ព័ត៌មានថ្មីៗ

សម្ដេចតេជោ ប្រធានព្រឹទ្ធសភា អនុញ្ញាតជូនឯកអគ្គរដ្ឋទូតឥណ្ឌូនេស៊ី ប្រចាំកម្ពុជា ចូលជួបសម្តែងការគួរសម និងពិភាក្សាការងារ NMR ភ្នំពេញ ថ្ងៃទី០៥ ខែមិថុនា ឆ្នាំ២០២៤ —

June 5, 2024 nmr Comments Off

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា អនុញ្ញាតជូនឯកឧត្តម Santo Darmosumarto ឯកអគ្គរដ្ឋទូតសាធារណរដ្ឋឥណ្ឌូនេស៊ី ប្រចាំកម្ពុជា ចូលជួបសម្ដែងការគួរសម និងពិភាក្សាការងារ នាព្រឹកថ្ងៃទី០៥ ខែមិថុនា ឆ្នាំ២០២៤ នៅវិមានព្រឹទ្ធសភា រាជធានីភ្នំពេញ។

រូបថត៖ ហ៊ុន យុទ្ធគុណ និង កុក គី
—

nmr

ជីវិតនិងសង្គម ព័ត៌មានជាតិ ព័ត៌មានថ្មីៗ

រឿងរថភ្លើងទៀតហើយ រៀបតុលក់ដូរលើផ្លូវរថភ្លើងមហាជនរិះគន់ដូចទឹកបាក់ទំនប់ ហាក់មិនខ្វល់ពីអាយុជីវិតនិងមានមនុស្សកុះករអង្គុយហូបអីជុំគ្នាលើកំណាត់ផ្លូវដែក

August 8, 2022 nmr

រាជធានីភ្នំពេញ ៖ មហាជនអ្នកប្រើប្រាស់បណ្តាញសង្គមបានរិះគន់យ៉ាងចាស់ដៃ ជុំវិញការរៀបតុលក់ដូរ និងមានមនុស្សប្រុស-ស្រី មកទទួលទានអាហារ និងផឹកស៊ីលើកំណាត់ផ្លូវរថភ្លើងមួយកន្លែង ដែលគេអះអាងថា នៅខេត្តកំពង់ឆ្នាំង ។ ការរិះគន់ដូចទឹកបាក់ទំនប់នេះ ដោយសារតែអ្នកលេងបណ្តាញសង្គមបានលើកឡើងថា ដូចខ្វះកន្លែងលក់ដូរ និងទទួលទានអ៊ីចឹង បើសិនរថភ្លើងបើកបរមកដល់ តើនឹងទៅជាយ៉ាងណា ។ តាមរយៈវីដេអូឃ្លីបខ្លីៗចំនួនបីដែលបានបង្ហោះក្នុងបណ្តាញសង្គម TikTok និងទទួលបានការចែករំលែកយ៉ាងផុសផុលនោះបានបង្ហាញឱ្យឃើញបងប្អូនប្រជាពលរដ្ឋខ្មែរ ប្រុស-ស្រី អង្គុយលើកៅអ៊ី មានតុជ័ររៀបចំ នៅលើផ្លូវរថភ្លើងជាជួរមានច្រើនតុ និងហាក់រីករាយទទួលទានអាហារដោយមិនខ្វល់អ្វីនោះទេ ។ វីដេអូខ្លះទៀត បង្ហាញពីយុវជនប្រុស-ស្រី ដែលបានថតវីដេអូស៊ែលហ្វី និងបង្ហោះក្នុងគណនីTikTok ឈ្មោះ brochan484 កូនអ្នកខេត្តកំពង់ឆ្នាំង បង្ហាញពីបងប្អូនស្រី-ប្រុស មានចាស់មានក្មេងជួបជុំហូបអី ហាក់មិនខ្វល់ថា នឹងមានហានិភ័យអ្វីកើតឡើងនោះទេ ។ ទិដ្ឋភាពនៃការលក់ដូរអង្គុយហូបអីជុំគ្នាលើផ្លូវរថភ្លើងនេះផងដែរទទួលបានការរិះគន់យ៉ាងខ្លាំងក្លា គឺច្រើនជាងការសរសើរ ក្នុងនោះអ្នកប្រើប្រាស់បណ្តាញសង្គមបានសម្តែងការហួសចិត្តថា ដូចខ្វះកន្លែងលក់ដូរ និងទទួលទានបែរជាមកហូបជុំគ្នាលើផ្លូវរថភ្លើងបែបនេះ ។ មហាជនខ្លះទៀតបានបញ្ចេញមតិថា «បើរថភ្លើងមក រត់មិនទាន់ទេបងប្អូនអើយ» ព្រោះកន្លងមកមានគ្រោះថ្នាក់ច្រើនបានកើតមានលើកផ្លូវដែក ព្រោះតែមានបងប្អូនខ្លះផឹកស៊ីលើផ្លូវដែក ហើយរថភ្លើងមកដល់ គឺរត់ចេញមិនទាន់ត្រូវរថភ្លើងកិន បណ្តាលឱ្យបាត់បង់ជីវិត ខ្លះក៏ដាច់ដៃជើង ជាដើម ព្រោះរថភ្លើងអត់មានផ្លូវណាគេចទេ […]

