ស្ទឹងត្រែង៖សិស្សស្រីអនុវិទ្យាល័យទួលមាសអូររៃ ចំនួន៣នាក់ទៀតហើយ បានដួលសន្លប់ជាបន្តបន្ទាប់ ត្រូវបានលោកគ្រូ អ្នកគ្រូសិស្សានុសិស្សនាំគ្នាធ្វើចលនាជួយសង្គ្រោះ រួចបញ្ជូនទៅកាន់ក្រុមគ្រួសារយកទៅព្យាបាល។ ហេតុការណ៍សិស្សសន្លប់នេះ បានកើតឡើងនៅវេលាម៉ោង៨និង៣០នាទីព្រឹក ថ្ងៃទី១២ ខែកញ្ញា ឆ្នាំ២០២២ នៅចំណុចសាលាអនុវិទ្យាល័យទួលមាសអូររៃ ស្ថិតក្នុងភូមិអូររៃ ឃុំអូររៃស្រុកថាឡាបរិវ៉ាត់ ខេត្តស្ទឹងត្រែង។ លោក វ៉ាន់ នីម នាយកវិទ្យាល័យទួលមាសអូររៃ បានឲ្យដឹងថា នៅឆ្នាំ២០២២នេះចាប់ពីដើមឆ្នាំរហូតមកទល់ពេលនេះមានកើតករណីសិស្សដួលសន្លប់ចំនួនពីរលើកមកហើយ លើកទី១ មានចំនួន៧នាក់ ហើយនៅថ្ងៃទី១២នេះ មានចំនួននបីនាក់។ លោកនាយកសាលាបានបញ្ជាក់បន្ថែមថា នៅមុនកើតហេតុនោះ សិស្សស្រីទាំងបីនាក់ថាមានសភាពដូចជា ឈឺក្បាលវិលមុខបន្ទាប់មកក៏បាត់មាត់បាត់កសន្លប់នៅលើតុ ត្រូវបានគ្រូ និងសិស្សក្នុងថ្នាក់ជួយធ្វើចលនា រួចមកពួកគាត់ក៏រាងដឹងខ្លួនតែនិយាយរវើរវាយខុសពីធម្មតា ហើយក៏បានបញ្ជូនយកទៅឲ្យក្រុមគ្រួសារយកទៅព្យាបាល។ លោក ឈូក ឌី មេឃុំអូររៃ ក៏បានឲ្យដឹងដែរថា ករណីសិស្សស្រីទាំងបីនាក់នេះកើតឡើងក្នុងចំណោមសិស្សស្រី៧នាក់ដែលធ្លាប់កើតពីលើកមុន មានអាការៈដូចគ្នា ហើយត្រូវបានខ្លះគេសន្និដ្ឋានថា ជាអបិយជំនឿ មានខ្មោចអារុកអារក្សអ្នកតាចូល។ លោកមេឃុំបន្តថា ក្រោយពីមានហេតុការណ៍នេះ លោកនាយកសាលាមេភូមិមេឃុំ និងអាណាព្យាបាលរួមទាំងប្រជាពលរដ្ឋបានធ្វើការសូត្រប្រោសព្រំក្នុងអនុវិទ្យាល័យនេះ ដើម្បីសុំសេចក្តីសុខសេចក្តីចម្រើនដល់សិស្សានុសិស្សក្នុងសាលានេះផងដែរ។ លោកមេឃុំបន្តថា នៅថ្ងៃ១២ ខែកញ្ញានេះ ក៏មានខាងមន្ទីរអប់រំ និងមន្ត្រីសុខាភិបាលបានចុះទៅពិនិត្យដល់សាលារកពីមូលហេតុ។ ក្រោយពីការពិនិត្យពីមន្ត្រីសុខាភិបាលពីអាការៈសិស្ស និងពិនិត្យមើលឈាមជាតិស្ករនោះ […]
រសៀលថ្ងៃព្រហស្បតិ៍ ទី២៧ ខែតុលា ឆ្នាំ២០២២ អគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ បានរៀបចំកិច្ចប្រជុំ ក្រោមអធិបតីភាពដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក ងួន ស្រេង អគ្គនាយក នៃអគ្គនាយកដ្ឋានសវនកម្មផ្ទៃក្នុង ដោយមានការអញ្ជេីញចូលរួមពីថ្នាក់ដឹកនាំ អគ្គនាយករង