អង្គការលើកលែងទោសអន្តរជាតិ បានចោទប្រកាន់ប្រទេសរុស្ស៊ីពីបទប្រព្រឹត្តឧក្រិដ្ឋកម្មសង្គ្រាម ក្នុងទីក្រុងកំពង់ផែម៉ារីប៉ូល (Mariulpol) ប្រទេសអ៊ុយក្រែន ។ អគ្គលេខាធិការអង្គការលើកលែងទោសអន្តរជាតិ លោកស្រី អាកណេស កាឡាម៉ាដ (Agnes Callamard) បាននិយាយអំឡុងពេលសន្និសីទសារព័ត៌មានក្នុងទីក្រុង ចូហានណេសប៊ឺក(Johannesburg) ប្រទេសអាហ្វ្រិកខាងត្បូងថា អង្គការសិទ្ធមនុស្ស នឹងចេញផ្សាយរបាយការណ៍ក្នុងពេលឆាប់ៗនេះ ពីការបំផ្លាញបណ្តាលមកពីការវាយប្រហាររបស់រុស្ស៊ី នៅទីក្រុងសមុទ្រអាហ្សូវ ៕
អ្នកចរចាកំពូលរបស់រុស្ស៊ី Vladimir Medinsky បានបង្ហាញចំណុចសំខាន់ៗនៃការចរចានៅទីក្រុងអ៊ីស្តង់ប៊ុល៖ អ៊ុយក្រែនត្រៀមខ្លួនជាស្រេចដើម្បីក្លាយខ្លួនជារដ្ឋអព្យាក្រឹត ដោយមានការធានាឯករាជ្យភាពជាអន្តរជាតិ អ៊ុយក្រែន មិនអាចមានអាវុធនុយក្លេអ៊ែ បានទេ ប៉ុន្តែ ការអនុវត្តន៍នេះ នឹងមិនត្រូវបានពង្រីកដល់តំបន់ Donbass និង ឧបទ្វីបគ្រីមៀ ដែលរុស្ស៊ី គ្រប់គ្រងនោះទេ។ អ៊ុយក្រែនក៏បានស្នើសុំបញ្ចូលក្នុងកិច្ចព្រមព្រៀងផងដែរថា រុស្ស៊ីនឹងមិនប្រឆាំងអ៊ុយក្រែនទេចំពោះការចូលជា សមាជិករបស់ សហភាពអឺរ៉ុប។ អ៊ុយក្រែននឹងមិនអាចមានវត្តមានយោធាណាមួយឡើយ រួមទាំងកងកម្លាំងណាតូ និងកម្លាំងរុស្ស៊ីផងដែរ។ អ៊ុយក្រែនកំពុងស្នើសុំឱ្យមានសន្ធិសញ្ញាចុងក្រោយមួយ ធ្វើឡើង ជាផ្លូវការដោយប្រមុខរដ្ឋរុស្ស៊ី និងអ៊ុយក្រែន
តើពួកគេខ្លាចរុស្ស៊ីឬ ប្រធានាធិបតីអ៊ុយក្រែន លោក Volodymyr Zelenskyy បានស្នើសុំប្រទេសលោកខាងលិច ផ្តល់សំភារៈយោធាដល់ប្រទេសរបស់លោក និងបានសួរថាតើពួកគេខ្លាចទីក្រុងមូស្កូឬ។ ប្រទេសមួយចំនួន បានសន្យាបញ្ជូនមីស៊ីលប្រឆាំងរថពាសដែក និងប្រឆាំងយន្តហោះ ព្រមទាំងអាវុធមួយចំនួន ប៉ុន្តែលោក Zelenskyy និយាយថា ទីក្រុងគីវ មិនទាន់ទទួលបាននូវអ្វីដែលខ្លួនត្រូវការនៅឡើយ។
នាយកដ្ឋានសន្តិសុខជាតិរុស្ស៊ី FSB បានចោទប្រកាន់ក្រុមហ៊ុន មេតា (Meta) ដែលជាក្រុមហ៊ុនមេរបស់ហ្វេសប៊ុក មានសកម្មភាពប្រឆាំងនឹងផលប្រយោជន៍របស់ទីក្រុងមូស្គូ ក្នុងសង្គ្រាមជាមួយអ៊ុយក្រែន។ តុលាការរុស្ស៊ីបានចេញដីកាហាមប្រាមបណ្តាញសង្គម ហ្វេសប៊ុក និងអុីនស្តាក្រាម ដោយចោទប្រកាន់ថាមានសកម្មភាពជ្រុលនិយម។ តាមសំណើរបស់ចៅក្រម បណ្តាញសង្គម Facebook និង Instagram ត្រូវបានហាមប្រាមដោយសារតែមានសកម្មភាពប្រឆាំងទីក្រុងមូស្គូ ។ ប៉ុន្តែសេវាកម្មផ្ញើសារ WhatsApp នៅតែអនុញ្ញាតឱ្យដំណើរការក្នុងប្រទេសរុស្ស៊ី។ នាយកដ្ឋានសន្តិសុខជាតិរុស្ស៊ី ក៏បានចោទប្រកាន់ក្រុមហ៊ុនមេតា ដែលមានសកម្មភាពប្រឆាំងរុស្ស៊ី នៅក្នុងសង្គ្រាមជាមួយប្រទេស អ៊ុយក្រែន។ ក្រោយការសម្រេចរបស់តុលាការ ការហាមប្រាមនេះនឹងចូលជាធរមានភ្លាមៗ។ ទោះបីយ៉ាងណាក៏ដោយ មុននោះស្ថាប័នឃ្លាំមើលប្រព័ន្ធផ្សព្វផ្សាយរបស់រុស្ស៊ី Roskomnadzor បានចាប់ផ្តើមបិទ Facebook និង Instagram ភ្លាមៗនោះដែរ។ មកទល់ពេលនេះក្រុមហ៊ុនមេតា មិនទាន់មានប្រតិកម្មអ្វីជុំវិញការហាមប្រាមរបស់រុស្ស៊ីនៅឡើយ ។ កន្លងមក មេធាវីរបស់ក្រុមហ៊ុនមេតា លោក Victoria Shagina បានបញ្ជាក់ថា ក្រុមហ៊ុននឹងមិនមានសកម្មភាពប្រឆាំងរុស្ស៊ីនោះឡើយ។ មិនត្រឹមតែក្រុមហ៊ុនមេតាប៉ូណ្ណោះទេគឺនៅមានបណ្តាញសង្គមផ្សេងទៀតក៏ត្រូវបានហាមប្រាមនៅក្នុងប្រទេសរុស្ស៊ីផងដែរ ក្នុងនោះមាន Twitter ក៏ត្រូវបានកាត់បន្ថយសកម្មភាពផងដែរ ៕
ស្រីលង្កា ៖ ពលរដ្ឋស្រីលង្កាកំពុងប្រឈមនឹងវិបត្តិកង្វះថាមពលប្រេង និងតម្លៃកើនឡើងខ្ពស់។ លោកតាវ័យ៧០ឆ្នាំម្នាក់និង៧២ឆ្នាំម្នាក់ទៀតបានស្លាប់ដោយសារតែរង់ចាំតម្រង់ជួរទៅទិញប្រេងសាំងជាច្រើនម៉ោង។ សារព័ត៌មានរ៉យទ័របានផ្សាយថា កម្លាំងប៉ូលិសស្រីលង្កា នៅថ្ងៃទី ២០ខែមីនា បានបញ្ជាក់ថា លោកតាពីររូបបានដួលសន្លប់ហើយស្លាប់ដោយសារតែរង់ចាំយូរពេកក្នុងការទិញប្រេងសាំង ។ អ្នកនាំពាក្យកម្លាំងប៉ូលិសស្រីលង្កាលោក Nalin Thalduwa បានបញ្ជាក់ថា លោកតាវ័យ៧០ឆ្នាំបើកម៉ូតូកង់បី គាត់មានជំងឺទឹកនោមផ្អែមនិងជំងឺ បេះដូង ។ នៅពេលនេះដែរ ក្រសួងថាមពលស្រីលង្កាមិនទាន់មានប្រតិកម្មអ្វីចំពោះតម្លៃប្រេងឡើងថ្លៃនិងកង្វះប្រេងប្រើប្រាស់នៅក្នុងប្រទេសនៅឡើយទេ។ ជាច្រើនសប្តាហ៍កន្លងមក ពលរដ្ឋស្រីលង្កាត្រូវតម្រង់ជួរជាច្រើនម៉ោងទើបអាចចូលចាក់សាំងបាន ។ តំបន់ជាច្រើនប្រឈមនឹងការដាក់អគ្គិសនីបង្កផលលំបាកកាន់តែខ្លាំងក្នុងពេលប្រទេសជាតិកំពុងធ្លាក់នៅក្នុងវិបត្តិសេដ្ឋកិច្ចយ៉ាងខ្លាំងនេះ ។ ស្រីលង្កាបានផ្អាកសកម្មភាព ចម្រាញ់ប្រេងរបស់ខ្លួនកាលពីថ្ងៃទី ២០ខែមីនា ដោយសារតែឃ្លាំងស្តុកប្រេងឆៅអស់ពីស្តុក ៕
