ព័ត៌មានអន្តរជាតិ, NMR TVNEWS, Page 6

មន្រ្តីន័រវែសរកឃើញមីវៀតណាម មានផ្ទុកសាធាតុសម្លាប់សត្វល្អិត

អាជ្ញាធរវៀតណាម បានតម្រូវឲ្យក្រុមហ៊ុនផលិតមីក្នុងស្រុកឈ្មោះ Thien Huong បញ្ជាក់ពីនីតិវិធីផលិតរបស់ខ្លួន ក្រោយពេលមន្រ្តីន័រវែសរកឃើញ សារធាតុគីមីហាមឃាត់ នៅក្នុងផលិតផលរបស់ខ្លួន។ មីរបស់ក្រុមហ៊ុន Thien Huong កាលពីថ្ងៃអាទិត្យ ក្រុមហ៊ុនបានធ្វើការជាមួយអាជ្ញាធរគ្រប់គ្រងសុវត្ថិភាពចំណីអាហារទីក្រុងហូជីមិញ (FSMA) បន្ទាប់ពីប្រទេសន័រវែស បានប្រមូលផលិតផលមីគោករសជាតិសាច់មាន់ និងសាច់គោពីទីផ្សារវិញ។ សហភាពអឺរ៉ុប (EU) ដែលមានន័រវែសជាសមាជិក បានសម្រេចចិត្តដកផលិតផល Thien Huong ចេញពីទីផ្សារន័រវែស បន្ទាប់ពីពួកគេបានរកឃើញសារធាតុ អេទីឡែនអុកស៊ីដ០.០៥២ មីលីក្រាម នៅក្នុងអាហារដែលសារធាតុនេះ រំលោភលើស្តង់ដារ សុវត្ថិភាពម្ហូបអាហាររបស់អឺរ៉ុប។ មីរបស់ក្រុមហ៊ុន Thien Huong អេទីឡែនអុកស៊ីដ គឺជាសារធាតុសម្លាប់សត្វល្អិត មិនត្រូវបានអនុញ្ញាតឲ្យប្រើប្រាស់នៅក្នុងម្ហូបអាហារដែលដាក់លក់នៅក្នុងសហភាពអឺរ៉ុបឡើយ។ នេះបើយោងតាមអាជ្ញាធរសុវត្ថិភាពម្ហូបអាហារនៃប្រទេសអៀរឡង់។ ក្នុងអំឡុងកិច្ចប្រជុំជាមួយ FSMA, ក្រុមហ៊ុន Thien Huong បានប្រគល់ព័ត៌មានស្តីពីការផលិត ផលិតផលរបស់ខ្លួន ដោយនិយាយថា ពួកគេក៏កំពុងធ្វើការផងដែរដើម្បីរកឲ្យឃើញនូវការលេចឡើងសារធាតុ អេទីឡែនអុកស៊ីដ នៅក្នុងកញ្ចប់មីរបស់ពួកគេ។ តំណាងក្រុមហ៊ុននិយាយថា ផលិតផលដែលប្រមូលមកវិញ គឺត្រូវបានផលិតឡើងដោយក្រុមហ៊ុន Thien Huong តាមកិច្ចសន្យាពាណិជ្ជកម្មជាមួយដៃគូអាជីវកម្មបរទេស ហើយត្រូវបានលក់ផ្តាច់មុខនៅប្រទេស […]

ព័ត៌មានអន្តរជាតិ

សហភាពអឺរ៉ុប រកឃើញ មីវៀតណាម ២ប្រភេទ មានផ្ទុកសារធាតុគីមី ថ្នាំសម្លាប់សត្វល្អិត

មីកញ្ចប់ដែលត្រូវបានរកឃើញថាមានផ្ទុកសារធាតុនេះ រួមមានមី Hao Hao រសជាតិបង្គាតុងយ៉ាំ និងមី Good រសជាតិ ឆ្អឹងជំនីជ្រូក។ នេះបើតាមការប្រកាសរបស់ FSAI នៅលើគេហទំព័ររបស់ខ្លួន។ ក្រៅពីផលិតផលដែលផលិតនៅវៀតណាមចំនួនពីរនេះ មីដែលប្រមូលមកវិញក៏រួមមានទាំងផលិតផលមីកញ្ចប់រសជាតិគ្រឿងសមុទ្រ Yato របស់ប្រទេសចិនផងដែរ។ FSAI និយាយថា ខ្លួនបានរកឃើញសារធាតុ អេទីឡែនអុកស៊ីដ ដែលជាថ្នាំសម្លាប់សត្វល្អិត មិនត្រូវបានអនុញ្ញាតឲ្យប្រើប្រាស់នៅក្នុងម្ហូបអាហារដែលដាក់លក់នៅក្នុងសហភាពអឺរ៉ុប។ សេចក្តីប្រកាសបាននិយាយថា “ថ្វីបើការប្រើប្រាស់ផលិតផលដែលមានសារធាតុនេះ មិនបង្កគ្រោះថ្នាក់ធ្ងន់ធ្ងរដល់សុខភាពក៏ដោយ ក៏អាចមានបញ្ហាសុខភាពដែរ ប្រសិនបើនៅតែបន្តប្រើប្រាស់ក្នុងរយៈពេលយូរ។ ដូច្នេះការប៉ះពាល់សារធាតុនេះ ចាំបាច់ត្រូវកាត់បន្ថយឲ្យបានតិចបំផុត”។ ដើម្បីឆ្លើយតបទៅនឹងការប្រមូលមកវិញនេះ ក្រសួងសុខាភិបាលវៀតណាមបាននិយាយកាលពីថ្ងៃសៅរ៍ថា រដ្ឋបាលចំណីអាហារវៀតណាមក្រោមការគ្រប់គ្រងរបស់ខ្លួន នឹងស្នើសុំទៅក្រសួងឧស្សាហកម្មនិងពាណិជ្ជកម្មដែលទទួលបន្ទុកគ្រប់គ្រងផលិតផលមីកញ្ចប់ ឲ្យបំភ្លឺករណីនេះ៕

