯក អុឹម ឃឿន ប្រធានគណៈកម្មាធិការសមាគមអតីតយុទ្ធជន ស្រុកកោះសូទិន ធ្វើរបាយការណ៍ជម្រាបជូនថា ដោយមានការគិតគូរ និងយកចិត្តទុកដាក់ខ្ពស់បំផុតពីសំណាក់ប្រមុខថ្នាក់ដឹកនាំនិងដើម្បីឆ្លើយតបទៅនឹងពលីកម្មដ៏ស្មោះស្ម័គ្ររបស់អតីតយុទ្ធជនកម្ពុជា ដែលត្រូវបានចាត់ទុកថាជាគំរូវីរភាពស្នេហាជាតិដ៏ឧត្តុងឧត្តម និងមានគុណបំណាច់ដ៏ធំធេងចំពោះជាតិ មាតុភូមិ សម្តេចតេជោ ហ៊ុន សែន បានក្រានបង្គំទូលថ្វាយ ព្រះមហាក្សត្រ ប្រោសព្រះរាជទាននូវគ្រឿងឥស្សរិយយស ដល់អតីតយុទ្ធជនកម្ពុជាចំនួន ៨៦,៩៣១ នាក់ នៅទូទាំងប្រទេស។ សម្រាប់ខេត្តកំពង់ចាម ទទួលបានមេដាយ ៣,១៤៩នាក់ ដែលត្រូវបានយកមកបំពាក់ជូនអតីតយុទ្ធជន។ ដោយឡែកក្នុងស្រុកកោះសូទិន ទទួលបានមេដាយចំនួន១៥២នាក់ ស្រី៦៧នាក់ មេដាយមាស ចំនួន៣២នាក់ មេដាយប្រាក់ ចំនួន១២០នាក់។ សម្រាប់ការបំពាក់ជូននាឱកាសនេះមានចំនួន ១៣៥នាក់ ស្រី៥៩នាក់ មេដាយមាស ចំនួន២៦នាក់ និងមេដាយប្រាក់ ចំនួន១០៩នាក់ មូលហេតុ ស្លាប់១៧នាក់ ស្រី០៨នាក់។ […]

(កំពង់ចាម)៖​ ស្លាកគណបក្សភ្លេីងទៀននៅក្នុងស្រុកស្ទឹងត្រង់ ខេត្តកំពង់ចាម ត្រូវ​បាន​អ្នក​គាំទ្រផ្តួលចោលជាបន្តបន្ទាប់ ព្រោះតែពួកគេ​អស់ជំនឿ និងស្អប់ខ្ពើមចំពោះការប្រើ នយោបាយនាំមកនូវការបែកបាក់ និងអន្តរាយដល់ជាតិ។ នៅថ្ងៃព្រហស្បតិ៍ ទី១៥​ ខែមិថុនា​ ឆ្នាំ​២០២៣​ ស្លាកគណបក្សភ្លើងទៀតចំនួនពីរទៀត នៅក្នុងភូមិទួលពោធិ៍ និងភូមិព្រះ ឃុំព្រែកក់ ស្រុកស្ទឹងត្រង់ ខេត្តកំពង់ចាម ត្រូវបានអ្នក គាំទ្ររបស់ខ្លួននាំគ្នាផ្តួលចោលជាបន្តបន្ទាប់។ មិនត្រឹមតែផ្តួលស្លាកបក្សចោលនោះទេ ក្រុមអ្នកគាំទ្រ ដែលធ្លាប់ធ្វើសកម្មភាពគាំទ្របក្សភ្លើងទៀន ក៏បាននាំគ្នាដោះមួក ដោះអាវ ដែលមានរូបសញ្ញាបក្សភ្លើងទៀនចេញពីខ្លួន ជានិមិត្តរូបនៃបោះបង់ និងចាកចេញពីបក្សភ្លើងទៀន។ លោក​ ហ៉ីម​ មូសា​ វ័យ ៣៨ឆ្នាំ​ អ្នកគាំទ្របក្សភ្លើងទៀន នៅភូមិទួលពោធិ៍​ និងលោក​ ម៉ាន់​ ម៉ាលិច​ អាយុ ៥៣ឆ្នាំ​ អ្នកគាំទ្របក្សភ្លើងទៀន នៅភូមិព្រះ​ ឃុំព្រែកកក់​ សុទ្ធសឹង ជាអ្នក​ដែលធ្លាប់គាំទ្រយ៉ាងមុតមាំជាមួយបក្សភ្លើងទៀន ហើយធ្វើសកម្មភាពកៀរគររក អ្នកគាំទ្រដល់បក្ស។ ជាមួយការផ្តួលស្លាកបក្សនេះ លោក ហ៉ីម មូសា និងលោក ម់ាន់ ម៉ាលិច បានលើក​ឡើង​ថា ការណ៍ដែលនាំឱ្យពួកគេផ្តួលស្លាកបក្សភ្លើងទៀន […]

