ជីវិតនិងសង្គម ព័ត៌មានជាតិ ព័ត៌មានថ្មីៗ ព័ត៌មាននយោបាយ

សមត្ថកិច្ចចាប់ខ្លួនបុរសម្នាក់បង្ហោះវីដេអូផ្សព្វផ្សាយព័ត៌មាន​បំពុលសង្គមអំពីការចាប់ក្មេងវះក្រលៀន

កម្លាំងជំនាញនៃនាយកដ្ឋានប្រឆាំងបទល្មើសបច្ចេកវិទ្យា​ សហការជាមួយស្នងការដ្ឋាននគបាលខេត្តសៀមរាប កាលពីថ្ងៃទី២៨ ខែឧសភា ឆ្នាំ២០២៣ បាន​ធ្វើការ​ស្រាវជ្រាវសាវតា លើហ្វេសប៊ុកឈ្មោះ Ra Vuth ដែលបានបង្ហោះវីដេអូផ្សព្វផ្សាយព័ត៌មាន​បំពុលសង្គម ញុះញង់បង្កឱ្យមានភាពវឹកវរដល់សន្តិសុខសង្គម អំពីការចាប់ក្មេងវះក្រលៀន និង​បាន​នាំខ្លួនបុគ្គលឈ្មោះ​ សយ រ៉ាវុធ មកសាកសួរ ​ហើយ​សាមីខ្លួនបានសារភាព​ថា ខ្លួនពិតជាបានយកវីដេអូ មកកាត់ត​ និង​បង្ហោះ​ពិត​មែន​ក្នុង​គោលបំណង​ចង់​បង្កើន​ប្រជាប្រិយ​ភាព​ទំព័រ​ហ្វេស​ប៊ុក​របស់​ខ្លួន​ដើម្បី​ទាញ​យក​ផលប្រយោជន៍​ផ្ទាល់​ខ្លួន​។
បច្ចុប្ប​ន្ននាយកដ្ឋាន​បានឃាត់ខ្លួនជនសង្ស័យ​ និង​បញ្ជូនសំណុំរឿងទៅសាលាដំបូងរាជធានីភ្នំពេញដើម្បីចាត់ការតាមផ្លូវច្បាប់។
នាយកដ្ឋានរឆាំងបទល្មើសបច្ចេកវិទ្យា​ បានក្រើនរំលឹកដល់ប្រជាពលរដ្ឋដែលប្រើប្រាស់បណ្ដាញសង្គម មេត្តាសូមកុំចែកចាយព័ត៌មានក្លែងក្លាយដើម្បីជៀសវាងបង្កការយល់ច្រឡំ និងបង្កអសន្តិសុខសង្គមផ្សេងៗ ឈានដល់ការទទួលខុសត្រូវតាមផ្លូវច្បាប់។
nmr