ប្រភពហ្វេសប៊ុក៖ ស្ត្រីថៃម្នាក់ ដែលអះអាងថា ជនជាតិចិន លួចបូមឈាម និងប៉ុនប៉ងវះយកសរីរាង្គ នៅកម្ពុជា ត្រូវបានកាត់ទោសឲ្យជាប់ពន្ធនាគាររយៈពេល៦ខែ ដោយមិនមានការលើកលែង។ លោកស្រី Areeya Komkratok អាយុ ២៥ឆ្នាំ បានសារភាពថា នាងបានប្រឌិតរឿងនេះទាំងស្រុង ដោយសារតែនាងចង់ត្រឡប់ទៅប្រទេសថៃជាបន្ទាន់។ Areeya រួមនឹងជនជាតិថៃចំនួន ៧នាក់ផ្សេងទៀត ដែលត្រូវបានគេល្បួងឲ្យមកធ្វើការដោយខុសច្បាប់នៅកម្ពុជា ត្រូវបានជួយសង្គ្រោះ និងនាំត្រឡប់ទៅប្រទេសថៃវិញកាលពីដើមខែនេះ។ នៅពេលជួយសង្គ្រោះ, Areeya អះអាងថា នាងត្រូវបានក្រុមអ្នកមានចិនចាក់ថ្នាំសន្លប់ បូមឈាមចំនួន៣ប្លោក ហើយរៀបចំវះយកផ្នែកផ្សេងៗនៃរាងកាយរបស់នាង។ Areeya ថែមទាំងបង្កើតគណនីហ្វេសប៊ុកក្លែងក្លាយ ក្នុងគោលបំណងទាមទារជំនួយបន្ទាន់ពីមន្ត្រីថៃ ដើម្បីឲ្យនាងឆាប់បានវិលត្រឡប់ទៅប្រទេសថៃវិញទៀតផង។ ជំនួយការអគ្គស្នងការនគរបាលជាតិថៃ លោក Surachate Hakparn បានប្រញាប់ប្រញាល់ជួយជនជាតិថៃចំនួន៨នាក់ ដែលគិតថាមានហានិភ័យនៃការវះយកសរីរាង្គ។ ប៉ូលិសថៃបានសម្របសម្រួលជាមួយមន្ត្រីកម្ពុជា ដើម្បីបញ្ជូនអ្នកទាំង៨ ទៅប្រទេសថៃវិញដោយសុវត្ថិភាព តាមស្ពានមិត្តភាពកម្ពុជា-ថៃ ក្នុងខេត្ត ស្រះកែវ កាលពីថ្ងៃទី៩ មីនា។ អគ្គស្នងការរងនគរបាលជាតិថៃ លោក Roy Ingkapairote បានបញ្ជាក់ថា Areeya បានប្រឌិតរឿងនេះទាំងស្រុង ដោយសារតែនាងចង់បានជំនួយបន្ទាន់ […]
រុស្ស៊ី ៖ អ្នកនិពន្ធសៀវភៅធ្វើម្ហូបដ៏ល្បីឈ្មោះម្នាក់របស់រុស្ស៊ី ដែលមានឈ្មោះថា «Russia’s Nigella Lawson» អាចនឹងក្លាយជាមនុស្សដំបូងគេ ដែលជាប់ពន្ធនាគារក្រោមច្បាប់ត្រួតពិនិត្យថ្មីដ៏តឹងរ៉ឹងរបស់រុស្ស៊ី ដែលហាមឃាត់ការរិះគន់សង្គ្រាមនៅអ៊ុយក្រែន។ នេះបើយោងតាមការចេញផ្សាយពី Dailymail និង New York Post កាលពីថ្មីៗនេះ។ នាង Veronika Belotserkovskaya អាយុ៥១ឆ្នាំ ដែលគេស្គាល់ឈ្មោះក្រៅថា Belonika ឬ Nika បានក្លាយជាមនុស្សដ៏ក្លាហានម្នាក់ ដែលហ៊ានចោទប្រកាន់លោកពូទីនជាសាធារណៈ ចំពោះការបញ្ជូនទាហានវ័យក្មេងអាយុចាប់ពី ១៨ ទៅ២០ឆ្នាំ ទៅរកសេចក្តីស្លា.ប់ ដើម្បីបំពេញមហិច្ឆតារបស់ខ្លួន។ ស្ត្រីជនជាតិរុស្ស៊ី ដែលកើតនៅទីក្រុង Odesa ប្រទេសអ៊ុយក្រែនរូបនេះ បានបង្ហោះសាររិះគន់ប្រឆាំងសង្គ្រាមដ៏ក្ដៅគគុកនៅអ៊ុយក្រែន។ ខណៈការប្រើពាក្យ «សង្គ្រាម» ត្រូវបានហាមឃាត់។ នៅក្នុងប្រទេសរុស្ស៊ី ការឈ្លានពានអ៊ុយក្រែន ត្រូវបានពិពណ៌នាថា «ប្រតិបត្តិការយោធាពិសេស»។ យោងតាមគណៈកម្មាធិការស៊ើបអង្កេតរុស្ស៊ីអះអាងថា នេះគឺជាការផ្សព្វផ្សាយព័ត៌មានមិនពិតអំពីសកម្មភាពកងកម្លាំងប្រដាប់អាវុធនៃសហព័ន្ធរុស្ស៊ី ដោយផ្អែកលើការស្អប់ខ្ពើមនយោបាយ ឬជាសត្រូវប្រឆាំងនឹងរបាយការណ៍ដែលអាចទុកចិត្ត។ ខណៈនាងកំពុងត្រូវបានស៊ើបអង្កេត។ គណៈកម្មាធិការបានបន្ថែមថា Veronika បានបង្ហោះព័ត៌មានមិនពិតដោយចេតនាអំពីការប្រើប្រាស់កងទ័ព ដើម្បីបំផ្លាញទីក្រុង និងប្រជាជនស៊ីវិលនៃប្រទេសអ៊ុយក្រែន រួមទាំងកុមារ […]
ប្រទេសរុស្ស៊ី-អ៊ុយក្រែន ៖ ការវាយកម្ទេច របស់រុស្ស៊ីសំដៅ លើអង់ទែនទូរទស្សន៍ក្រុងគៀវ ដែលបណ្ដាលឲ្យមានការកាត់ផ្ដាច់ការផ្សាយ របស់បណ្ដាទូរទស្សន៍អ៊ុយក្រែននាថ្ងៃទី១ ខែមីនា ឆ្នាំ២០២២ ។ នេះជាការប្រកាសរបស់ក្រសួងមហាផ្ទៃអ៊ុយក្រែន។ ការវា.យប្រហា.រក្នុងថ្ងៃទី៦ នៃការលុកលុយ របស់រុស្សុីចូលអ៊ុយក្រែន បំផ្លាញបណ្ដាឧបករណ៍របស់អង់តែននោះ។ បណ្ដាទូរទស្សន៍ មិនអាចដំណើរការបានមួយរយៈពេល តែបណ្ដាប្រព័ន្ធសង្គ្រោះ នឹងអាចឲ្យទូរទស្សន៍មួយចំនួន ស្ដារការផ្សាយឡើងវិញ នាពេលខាងមុខ។ ក្រោយមកការផ្សាយរបស់ទូរទស្សន៍ជាច្រើន អាចស្ដារឡើងវិញ។ សារព័ត៌មានអ៊ុយក្រែន KYIV INDEPENDENT បានរាយការណ៍ថា រុស្សុីវា.យប្រហា.រអង់តែនទូរទស្សន៍អ៊ុយក្រែន នាំឲ្យបណ្ដាទូរទស្សន៍អ៊ុយក្រែនដាច់ការផ្សាយប៉ុន្មាននាទី។ តាមបណ្ដារូបភាព និងវីដេអូ ផ្សាយតាមបណ្ដាញសង្គម គេឃើញអង់ទែនលាបពណ៌ក្រហម និងស នោះនៅឈរ តែមានផ្សែងហុយចេញ ក្រោយការវា.យប្រហា.រ។ អង់ទែនទូរទស្សន៍នេះ ស្ថិតនៅក្នុងសង្កាត់ជាមួយគ្នានឹងទីតាំង BABI YAR កន្លែងដែលពួកណាហ្សុីអាល្លឺម៉ង់ បាញ់សម្លា.ប់ពួកជ្វីហ្វ ជាង៣០.០០០នាក់ក្នុងពេលតែ២ថ្ងៃ កាលពីឆ្នាំំ១៩៤១។ ទីនោះបច្ចុប្បន្នជាកន្លែងគោរពវិញ្ញាណក្ខ័ន្ធសំខាន់មួយ៕
លោក Robert Hunter អ្នកវិភាគ និងជាអតីតឯកអគ្គរដ្ឋទូអាមេរិកប្រចាំអង្គការណាតូបាននិយាយថា ការសម្រេចចិត្តរបស់លោក Putin ក្នុងការបញ្ជាឲ្យដាក់អាវុ.ធនុយក្លេអ៊ែរប្រុងជើងការ គឺគ្រាន់តែជាការព្រមានដើម្បីកុំឲ្យប្រទេសលោកខាងលិចចូលរួមក្នុងសង្រ្គាម ។ «នេះគឺជាឧបាយកលផ្លូវចិត្តដើម្បីព្យាយាមបង្កើតអនុភាពរបស់គាត់ ខណៈគាត់បានសម្រេចចិត្តថា តើគាត់ចង់ចូលឲ្យជ្រៅប៉ុណ្ណោះនៅអ៊ុយក្រែន»។ នេះជាការថ្លែងបញ្ជាក់របស់លោកប្រាប់សារព័ត៌មាន លោកថ្លែងទៀថា «នេះគឺជាសង្រ្គាមចិត្តសាស្រ្ត ខ្ញុំមិនជឿទេថា វាគឺជាការគំរា.មកំហែងទាល់តែសោះ ពីព្រោះប្រជាជនរុស្សីនឹងបាត់បង់ច្រើន ប្រសិនពួកគេដើរក្នុងផ្លូវនេះ» ។ សូមបញ្ជាក់ថា ប្រធានាធិបតីរុស្សី Vladimir Putin បានបញ្ជាឲ្យមានការដាក់អាវុ.ធនុយក្លេអ៊ែរឲ្យប្រុងប្រៀបខ្ពស់ ក្រោយពេលលោកបាននិយាយថា មានសេចក្តីថ្លែងការណ៍របស់មេដឹកនាំណាតូប្រឆាំងនឹងរុស្សី ។ រុស្សីគឺជាមហាអំណាចនុយក្លេអ៊ែរដែលមានក្បាលគ្រាប់នុយក្លេអ៊ែរច្រើនជាងគេក្នុងពិភពលោក គឺប្រហេល ៦.០០០គ្រាប់។ អាមេរិក និងអង្គការណាតូបានប្រកាសថ្កោលទោសចំពោះការប្រកាសរបស់មេដឹកនាំរុស្សី៕