(កំពង់ស្ពឺ)៖ លោក ហ៊ុន ម៉ានី អ្នកតំណាងរាស្រ្តមណ្ឌលកំពង់ស្ពឺ នាថ្ងៃទី១៣ ខែមិថុនា ឆ្នាំ២០២៣នេះ បានអញ្ជើញជាអធិបតីសម្ពោធដាក់ឱ្យប្រើប្រាស់ស្ពានតាំងបំពង់ ប្រវែង ១៥ម៉ែត្រ ទទឹង ០៩ម៉ែត្រ ស្ថិតនៅក្នុងភូមិតាំងបំពង់ ឃុំតាសាល ស្រុកឱរ៉ាល់ ខេត្តកំពង់ស្ពឺ។ ពិធីនេះក៏មានការអញ្ជើញចូលរួមពីសំណាក់សមាជិកព្រឹទ្ធសភា រដ្ឋសភា ប្រធានក្រុមប្រឹក្សាខេត្ត អភិបាលខេត្ត មន្ត្រីរាជការ អាជ្ញាធរដែនដីគ្រប់លំដាប់ថ្នាក់ និងបងប្អូនប្រជាពលរដ្ឋទាំងអស់សរុប ៦២៨នាក់។ នាឱកាសនោះដែរ លោក ហ៊ុន ម៉ានី បានលើកឡើងថា មូលហេតុដែលនាំដល់ការសាងសង់ស្ពានតាំងបំពង់នេះ គឺបានផ្តើមចេញពីការចុះមកសម្ពោធឧបដ្ឋានសាលា នៅវត្តគីរីរុក្ខាហៅវត្តសំពៅផុស ស្ថិតនៅភូមិ តាំងបំពង់ ឃុំតាសាល កាលពីថ្ងៃទី១៧ ខែឧសភា ឆ្នាំ២០២២ កន្លងទៅ ដែលកាលនោះនៅពេល ធ្វើដំណើរមកដល់ស្ពានតាំងបំពង់នេះគឺមិនបានឆ្លងកាត់លើស្ពានទេ ដោយសារឃើញស្ពានឈើ នោះមានសភាពចាស់ទ្រុឌទ្រោមខ្លាំងពេកដែលអាចបង្កគ្រោះថ្នាក់។ ដោយមើលឃើញពីតម្រូវការចាំបាច់នៃការប្រើប្រាស់ស្ពាននេះពីសំណាក់បងប្អូនប្រជាពលរដ្ឋក្នុងឃុំ ឯកឧត្តមបានសម្រេចជូនស្ពានដែលសម្ពោធថ្ងៃនេះជាចំណងភ្ជាប់និស្ស័យជាមួយអ្នកតាសាលតែម្តង។ លោកបានលើកឡើងថា ស្ពាននេះនឹងសម្រួលដល់ការធ្វើដំពើរ ដោយធានាដល់សុវត្ថិភាព ងាយស្រួលដល់បងប្អូនប្រជាពលរដ្ឋក្នុងការដឹកជញ្ជូនកសិផល ការធ្វើដំណើរឆ្លងកាត់ទៅមន្ទីរពេទ្យ ទៅសាលារៀន ទៅធ្វើបុណ្យទាន និងទៅប្រកបកិច្ចការផ្សេងៗ ហើយជាពិសេសស្ពាននឹងបង្កើនភាពងាយស្រួលដើម្បីឆ្លងកាត់ឆ្ពោះទៅកាន់តំបន់ទេសចរណ៍ផ្សងព្រេង ដ៏មានសក្តានុពលរបស់ខេត្តកំពង់ស្ពឺ […]