ប្រធាននាយកដ្ឋានចំណុះ និងមន្ត្រីជំនាញពាក់ព័ន្ធ។ ជាកិច្ចចាប់ផ្ដើម ឯកឧត្តម ឧត្តមសេនីយ៍ឯក អគ្គនាយក បានមានមតិស្វាគមន៍ចំពោះអង្គប្រជុំទាំងមូល និងបានប្រកាសសមាសភាពអគ្គនាយករងថ្មី ផងដែរ។ ឯកឧត្តម ប្រធានអង្គប្រជុំមានប្រសាសន៍ថ្លែងអរគុណចំពោះលោក ឧត្តមសេនីយ៍ទោ ស៊ុយ ច័ន្ទវិជ្ជនី និងបានផ្តាំផ្ញើដល់ថ្នាក់ដឹកនាំទាំងអស់នៃអគ្គនាយកដ្ឋានសវនកម្មផ្ទៃក្នុង ត្រូវរួបរួមសាមគ្គីគ្នាក្នុងការបំពេញភារកិច្ចឱ្យបានល្អ ដើម្បីជាកិត្តិយសរបស់អគ្គនាយកដ្ឋានសវនកម្មផ្ទៃក្នុង។ ម្យ៉ាងវិញទៀត ឯកឧត្តម ឧត្តមសេនីយ៍ឯក អគ្គនាយក បានណែនាំដល់ក្រុមគណៈប្រតិភូសវនកម្មផ្ទៃក្នុង ទាំងបីផ្នែកថា៖ (ផ្នែកសន្តិសុខសាធារណៈ ផ្នែករដ្ឋបាលស៊ីវិល និងផ្នែកពន្ធនាគារ) ត្រូវត្រួតពិនិត្យឱ្យបានហ្មត់ចត់លើការគ្រប់គ្រងហិរញ្ញវត្ថុ ការគ្រប់គ្រងទ្រព្យសម្បត្តិរដ្ឋ និងការគ្រប់គ្រងបុគ្គលិក ជាពិសេសលើការតែងតាំង និងដំឡើងឋានន្តរស័ក្តិដែលមានភាពមិនប្រក្រតី ដើម្បីរៀបចំរបាយការណ៍គោរពជូន សម្ដេចក្រឡាហោម ពិនិត្យ និងចាត់វិធានការបន្ត។ ជាកិច្ចបញ្ចប់ ឯកឧត្តម ឧត្តមសេនីយ៍ឯក អគ្គនាយក […]
ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ថ្លែងស្នើដល់ឥស្សរជនដែលទទួលបានគោរមងារ «សន្តិបណ្ឌិត»ផ្ដល់ពេលវេលាសមស្របណាមួយ អញ្ជើញមកកាន់បណ្ឌិត្យសភានគរបាលកម្ពុជា ដើម្បីធ្វើបាឋកថាចែករំលែកបទពិសោធន៍ការងារក្នុងវិស័យកងកម្លាំងនគរបាលជាតិ ដល់នគរបាលបន្តវេន។ ឯកឧត្ដម ថ្លែងបែបនេះ នាពិធីប្រគល់សញ្ញាបត្របណ្ឌិតកិត្តិយស ជំនាញ «ដឹកនាំបញ្ជាកងកម្លាំងនគរបាលជាតិ» និងគោរមងារ «សន្តិបណ្ឌិត» ជូនឥស្សរជនចំនួន ០៤រូប រួមមាន៖ ឯកឧត្ដម ឡូយ សុផាត ឯកឧត្ដម ឆៃ ស៊ីណារិទ្ធ ឯកឧត្ដម យូ ស៊ុនឡុង និងឯកឧត្ដម គៀត ច័ន្ទថារិទ្ធ នៅបណ្ឌិត្យសភានគរបាលកម្ពុជា នាព្រឹកថ្ងៃទី១៩ ខែតុលា ឆ្នាំ២០២៣។ ក្នុងនោះ ឯកឧត្ដមអភិសន្តិបណ្ឌិតបានផ្ដល់អនុសាសន៍ដល់បណ្ឌិត្យសភានគរបាលកម្ពុជា ឱ្យពិនិត្យលទ្ធភាពរៀបចំកម្មវិធីដើម្បីទាក់ទងអញ្ជើញឥស្សរជនសរុបទាំងអស់ ១៧រូប ដែលបានទទួលគោរមងារ«សន្តិបណ្ឌិត»តាមកាលវេលាស្របនឹងកម្មវិធីសិក្សារបស់បណ្ឌិត្យសភានគរបាលកម្ពុជា។ ប្រភព ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ
