នៅព្រឹកថ្ងៃទី២៧ ខែមេសា ឆ្នាំ២០២៣នេះ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានអញ្ជើញចូលរួមក្នុងពិធីបិទវគ្គបណ្តុះបណ្តាលឆ្នាំ២០២២ និងបើកវគ្គបណ្តុះបណ្តាលឆ្នាំ២០២៣ របស់សាលាភូមិន្ទរដ្ឋបាល (ERA) ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលពិធីនេះប្រារព្ធធ្វើឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ។ សូមជម្រាបជូនដែរថា ពិធីបិទវគ្គបណ្តុះបណ្តាលឆ្នាំ២០២២ សម្រាប់កម្មសិក្សាការីវគ្គវិក្រឹតការមន្ត្រីជាន់ខ្ពស់ មន្ត្រីមធ្យម មន្ត្រីក្រមការ មន្ត្រីគ្រប់គ្រងរដ្ឋបាល និងការបិទវគ្គបណ្តុះបណ្តាលរយៈពេលខ្លី រួមមាន ៖ វគ្គបណ្តុះបណ្តាល “ភាពជាអ្នកដឹកនាំ និងនវានុវត្តន៍” សម្រាប់មន្រ្តីជាន់ខ្ពស់នៃក្រសួង ស្ថាប័ននៅថ្នាក់ជាតិ និងថ្នាក់ក្រោមជាតិ វគ្គបណ្តុះបណ្តាលមន្រ្តីជាន់ខ្ពស់ នៃក្រសួងបរិស្ថាន និងក្រសួងអប់រំ យុវជននិងកីឡា ព្រមទាំងវគ្គពង្រឹង សមត្ថភាពក្រុមការងារកែទម្រង់តាមប្រព័ន្ធឌីជីថល មានចំនួនសរុបទាំងអស់ ១០២១អង្គ/នាក់ (ក្នុងនោះមានព្រះសង្ឃ ១១អង្គ មាននារី ២០៧នាក់ និងជនពិការ ៧នាក់)។ ចំពោះការបើកវគ្គបណ្តុះបណ្តាលឆ្នាំ២០២៣ សម្រាប់សិស្សមន្ត្រីក្រមការជំនាន់ទី១០ កម្មសិក្សាការី មន្ត្រីជាន់ខ្ពស់ មន្ត្រីមធ្យម មន្ត្រីក្រមការ […]
ភ្នំពេញ ៖កាលពីថ្ងៃទី០៣ ខែតុលា ឆ្នាំ២០២២ រាជរដ្ឋាភិបាល បានសម្រេចដកចេញនូវវិធានការដែលតម្រូវឲ្យអ្នកដំណើរមកពីបរទេសទាំងអស់ ទាំងច្រកផ្លូវគោក ផ្លូវទឹក និងផ្លូវអាកាស បង្ហាញសេចក្ដីប្រកាសសុខភាពរបស់អ្នកដំណើរ និងបណ្ណ ឬវិញ្ញាបនបត្រចាក់វ៉ាក់សាំងកូវីដ១៩ ពេញលេញ នៅពេលមកដល់កម្ពុជា។ តែយ៉ាងណាការវាស់កម្ដៅពីចម្ងាយ និងវត្តមានមន្រ្ដីទទួលបន្ទុកចត្តាឡីស័កមួយចំនួន នៅតាមច្រកទ្វារព្រំដែន ដើម្បីពិនិត្យ ផ្ដល់យោបល់ចំពោះអ្នកដំណើរដែលមានរោគសញ្ញា ឬអ្នកជំងឺដែលមានតម្រូវការជាយថាហេតុ ត្រូវតែបន្តរក្សាដដែល។ ចំពោះការដកនូវវិធានការជាបន្តទៀតនេះលោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា បានប្រាប់វិទ្យុបាយ័នថា វិធានការនេះគឺជាការល្អនៅក្នុងវិស័យទេសចរណ៍នេះ មិនសូវមានភាពស្មុកស្មាញ។ ជាងនេះលោកស្រីយល់ថា គឺជាភាពចំណេញយ៉ាងខ្លាំងចំពោះសេដ្ឋកិច្ចកម្ពុជា។ លោកស្រី ឆាយ ស៊ីវលីន ៖«ជុំវិញវិធានការដកចេញនូវការបង្ហាញនូវឯកសារពាក់ព័ន្ធនានានិងគឺជាការល្អនៅក្នុងវិស័យទេសចរណ៍ វិស័យការធ្វើដំណើរនេះព្រោះថា អាចជួយសម្របសម្រួលឲ្យអ្នកធ្វើដំណើរមិនសូវមានភាពស្មុកស្មាញ។ អ្នកដំណើរទាំងអស់នៅលើពិភពលោកនេះមិនប្រាកដថា ពួកគាត់ចេះភាសារច្រើននោះទេ ដូចជាអង់គ្លេសជាដើម។ ថ្វីត្បិតតែការបំពេញបែបបទមិនមានពាក្យអីចម្លែកមែន តែវានៅតែជាសម្ពាធមួយព្រោះអ្នកខ្លះគាត់ពិបាកសរសេរ អ្នករាងងងឹត អ្នកខ្លះសរសេរហើយមន្រ្ដីយើងថាមិនត្រូវត្រូវកែបែបនេះបែបនោះ។ ដូចនេះការដកវិធានការនេះនឹងធ្វើឲ្យអ្នកទេសចរនឹកដល់កម្ពុជាថា មានតែកម្ពុជាទេដែលមានការសម្រួលច្រើន ហើយវាក៏ជាផ្នែកមួយជំរុញទេសចរចូលមកកម្ពុជា»។ រាជរដ្ឋាភិបាលកម្ពុជា បានដកនូវវិធានការជាបន្តបន្ទាប់តាមជំហ៊ាននីមួយៗ។ អំឡុងខែមីនា ឆ្នាំ២០២២ ការបង្ហាញលទ្ធផលតេស្ដកូវីដ១៩ ដោយម៉ាស៊ិន PCR ក្នុងរយៈពេល ៧២ម៉ោងមុនមកដល់កម្ពុជា […]
នារសៀលថ្ងៃទី២៦ ខែមេសាឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឲ្យលោក តាកាហាស៊ី ហ្វូមីអាគី (Takahashi fumiaki) ប្រធានសមាគមជប៉ុន-កម្ពុជា ចូលជួបសម្តែងការគួរសម និងពិភាក្សាការងារ។ ក្នុងជំនួបនេះ ឯកឧត្តម តាកាហាស៊ី បានគោរពរាយការណ៍ជូនសម្ដេចតេជោ អំពីវឌ្ឍនភាពរបស់សមាគម ជប៉ុន-កម្ពុជា ដែលក្នុងនោះទី១-កំពុងរៀបចំវេទិកាព័ត៌មានអំពីសក្ដានុពលវិនិយោគនៅកម្ពុជា ដើម្បីផ្សព្វផ្សាយដល់ប្រជាជនជប៉ុន ជាពិសេសសហគ្រាសខ្នាតតូច និងមធ្យមជប៉ុន ដែលកំពុងស្វែងរកការវិនិយោគនៅក្រៅប្រទេស។ ទី២-កំពុងជំរុញការអភិវឌ្ឍធនធានមនុស្សលើវិស័យកែសម្ផស្ស, លើសវិស័យជួសជុលយានយន្ត និងលើវិស័យ បដិសណ្ឋារកិច្ច។ ទី៣-កំពុងរៀបចំខួប ៧០ឆ្នាំ នៃទំនាក់ទំនងការទូតរវាងប្រទេសទាំងពីរ ដែលក្នុងនោះនឹងមានការអុចកាំជ្រួចអបអរសាទរផងដែរនៅថ្ងៃទី១៩ ខែកញ្ញា ឆ្នាំ ២០២៣ ខាងមុខ។ ទី៤-ជំរុញការនាំចេញផលិតផលពីកម្ពុជាទៅជប៉ុន និងកែច្នៃផលិតផលកម្ពុជា សម្រាប់ដាក់លក់លើកទីផ្សារ។ ទី៥-គោរពសម្ដែងការអបអរសាទរជូនចំពោះសម្ដេចតេជោ ដែលបានរៀបចំ និងដឹកនាំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធទទួលបានជោគជ័យយ៉ាងត្រចះត្រចង់។ ជាការឆ្លើយតប សម្ដេចតេជោ ហ៊ុន សែន បានថ្លែងអំណរគុណជូនចំពោះឯកឧត្តម តាកាហាស៊ី ដែលបានធ្វើរបាយការណ៍ជូនសម្ដេច ហើយបានលើកទឹកចិត្តឱ្យបន្តការខិតខំចលនាអ្នកវិនិយោគមកកម្ពុជា ដែលជាអាទិភាពរបស់កម្ពុជា ហើយនៅពេលនេះ […]