ព័ត៌មានថ្មីៗ

សម្តេចតេជោ ហ៊ុន សែន ជំរុញឲ្យក្រសួងស្ថាប័ន តាមដានមើលខំមិនក្នុងផេកហ្វេសប៊ុករបស់សម្តេចដើម្បីដោះស្រាយជូនប្រជាពលរដ្ឋ

November 2, 2021 nmr

ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី បានជំរុញឲ្យក្រសួងស្ថាប័នរដ្ឋទាំងអស់ត្រូវតាមដាននូវរាល់ការខំមិនរបស់ប្រជាពលរដ្ឋមកក្នុងផេកហ្វេសប៊ុករបស់សម្តេច ដើម្បីដឹងពីបញ្ហាទុក្ខកង្វល់ និងធ្វើការដោះស្រាយទុក្ខកង្វល់របស់ពួកគាត់ភ្លាមៗ។ ការជំរុញនេះ បានធ្វើឡើងបន្ទាប់ពីមានប្រជាពលរដ្ឋ បានចូលមកខំមិនក្នុងផេកហ្វេសប៊ុកផ្លូវការរបស់សម្តេចសួរនាំរឿងចាក់វ៉ាក់សាំងបង្ការជំងឺកូវីដ១៩ ដែលអាជ្ញាធរបានទាមទាររកឯកសារផ្សេងៗដើម្បីបានចាក់វ៉ាក់សាំង។ ថ្លែងក្នុងពិធីបិទយុទ្ធនាការចាក់វ៉ាក់សាំងបង្ការជំងឺកូវីដ១៩ សម្រាប់អ្នកមានអាយុ ៦ឆ្នាំឡើង និងបើកយុទ្ធនាការចាក់សម្រាប់កុមារមានអាយុ ៥ឆ្នាំ នាព្រឹកថ្ងៃទី១ ខែវិច្ឆិកា ឆ្នាំ២០២១ សម្តេចតេជោ ហ៊ុន សែន នាយករដ្ឋមន្ត្រី បានមានប្រសាសន៍បញ្ជាក់ថា ទោះបីថ្ងៃនេះ ជាថ្ងៃបិទយុទ្ធនាការចាក់វ៉ាក់សាំងទ្រង់ទ្រាយធំក្នុងរាជធានីភ្នំពេញ និងបណ្តាខេត្តក៏ដោយ ប៉ុន្តែក៏មានប្រជាពលរដ្ឋមួយចំនួននៅមានចម្ងល់ ហើយបានចូលមកខំមិនក្នុងផេកហ្វេសប៊ុករបស់សម្តេច ដោយលើកឡើងពីបញ្ហាការចាក់វ៉ាក់សាំងបង្ការជំងឺកូវីដ។ សម្តេចតេជោ ហ៊ុន សែន បានថ្លែងបន្តថា សម្តេចចង់ធ្វើការខំមិនឆ្លើយតបទៅកាន់ប្រជាពលរដ្ឋណាស់ តែរឿងខំមិននេះ គួរគប្បីក្រសួង ឬស្ថាប័ន ដែលមានសមត្ថកិច្ចពាក់ព័ន្ធនឹងបញ្ហា ត្រូវតែធ្វើការឆ្លើយតបជូនប្រជាពលរដ្ឋតែម្តង។ សម្តេចតេជោបញ្ជាក់ថា បើសម្តេចឆ្លើយតបបែបនេះ ក្នុងឋានៈសម្តេចជានាយករដ្ឋមន្ត្រី ហាក់នាំតែប៉ះពាល់ដល់មន្ត្រីមួយចំនួន ដែលកំពុងអនុវត្តតួនាទី ភារកិច្ច ក្នុងកិច្ចការដែលពាក់ព័ន្ធការងារនោះ។ សម្តេចថា បើមានពេលវេលា សម្តេចនឹងធ្វើការឆ្លើយទៅកាន់ប្រជាពលរដ្ឋផ្ទាល់តែម្តង។