ប្រទេសថៃបានបង្កើនកម្រិតប្រកាសអាសន្នវីរុស COVID-១៩ ដល់កម្រិតខ្ពស់បំផុតទីពីរ បន្ទាប់ពីការកើនឡើងចំនួនអ្នកឆ្លងថ្មីទាក់ទងនឹងការរាលដាលវីរុសបំប្លែងខ្លួនថ្មី Omicron ។ ក្រសួងសុខាភិបាលប្រទេសថៃរំពឹងថាចំនួននៃការឆ្លងថ្មីនឹងបន្តកើនឡើងក្នុងរយៈពេលមួយឬពីរសប្តាហ៍ខាងមុខដោយសារតែការរាលដាលយ៉ាងឆាប់រហ័សនៃវីរុសបំប្លែងខ្លួនថ្មី Omicron ដែលបច្ចុប្បន្ន មានច្រើនជាង ៩០ %ភាគរយនៃករណីសកម្មពីការចម្លង។ យោងតាមមជ្ឈមណ្ឌលគ្រប់គ្រងស្ថានភាពវីរុស COVID-១៩ (CCSA)បានឲ្យដឹងថា ប្រទេសថៃ បានរាយការណ៍ពីករណីថ្មីចំនួន ១៨៣៦៣ករណី និងអ្នកស្លាប់បន្ថែមចំនួន ៣៥ នាក់ក្នុង រយៈពេល ២៤ ម៉ោងចុងក្រោយនេះ ដែលបង្កើនចំនួនអ្នកឆ្លងសរុបរហូតដល់២៧៤៩៥៦២ ករណី និងអ្នកស្លាប់មាន ២២៦៩១នាក់។
សារព័ត៌មានរ៉យទ័របានផ្សាយថា ក្រសួងមហាផ្ទៃប្រទេសកាហ្សាស្ថានបានប្រកាសថា កម្លាំងសន្តិសុខប្រទេសនេះបានចាប់ខ្លួនមនុស្សសរុប ៧៩៣៩នាក់ គិតត្រឹមថ្ងៃទី១០ខែមករា ដោយជាប់ពាក់ព័ន្ធនឹងបាតុកម្មហិង្សានាពេលកន្លងមក។ អំពើហិង្សាកន្លងមកនៅក្នុងប្រទេសកាហ្សាស្ថានគឺជារឿងមិនដែលកើតមានឡើយនៅក្នុងប្រទេសតំបន់អាស៊ីកណ្តាលមួយនេះចាប់តាំងពីទទួលបានឯករាជ្យមក។ កាលពីសប្តាហ៍កន្លងមកមានបាតុកម្មអហិង្សាប្រឆាំងតម្លៃប្រេងឡើងថ្លៃ ហើយក៏មានបាតុកម្មក្លាយទៅជាហិង្សាខណៈដែលមានក្រុមជ្រុលនិយមបានចូលរួមបង្កអសន្តិសុខ ។ អគាររដ្ឋាភិបាលជាច្រើនខ្នងរងការវាយប្រហារ និងដុតបំផ្លាញ។ មន្ត្រីរដ្ឋាភិបាលកាហ្សាស្ថានបានលើកឡើងថា អំពើហិង្សានៅក្នុងប្រទេសនេះបង្កឡើងដោយក្រុមជ្រុលនិយមនិងក្រុមភេរវកម្ម ដោយមានជនបរទេសជាច្រើនត្រូវបានចាប់ខ្លួននៅក្នុងហេតុការណ៍នោះ។ ប្រព័ន្ធផ្សព្វផ្សាយរុស្ស៊ី និងកាហ្សាស្ថានបានផ្សាយថា មានមនុស្ស១៦៤នាក់បានស្លាប់នៅក្នុងការប៉ះទង្គិចគ្នារវាងកម្លាំងសន្តិសុខនឹងក្រុមបាតុករជ្រុលនិយម៕
យោងតាមសារព័ត៌មាន AFP ការិយាល័យអភិបាលទីក្រុងប៉ារីសបានចេញផ្សាយថា នៅក្នុងប្រទេសបារាំងអាជ្ញាធរទីក្រុងប៉ារីស នៃប្រទេសបារាំង នៅកាលពីថ្ងៃសៅរ៍ ចុងសប្ដាហ៍នេះបានប្រកាសពីការសម្រេចចិត្តលុបចោលពិធីបុណ្យបាញ់កាំជ្រួចអបអរឆ្នាំសកល ឬឆ្នាំថ្មី២០២២ខាងមុខនេះ ខណៈអឺរ៉ុបកំពុងដាក់ចេញវិធានការរឹតត្បិត COVID-19 ឡើងវិញ ដើម្បីព្យាយាមទប់ស្កាត់ការកើនឡើងករណីឆ្លងដែលបង្កឡើងដោយវីរុសបំប្លែងថ្មី Omicron។ ការសម្រេចរបស់អាជ្ញាធរទីក្រុងប៉ារីស ធ្វើឡើងបន្ទាប់ពីប្រធានគណៈកម្មការអឺរ៉ុប លោកស្រី អ៊ួរស៊ូឡា ហ្វុន ឌែរ ឡេយិន (Ursula von der Leyen) បានព្រមានថាវីរុសបំប្លែងថ្មី Omicron អាចនឹងគ្របដណ្ដប់ករណីឆ្លង COVID-19 ទាំងស្រុងនៅពាក់កណ្ដាលខែមករា ឆ្នាំ២០២២។ ថ្លែងប្រាប់ទីភ្នាក់ងារ សារព័ត៌មាន AFP ការិយាល័យអភិបាលទីក្រុងប៉ារីស បានបញ្ជាក់ដូច្នេះថា «ការបាញ់កាំជ្រួច (អបអរថ្ងៃចូលឆ្នាំថ្មី) នឹងមិនកើតឡើងទេ… ហើយយើងក៏សោកស្ដាយដែរចំពោះការលុបចោរាល់ពិធីបុណ្យទាំងអស់ដែលត្រូវបានគ្រោងទុកនៅឯសង់ អេលីហ្សេ (Champs Elysees) នាថ្ងៃទី៣១ ខែធ្នូខាងមុខនេះ»។ ស្ថានភាពនៃការឆ្លងរាលដាលកូវីដ-១៩ នៅក្នុងតំបន់អឺរ៉ុបកាន់តែច្រើនឡើងៗ ជាពិសេសគឺករណីឆ្លងកូវីដបំប្លែងថ្មីអូមីក្រុង ។ ក្នុងពេលនេះដែរប្រទេសហុល្លង់បានប្រកាសបិទប្រទេសចាប់ពីថ្ងៃទី ១៩ខែធ្នូ ដើម្បីទប់ស្កាត់ការឆ្លងរាលដាលកូវីដ-១៩ ។ នាយករដ្ឋមន្ត្រីហុល្លង់លោក Mark Rutte […]
យោងតាមសារព័ត៌មាន CNN បានចេញផ្សាយថាប្រទេសនូវែលសេឡង់គ្រោងចេញច្បាប់ហាមជក់បារីសម្រាប់មនុស្សវ័យក្មេង ដូច្នេះពួកគេនឹងមិនអាចទិញថ្នាំជក់បានស្របច្បាប់នៅក្នុងប្រទេសនេះឡើយ។ ស្ថិតក្រោមការស្នើសុំច្បាប់ថ្មី អាយុស្របច្បាប់ចាប់ពី១៨ឆ្នាំទើបអាចទិញថ្នាំជក់បាន។ នេះបើតាមសហរដ្ឋមន្ត្រីក្រសួងសុខាភិបាលលោកស្រីវេជ្ជបណ្ឌិត Ayesha Verrall បាននិយាយក្នុងសន្និសីទកាលពីថ្ងៃព្រហស្បតិ៍មុន។ លោកស្រីមានប្រសាសន៍ថា ៖«យើងខ្ញុំចង់ធ្វើឲ្យប្រាកដគឺ មនុស្សវ័យក្មេងនឹងមិនចាប់ផ្តើមជក់បារីបានទេ ដូច្នេះយើងនឹងធ្វើឲ្យវាក្លាយជាបទល្មើសពីការជក់ ឬលក់ដូរផលិតផលថ្នាំជក់ដល់ក្រុមមនុស្សវ័យក្មេង»។ «មនុស្សចាប់ពីអាយុ១៤ឆ្នាំនៅពេលច្បាប់ចូលជាធរមាននឹងមិនអាចទិញថ្នាំជក់ស្របច្បាប់បានឡើយ»។ រដ្ឋាភិបាលគ្រោងដាក់សេចក្តីព្រាងច្បាប់ទៅរដ្ឋសភាមុនពេលឆ្នាំ២០២២មកដល់ដែលនេះជាផ្នែកនៃយុទ្ធនាការណ៍ឃោសនាដើម្បីកាត់បន្ថយការជក់បារីនៅសហគមន៍ឲ្យនៅសល់តិចជាង៥%ត្រឹមឆ្នាំ២០២៥។ តាមទិន្នន័យរដ្ឋាភិបាល ១៣.៤%នៃប្រជាជនពេញវ័យរបស់ប្រទេសនូវែលសេឡង់នៅបន្តជក់បារី។ ចំនួននេះបានធ្លាក់ចុះពី១៨.២%ពីឆ្នាំ២០១១/១២។ យោងតាមក្រសួងសុខាភិបាលបានឲ្យដឹងថា មនុស្សចន្លោះពី៤០០០ ទៅ ៥០០០នាក់បានស្លាប់ជារៀងរាល់ឆ្នាំពីជំងឺដែលពាក់ព័ន្ធនឹងការជក់បារី។ លោកស្រីវេជ្ជបណ្ឌិត Verrall បន្តថា ៖«ការជក់បារីនៅតែជាបញ្ហាឈានមុខនៃការស្លាប់ដែលអាចការពារនៅប្រទេសនូវែលសេឡង់ និងបណ្តាលឲ្យមានជំងឺមហារីកមួយក្នុងចំណោម៤»៕
