ភ្នំពេញ ៖ កាលពីថ្ងៃទី១០ ខែកក្កដា ឆ្នាំ២០២១ លោកស្រី ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងសហការី បាននាំយកអំណោយមនុស្សធម៌ ជាលើកទី៩ របស់កាកបាទក្រហមកម្ពុជា ជូនអង្គការលើកស្ទួយប្រជាពលដ្ឋ សម្រាប់ជួយសម្រាលដល់ការលំបាកក្នុងការរស់នៅប្រចាំថ្ងៃរបស់បុគ្គលិក និងសិស្សានុសិស្ស។ ក្នុងឱកាសនោះលោកស្រីក៏បាននាំយកប្រសាសន៍ របស់សម្ដេចកិត្ដិព្រឹទ្ធបណ្ឌិត ប៊ុនរ៉ានី ហ៊ុនសែន ផ្ដាំផ្ញើចិត្ដនឹករលឹកជាសារសំឡេង តាមរយៈលោកស្រី ជូនដល់កុមារកុមារតូចដែលរស់នៅអង្គការខាងលើនេះផងដែរ។ ប្រសាសន៍របស់សម្ដេច កិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន មានខ្លឹមសារយ៉ាងដូច្នេះថា ៖«សូមជូនពរកូនៗទាំងអស់គ្នា ចៀសផុតពីជំងឺកូវីដ១៩ និងជូនពរកូនៗមានសិរីសួស្ដី សុភមង្គលនៅក្នុងឆាកជីវិត លើសពីនោះក៏ជូនពរដល់ស្ថាបនិកអង្គការផងដែរ ឱ្យមានសុខភាពល្អ ដើម្បីដឹកនាំកូនៗចៅៗតូចឆ្ពោះទៅរកអនាគតរៀងៗខ្លួន។ ម៉ាក់យាយ ផ្ដាំទៅចៅៗទាំងអស់ថា ត្រូវធ្វើយ៉ាងម៉េចការពារខ្លួន ដើម្បីចៀសផុតពីជំងឺកូវីដ១៩ ដោយប្រកាន់ខ្ជាប់នូវវិធានសុខាភិបាល និងការណែនាំរបស់ប្រមុខរាជរដ្ឋាភិបាល បីការពារ បីកុំ ត្រូវលាងដៃឱ្យស្អាត កុំដើរផ្ដេសផ្ដាសជាដើម»។ គួរជម្រាបជូនថានេះជាលើកទី៩ ហើយដោយគិតចាប់តាំងពីឆ្នាំ២០១៤មក ដែលសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន បានផ្ដល់អំណោយមនុស្សធម៌ ជូនអង្គការលើកស្ទួយប្រជាពលដ្ឋ […]
ខេត្តបាត់ដំបង ៖ នៅវេលាម៉ោង០៦និង៣០នាទីព្រឹក ថ្ងៃ២៦ ខែមីនា ឆ្នាំ២០២២ ត្រង់ចំណុចលើខ្នងភ្នំស ស្ថិតនៅភូមិរស្មីសង្ហារ ឃុំរស្មីសង្ហារ ស្រុករតនមណ្ឌល ខេត្តបាត់ដំបង មានករណីផ្ទុះគ្រាប់ដែលកប់នៅក្នុងដី ខណៈ ពលរដ្ឋជាអ្នកចម្ការ០២នាក់កំពុងជីកដីបំណងគាស់យកគល់ឈើមួយនៅទីនោះ បានបណ្តាលឱ្យបុរសម្នាក់ឈ្មោះ ផាង ភ័ណ្ឌ ហៅទូច អាយុ២៧ឆ្នាំ រស់នៅភូមិដង្កោទាប សង្កាត់ទួលតាឯក ក្រុងបាត់ដំបង ខេត្តបាត់ដំបង របួសដាច់ជើងខាងឆ្វេងស្លាប់នៅកន្លែងកើតហេតុ និងបុរសម្នាក់ទៀតឈ្មោះ ឆាយ កុសល់ អាយុ ៣៥ឆ្នាំ មានទីលំនៅភូមិអន្លង់វិល ឃុំអន្លង់វិល ស្រុកសង្កែ ខេត្តបាត់ដំបង រងរបួសចំភ្នែកទាំងសងខាងត្រូវនាំយកទៅសង្គ្រោះនៅមន្ទីរពេទ្យ ។ លោកវរសេនីយ៍ឯក