ការបំផ្ទុះគ្រាប់បែកតាមដងផ្លូវចំនួន២ នៅក្នុងភាគខាងជើង និងខាងកើតប្រទេសអាហ្វហ្គានីស្ថាន បានបណ្ដាលឲ្យមនុស្សយ៉ាងហោចណាស់៧នាក់ ស្លាប់ និង១៥ នាក់ផ្សេងទៀត រងរបួស។ ការបំផ្ទុះទី១ បានកើតឡើងកាលពីព្រឹកថ្ងៃអង្គារ នៅភាគកណ្ដាលនៃទីក្រុង Mazar-i- Sharif ភាគខាងជើងប្រទេសអាហ្វហ្គានីស្ថាន ។ តំបន់នេះ ត្រូវបានគ្រប់គ្រងដោយក្រុមតាលីបង់។ នគរបាលក្រោមការដឹកនាំក្រុមអ៊ីស្លាមមួយនេះ បាននិយាយថា គ្រាប់បែកនោះត្រូវបានដាក់ក្នុងរទេះមួយនៅតាមផ្លូវ។វាបានផ្ទុះនៅពេលរថយន្តក្រុងដឹកអ្នកដំណើរក្នុងស្រុកមួយគ្រឿងបានទៅដល់។ ពួកគេនិយាយថា មនុស្ស៧នាក់បានស្លាប់ រួមទាំងក្រុមអ្នកដំណើរនៅលើរថយន្តក្រុងនោះ និងមានមនុស្ស៦នាក់របួស។ ការបំផ្ទុះទី២ បានកើតឡើងនៅពេលរសៀលថ្ងៃដដែល នៅផ្សារប្ដូរប្រាក់ក្នុងទីក្រុង Jalalabad ភាគខាងកើតប្រទេស។ ក្រុមអាជ្ញាធរនិយាយថា មនុស្ស៩នាក់រងរបួស។ ពុំមានក្រុមណាមួយចេញមុខអះអាងទទួលខុសត្រូវចំពោះការបំផ្ទុះទាំងនោះទេ។ សន្តិសុខនៅក្នុងប្រទេសអាហ្វហ្គានីស្ថាន នៅតែអស្ថិរភាព ដោយសារតែការវាយប្រហារភេរវកម្មជាបន្តបន្ទាប់ពីសំណាក់ក្រុមសកម្មប្រយុទ្ធរដ្ឋអ៊ីស្លាម ដែលប្រឆាំងនឹងក្រុមតាលីបង់៕
ភ្នំពេញៈ អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ នៅថ្ងៃទី៣០ ខែឧសភា ឆ្នាំ២០២៣នេះ បានជម្រាប ជូនប្រជាពលរដ្ឋជាម្ចាស់យានយន្តមេត្តាថា ការប្រមូលពន្ធលើមធ្យោបាយដឹកជញ្ជូននិងយានជំនិះគ្រប់ប្រភេទស ម្រាប់ឆ្នាំ២០២៣ នឹងត្រូវចាប់ផ្តើមពីថ្ងៃទី០១ ខែមិថុនា រហូតដល់ថ្ងៃទី៣០ ខែវិច្ឆិកា ឆ្នាំ២០២៣ តទៅ។ អគ្គនាយកដ្ឋានពន្ធដារជូនដំណឹងថា ចំពោះយានយន្តថ្មីត្រូវចុះបញ្ជីលើកដំបូង ម្ចាស់យានយន្តត្រូវដាក់លិខិត ប្រកាសបង់ពន្ធចំនួន ០២ សន្លឹក តាម ទម្រង់ដែលចេញដោយអគ្គនាយកដ្ឋានពន្ធដារ ដោយភ្ជាប់មកជា មួយនូវឯកសារ រួមមាន៖ ប័ណ្ណសម្គាល់យានយន្ត អត្តសញ្ញាណប័ណ្ណផ្ទាល់របស់កម្មសិទ្ធិករ និងវិញ្ញាបនបត្រត្រួតពិនិត្យលក្ខណៈ បច្ចេកទេសយានយន្តចំពោះរថយន្ត ដឹកទំនិញ និងរថយន្តដឹកអ្នកដំណើរ។
ម្តេចតេជោ ហ៊ុន សែន នាយករដ្ឋមន្ត្រី តាមរយៈហ្វេសប៊ុកផេកផ្លូវការនៅម៉ោងជិត២រំលងអាធាត្រឈានចូលថ្ងៃទី១៣ ខែកុម្ភៈឆ្នាំ២០២៣ ឲ្យដឹងថា៖ «យើងពិតជាមិនមែនកូនក្មេងបៀមដៃនោះ ឡើយ។ហេតុអ្វីមិនសូមទោសពីល្ងាចនិងមកសូមទោសពេលយប់ជ្រៅក្រោយម៉ោង១២យប់ទៅវិញ។ តើឈឺណាស់ទៅឬក្រោយត្រូវមួយកំភ្លៀង? មុនត្រូវមួយកំភ្លៀងគិតណាស់រឿងកិត្តិយសសូម្បីពាក្យសូមទោសមួយម៉ាត់មិនហ៊ាននិយាយផងតែក្រោយត្រូវមួយកំភ្លៀងបែរជាភ្លេចអស់កិត្តិយសមកសូម ទោសជាងពាក់កណ្តាលអាធ្រាតទៅវិញ។» សម្តេចតេជោបានបន្ថែមទៀតថា «ខ្ញុំ ហ៊ុន សែន នាយករដ្ឋមន្ត្រីនៃកម្ពុជាមិនផ្លាស់ប្តូរការសម្រេចចិត្តបិទចោលវិទ្យុ វីអូឌីនោះឡើយ។ ស្ថាបន័មានសមត្ថកិច្ចត្រូវអនុវត្តភារកិច្ចដូចដែលបានប្រគល់កាលពីល្ងាចថ្ងៃ១២កុម្ភះ២០២៣ដោយគ្មានការកែប្រែ។ សម្រាប់បងប្អូនដែលបាត់បង់ការងារត្រូវបន្ទោសមេដឹកនាំបងប្អូនឬប្រទេសម្ជាស់លុយដែលកសាងកំហុសតាំងពីការផ្សាយ ព័ត៌មានមូលបង្កាច់រហូតដល់ល្ងង់មិនចេះទទួលខុសត្រូវលើការសូមទោសធ្វើឲ្យបងប្អូនបាត់បង់ការងារធ្វើ»។ សូមបញ្ជាក់VOD បានសរសេរលិខិតមួយរួចហើយនៅថ្ងៃទី១២ ខែកុម្ភៈ ឆ្នាំ២០២៣ ដោយគ្រាន់តែសរសេរថា សំដែងការសោកស្តាយនិងសូមអធ្យាស្រ័យពីការយល់ច្រឡំនានា ប៉ុន្តែស្រាប់តែម៉ោងជិត១រំលងអាធាត្រឈានចូលថ្ងៃទី១៣ ខែកុម្ភៈ ឆ្នាំ២០២៣ បានចេញលិខិតសូមទោសមួយទៀត ទទួលស្គាល់កំហុសរបស់ខ្លួនជូនសម្តេចតេជោនាយករដ្ឋមន្ត្រី បន្ទាប់ពីសម្តេចតេជោបានបញ្ជាក់ពីការទទួលយកមិនបានចំពោះការសរសេរក្នុងលិខិតនោះ ហើយស្នើរអោយក្រសួងព័ត៌មានបិទអាជ្ញាបណ្ណវិទ្យុVODនោះ៕