(កំពង់ចាម)៖ លោកបណ្ឌិត ហ៊ុន ម៉ាណែត តំណាងសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត នៅថ្ងៃទី១៣ ខែមិថុនា ឆ្នាំ២០២៣ បានអញ្ជើញចូលរួម ក្នុងពិធីសម្ពោធឆ្លងអគារពុទ្ធិកបឋមសិក្សាកម្រង និងសមិទ្ធផលនានា ក្នុងវត្តកែវមុនី (ហៅវត្តថ្មី) ស្ថិតនៅភូមិអង្គរបានទី៨ ឃុំអង្គរបាន ស្រុកកងមាស ខេត្តកំពង់ចាម។ ក្នុងឱកាសនោះ លោកបណ្ឌិត ហ៊ុន ម៉ាណែត សូមអនុមោទនាត្រេកអរចំពោះការកកើតឡើងនូវសមិទ្ធផលថ្មីៗ នៅក្នុងទីអារាមវត្តកែវមុនី ហៅវត្តថ្មី ដែលមានអាយុកាលប្រមាណ៧៧ឆ្នាំ សម្រាប់បម្រើជាប្រយោជន៍ ដល់ការជួបជុំ និងការធ្វើបុណ្យបំពេញទានតាមប្រពៃណី ព្រះពុទ្ធសាសនារបស់ពុទ្ធបរិស័ទ ចំណុះជើងវត្តក្នុងមូលដ្ឋាននេះផ្ទាល់ ក៏ដូចជាពុទ្ធបរិស័ទ ដែលអញ្ជើញមកពីគ្រប់ទិសទី។ លោកបណ្ឌិត ហ៊ុន ម៉ាណែត បានលើកឡើងថា គ្រប់សាសនាទាំងអស់ គឺបានអប់រំមនុស្ស ឲ្យរស់នៅប្រកបដោយធម៌ និងផ្តល់នូវពុទ្ធិបញ្ញាញាណ ដើម្បីបែងចែករវាងអំពើអាក្រក់ និងអំពើល្អ ព្រមទាំងចៀសវាងការប្រើប្រាស់ចំណេះដឹង និងជំនាញទៅក្នុងផ្លូវខុស ដែលអាចនាំមកនូវការបំផ្លិចបំផ្លាញដល់បុគ្គលខ្លួនឯង និងសង្គមជាតិ។ លោកបណ្ឌិត ហ៊ុន ម៉ាណែត បន្ដថា ក្នុងន័យនេះ ការអប់រំដែលពេញលេញ គឺត្រូវដើរទន្ទឹមគ្នា […]

(ភ្នំពេញ)៖ លោក រ័ត្ន ស្រ៊ាង អនុប្រធានក្រុមការងារគណបក្សប្រជាជនកម្ពុជាចុះជួយមូលដ្ឋានខណ្ឌដង្កោ និងជាប្រធានក្រុមការងារគណបក្សប្រជាជនកម្ពុជាចុះជួយសង្កាត់ព្រែកកំពឹស នាព្រឹកថ្ងៃទី១១ ខែមិថុនា ឆ្នាំ២០២៣ បានសំណេះសំណាលជាមួយមេគ្រួសារបក្សនៃគណបក្សប្រជាជនកម្ពុជា ក្នុងភូមិក្រាំងស្វាយ និងភូមិស្រីស្នំ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ដោយមានការចូលរួមពីលោក អ៊ុយ សុន អនុប្រធានក្រុមការងារ លោក កន សុកេន អនុប្រធានគណៈកម្មាធិការគណបក្សសង្កាត់ និងជាចៅសង្កាត់ព្រែកកំពឹស ព្រមទាំងក្រុមការងារអមដំណើរ គណៈកម្មាធិការគណបក្សសង្កាត់ គណៈសាខាបក្សភូមិ លោកនាយកសាលាទាំង៣ក្នុងសង្កាត់ យុវជនសង្កាត់សរុបមានចំនួន១,៤២៥នាក់។ លោក រ័ត្ន ស្រ៊ាង បានលើកឡើងថា ក្រោមការដឹកនាំរបស់សម្តេចតេជោជានាយករដ្ឋមន្ត្រី