សន និល អធិការនគរបាលស្រុករតនមណ្ឌល បញ្ជាក់ថា បុរសទាំងពីរនាក់រស់នៅក្រៅមូលដ្ឋាននេះ ហើយកន្លងទៅពួកគាត់មកស្នាក់បណ្តោះអាសន្នធ្វើចម្ការនៅមូលដ្ឋានខាងលើ ។ លោកបន្តថា នៅថ្ងៃកើតហេតុនេះគាត់ទាំងពីរនាក់ស្វែងរកគល់ឈើចាស់ៗដើម្បីជីកយកទៅប្រើប្រាស់ ឬយកទៅលក់ដូរចិញ្ចឹមជីវិត ខណៈពួកគាត់កំពុងជីកគល់ឈើនៅចំណុចនោះបានប៉ះចំគ្រាប់មីនកប់ក្នុងដីទើបបង្កជាករណីផ្ទុះបែបនេះ។ លោកអធិការបន្តថា បន្ទាប់ពីកើតហេតុភ្លាមសមត្ថកិច្ចមូលដ្ឋាន អាជ្ញាធរពាក់ព័ន្ធរួមទាំងកងកម្លាំងនគរបាលបានចុះទៅដល់កន្លែងកើតហេតុជួយនាំជនរងគ្រោះយកទៅសង្គ្រោះនៅមន្ទីរពេទ្យ ។ លោកវរសេនីយ៍ឯក សន និល បានបញ្ជាក់យ៉ាងដូច្នេះថា […]
ខេត្តបន្ទាយមានជ័យ៖ នាព្រឹកថ្ងៃទី ២៤ ខែមេសា ឆ្នាំ២០២៣ លោកឧត្តមសេនីយ៍ត្រី ជឹម ប៊ុនអាន មេបញ្ជាការតំបន់ប្រតិបត្តិការសឹករងបន្ទាយមានជ័យ បានដឹកនាំមេបញ្ជាការរង នាយរងសេនាធិការ មេបញ្ជាការវរសេនាតូច មេបញ្ជាការផ្នែកសឹករងស្រុកថ្មពួក មេបញ្ជាការកងអនុសេនាធំ ជួបប្រជុំពិភាក្សាការងារជាមួយ ភាគីថៃ ដឹកនាំដោយលោកវរសេនីយ៍ឯក ឆ្លឺមគៀន សិរីសមប៊ូន មេបញ្ជាការអង្គភាពចំពោះកិច្ចកងវរសេនាធំលេខ១២ លោកវរសេនីយ៍ឯក ពិយៈនេត ផាត់តារៈសាតវ៉ាត់តាវង មេបញ្ជាការ វរសេនាធំឈុតខ្មៅថៃលេខ១២ នៅប៉ុស្តិ៍លេខ ០៣ ថៃ ទល់មុខ ប៉ុស្តិ៍ប្រាសាទត្បែង ស្រុកថ្មពួក ខេត្តបន្ទាយមានជ័យ ។ ក្នុងជំនួបពិភាក្សាការងារទ្វេភាគី បានវាយតម្លៃខ្ពស់ចំពោះលទ្ធផលនៃកិច្ចសហប្រតិបត្តិការល្អរវាងកងកម្លាំងទាំងពីរកម្ពុជា-ថៃ ជាពិសេសការយកចិត្តទុកដាក់សហការ និងជួយគ្នាទៅវិញទៅមកយ៉ាងសកម្ម និងប្រកបដោយការទទួលខុសត្រូវខ្ពស់ក្នុងការកសាងតំបន់ព្រំដែនមិត្តភាព សន្តិភាព សហប្រតិបត្តិការ និងអភិវឌ្ឍន៍។ សម្រាប់ទិសដៅទៅមុខ ភាគីទាំងពីរ បានបង្ហាញនូវឆន្ទៈក្នុងការបន្តថែរក្សាទំនាក់ទំនងមិត្តភាពរឹងមាំ និងសកម្មភាពកិច្ចសហប្រតិបត្តិការល្អ សំដៅធ្វើយ៉ាងណាបន្តថែរក្សាចំណងសាមគ្គីភាព មិត្តភាព ការទុកចិត្តគ្នា និងការសហការគ្នាឱ្យបានស្អិតរមួតបន្ថែមទៀត ដែលជាមូលដ្ឋានមិនអាចខ្វះបានដើម្បីការពារ និងកសាងប្រទេសជាតិទាំងពីរ ឱ្យបានរីកចម្រើនរុងរឿងទាំងអស់គ្នា នៅក្រោមម្លប់នៃសុខសន្តិភាព ស្ថិរភាព និងវិបុលភាពរួម។ […]