កាលពីថ្ងៃអាទិត្យ ទី១២ ខែធ្នូម្សិលមិញនេះ អង្គការសុខភាពពិភពលោក (WHO) បានបង្ហាញលទ្ធផលនៃការសិក្សាជាបឋមចំពោះវ៉ារ្យ៉ង់អូមីក្រុងថា មេរោគបំប្លែងខ្លួនថ្មីនេះអាចចម្លងបានលឿនជាងវ៉ារ្យ៉ង់ Delta និងអាចធ្វើឲ្យប្រសិទ្ធភាពរបស់វ៉ាក់សាំងថយចុះ ប៉ុន្តែវាមិនបណ្តាលឲ្យមានរោគសញ្ញាធ្ងន់ធ្ងរនោះទេ។ នៅក្នុងរបាយកាណ៍របស់ WHO បានបញ្ជាក់ថា ផ្អែកលើការសិក្សាត្រឹមពេលបច្ចុប្បន្ននេះដែលចំនួនអ្នកឆ្លងវ៉ារ្យ៉ង់អូមីក្រុងនៅមានចំនួនតិចនៅឡើយគឺគេអាចមើលឃើញថា អូមីក្រុងបានធ្វើឲ្យអ្នកជំងឺមានអាការៈកម្រិតស្រាល តែយ៉ាងណាក្តីគេនៅមិនទាន់ដឹងច្បាស់ថា គ្រោះថ្នាក់របស់អូមីក្រុងអាចនឹងកើនឡើងឬអត់នោះទេនាពេលអនាគត ខណៈមេរោគនេះមានសមត្ថភាពពិសេសមួយគឺអាចផ្លាស់ប្តូររូបរាងបានយ៉ាងច្រើនដងបើធៀបនឹងមេរោគផ្សេងៗទៀត។គួររម្លឹកថា វ៉ារ្យ៉ង់អូមេក្រុងត្រូវបានរកឃើញដំបូងនៅក្នុងប្រទេសអាហ្វ្រិកខាងត្បូងកាលចុងខែវិច្ឆិកាកន្លងទៅនេះ ខណៈគិតរហូតមកទល់នឹងពេលនេះមេរោគបំប្លែងខ្លួនថ្មីនេះបានបន្តរាតត្បាតទៅដល់ប្រទេសចំនួន ៦៣ហើយនៅជុំវិញពិភពលោក។ សម្រាប់នៅក្នុងប្រទេសអាហ្វ្រិកខាងត្បូងគឺមេរោគអូមីក្រុងអាចបង្កការរាត្បាតលឿនជាងមេរោគ Delta ខណៈនៅក្នុងប្រទេសអង់គ្លេសវិញគឺមេរោគ Delta បានបង្កឲ្យមានគ្រោះថ្នាក់ខ្ពស់ជាង។ យ៉ាងណាក៏ដោយចុះ ក្រោយរកឃើញវត្តមានមេរោគបំប្លែងខ្លួនអូមីក្រុង ប្រទេសជាច្រើនបានកើតមានការព្រួយបារម្ភយ៉ាងខ្លាំងហើយប្រទេសខ្លះបានបង្ខំចិត្តបិទជើងហោះហើរអន្តរជាតិសំខាន់ៗមួយចំនួនជាបន្ទាន់ ដែលកត្តានេះបានជះឥទ្ធិពលអាក្រក់យ៉ាងខ្លាំងចំពោះសេដ្ឋកិច្ចពិភពលោកផងដែរ៕
យោងតាមសារព័ត៌មានរបស់ថៃ The Nationបានចេញផ្សាយថា ៖ នៅព្រឹកថ្ងៃពុធ ទី០៨ ខែធ្នូ ឆ្នាំ២០២១នេះ ជនចំណាកស្រុក មីយ៉ាន់ម៉ា ៣នាក់ បានស្លា.ប់នៅនឹងកន្លែង និង១៥នាក់ទៀត បានរងរបួសធ្ងន់ស្រាល ក្នុងហេតុការណ៍គ្រោះថ្នាក់ចរារណ៍ នៅពេលដែលរថយន្តដឹកពលករ បានក្រឡាប់ខណៈពេលព្យាយាមបើករត់គេចពីប៉ូលីស នៅលើផ្លូវហាយវេ ។ ឧត្តមសេនីយ៏ទោ Chaiwichit Saensub (ชัยวิจิตร แสนทรัพย์)តម្រួតចរាចរណ៍ បាននិយាយថា លោកបានអោយសញ្ញា រថយន្តដែលសង្ស័យថា អោយឈប់ នៅច្រកព្រំព្រទល់ខេត្តស៊ីងបុរី ប៉ុន្តែអ្នកបើកបរ បានបើកឆ្លងកាត់ប៉ារាស់ ក្នុងល្បឿនលឿន ។ ភ្លាមៗនោះលោកឧត្តមសេនីយ៏ទោ បានបើករថយន្តតាមពីក្រោយរថយន្ត Toyota Vigo ពណ៌ប្រផេះ ឆ្ពោះចូលទៅទីក្រុងអយុធ្យា ដែលជាកន្លែងដែលបានក្រឡាប់នៅជិតភូមិ ឃុង បាណា ក្នុងស្រុកមហារ៉ាត់ ។ អ្នកដំណើរជាច្រើននាក់ បានធ្លាក់ពីលើរថយន្ត ខណៈពេលក្រឡាប់នោះ ។ អ្នកដំណើរប្រុស ៣នាក់ បានស្លា.ប់ដោយសារការប៉ះទង្គិចធ្ងន់ធ្ងរ ចំណែក១៥នាក់ទៀត រងរបួស ក្នុងនោះ១១នាក់ ត្រូវបានបញ្ជូនទៅមន្ទីរពេទ្យ […]
យោងតាមសារព័ត៌មាន BBC បានចេញផ្សាយថា ៖ មនុស្សយ៉ាងហោចណាស់ចំនួន៤៥នាក់ រួមមានកុមារ១២នាក់បានស្លា.ប់បាត់បង់ជីវិតក្នុងហេតុការណ៍ដ៏រន្ធ.ត់មួយនៅពេលរថយន្តក្រុងមួយគ្រឿងត្រូវភ្លើងឆាបឆេះយ៉ាងសន្ធោសន្ធៅ នៅភាគខាងលិចប្រទេសប៊ុលហ្គារី។ គ្រោះអកុសលដ៏រន្ធ.ត់នេះកើតឡើងនាថ្ងៃអង្គារ ទី២៣ វិច្ឆិកា នេះ នៅលើផ្លូវហាយវេមួយ ស្ថិតនៅក្បែរភូមិ Bosnek ភាគនិរតីនៃរដ្ឋធានី Sofia។ រថយន្តក្រុងនោះត្រូវបានគេរាយការណ៍ថាចុះឈ្មោះនៅប្រទេសម៉ាសេដូនៀខាងជើង ហើយអ្នកដំណើរភាគច្រើនគឺមកពីប្រទេសនោះ។ អាជ្ញាធរប៊ុលហ្គារី កំពុងធ្វើការស៊ើបអង្កេតរកមូលហេតុដែលបណ្តាលឲ្យរថយន្តក្រុងត្រូវភ្លើងឆាបឆេះ។ មន្ត្រីប៊ុលហ្គារីនិយាយថា រថយន្តក្រុងទំនងជាបើកបុករបាំងផ្លូវ មុន ឬក្រោយពេលវាត្រូវភ្លើងឆាបឆេះ។ មនុស្សចំនួន ៧នាក់រងរបួស និងត្រូវបានគេបញ្ជូនទៅកាន់មន្ទីរពេទ្យក្នុងរដ្ឋធានី Sofia។ លោក Stefan Yanev នាយករដ្ឋមន្ត្រីបណ្តោះអាសន្នប៊ុលហ្គារី បានពណ៌នាឧប្បត្តិហេតុនោះថាជាសោកនាដកម្មដ៏ធំ។ លោកបានថ្លែងប្រាប់អ្នកសារព័ត៌មាននៅកន្លែងកើតហេតុដូច្នេះថា «យើងសង្ឃឹមថាយើងបានរៀនមេរៀនពីឧប្បត្តិហេតុសោកនាដកម្មនេះ ហើយយើងនឹងអាចការពារកុំឲ្យវាកើតឡើងទៀតនៅពេលអនាគត»។ រដ្ឋមន្ត្រីក្រសួងមហាផ្ទៃប៊ុលហ្គារី Minister Boyko Rashkov ដែលបានធ្វើដំណើរទៅកន្លែងកើតហេតុបាននិយាយថា សាកស.ពរបស់ជនរងគ្រោះត្រូវភ្លើងឆាបឆេះទាំងស្រុង៕
យោងតាមសារព័ត៌មាន កាសែតអ៊ីរ៉ង់ SARGH បានចេញផ្សាយថា ៖ នៅអ៊ីរ៉ង់អំពើសហា.យស្មន់ ត្រូវមានទោសប្រហារជីវិត ដោយគប់ដុំថ្ម យោងតាមមាត្រាទី១០៤ នៃច្បាប់ព្រហ្មទណ្ឌ។ តែការជ្រើសយកការសម្លា.ប់ក៏អាស្រ័យលើចៅក្រម ដែលអាចយកការព្យួរ.ក ជំនួសការសម្លា.ប់ដោយគប់ដុំថ្ម។ បុរសម្នាក់អាយុ២៧ឆ្នាំ និងស្រីស្នេហ៍លួចលាក់ អាយុ៣៣ឆ្នាំ បានត្រូវកាត់ទោសប្រហារជីវិត ពីបទសហា.យស្មន់។ នេះជាសេចក្ដីរាយការណ៍កាលពីថ្ងៃទី៦ ខែវិច្ឆិកា ឆ្នាំ២០២១ របស់កាសែតអ៊ីរ៉ង់ SARGH ដែលដកស្រង់ការសម្រេចរបស់តុលាការកំពូល។ កាលពីដើមឆ្នាំនេះ នារីជាភរិយារបស់បុរសនោះ ធ្លាប់បានបង្ហាញប៉ូលិសបណ្ដាវីដេអូ ពីការនិយាយសម្រុះសម្រួលគ្នារបស់ប្ដីនាងនិងនារីជាគូស្នេហ៍ មុនពេលនាងយល់ព្រមអត់ទោសឲ្យពួកគេ។ ប៉ុន្តែឪពុកនាងទាមទារឲ្យកាត់ទោសប្រហារជីវិតកូនប្រសារប្រុសនិងស្រីស្នេហ៍។ កាសែត SARGH ក្នុងអត្ថបទចេញផ្សាយនាថ្ងៃទី៦ ខែវិច្ឆិកា បានគូសបញ្ជាក់ថា តុលាការកំពូលអ៊ីរ៉ង់ អះអាងនាពេលថ្មីៗនេះ ពីទោសរបស់អ្នកទាំង២ ដោយផ្អែកលើបណ្ដាវីដេអូ និងការសារភាពរបស់ពួកគេទាំង២។ នៅអ៊ីរ៉ង់ សហា.យស្មន់ ត្រូវមានទោសប្រហារជីវិតដោយគប់ដុំថ្ម តែទុកឲ្យមានការជ្រើសរើសរបស់ចៅក្រម ដែលអាចជ្រើសរើសយកការប្រហារជីវិតដោយព្យួរ.កជំនួសការគប់ដុំថ្មសម្លា.ប់។ ទោះបីយ៉ាងណា ប្រសិនបើគ្រួសារជនរងគ្រោះ ផ្ដល់ការអភ័យទោស នោះឧក្រិដ្ឋជនដែលត្រូវកាត់ទោសប្រហារជីវិតនឹងមិនត្រូវសម្លា.ប់ឡើយ។ យោងតាមអង្គការសិទ្ធិមនុស្ស AMNESTY INTERNATIONAL ថា អ៊ីរ៉ង់បានប្រហារជីវិតអ្នកទោសដល់២៤៦នាក់ហើយក្នុងឆ្នាំ២០២០៕
