ខេត្តកំពង់ឆ្នាំង៖ បើយោងតាមរបាយការណ៍របស់រដ្ឋបាលឃុំឈានឡើង បានគិតមកត្រឹមម៉ោង១៥ និង០០ រសៀលថ្ងៃពុធ ៩កើត ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី១៥ ខែកញ្ញា ឆ្នាំ២០២១នេះ ស្ថានភាពទឹកភ្លៀង និងជំនន់ទឹកភ្លៀងនៅក្នុងរយៈពេលប៉ុន្មានថ្ងៃកន្លងមកនេះ ផ្ទៃដីទូទាំងស្រុកសាមគ្គីមានជ័យ បានទទួលទឹកភ្លៀងគ្រប់គ្រាន់ ហើយបច្ចុប្បន្ន អាងទឹកអន្លង់ជ្រៃ ស្ថិតនៅផ្នែកខាងលើ ក្នុងតំបន់ស្ទឹងក្រាំងពន្លៃ មានស្ថានភាពទឹកឡើងដល់កម្ពស់ ៣,៤០ម៉ែត្រ ទ្វារទឹកចំនួន៦ បានបើក២ ទឹកមានសភាពកាន់តែឡើង។ មន្ទីរធនធានទឹក និងឧតុនិយមខេត្តកំពង់ឆ្នាំង បានសហការនឹងរដ្ឋបាលស្រុកសាមគ្គីមានជ័យ ធ្វើការផ្សព្វផ្សាយដល់ប្រជាពលរដ្ឋដែលរស់នៅតាមដងស្ទឹងក្រាំងពន្លៃ ឱ្យបានជ្រាបជាព័ត៌មាននិងមានលក្ខណៈប្រុងប្រយ័ត្នជាមុន ជៀសវាងពីការកើតហេតុផ្សេងៗ ៕
ភ្នំពេញ៖ មានការភ្ញាក់ផ្អើលនិងចាប់អារម្មណ៍ខ្លាំងសម្រាប់អ្នកលេងបណ្តាញសង្គមហ្វេសប៊ុកក្រោយពីបុរសម្នាក់បានទម្លាយវីដេអូនៃការប្រទះឃើញដោយចៃដន្យនូវវត្តមានតារាសម្តែងកំពូលលំដាប់ហូលីវូដលោកស្រី Angelina Jolie នៅលើឡំប្រឺតាយ៉ាងសាមញ្ញនៅក្នុងរាជធានីភ្នំពេញ។ នេះគឺជារឿងភ្ញាក់ផ្អើលថ្មីមួយទៀតក្រោយពីមុននេះលោកស្រីបានបង្ហាញវត្តមាននៅលើទឹកដីនៃតំបន់អង្គរខេត្តសៀមរាបជាមួយលោកស្រី អុឹង លឿង ជាអ្នកនិពន្ធរឿង «មុនដំបូងខ្មែរក្រហមសម្លាប់ប៉ារបស់ខ្ញុំ»។ យោងទៅតាមគណនីហ្វេសប៊ុកមួយឈ្មោះ Rick Kh បានបង្ហាញការភ្ញាក់ផ្អើលយ៉ាងខ្លាំង និងរំភើបចិត្តជាទីបំផុត ដោយបានឃើញកំពូលតារាសញ្ជាតិអាមេរិករូបនេះដោយចៃដន្យ។ វីដេអូខ្លីមួយនេះក៏ត្រូវបានអ្នកប្រើប្រាស់បណ្ដាញសង្គមហ្វេសបុ៊កនៅកម្ពុជា ធ្វើការចែករំលែកជាបន្តបន្ទាប់ និងបង្ហាញការភ្ញាក់ផ្អើលផងដែរ ដោយមិននឹកស្មានថា លោកស្រី Angelina Jolie បង្ហាញខ្លួនយ៉ាងសាមញ្ញបែបនេះ។ នៅថ្ងៃដដែលនេះដែរ ពោលគឺក្នុងថ្ងៃទី២៣ ខែកុម្ភៈ ឆ្នាំ២០២២នេះ គេបានប្រទះឃើញលោកស្រី Angelina Jolie បានធ្វើដំណើរទៅកាន់ខេត្តបាត់ដំបង ក្រោយចេញពីខេត្តសៀមរាប និងបានធ្វើដំណើរមកកាន់រាជធានីភ្នំពេញ ហើយបានធ្វើដំណើរទៅទិញវត្ថុអនុស្សាវរីយ៍នៅក្នុងផ្សារទួលទំពូងថែមទៀតផង។នេះគឺជាការបង្ហាញខ្លួនដ៏ភ្ញាក់ផ្អើលសាជាថ្មីទៀតហើយនៅកម្ពុជា បន្ទាប់ពីកាលពីថ្ងៃទី២២ កុម្ភៈកន្លងទៅនេះលោកស្រីបានបង្ហាញវត្តមានដ៏គួរឲ្យភ្ញាក់ផ្អើលនៅតំបន់ប្រាសាទអង្គរវត្ត