ព័ត៌មានថ្មីៗ ព័ត៌មានអន្តរជាតិ

សំណើកញ្ចប់ថវិកាជំនួយចំនួនជាង ១០០ពាន់លានដុល្លារដល់អ៊ីស្រាអ៊ែល-អ៊ុយក្រែន របស់ប្រធានាធិបតីអាមេរិកលោក ចូ បៃដិន អាចនឹងត្រូវបានបដិសេធ

October 26, 2023 nmr

សំណើថវិកាជំនួនសន្តិសុខជាតិចំនួនប្រមាណ ១០៦ពាន់លានដុល្លាររបស់ប្រធានាធិបតីអាមេរិក លោក ចូ បៃដិន ដែលរួមមានជំនួយសម្រាប់អ៊ុយក្រែន និងអ៊ីស្រាអែល អាចនឹងត្រូវបានបដិសេធដោយសមាជិកព្រឹទ្ធសភា នេះបើយោងតាមការចុះផ្សាយរបស់សារព័ត៌មាន Politico នាថ្ងៃអង្គារ៍ក្នុងសប្ដាហ៍នេះ។ គម្រោងចំណាយនេះត្រូវបានដាក់ស្នើដោយរដ្ឋបាលលោក បៃដិន កាលពីសប្តាហ៍មុន ដោយក្នុងនោះមានសំណើយល់ព្រមទៅលើការផ្ដល់ថវិកាជំនួយបន្ថែមចំនួន ៦១,៤ពាន់លានដុល្លារសម្រាប់គាំទ្រអ៊ុយក្រែនក្នុងជម្លោះជាមួយរុស្ស៊ី និងចំនួន ១៤,៣ពាន់លានដុល្លារជាជំនួយដល់អ៊ីស្រាអែលក្នុងសង្គ្រាមជាមួយក្រុមហាម៉ាស។ ទន្ទឹមនឹងនេះ លោកក៏បានស្នើថវិកាចំនួន ៩,២ពាន់លានដុល្លារសម្រាប់ជំនួយមនុស្សធម៌នៅអ៊ីស្រាអែល តំបន់ហ្កាហ្សា និងអ៊ុយក្រែន ព្រមទាំងថវិកាចំនួន ៧,៤ពាន់លានដុល្លារ ដើម្បីប្រើប្រាស់ក្នុងការទប់ទល់នឹងឥទ្ធិពលរបស់ប្រទេសចិន ខណៈថវិកាសម្រាប់ការពារសន្ដិសុខតាមព្រំដែនគឺចំនួន ១៣,៦ ពាន់លានដុល្លារ។ ប្រភព៖ RT

Related Articles