ថៃ៖ អ្នកជំនាញថៃបានអះអាងថា មេរោគនៃជំងឺកូវីដ ១៩ បំប្លែងខ្លួនថ្មីប្រភេទ Delta Plus គឺមានលទ្ធភាពនៃការចម្លងខ្លាំងជាងមេរោគប្រភេទ Delta រហូតដល់ទៅ ១៥% ខណៈអាជ្ញាធរសុខាភិបាលថៃបានរកឃើញករណីឆ្លងមេរោគបំប្លែងខ្លួនថ្មីនេះ នៅក្នុងសហគមន៍ចំនួន ១ករណីរួចទៅហើយកាលពីថ្ងៃម្សិលមិញនេះ។ យោងតាមការចុះផ្សាយរបស់បណ្តាញសារព័ត៌មាន The Thaiger បានឲ្យដឹងថា អ្នកជំនាញថៃដែលបានធ្វើការអះអាងខាងលើនេះ គឺលោកវេជ្ជបណ្ឌិត เฉลิมชัย ដែលជាអនុប្រធានគណៈកម្មាធិការសុខភាពនៃព្រឹទ្ធសភាថៃ។ បើតាមលោកវេជ្ជបណ្ឌិត Chalermchai បានបញ្ជាក់បន្ថែមថា ការរកឃើញករណីទី ១នៃការឆ្លងមេរោគ Delta Plus នៅក្នុងសហគមន៍ក៏បានបង្កើតជាក្តីបារម្ភថ្មីមួយចំពោះអាជ្ញាធរថៃផងដែរ ព្រោះបើមេរោគប្រភេទនេះបន្តរាតត្បាតច្រើនករណីបន្ថែមទៀតគឺគេនឹងពិបាកទប់ទល់ជាមួយវាខ្លាំងណាស់។ គួរបញ្ជាក់ថា មេរោគកូវីដ ១៩ ប្រភេទ Delta Plus បានកំពុងតែមានវត្តមាននៅក្នុងបណ្តាប្រទេសធំៗមួយចំនួនរួចហើយ ខណៈគិតត្រឹមពេលបច្ចុប្បន្ននេះប្រទេសអង់គ្លេសហាក់មានការរាតត្បាតមេរោគប្រភេទនេះច្រើនជាងគេ ពោលគឺ ៦%នៃការឆ្លងជំងឺកូវីដ ១៩ ថ្មីនៅអង់គ្លេសគឺជាមេរោគ Delta Plus៕
យោងតាមសារព័ត៌មាន រ៉យទ័រ បានចេញផ្សាយថា (Reuters) - កាលពីថ្ងៃចន្ទ រដ្ឋមន្ត្រីក្រសួងការបរទេសប្រទេសម៉ាឡេស៊ី បាននិយាយថា ប្រទេសរបស់ខ្លួន និងឥណ្ឌូនេស៊ីមិនយល់ស្របយ៉ាងខ្លាំងចំពោះការសម្រេចរបស់ ប្រទេសអូស្ត្រាលីក្នុងការទិញនាវាមុជទឹកដើរដោយថាមពលនុយក្លេអ៊ែរ ទោះបីអាវុធនុយក្លេអ៊ែរមិនមែនជាផ្នែកនៃផែនការនោះក៏ដោយ។ រដ្ឋមន្ត្រីក្រសួងការបរទេសលោក Saifuddin Abdullah បាននិយាយដោយសំដៅលើកិច្ចព្រមព្រៀង AUKUS ដែលជាកិច្ចព្រមព្រៀងសន្តិសុខត្រីភាគីដែលបានធ្វើកាលពីខែមុន ក្នុងនោះប្រទេសអូស្ត្រាលី សហរដ្ឋអាមេរិក និងអង់គ្លេសថា ប្រទេសអាស៊ីអាគ្នេយ៍ទាំងពីរមានការព្រួយបារម្ភដូចគ្នាចំពោះផលប៉ះពាល់។ លោក Saifuddin បានប្រាប់សន្និសីទសារព័ត៌មានរួមគ្នាមួយ បន្ទាប់ពីមានជំនួបជាមួយរដ្ឋមន្ត្រីក្រសួង ការបរទេសលោកស្រី Retno Marsudi ថា “យើងយល់ស្របលើបញ្ហាដែលកើតឡើងចុងក្រោយបំផុតនៅក្នុងតំបន់ទាក់ទងនឹងប្រទេសជិតខាងដែលកំពុងទិញនាវាមុជទឹកដើរដោយថាមពលនុយក្លេអ៊ែរ”។ “ទោះបីជាប្រទេសនោះមិនមានសមត្ថភាពផលិតអាវុធនុយក្លេអ៊ែរក៏ដោយ ក៏យើងមានការព្រួយបារម្ភ និងខ្វល់ខ្វាយ”។ កាលពីខែមុន ប្រទេសឥណ្ឌូនេស៊ីបាននិយាយថា ខ្លួនព្រួយបារម្ភថាកិច្ចព្រមព្រៀង AUKUS អាចបណ្តាលឲ្យមានការប្រកួតប្រជែងផ្នែកអាវុធក្នុងតំបន់។ កិច្ចព្រមព្រៀងនេះកើតឡើងចំពេលដែលភាពតានតឹងកើតមានកាន់តែខ្លាំងឡើងនៅសមុទ្រចិនខាងកើត និងខាងត្បូងដែលជាផ្លូវសម្រាប់ការដឹកជញ្ជូនដែលមានជាទឹកប្រាក់រាប់ពាន់លានដុល្លារសហរដ្ឋអាមេរិក ដែលស្មើនឹងមួយភាគបីនៃពាណិជ្ជកម្មពិភពលោក។ ប្រទេសហ្វីលីពីនដែលជាសម្ព័ន្ធមិត្តសន្ធិសញ្ញាការពារជាតិរបស់សហរដ្ឋអាមេរិកបានគាំទ្រកិច្ចព្រមព្រៀង AUKUS ដោយនិយាយថា កិច្ចព្រមព្រៀងនោះផ្តល់នូវតុល្យភាពជាចាំបាច់សម្រាប់ប្រឆាំងនឹងប្រទេសចិនដែលចចេសកាន់តែខ្លាំងឡើង។
យោងតាមសារព័ត៌មាន សិង្ហបុរី រ៉យទ័រ បានចេញផ្សាយថាSINGAPORE, (Reuters) - កាលពីថ្ងៃច័ន្ទ នាវាដឹកយន្តហោះថ្មីរបស់អង់គ្លេសឈ្មោះ HMS Queen Elizabeth បានចូលចតនៅប្រទេសសិង្ហបុរី ដែលជាផ្នែកមួយនៃការបង្ហាញខ្លួនជាថ្មីម្តងទៀតនៅទូទាំងពិភពលោក និងបង្កើនវត្តមានយោធារបស់ខ្លួននៅតំបន់អាស៊ី ចំពេលមានការកើនឡើងនៃការប្រកួតប្រជែងក្នុងចំណោមប្រទេសមហាអំណាចជាច្រើន ។ នាវាឈ្មោះ Queen Elizabeth បានដឹកនាំក្រុមនាវាប្រយុទ្ធរបស់ចក្រភពអង់គ្លេសក្នុងការធ្វើសមយុទ្ធជាមួយយោធាសិង្ហបុរីនៅចុងសប្តាហ៍នេះ រួមទាំងសមយុទ្ធកងទ័ពជើងទឹក និងការធ្វើសមយុទ្ធប្រយុទ្ធជាមួយយន្តហោះបំបាំងកាយ F-35B និងយន្តហោះ F-16 ជាច្រើនគ្រឿង។ ប្រទេសអង់គ្លេសគ្រោងនឹងដាក់ពង្រាយនាវាចម្បាំងពីរគ្រឿងជាអចិន្ត្រៃយ៍នៅក្នុងដែនទឹកតំបន់អាស៊ី ជាកន្លែងដែលសហរដ្ឋអាមេរិក និងសម្ព័ន្ធមិត្តលោកខាងលិចកំពុងព្យាយាមទប់ស្កាត់ការធ្វើយោធូបនីយកម្មរបស់ចិន និងការសាងសង់កោះនៅសមុទ្រដែលមានសារៈសំខាន់ចំពោះពាណិជ្ជកម្មពិភពលោកដែលមានតម្លៃរាប់ពាន់លានដុល្លារ។ មេបញ្ជាការក្រុមនាវាប្រយុទ្ធលោក Steve Moorhouse បានប្រាប់សារព័ត៌មានរ៉យទ័រនៅលើនាវាថ្មីដែលមានទម្ងន់ ៦៥.០០០តោនថា “ការពិនិត្យឡើងវិញរួមរបស់យើងនាពេលថ្មីៗនេះបានគូសបញ្ជាក់ពីសារៈសំខាន់នៃតំបន់ឥណ្ឌូប៉ាស៊ីហ្វិក និងបំណងរបស់ចក្រភពអង់គ្លេសដែលមានទំនោរមកកាន់តំបន់នេះ និងមានការបង្កើនវត្តមាន ព្រមទាំងការបង្ហាញខ្លួនជាអចិន្ត្រៃយ៍កាន់តែច្រើន” ។ “វត្តមានរបស់នាវាQueen Elizabeth កំពុងដាក់ពង្រាយនៅទីនេះសម្រាប់បំពេញប្រតិបត្តិការលើកដំបូងនោះជាការបង្ហាញនូវទំនោរក្នុងតំបន់នេះ” ។ បើយោងតាមសេចក្តីថ្លែងការណ៍របស់រដ្ឋាភិបាលអង់គ្លេសថា សិង្ហបុរីគឺជាប្រទេសមួយក្នុងចំណោមប្រទេសជាង ៤០ ដែលក្រុមនាវាប្រយុទ្ធនេះនឹងធ្វើទំនាក់ទំនងតាមរយៈដំណើរទស្សនកិច្ច ឬការធ្វើសមយុទ្ធអំឡុងការដាក់ពង្រាយនាវាជាសកលរបស់ខ្លួន ៕