បានធ្វើឲ្យកម្ពុជាធ្វើដំណើរឆ្ពោះទៅមុខប្រកបដោយសុខសន្តិភាពនិងជោគជ័យជាបន្តបន្ទាប់ ជាក់ស្តែងថ្មីៗនេះកម្ពុជាទាំងមូលមានមោទកភាពខ្លាំងបំផុត ដែលសម្តេចបានដឹកនាំប្រជុំកំពូលអាស៊ានទទួលបានជោគជ័យយ៉ាងត្រចះត្រចង់ និងបានរៀបចំការប្រកួតកីឡាអាស៊ីអាគ្នេយ៍លើកទី៣២ ដែលខ្មែរធ្វើជាម្ចាស់ផ្ទះលើកដំបូងក្នុងប្រវត្តិស៊ីហ្គេម៦៤ឆ្នាំ និងការប្រកួតកីឡាប៉ារ៉ាហ្គេមលើកទី១២ ឆ្នាំ២០២៣ ទទួលបានការភ្ញាក់ផ្អើល និងការកោតសរសើរពីមជ្ឈដ្ឋានជាតិ-អន្តរជាតិ កក្រើកពិភពលោក ប្រកបដោយមោទកភាព។ ដូច្នេះទោះក្នុងកាលៈទេសៈណាក៏ដោយ យើងទាំងអស់គ្នា គឺត្រូវចងចាំជានិច្ចនិងដឹងគុណយ៉ាងជ្រាលជ្រៅបំផុតចំពោះសម្តេចតេជោ ហ៊ុន សែន ដែលសម្តេចធ្លាប់បានយកជីវិតធ្វើជាដើមទុន ស្វែងរកការសង្គ្រោះជាតិរហូតបានរំដោះជីវិតប្រជាជនកម្ពុជានាថ្ងៃ៧មករា ឆ្នាំ១៩៧៩ ឲ្យរួចផុតពីរបបវាលពិឃាតដ៏ឃោរឃៅ៣ឆ្នាំ៨ខែ២០ថ្ងៃ ហើយសម្តេចតេជោជាស្ថាបនិកនយោបាយឈ្នះឈ្នះ ជាមគ្គុទ្ទេសក៍ឯកដែលបាននាំមកនូវសន្តិភាព និងការឯកភាពជាតិពេញលេញដែលកម្ពុជាពុំធ្លាប់មានជាង៥០០ឆ្នាំ […]

(ភ្នំពេញ)៖ នៅព្រឹកថ្ងៃចន្ទ ៩រោច ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃ​ទី​១២ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន នាយឧត្តមសេនីយ៍ផុតលេខ​ផ្កាយ​មាស៥ ហ៊ុន សែន នាយករដ្ឋមន្ត្រីកម្ពុជា អញ្ជើញសម្ពោធសមិទ្ធផលមួយចំនួន នៅ​ទីបញ្ជាការដ្ឋានកងពលតូចលេខ៧០។ យោងតាមរបាយការណ៍បញ្ជាការដ្ឋានកងពលតូចលេខ៧០ បានឱ្យដឹងថា សមិទ្ធ​ដែល​ជា​ចំណងដៃដ៏ថ្លែថ្លារបស់សម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនដល់កងពលតូចលេខ៧០ រួមមាន៖ ១៖ អគារន្ទីរពេទ្យ «មរតកតេជោ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ចោម​ចៅ» មានទំហំ ១៥.១០ម៉ែត្រ គុណ ៤៣.៨០ម៉ែត្រ។ មានជម្រៅ ២៣.៥០ម៉ែត្រ មានរាងជាអក្សរ (L) កម្ពស់ ០៤ជាន់ ដែលតាមជាន់នីមួយៗមានដូចខាងក្រោម៖ – ជាន់ផ្ទាល់ដីមានផ្នែកសង្គ្រោះបន្ទាន់ ផ្នែកពិនិត្យជំងឺទូទៅ បន្ទប់ពិសោធន៍ បន្ទប់អេកូ និងបន្ទប់ឆ្លុះ X-Ray។ – […]