ប្រជាពលរដ្ឋប្រមាណជិតដប់ម៉ឺនអ្នក ចូលរួមពិធីចាប់ត្រីបឹងត្រពាំងក្រម ស្ថិតនៅភូមិសាទុំ ឃុំជាំក្រវៀន ស្រុកមេមត់ ខេត្តត្បូងឃ្មុំ។ ឆ្នាំ២០២៣កន្លងទៅនេះ មាននុស្សចូលរួមប្រមាណពិធីចាប់ត្រីនេះប្រមាណជា៦ម៉ឺន ដែលធ្វើអោយចំនួននេះមានការកើនឡើង។ នេះបើយោងតាមការបញ្ជាក់ពី លោក អឿន រិទ្ធ ប្រធានមន្ទីរទេសចរណ៍ខេត្ត ត្បូង បានបញ្ជាក់នៅព្រឹកថ្ងៃទី១៧ ខែកុម្ភៈ ឆ្នាំ២០២៤ នៅគ្រាដែលកម្មវិធីនេះ ធ្វើឡើងក្រោមវត្តមាន ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ បានដឹកនាំថ្នាក់ដឹកនាំខេត្ត ប្រធាន-អនុប្រធានមន្ទីរ/អង្គភាពជុំវិញខេត្ត អញ្ជើញចូលរួម នៅក្នុងពិធីចាប់ត្រីនេះ។ ថ្លែងនៅក្មុងឱកាសនេះ ឯកឧត្តមបណ្ឌិត ជាម ច័ន្ទសោភ័ណ បានគូសបញ្ជាក់ពីការយកចិត្តទុកដាក់ទៅលើពិធីចាប់ត្រីនៅក្នុងបឹងត្រពាំងក្រមពីសំណាក់រដ្ឋបាលខេត្ត ស្រុក ដែលមានតំណរតពីបុរាណរៀងមកដល់បច្ចុប្បន្ននេះ ហើយនិងបន្តតទៅអនាគត ។
នៅថ្ងៃទី១២ ខែមីនា ឆ្នាំ២០២៣ បានអញ្ជើញទៅសួរសុខទុក្ខនាយទាហាន២រូប ជាយុទ្ធមិត្តបម្រើកងទ័ពឆ្នាំ១៩៧៨ កំពុងសម្រាកព្យាបាលជំងឺនៅមន្ទីរពេទ្យ១៧៥ ប្រទេសវៀតណាម ដោយបានឧបត្ថម្ភថវិការបស់សម្តេចតេជោ ក្នុងម្នាក់ចំនួន២,០០០ដុល្លារ សរុបចំនួន៤,០០០ដុល្លារ។ នាយទាហានទាំង២រូបនោះ ១-ឧត្តមសេនីយ៍ឯក សរ ម៉ឺន នាយករងសាកលវិទ្យាល័យការពារជាតិ និង២-ឯកឧត្តម ឧត្តមសេនីយ៍ឯក ចាប វ៉ាន្នី មេបញ្ជាការរងកងទ័ពជើងគោក។
កាលពីល្ងាចថ្ងៃទី១៧ ខែវិច្ឆិកា ឆ្នាំ២០២៣ កន្លងទៅ អង្គការសិល្បៈខ្មែរអមតៈ បានប្រារព្ធរៀបចំកម្មវិធីធំៗ ២ ក្នុងថ្ងៃតែមួយ រួមមាន សន្និសីទសារព័ត៌មានអំពី «មហោស្រព ៧ ពណ៌» និងការប្រកាស ជយលាភីអមតៈ ឆ្នាំ ២០២៣ នៅបរិវេណ Factory Phnom Penh ជាទីបណ្តុំដោយស្នាដៃសិល្បៈរបស់សិល្បករជាតិ-អន្តរជាតិ។ លោក សុង សេង អ្នកសម្របសម្រួលកម្មវិធីបានឲ្យដឹងថា «ខ្ញុំកត់សម្គាល់ឃើញថា អ្នករចនាមហោស្រពយើងបានរចនាកម្មវិធីដ៏គួរឱ្យចាប់ចិត្ត ព្រោះមានកម្មវិធីសិល្បៈដ៏សម្បូរបែបដែលរំលេចពីស្ថានភាពយុវជនបច្ចុប្បន្ន និងអ្វីដែលយុវជនសម្លឹងចង់ឃើញនាពេលអនាគត។ ខ្ញុំយល់ថា នេះជាមូលហេតុដែលធ្វើឱ្យមហោស្រពនេះមានលក្ខណៈសមស្របសម្រាប់យុវជន ក៏ដូចជាសារធារណៈជនមកចូលរួម ព្រោះពួកគេនឹងមិនត្រឹមតែទទួលបានការកម្សាន្តប៉ុណ្ណោះទេ ប៉ុន្តែថែមទាំងអាចឈ្វេងយល់អំពីវឌ្ឍនភាព និងទំនាក់ទំនងដែលមិនអាចខ្វះបានរវាងសិល្បៈ និងសង្គមផងដែរ»។ លោករំពឹងថា ពេលមហោស្រពមួយនេះបានបញ្ចប់ទៅ យុវជនដែលមកចូលរួមមហោស្រពអាចទទួលចំណេះដឹង។