យោងតាមសារព័ត៌មាន រ៉យទ័រ បានចេញផ្សាយថាSept 29 (Reuters) – អ្នកនាំពាក្យអង្គការសហប្រជាជាតិ និងមន្រ្តីនគរបាលក្នុងតំបន់បាននិយាយថា កាលពីថ្ងៃពុធនេះ ខ្មាន់កាំភ្លើងបានបាញ់សម្លាប់មេដឹកនាំក្រុមមូស្លីម Rohingya ដ៏លេចធ្លោម្នាក់នៅក្នុងជំរុំជនភៀសខ្លួននៅភាគខាងត្បូងប្រទេសបង់ក្លាដែស បន្ទាប់ពីមានអំពើហិង្សាដែលកាន់តែធ្ងន់ធ្ងរនៅក្នុងជំរុំជនភៀសខ្លួនដ៏ធំបំផុតនៅក្នុងពិភពលោក។ លោក Mohib Ullah ដែលមានអាយុជាង ៤០ ឆ្នាំបានដឹកនាំក្រុមសហគមន៍ធំបំផុតមួយក្នុងចំណោមក្រុមសហគមន៍ជាច្រើនដែលបានចាប់ផ្តើមដំណើរការចាប់តាំងពីជនជាតិមូស្លីម Rohingya ប្រមាណ ៧៣ ម៉ឺននាក់បានភៀសខ្លួនចេញពីប្រទេសមីយ៉ាន់ម៉ាបន្ទាប់ពីការបង្ក្រាបដោយយោធាកាលពីខែសីហាឆ្នាំ ២០១៧ ។ ដោយបានទទួលការអញ្ជើញទៅសេតវិមាន និងពិភាក្សាជាមួយក្រុមប្រឹក្សាសិទ្ធិមនុស្សរបស់អង្គការសហប្រជាជាតិ លោកគឺជា អ្នកតស៊ូមតិដ៏ឆ្នើមម្នាក់សម្រាប់ជនជាតិ Rohingya ជាជនជាតិភាគតិចមូស្លីមដែលបានប្រឈមមុខនឹងការធ្វើទុក្ខទោសជាច្រើនជំនាន់។ លោក Rafiqul Islam ជាអគ្គស្នងការរងនគរបាលនៅទីក្រុង Cox’s Bazar ដែលស្ថិតនៅក្បែរនោះបានប្រាប់រ៉យទ័រតាមទូរស័ព្ទថា លោក Mohib Ullah ត្រូវបានគេបាញ់សម្លាប់ ប៉ុន្តែមិនបានបន្ថែមព័ត៌មានលម្អិតទេ។ អ្នកនាំពាក្យរបស់ឧត្តមស្នងការទទួលបន្ទុកជនភៀសខ្លួនរបស់អង្គការសហប្រជាជាតិបាននិយាយថា ទីភ្នាក់ងារនេះមានការសោកស្តាយយ៉ាងខ្លាំងចំពោះការស្លាប់របស់លោក Mohib Ullah ។ អ្នកនាំពាក្យរូបនេះបាននិយាយថា “យើងកំពុងបន្តទំនាក់ទំនងជាមួយអាជ្ញាធរអនុវត្តច្បាប់ទទួលបន្ទុករក្សាសន្តិភាព និងសន្តិសុខនៅក្នុងជំរុំនោះ” ។ ក្រុមរបស់លោក Mohib Ullah ដែលមានឈ្មោះថា […]
យោងតាមសារព័ត៌មាន តូរ៉ុនតូ (រ៉យទ័រ)បានចេញផ្សាយថា TORONTO, (Reuters) - កាលពីថ្ងៃអាទិត្យ រដ្ឋមន្ត្រីការបរទេសប្រទេសកាណាដា លោក Marc Garneau បាននិយាយថា ប្រទេសកាណាដា“មានការប្រុងប្រយ័ត្នខ្ពស់” នៅពេលដែលខ្លួនស្តារទំនាក់ទំនងជាមួយប្រទេសចិនឲ្យប្រក្រតីឡើងវិញ រយៈពេលពីរថ្ងៃក្រោយពីកាណាដាដោះលែងនាយកប្រតិបត្តិក្រុមហ៊ុន Huawei បន្ទាប់ពីការឃុំខ្លួនក្នុងផ្ទះជិត បីឆ្នាំ នៅទីក្រុង Vancouver ។ ប្រធានផ្នែកហិរញ្ញវត្ថុរបស់ក្រុមហ៊ុន Huawei Technologies Co Ltd លោកស្រី Meng Wanzhou ដែលជាកូនស្រីរបស់ស្ថាបនិកក្រុមហ៊ុន Huawei លោក Ren Zhengfei បានវិលត្រឡប់មកប្រទេសចិនវិញកាលពីថ្ងៃសុក្រ បន្ទាប់ពីបានឈានដល់កិច្ចព្រមព្រៀងជាមួយរដ្ឋអាជ្ញាសហរដ្ឋអាមេរិកដើម្បីបញ្ចប់ការចោទប្រកាន់ទៅលើលោកស្រីពីករណីក្លែងបន្លំផ្នែកធនាគារ។ ដែលនេះជាលទ្ធផលនៃការបញ្ឈប់ការធ្វើបត្យាប័នរបស់លោកស្រីនៅក្នុងតុលាការប្រទេសកាណាដា។ មិនយូរប៉ុន្មានបន្ទាប់ពីលោកស្រី Meng បានវិលត្រឡប់មកប្រទេសចិនវិញ ទីក្រុងប៉េកាំងបានដោះលែង លោក Michael Kovrig និងលោក Michael Spavor ជាជនជាតិកាណាដាពីរនាក់ដែលត្រូវបានអាជ្ញាធរចិនឃុំខ្លួន ប៉ុន្មានថ្ងៃបន្ទាប់ពីការចាប់ខ្លួនលោកស្រី Meng នៅទីក្រុង Vancouver កាលពីខែធ្នូ ឆ្នាំ២០១៨ ដោយយោងតាមដីកាចាប់ខ្លួនរបស់សហរដ្ឋអាមេរិក […]
សៀមរាប ៖ នៅវេលាម៉ោង០៣និង០០នាទីព្រឹក ថ្ងៃទី២៥ ខែកញ្ញា ឆ្នាំ២០២១ កម្លាំងប្រចាំការគោលដៅបិទខ្ទប់ ត្រង់ចំណុចភ្លើងស្តុបចុងកៅស៊ូ បានត្រួតពិនិត្យរថយន្តឈ្នួលមួយគ្រឿង ធ្វើដំណើរពីទិសខាងលិច ទៅខាងកើត ក្នុងរថយន្តមានដឹកជនបរទេសចំនួន០២នាក់ មានលិខិតឆ្លងដែន តែគ្មានប្រថាប់ត្រាច្រកទ្វារ ។ លោកឧត្តមសេនីយ៍ត្រី ជា គឹមសាន្ត ស្នងការរងទទួលផែនអន្តោប្រវេសន៍បានអោយដឹងថា ជនបរទេសទាំងពីរនាក់នេះមានឈ្មោះ : ១-ឈ្មោះ CHAIKHAMWANG EKARIN ភេទប្រុស កើតថ្ងៃទី១៤-០១-១៩៨៧ ជនជាតិថៃ និងឈ្មោះ PANYA SIRIRANYA ភេទស្រី កើតថ្ងៃទី១២-០៧-១៩៩៧ ជនជាតិថៃ ។ តាមការសាកសួររបស់សមត្ថកិច្ចជំនាញឲ្យដឹងថា ជនបរទេសទាំងពីរនាក់នេះបានចូលមកព្រះរាជាណាចក្រកម្ពុជា កាលពីអំឡុងខែឧសភា ឆ្នាំ២០២១ តាមច្រកទ្វារព្រំដែនអន្តរជាតិប៉ោយប៉ែត ដោយមិនបានប្រថាប់ត្រាពីសមត្ថកិច្ចប្រចាំទ្វារ ក្នុងគោលបំណងធ្វើដំណើរទេសចរណ៍ក្នុងក្រុងប៉ោយប៉ែត បន្ទាប់មកដោយសារបញ្ហាកូវីដ-១៩ ច្រកទ្វារព្រំដែនត្រូវបានបិទ ពួកគេក៏បន្តស្នាក់នៅសណ្ឋាគារ ហាក់ ហួត ក្នុងក្រុងប៉ោយប៉ែត និងដើរលេងជាច្រើនកន្លែង រហូតជ្រុះបាត់លិខិតឆ្លងដែនដោយមិនដឹងថាបាត់នៅកន្លែងណា ។ បន្ទាប់មកទៀត នាអំឡុងដើមខែកញ្ញា ឆ្នាំ២០២១ ពួកគេបានទំនាក់ទំនងទៅក្រុមគ្រួសារ ឲ្យជួយធ្វើលិខិតឆ្លងដែនថ្មី […]
