(សៀមរាប)៖ នៅថ្ងៃទី១៤-១៧ ខែកក្កដា ឆ្នាំ២០២៣ ស្រាវជ្រាវ និងបង្ក្រាបមុខសញ្ញាអំពើលួចម៉ូតូដ៏សកម្មមួយសំបុកធំរួមទាំងអ្នកទទួលផលចោរកម្មជាបន្តបន្ទាប់។ ប្រតិបត្តិការនេះ ធ្វើឡើង និងដឹកនាំដោយលោកវរសេនីយ៍ឯក នួន ស័ក្ដិចំរើនរិទ្ធ ស្នងការរងទទួលផែនការងារនគរបាលព្រហ្មទណ្ឌ ខេត្តសៀមរាប, លោកវរសេនីយ៍ឯក មឿន បូរី ស្នងការរងទទួលដឹកនាំការិយាល័យនគរបាលអន្តរាគមន៍ និងតម្រួតបទបញ្ជា, លោកវរសេនីយ៍ឯក ដា ចំរើន អធិការ នៃអធិការដ្ឋាននគរបាលក្រុងសៀមរាប បានធ្វើប្រតិបត្តិការ ស៊ើបអង្គេត និងស្រាវជ្រាវ ករណី អំពើលួច (លួចម៉ូតូ) យ៉ាងសកម្មនៅក្នុងក្រុងខេត្តសៀមរាប រហូតឈានដល់ធ្វើការឃាត់ខ្លួនជនសង្ស័យបានចំនួន៩នាក់។ ដោយជនសង្ស័យទាំងនេះ រួមមាន៖ ទី១៖ ឈ្មោះ វិន ជែម ហៅ ចេម អាយុ១៨ឆ្នាំ លួចម៉ូតូនៅចំណុចសួនបឹងគីឡូ ស្ថិតនៅភូមិមណ្ឌល២ សង្កាត់ស្វាយដង្គំ ក្រុងសៀមរាប នៅថ្ងៃទី១៦ ខែកក្កដា ឆ្នាំ២០២៣។ បន្ទាប់ពីធ្វើការសាកសួរជនសង្ស័យខាងលើរួច កម្លាំងសមត្ថកិច្ចបានបន្តស៊ើបអង្គេត និងស្រាវជ្រាវ ហើយក៏បានឃាត់ខ្លួនក្រុមបក្ខពួកជនសង្ស័យខាងលើបានចំនួន០៦នាក់បន្ថែមទៀត។ ទី២៖ ឈ្មោះ ផុន តាណា […]
ភ្នំពេញ៖ឯកឧត្តមបណ្ឌិត គង់ មៅ ត្រូវបាន សម្តេចព្រះអគ្គមហាសង្ឃរាជាធិបតី ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា តែងតាំងជាទីប្រឹក្សាផ្ទាល់ បញ្ញត្តិគោរម័្យងារ ឯកឧត្តមបណ្ឌិត គង់ មៅ ។ ពិធីប្រកាសតែងតាំងនេះ គឺត្រូវបានរៀបចំឡើងក្រោមព្រះរាជធិបតីភាពសម្តេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត ព្រះមហាសង្ឃរាជនៃគណៈធម្មយុត្តិកនិកាយនៃព្រះរាជាណាចក្រកម្ពុជា និងជាព្រះប្រធានគណៈសង្ឃនាយក នៃគណៈធម្មយុត្តិកនិកាយ នៃព្រះរាជាណាចក្រកម្ពុជា ទទួលព្រះរាជសង្ឃប្រកាសតែងតាំង នៅព្រឹកថ្ងៃទី០៨ ខែកញ្ញា ឆ្នាំ២០២៣ នៅវត្ត ឧណ្ណាឡោមធម្មយុត្តិ។ ក្នុងពិធីប្រកាសតែងតាំងនេះ ឯកឧត្តមបណ្ឌិត គង់ មៅ បានបង្ហាញនូវអារម្មណ៍រំភើបរីករាយ ដែល សម្តេចព្រះមហាសង្ឃរាជប្រកាស ឯកឧត្តម ជា ឧត្តមទីប្រឹក្សាផ្ទាល់ ។ ឯកឧត្តមបន្តថា ក្នុងតួនាទីជាឧត្តមទីប្រឹក្សាផ្ទាល់របស់ សម្តេចព្រះអគ្គមហាសង្ឃរាជាធិបតី ឯកឧត្តមនឹងខិតខំប្រឹងប្រែងបំពេញការងារឱ្យបានល្អប្រសើរ ដើម្បីផ្តល់ជាឧត្តមប្រយោជន៍ចំពោះវិស័យព្រះពុទ្ធសាសនា និងការជួយផ្សព្វផ្សាយនូវព្រះរាជសកម្មភាពរបស់ សម្តេចព្រះមហាសង្ឃរាជ នៃព្រះរាជាណាចក្រកម្ពុជា ដែលព្រះអង្គបាននឹងកំពុងធ្វើព្រះរាជសកម្មភាពមនុស្សធម៌នាពេលបច្ចុប្បន្ននេះ៕
នៅព្រឹក ថ្ងៃអង្គារ ១៤រោច ខែជេស្ឋ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២៨ ខែមិថុនា ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជានឹងអញ្ជើញជាអធិបតីក្នុងអង្គមិទ្ទិញអបអរសាទរខួប ៧១ឆ្នាំ ថ្ងៃកំណើតបក្សប្រជាជនកម្ពុជា(២៨ មិថុនា ១៩៥១-២៨ មិថុនា ២០២២)។ ពិធីនេះ នឹងប្រារព្ធធ្វើឡើងយ៉ាងមហោឡារឹកនៅវិមាន៧មករា ដែលនឹងមានការចូលរួមពីថ្នាក់ដឹកនាំសំខាន់ៗរបស់គណបក្សប្រជាជនកម្ពុជា និងសមាជិក សមាជិកា ជាច្រើនរូបទៀត។ ជារៀងរាល់ឆ្នាំគណបក្សប្រជាជនកម្ពុជា តែងតែប្រារព្ធពិធីអបអរសាទរថ្ងៃកំណើតរបស់យ៉ាងមហោឡារឹកអធិកអធមជាទីបំផុត។ ប៉ុន្តែរយៈពេល២ឆ្នាំមកហើយ គណបក្សនយោបាយដ៏ធំ និងមានការគាំទ្រយ៉ាងច្រើនលើសលប់ពីប្រជាពលរដ្ឋកម្ពុជាមួយនេះ មិនបានប្រារព្ធពិធីអបអរសាទរខួបកំណើតរបស់ខ្លួននោះទេ ដើម្បីចូលរួមទប់ស្កាត់ការរីករាលដាលជំងឺកូវីដ-១៩។ ចាប់ពីថ្ងៃបានបដិសន្ធិឡើងនាថ្ងៃទី២៨ ខែមិថុនា ឆ្នាំ១៩៥១មក គណបក្សប្រជាជនកម្ពុជា បានប្រកាន់ខ្ជាប់នូវគោលបំណងដើមរបស់ខ្លួន គឺប្រមូលកម្លាំងគ្រប់ជនជាតិកម្ពុជា ដែលមានឧត្តមគតិស្នេហាជាតិមាតុភូមិ ស្រឡាញ់លទ្ធិប្រជាធិបតេយ្យ និងសន្តិភាព ដោយមិនប្រកាន់ឋានៈ ជីវភាព ដើមកំណើតជាតិ ជំនឿសាសនា អតីតកាល ដើម្បីរួមកម្លាំងគ្នារំដោះប្រជាជាតិឱ្យរួចផុតពីការ ឈ្លានពាន ការត្រួតត្រា ការជិះជាន់ធ្វើបាបគ្រប់បែបយ៉ាង ការពារសមិទ្ធផលសង្គមជាតិ […]
