សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានសម្តែងនូវមោទកភាព ក្រោយឃើញនូវភ្ញៀវទេសចរណ៍អន្តរជាតិមកទស្សនា នៅប្រាសាទអង្គរវត្តមានសន្ទុះឡើងវិញ ដោយសម្តេចបានចាត់ទុកថា ការកើនឡើងនូវភ្ញៀវទេសចរណ៍នៅខេត្តសៀមរាប នាពេលនេះ គឺកើតចេញពីកត្តាសុខសន្តិភាព។ ក្នុងឱកាសអញ្ជើញជាអធិបតីភាព ក្នុងពិធីប្រគល់សញ្ញាបត្រកម្រិតបរិញ្ញាបត្ររងបរិញ្ញាបត្រ និងបរិញ្ញាបត្រជាន់ខ្ពស់ ដល់និស្សិតជ័យលាភី នៃសាកលវិទ្យាល័យ Southwest Asia នាថ្ងៃទី២៥ ខែកុម្ភៈ ឆ្នាំ២០២៥នេះ នៅខេត្តសៀមរាប សម្តេចធិបតីនាយករដ្ឋមន្រ្តី បានបញ្ជាក់ថា តាមរបាយការណ៍របស់រដ្ឋបាលខេត្ត នាពេលសព្វថ្ងៃនេះ គឺមានភ្ញៀវទេសចរណ៍បរទេសចូលទៅទស្សនា រមណីយដ្ឋានអង្គរ និងកំសាន្តនៅផាប់ស្ទ្រីតណែនរាល់ថ្ងៃ ខណៈកំណើននេះ គឺជាមោទកភាពយ៉ាងខ្លាំងចំពោះបងប្អូនប្រជាពលរដ្ឋអ្នកខេត្តសៀមរាប។ ជាមួយគ្នានោះដែរសម្តេចធិបតី នាយករដ្ឋមន្រ្តី ក៏បានក្រើនរំលឹកដល់រដ្ឋបាលខេត្តក៏ដូចជាកងកម្លាំងថែរក្សាសុវត្តិភាពនៅខេត្តសៀមរាបទាំងអស់ គប្បីបង្កើនការរក្សានូវសន្តិសុខ សណ្តាប់ធ្នាប់ឲ្យកាន់តែល្អប្រសើរបន្ថែមទៀត ជាពិសេសតំបន់ទេសចរណ៍នានានៅខេត្តនេះតែម្តង។ សម្តេច បានបន្ថែមទៀតថា ខេត្តសៀមរាប គឺជាដែនដីសម្បូរទៅដោយតំបន់ទេសចរ អរិយធម៌ និងវប្បធម៌ ដូច្នេះព្រឹត្តិការណ៍លំដាប់ពិភពលោកបានបង្កើតលើទឹកនេះច្រើនណាស់ជាក់ស្តែងដូចជា ម៉ាកយីហោគ្រឿងអលង្ការដ៏ល្បីលំដាប់ពិភពលោក BVLGARI បានបង្ហាញម៉ូតផលិតផលរបស់ខ្លួននៅមុខប្រាសាទបាយ័ន ដោយក្រុមហ៊ុននេះ បានដឹកគ្រឿងអលង្ការរបស់ខ្លួនប្រមាណជាងមួយរយលានដុល្លារអាមេរិកមកតាំងបង្ហាញនៅកម្ពុជា ដោយសារតែ កម្ពុជាមានសុខសន្តិភាពនេះហើយ ទើបបានគេហ៊ានមកធ្វើព្រឹត្តិការណ៍ដ៏ធំបែបនេះនៅប្រទេសកម្ពុជាយើងនោះ៕
ភ្នំពេញ ៖ នៅទីស្តីការក្រសួងមហាផ្ទៃ ព្រឹកថ្ងៃពុធ ៦កើត ខែផល្គុន ឆ្នាំជូន ទៅស័ក ព.ស ២៥៦៤ ត្រូវនឹងថ្ងៃទី១៧ ខែកុម្ភៈ ឆ្នាំ២០២១នេះ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ អញ្ជើញចូលរួមកិច្ចប្រជុំឆ្លងឯកសារពាក់ព័ន្ធសន្និបាតត្រួតពិនិត្យលទ្ធផលការងារឆ្នាំ២០២០ និងលើកទិសដៅការងារឆ្នាំ២០២១ របស់ក្រសួងមហាផ្ទៃ ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ៕
សៀមរាប៖ កម្លាំងនគរបាលព្រហ្ម ទណ្ឌកំរិតធ្ងន់ បានចាប់វាយខ្នោះសង្សារមួយគូរ ក្នុងអំពើឃាត.កម្មរិតកសម្លាប់ប្អូនប្រុស នៅព្រឹកថ្ងៃទី០៩ខែកុម្ភៈឆ្នាំ២០២២ ដោយមូលហេតុពេលរួមរ័កគ្នា ប្អូន ប្រុសមកទាន់។ ករណីនេះបានកើតឡើង តាំងពីយប់ ថ្ងៃទី៨ ខែកុម្ភៈ ឆ្នាំ២០២២ នៅផ្ទះជនរងគ្រោះស្ថិតនៅភូមិបឹងវៀនឃុំតាយ៉ែក ស្រុកសូទ្រនិគម ខេត្តសៀមរាប។ របាយការណ៍នគរបាលបង្ហាញថា ជនដៃដល់ដែលឃាត់ខ្លួនទី១.ឈ្មោះ ចិត្ត ភន ភេទប្រុស អាយុ ២១ឆ្នាំ មុខរបរកម្មករសំណង់ រស់នៅភូមិរំរោងកញ្ចោច ឃុំឬស្សីលក ស្រុកជីក្រែង ខេត្តសៀមរាប។ ទី២.ឈ្មោះ ឡាយ សាលី ភេទស្រី អាយុ ១៧ឆ្នាំ មុខរបរៈសិស្ស រស់នៅភូមិបឹងវៀន ឃុំតាយ៉ែក ស្រុកសូទ្រនិគម ខេត្ត សៀមរាប ជាសហចារីដែលបានប្រព្រិត្តបទល្មើសករណីឃាតកម្ម។ សពឈ្មោះ ឡាយ ប៉ុនលេង ភេទប្រុស អាយុ ១១ ឆ្នាំ ៤ខែ មុខរបរៈ សិស្ស រស់នៅភូមិកើតហេតុ។ សាក សពមានស្នាមរឹតត្រង់ក […]