យោងតាមសារព័ត៌មាន រ៉យទ័រ បានចេញផ្សាយថាJAKARTA, (Reuters) - នគរបាលបាននិយាយកាលពីថ្ងៃអាទិត្យថា កងកម្លាំងសន្តិសុខឥណ្ឌូនេស៊ីបានសម្លាប់មេដឹកនាំក្រុមសកម្មប្រយុទ្ធដែលមានឈ្មោះថា East Indonesia Mujahideen (MIT) មានទំនាក់ទំនងជាមួយក្រុមរដ្ឋអ៊ីស្លាម ។ យោងតាមសេចក្តីថ្លែងការណ៍របស់នគរបាលបានឲ្យដឹងថា ប្រតិបត្តិការរួមគ្នាមួយជាមួយបុគ្គលិកយោធា និងនគរបាលបានសម្លាប់លោក Ali Kalora នៅក្នុងការប្រយុទ្ធគ្នាមួយនៅក្នុងភូមិមួយដែលស្ថិតនៅលើកោះ Sulawesi កាលពីរសៀលថ្ងៃសៅរ៍។ នគរបាលបាននិយាយថា ជនសកម្មប្រយុទ្ធម្នាក់ទៀតដែលមានឈ្មោះថា Jaka Ramadhan ត្រូវបានគេស្គាល់ថា Ikrima ក៏ត្រូវបានបាញ់សម្លាប់ផងដែរ ហើយនគរបាលក៏បានបន្ថែមថា នៅតែបន្តការតាមចាប់ខ្លួនសមាជិកក្រុម MIT ចំនួន បួននាក់ផ្សេងទៀត។ នៅក្នុងការវាយឆ្មក់នេះ នគរបាលបានរកឃើញគ្រឿងផ្ទុះ កាំភ្លើង M16 មួយដើម និងកាំបិតផ្គាក់ពីរ រួមជាមួយភស្តុតាងផ្សេងទៀតដែលបង្ហាញពីសកម្មភាពរបស់ក្រុមសកម្មប្រយុទ្ធ។ លោក Kalora បានឡើងកាន់តំណែងជាប្រធាន MIT បន្ទាប់ពីកងកម្លាំងសន្តិសុខបានសម្លាប់មេដឹកនាំមុនគឺលោក Santoso កាលពីឆ្នាំ ២០១៦ ។ អាជ្ញាធរជឿជាក់ថាក្រុមសកម្មប្រយុទ្ធ MIT នៅពីក្រោយអំពើឃាតកម្មដ៏ឃោរឃៅលើអ្នកភូមិចំនួន បួននាក់ នៅកណ្តាលកោះ Sulawesi […]
យោងតាមសារព័ត៌មាន រ៉យទ័រ បានចេញផ្សាយថាWASHINGTON, (Reuters) - កាលពីថ្ងៃអង្គារ៍ ប្រធានាធិបតីសហរដ្ឋអាមេរិកលោក Joe Biden បានបដិសេធនូវរបាយការណ៍ដោយប្រព័ន្ធផ្សព្វផ្សាយមួយដែលបានលើកឡើងថា សមភាគីប្រធានាធិបតីប្រទេសចិនលោក Xi Jinping កាលពីសប្តាហ៍មុនបានបដិសេធការអញ្ជើញពីប្រធានាធិបតីលោក Joe Biden សម្រាប់កិច្ចប្រជុំផ្ទាល់ ។ កាសែត Financial Times បានដកស្រង់សម្តីមនុស្សមួយចំនួនដែលបានរៀបរាប់សង្ខេបអំពីការទាក់ទងតាមទូរស័ព្ទរយៈពេល ៩០ នាទីរវាងមេដឹកនាំទាំងពីរកាលពីសប្តាហ៍មុនដោយនិយាយថា ប្រធានាធិបតីលោក Xi Jinping មិនបានយល់ព្រមតាមការអញ្ជើញរបស់ប្រធានាធិបតីលោក Biden នោះទេ ហើយផ្ទុយទៅវិញបានទទូចថា ទីក្រុងវ៉ាស៊ីនតោនគួរតែបន្ថយនូវឥរិយាបទគៀបសង្កត់ទៅលើទីក្រុងប៉េកាំង។ នៅពេលដែលអ្នកយកព័ត៌មានសួរថា តើប្រធានាធិបតីលោក Biden ខកបំណងដោយសារតែ ប្រធានាធិបតីលោក Xi Jinping មិនចង់ជួបជាមួយលោក ប្រធានាធិបតីលោក Biden បាននិយាយថា “វាមិនមែនជាការពិតទេដែលលោក Xi Jinping មិនចូលរួមកិច្ចប្រជុំ”។ នៅក្នុងសេចក្តីថ្លែងការណ៍មួយនៅព្រឹកថ្ងៃអង្គារ៍នេះ ទីប្រឹក្សាសន្តិសុខជាតិរបស់រដ្ឋបាលប្រធានាធិបតីលោក Biden លោក Jake Sullivan បាននិយាយថា “របាយការណ៍នេះមិនបានបង្ហាញឱ្យបានត្រឹមត្រូវពីការជួបគ្នាតាមទូរស័ព្ទនោះទេ”។ […]
យោងតាមសារព័ត៌មាន រ៉យទ័រ បានចេញផ្សាយថាSHANKSVILLE, Pa./ ARLINGTON, Va., (Reuters) - កាលពីថ្ងៃសៅរ៍ ប្រធានាធិបតី Joe Biden រំលឹកខួបលើកទី ២០ នៃការវាយប្រហារសហរដ្ឋអាមេរិកថ្ងៃទី ១១ ខែកញ្ញា ដោយបានទស្សនាកន្លែងនីមួយៗដែលយន្តហោះបើកបុកនៅឆ្នាំ ២០០១ ដោយគោរពវិញ្ញាណខ័នជនរងគ្រោះក្នុងការវាយប្រហារដ៏សាហាវនេះ។ នៅពេលចាប់ផ្តើមក្នុងការសម្តែងការគោរព ប្រធានាធិបតី Biden បានឈរយ៉ាងស្ងៀមស្ងាត់ជាមួយអតីតប្រធានាធិបតីលោក Barack Obama និងលោក Bill Clinton នៅទីតាំងទីក្រុងញូវយ៉កដែលយន្តហោះបានហោះបំបុកអគារភ្លោះរបស់មជ្ឈមណ្ឌលពាណិជ្ជកម្មពិភពលោក។ មេដឹកនាំទាំងបីរួប ដែលអមដោយភរិយាលោកស្រី Jill Biden លោកស្រីMichelle Obama និងលោកស្រី Hillary Clinton បានឈរយ៉ាងស្ងៀមស្ងាត់ ដោយមានការអោនចុះ ជាមួយប្រជាជនមួយ ក្រុមនៅម៉ោង ៨ និង៤៦ នាទីព្រឹក ដែលជាម៉ោងដែលយន្តហោះដំបូងបើកបុក។ ពួកគេស្តាប់នៅពេលដែលសាច់ញាតិជនរងគ្រោះអានឈ្មោះអ្នកដែលបានស្លាប់។ បន្ទាប់មកប្រធានាធិបតីលោក Bidens រួមទាំងភរិយាបានធ្វើដំណើរទៅកាន់ទីក្រុង Shanksville ក្នុងរដ្ឋ Pennsylvania បន្ទាប់បកត្រលប់ទៅរដ្ឋវ៉ាស៊ីនតោនវិញដើម្បីទស្សនាវិមានអនុស្សាវរីយ៍មន្ទីរបញ្ចកោណ។ […]
យោងតាមសារព័ត៌មាន រ៉យទ័រ បានចេញផ្សាយថា(Reuters) – នៅថ្ងៃពុធ ស្ថានទូតចិនប្រចាំកូរ៉េខាងត្បូងបាននិយាយថាការបង្ក្រាបទៅលើ “វប្បធម៌អ្នកគាំទ្រ” មានគោលបំណងរក្សាសណ្តាប់ធ្នាប់សាធារណៈ និងមិនប៉ះពាល់ដល់ទំនាក់ទំនងរបស់ខ្លួនជាមួយប្រទេសណាមួយឡើយ។ រដ្ឋាភិបាលបានចាប់ផ្តើមការបង្រ្កាបលើវិស័យជាច្រើនរួមទាំងឧស្សាហកម្មកម្សាន្ត និងអ្វីដែលអាជ្ញាធរពណ៌នាថាជាវប្បធម៌គាំទ្រអ្នកសិល្បៈល្បីៗដែលបង្កភាព “វឹកវរ” ដែលវាជះឥទ្ធិពលទៅលើយុវវ័យ និងសណ្តាប់ធ្នាប់សង្គម។ ស្ថានទូតបាននិយាយថា ខ្លួនកំពុងឆ្លើយតបទៅនឹងការព្រួយបារម្ភនៅក្នុងប្រព័ន្ធផ្សព្វផ្សាយរបស់កូរ៉េខាងត្បូងអំពីយុទ្ធនាការនេះដែលបណ្តាលឲ្យប្រព័ន្ធបណ្តាញសង្គមរបស់ចិន ផ្អាកគណនីដែលបង្កើតឡើងដោយអ្នកគាំទ្រជនជាតិចិនចំពោះតារា pop កូរ៉េខាងត្បូង។ នៅក្នុងសេចក្តីថ្លែងការណ៍មួយ ស្ថានទូតបាននិយាយថា “សកម្មភាពរបស់ចិនគឺសំដៅលើគ្រប់ពាក្យសំដី និងទង្វើដែលអាចបង្កការប៉ះពាល់ដល់សណ្តាប់ធ្នាប់សាធារណៈ ទំនៀមទម្លាប់ក៏ដូចជាច្បាប់ និងបទបញ្ញត្តិនានា ប៉ុន្តែមិនប៉ះពាល់ដល់ទំនាក់ទំនងរវាងចិន និងប្រទេសណាមួយឡើយ” ។ ស្ថានទូតបាននិយាយថា ប្រព័ន្ធផ្សព្វផ្សាយកូរ៉េខាងត្បូង “មានការព្រួយបារម្ភអំពីផលប៉ះពាល់នៃការផ្លាស់ប្តូរវប្បធម៌រវាងចិន និងកូរ៉េខាងត្បូង ហើយថែមទាំងជឿជាក់ថា វិធានការពាក់ព័ន្ធរបស់ចិនគឺសំដៅលើកូរ៉េខាងត្បូង”។ នៅសប្តាហ៍នេះ ប្រព័ន្ធបណ្តាញសង្គម Weibo របស់ប្រទេសចិន បានផ្អាកគណនីអ្នកគាំទ្រជាង ២០ គណនី ដែលគាំទ្រសកម្មភាព K-pop ធំៗ ដូចជាក្រុម BTS, Blackpink និង EXO ដោយនិយាយថាគណនីទាំងនោះទទួលខុសត្រូវក្នុងការផ្សព្វផ្សាយ “មាតិកាមិនសមហេតុផលក្នុងការគាំទ្រតារា”។ អ្នកគ្រប់គ្រងប្រព័ន្ធអ៊ិនធើណែតម្នាក់បាននិយាយថា ក្រោមយុទ្ធនាការប្រឆាំងនឹងវប្បធម៌អ្នកគាំទ្រ ប្រព័ន្ធបណ្តាញសង្គមមិនអាចផ្សព្វផ្សាយបញ្ជីឈ្មោះតារាល្បីៗបានទេ ហើយក្លឹបអ្នកគាំទ្រនឹងត្រូវបាន […]
