សុំមន្ត្រី​អាជ្ញាធរ​ជួយ​ចាត់វិធានការ​ លើ​សំណង់​គ្មាន​ច្បាប់​នៅ ​បរិវេណ​ប្រាសាទបន្ទាយឆ្មារ

ឃាត់ខ្លួនមេខ្យល់ចំនួន ៣នាក់ យកប័ណ្ណចាក់វ៉ាក់សាំងថតចម្លងក្លែងក្លាយដើរចែកចាយឲ្យប្រជាពលរដ្ឋ

ភ្នំពេញៈ សមត្ថកិច្ចបានឃាត់ខ្លួនមេខ្យល់ចំនួន ៣នាក់ ដែលបាន យកប័ណ្ណចាក់វ៉ាក់សាំងថតចម្លងក្លែងក្លាយដើរចែកចាយឲ្យប្រជាពលរដ្ឋ។ ការឃាត់ខ្លួននេះបានធ្វើឡើងកាលពីព្រឹកថ្ងៃទី ៤ ខែឧសភា ឆ្នាំ២០២១ នៅសាលាបឋមសិក្សាស្ទឹងមានជ័យសង្កាត់ ស្ទឹងមានជ័យទី២ ខណ្ឌមានជ័យ។ សមត្ថកិច្ចបានសូមណូមពរដល់បងប្អូនប្រជាពលរដ្ឋទាំងអស់កុំចាញ់បោកមេខ្យល់ សុំបងប្អូនប្រជាពលរដ្ឋអញ្ជើញទៅទាក់ទង មេភូមិ និងចៅសង្កាត់ ដែលបងប្អូនរស់នៅដើម្បីទៅទទួលយកប័ណ្ណចាក់វ៉ាក់សាំងត្រឹមត្រូវ ព្រោះការចាក់វ៉ាក់សាំងនេះពុំមានអស់ថវិការទេ ( ទាំងវ៉ាក់សាំង និងឯកសារត្រូវបំពេញ )។ ជាមួយគ្នានេះ កម្លាំងកងរាជអាវុធហត្ថបានចុះទៅអប់រំណែនាំម្ចាស់ទីតាំងថតចម្លងប័ណ្ណចាក់វ៉ាក់សាំងក្លែងក្លាយ នៅសង្កាត់ ស្ទឹងមានជ័យ៣ ខណ្ឌមានជ័យ។

អ្នកវិភាគបញ្ហាសង្គម ថា ការឃាត់ខ្លួននិងអប់រំ អ្នកដែលដើរស្រង់ឈ្មោះនិងឲ្យប្រជាជនផ្ដិតមេដៃនោះ ជាការការពារប្រជាជន

ភ្នំពេញ ៖ អាជ្ញាធរបានធ្វើការឃាត់ខ្លួន និងអប់រំ អ្នកដែលបានធ្វើសកម្មភាពចុះប្រមូលឈ្មោះ និងឲ្យប្រជាជនផ្ដិតមេដៃ លើក្រដាសស្នាមរបស់ពួកគេ។ ក្រោយឃាត់ខ្លួន គេបានឃើញក្រុមមនុស្សដែលស្ថិតក្នុងចង្កោមនៃក្រុមប្រឆាំង បានចោទអាជ្ញាធរថា ចាប់ខ្លួនមនុស្សដែលគ្មានកំហុស ហើយទាមទារឲ្យដោះលែងវិញជាបន្ទាន់។ ចំពោះករណីនេះអ្នកវិភាគបញ្ហាសង្គម លោក ជា ច័ន្ទបរិបូរណ៍ មានប្រសាសន៍ថា ការឃាត់ខ្លួន និងធ្វើការអប់រំនេះគឺជារឿងត្រឹមត្រូវ ដែលនេះគឺជាការការពារប្រជាជន ពីការក្លាយទៅជាជនរងគ្រោះ ព្រោះការដែល ត្រូវបានគេយកស្នាមមេដៃ ទៅធ្វើជាលិខិតក្បត់ឆន្ទៈប្រជាជន។ លោកបន្ដថា ការប្រកាសស្រង់ឈ្មោះយកទៅជូនម្ចាស់ជំនួយ វាអាចល្បិចនយោបាយ យកប្រជាជនដែលមិនដឹងរឿងធ្វើជាឈ្នាន់ចោទប្រកាន់រដ្ឋាភិបាលដែលខុសពីឆន្ទៈពួកគាត់។ បន្ថែមពីនេះលោកបានអះអាងថាទៀត តាមការសង្កេតរបស់លោក អ្នកដែលចង់យកអំណោយទៅផ្ដល់ជូនប្រជាជនគឺគ្មានការហាមឃាត់ពីអាជ្ញាធរឡើយ នៅពេលដែលពួកគាត់បានផ្ដល់ដំណឹងនិងសហការជាមួយអាជ្ញាធរ មានជាអាទិ៍លោក កឹម សុខា អតីតមេបក្សប្រឆាំងជាដើម៕

កម្ពុជាប្រទេសតូច តែមានបេះដូងធំទូលាយ! បណ្តាអង្គទូតបរទេសនានាប្រចាំកម្ពុជា និងអង្គការអន្តរជាតិ ថ្លែងអំណរគុណរាជរដ្ឋាភិបាល ដែលបានអនុញ្ញាតផ្ដល់វ៉ាក់សាំងជូនអ្នកការទូតប្រចាំកម្ពុជា