ខេត្តសៀមរាបនោះ។ វត្តមានរបស់លោកស្រីនៅកម្ពុជាបាននិងកំពុងតែទទួលបានការចាប់អារម្មណ៍ច្រើនពីប្រជាជនកម្ពុជា និងបណ្តាញសារព័ត៌មានអន្តរជាតិជាច្រើនផងដែរ។ គួរបញ្ជាក់ផងដែរថា ដំណើរមកកាន់កម្ពុជាគ្រានេះគឺស្ថិតក្នុងបេសកកម្មដ៏សំខាន់មួយក្នុងការចូលរួមជួយដល់ស្ត្រីខ្មែរដោយបង្កើតកម្មវិធីចិញ្ចឹមឃ្មុំសម្រាប់ស្ត្រីឬWomen for Bees ក្រោមកិច្ចសហការជាមួយអង្គការយូណេស្កូ និងសម្របសម្រួលដោយអាជ្ញាធរជាតិអប្សរា។កម្មវិធីចិញ្ចឹមឃ្មុំនេះមានគោលបំណងជួយអភិរក្សឃ្មុំ២ប្រភេទដែលមានដើមកំណើតនៅក្នុងឧទ្យានអង្គរ៕
——————— ថ្លែងក្នុងពិធីប្រគល់សញ្ញាបត្រជូននិស្សិតជ័យលាភីនៃសាកលវិទ្យាល័យកំពង់ចាម ថ្ងៃទី២០ ខែមីនា ឆ្នាំ២០២៣ នេះ ឯកឧត្តម បណ្ឌិត ហ៊ុន ម៉ាណែត បានប្រៀបធៀបអាជីពជាគ្រូពេទ្យ ដូចទៅនឹងទេវតា ដែលជួយមនុស្សឱ្យបានជាសះស្បើយ និងរួចផុតពីការស្លាប់បាត់បង់ជីវិត ដូច្នេះគឺទាមទារជាចាំបាច់ណាស់នូវការយកចិត្តទុកដាក់ខ្ពស់ក្នុងការបន្តខិតខំស្រាវជ្រាវសិក្សារៀនសូត្រ និងធ្វើទំនើបកម្មជាប់ជាប្រចាំទាំងលើចំណេះដឹង, បច្ចេកទេស និងសម្ភារបរិក្ខារ សំដៅធ្វើយ៉ាងណាឱ្យដើរទាន់រាល់ការវិវឌ្ឍឥតឈប់ឈរនៃវិទ្យាសាស្ត្រ និងបច្ចេកវិទ្យា ដែលជួយដល់ការធានាបាននូវប្រសិទ្ធភាព និងស័ក្តិសិទ្ធិក្នុងការពិនិត្យ និងព្យាបាល។ ឯកឧត្តម បណ្ឌិត ហ៊ុន ម៉ាណែត បានថ្លែងបន្តថា សុខភាព គឺជាទ្រព្យធនដ៏ចម្បងរបស់បុគ្គលម្នាក់ៗ និងសង្គមជាតិទាំងមូល ហើយទ្រព្យធននេះនឹងផ្តល់ផលវិជ្ជមានច្រើនសន្ធឹកសន្ធាប់ ដរាបណាមានការថែទាំ និងលើកកម្ពស់ឱ្យបានរឹងមាំ តាមរយៈកត្តាមួយចំនួន រួមមានជាអាទិ៍៖ ទី១. បុគ្គលម្នាក់ៗមានការយល់ដឹងច្បាស់លាស់អំពីការថែទាំ និងបំប៉នសុខភាពតាមក្បួនខ្នាត និងក្រឹត្យក្រមសុខាភិបាលត្រឹមត្រូវ, ទី២. ការខិតខំរបស់រាជរដ្ឋាភិបាលក្នុងការពង្រឹងការអនុវត្តច្បាប់ពាក់ព័ន្ធនឹងការគ្រប់គ្រងផលិតផលអាហារ និងថ្នាំពេទ្យទាំងលើការផលិត និងការនាំចូល ដើម្បីធានាបាននូវគុណភាព និងសុវត្ថិភាពល្អប្រសើរជូនប្រជាពលរដ្ឋជាអ្នកប្រើប្រាស់, និងទី៣. ការកែទម្រង់ និងទំនើបកម្មវិស័យសុខាភិបាលជាជំហានៗតាមរយៈការជំរុញសេវាសុខាភិបាលឱ្យកាន់តែខិតកៀកជិតបំផុតនឹងមូលដ្ឋានរបស់ប្រជាជន, ការពង្រឹងសមត្ថភាពរបស់បុគ្គលិកសុខាភិបាល និងការផ្គត់ផ្គង់សម្ភារបរិក្ខារពេទ្យឱ្យបានគ្រប់គ្រាន់នៅទូទាំងប្រទេស។ ជាមួយគ្នានេះដែរ ឯកឧត្តម បណ្ឌិត ហ៊ុន […]