យោងតាមសារព័ត៌មាន រ៉យទ័រ បានចេញផ្សាយថាSept 7 (Reuters) – កាលពីថ្ងៃអង្គារ៍ ក្រុមតាលីបង់តែងតាំងក្រុមមន្ត្រីជាន់ខ្ពស់របស់ខ្លួន ដើម្បីបំពេញមុខតំណែងកំពូលនៅក្នុងជួររដ្ឋាភិបាលថ្មីរបស់អាហ្វហ្គានីស្ថាន រួមទាំងសហការីម្នាក់ នៃស្ថាបនិកក្រុមសកម្មប្រយុទ្ធអ៊ីស្លាមក្នុងតំណែងជានាយករដ្ឋមន្រ្តី និងមន្រ្តីម្នាក់ដែលស្ថិតក្នុងបញ្ជីភេរវកររបស់សហរដ្ឋអាមេរិកជារដ្ឋមន្ត្រីក្រសួងមហាផ្ទៃ ។ ប្រទេសមហាអំណាចពិភពលោកបានប្រាប់ក្រុមតាលីបង់នូវគន្លឹះឆ្ពោះទៅរកសន្តិភាព និងការអភិវឌ្ឍន៍ គឺជាការបង្កើតរដ្ឋាភិបាលរួមបញ្ចូលគ្នា ដែលនឹងគាំទ្រការប្តេជ្ញាចិត្តចំពោះ វិធីសាស្រ្តផ្សះផ្សារមួយដើម្បីលើកស្ទួយសិទ្ធិមនុស្ស បន្ទាប់ពីការគ្រប់គ្រងរបស់ខ្លួនអំឡុងឆ្នាំ១៩៩៦-២០០១ ដែលបានបង្ហាញ ពីជម្លោះបង្ហូរឈាម និងការគៀបសង្កត់លើស្ត្រី ។ មេដឹកនាំកំពូលរបស់ក្រុមតាលីបង់លោក Haibatullah Akhundzada បានថ្លែងនៅក្នុងសេចក្តីថ្លែងការណ៍ជាសាធារណៈលើកដំបូងចាប់តាំងពីបានដណ្តើមកាន់ទីក្រុង Kabul កាលថ្ងៃទី១៥ ខែសីហា ថាក្រុមតាលីបង់បានប្តេជ្ញាចិត្តអនុវត្តច្បាប់ និងសន្ធិសញ្ញាអន្តរជាតិទាំងអស់ រួមទាំងការប្តេជ្ញាចិត្តទាំងឡាយណាដែលមិនប្រឆាំងនឹងច្បាប់អ៊ីស្លាម ។ នៅក្នុងសេចក្តីថ្លែងការណ៍មួយ លោកបាននិយាយថា “នាពេលអនាគត បញ្ហាទាំងអស់នៃអភិបាលកិច្ច និងប្រជាជននៅអាហ្វហ្គានីស្ថាននឹងត្រូវបានគ្រប់គ្រងដោយច្បាប់របស់ Holy Sharia” ហើយនៅពេលនោះផងដែរ លោកក៏បានអបអរសាទរដល់ប្រជាជនអាហ្វហ្កានីស្ថានចំពោះ អ្វីដែលលោកហៅថា ជាការរំដោះប្រទេសពីការគ្រប់គ្រងរបស់បរទេស ។ ក្រុមតាលីបង់ប្រកាសឈ្មោះសម្រាប់រដ្ឋាភិបាលតែងតាំងថ្មី ដែលនេះជារយៈពេលបីសប្តាហ៍ បន្ទាប់ពីក្រុមតាលីបង់បានទទួលជ័យជម្នះខាងផ្នែកយោធា បន្ទាប់ពីកងកម្លាំងបរទេសដែលដឹកនាំដោយសហរដ្ឋអាមេរិកបានចាកពីប្រទេសនេះ និងរដ្ឋាភិបាលដែលគាំទ្រដោយប្រទេសលោកខាងលិចបានដួលរលំដោយមិនផ្តល់សញ្ញាផ្សះផ្សារដល់គូប្រជែងរបស់ខ្លួនឡើយ ។ សហរដ្ឋអាមេរិកបាននិយាយថា ខ្លួនមានការព្រួយបារម្ភចំពោះកំណត់ត្រារបស់សមាជិកគណៈរដ្ឋមន្ត្រីមួយចំនួន និងបានកត់សម្គាល់ថា […]
យោងតាមសារព័ត៌មាន រ៉យទ័រ បានចេញផ្សាយថាSept 5 (Reuters) – មន្ត្រីបាននិយាយកាលពីថ្ងៃអាទិត្យថា ជនសង្ស័យម្នាក់ដែលនិយាយថាខ្លួនជាអ្នករស់រានមានជីវិតពីសង្គ្រាមដោយមានពាក់អាវក្រោះ បានបាញ់សម្លាប់មនុស្ស ០៤នាក់ ក្នុងនោះមានស្ត្រីម្នាក់ រួមទាំងកូនប្រុសអាយុ ៣ខែ ដែលកំពុងបីនៅក្នុងដៃ មុនពេលដែលជននេះប្រគល់ខ្លួនឲ្យនគរបាល នៅកណ្តាលរដ្ឋ Florida ។ មេបញ្ជាការនគរបាលរបស់រដ្ឋលោក Grady Judd បានប្រាប់សន្និសីទសារព័ត៌មានថា ជនដែលបានបាញ់ ប្រហារនោះត្រូវបានគេកំណត់អត្តសញ្ញាណមានឈ្មោះថា Bryan Riley អាយុ ៣៣ឆ្នាំ ជាអតីតទាហានម៉ារីនអាមេរិក ហើយការបាញ់ប្រហារនេះក៏ធ្វើឲ្យក្មេងស្រីអាយុ ១១ឆ្នាំម្នាក់ រងរបួសដែលទទួល បានការវះកាត់ដោយសារតែគ្រប់កាំភ្លើងចំនួន ០៧គ្រាប់ ។ លោក Judd បាននិយាយថា លោក Riley ដែលគ្មានទំនាក់ទំនងអ្វីជាមួយជនរងគ្រោះ បានធ្វើការតបតដោយបាញ់រះជាមួយនគរបាលមុនពេលប្រគល់ខ្លួន ហើយក្រោយមកលោកបានព្យាយាមដណ្តើមកាំភ្លើងរបស់មន្រ្តីនគរបាលម្នាក់ខណៈកំពុងព្យាបាលនៅមន្ទីរពេទ្យដោយសាររបួសដោយគ្រាប់កាំភ្លើងរបស់គាត់ មុនគាត់ត្រូវបានគេចាប់គាត់ម្តងទៀត ។ លោក Judd ក៏បាននិយាយផងដែរថា លោក Riley ជាអតីតយុទ្ធជន នៃសង្គ្រាមសហរដ្ឋអាមេរិកនៅអ៊ីរ៉ាក់ និងអាហ្គានីស្ថាន បានធ្វើការជាអង្គរក្ស និងសន្តិសុខ […]
រដ្ឋធានីវ៉ាស៊ីនតោន ៖ យោងតាមសារព័ត៌មាន រ៉យទ័រ បានចេញផ្សាយថា កាលពីថ្ងទី២៧ ខែសីហា ឆ្នាំ២០២១ សហរដ្ឋអមេរិក បានរកឃើញមានករណីឆ្លងកូវីដ-១៩ទៅលើសត្វក្ដាន់ ជាលើកដំបូងបំផុត នៅលើពិភពលោក។ បើតាមសេចក្ដីថ្លែងការណ៍នោះ បានបញ្ជាក់ថា មន្រ្ដីក្រសួងកសិកម្មសហរដ្ឋអាមេរិក បានរកឃើញករណីឆ្លងជំងឺ SARS-CoV-2 ជាវីរុស ដែលនាំឲ្យកើតជំងឺកូវីដ-១៩ ទៅលើសត្វកាន់ព្រៃមានកន្ទុយពណ៌ស នៅក្នុងរដ្ឋអូហាយ៉ូ (Ohio) សហរដ្ឋអាមេរិក។ ទោះជាយ៉ាងណា នៅក្នុងសេចក្ដីរាយការណ៍នោះ មិនបានបញ្ជាក់លម្អិត អំពីអំពីរោគសញ្ញា នៃការឆ្លងវីរុសនោះឡើយ។ លោក Lyndsay Cole អ្នកនាំពាក្យ ក្រសួងកសិកម្មសហរដ្ឋអាមេរិក បានបញ្ជាក់ថា «យើងបានមិនដឹងថា សត្វក្តាន់នេះបានប៉ះពាល់យ៉ាងដូចម្តេច រហូតនាំឲ្យកើតជំងឺ SARS-CoV-2 នោះដែរ។ ប៉ុន្ដែករណីនេះ អាចថា សត្វក្ដាន់ទាំងនោះ ឆ្លងតាមតាមរយៈមនុស្ស បរិយាកាស សត្វក្តាន់ផ្សេងទៀត ឬប្រភេទសត្វផ្សេងទៀត» ។ ក្រសួងកសិកម្មសហរដ្ឋអាមេរិក កាលពីពេលកន្លងមក ធ្លាប់រាយការណ៍ អំពីករណីឆ្លងជំងឺកូវីដ-១៩ លើសត្វឆ្កែ ឆ្មា ខ្លា ខ្លាទឹកកក […]