ព័ត៌មានអន្តរជាតិ

សហរដ្ឋអាមេរិកសហការជាមួយវិស័យហិរញ្ញវត្ថុ Big Tech ដើម្បីបង្កើតគោលការណ៍ណែនាំសុវត្ថិភាពតាមអ៊ីនធឺណិតថ្មី

យោងតាមសារព័ត៌មានវ៉ស្សិនតុន រ៉យទ័រ បានចេញផ្សាយថាWASHINGTON, (Reuters) - នៅថ្ងៃពុធនេះ រដ្ឋាភិបាលអាមេរិកបាននិយាយថា ខ្លួននឹងធ្វើការជាមួយវិស័យឧស្សាហកម្មដើម្បីរឹតបន្តឹងគោលការណ៍ណែនាំថ្មីក្នុងការធ្វើឲ្យប្រសើរឡើងនូវសន្តិសុខនៃសង្វាក់ផ្គត់ផ្គង់ដោយប្រព័ន្ធបច្ចេកវិទ្យា ខណៈដែលលោកប្រធានាធិបតី Joe Biden បានអំពាវនាវដល់នាយកប្រតិបត្តិវិស័យឯកជនថា “រឹតបន្តឹងសន្តិសុខតាមប្រព័ន្ធអ៊ីនធឺណែត” ។ នៅក្នុងកិច្ចប្រជុំនៅឯសេតវិមានជាមួយលោកប្រធានាធិបតី Biden និងសមាជិកនៃគណៈរដ្ឋមន្ត្រី នាយកប្រតិបត្តិរបស់ក្រុមហ៊ុនបច្ចេកវិទ្យាធំៗ ក្រុមហ៊ុនឧស្សាហកម្មហិរញ្ញវត្ថុ និងក្រុមហ៊ុនហេដ្ឋារចនាសម្ព័ន្ធបាននិយាយថា ពួកគេនឹងធ្វើការបន្ថែមដើម្បីប្រឆាំងនឹងការកើនឡើងការគំរាមកំហែងនៃការវាយប្រហារតាមប្រព័ន្ធអ៊ីនធឺណែតទៅលើសេដ្ឋកិច្ចសហរដ្ឋអាមេរិក។ នៅក្នុងបន្ទប់ទទួលភ្ញៀវ លោកប្រធានាធិបតី Biden បានប្រាប់នាយកប្រតិបត្តិថា “រដ្ឋាភិបាលសហព័ន្ធមិនអាចដោះស្រាយបញ្ហានេះតែម្នាក់ឯងបានទេ ខ្ញុំជឿជាក់ថា លោកទាំងអស់គ្នាមានអំណាច សមត្ថភាព និងការទទួលខុសត្រូវដើម្បីរឹតបន្តឹងសន្តិសុខតាមប្រព័ន្ធអ៊ីនធឺណែត”។ បន្ទាប់ពីកិច្ចប្រជុំនោះ សេតវិមានបាននិយាយថា វិទ្យាស្ថានជាតិស្តង់ដារ និងបច្ចេកវិទ្យា (NIST) នឹងធ្វើការជាមួយវិស័យឧស្សាហកម្ម និងដៃគូផ្សេងៗទៀតក្នុងការរៀបចំគោលការណ៍ណែនាំថ្មីសម្រាប់ការកសាងបច្ចេកវិទ្យាដែលមានសុវត្ថិភាព និងវាយតម្លៃសុវត្ថិភាពនៃបច្ចេកវិទ្យារួមទាំងកម្មវិធីដែលមិនតំរូវឱ្យមានការការពារកម្មសិទ្ធិបញ្ញា។ ក្រុមហ៊ុន Microsoft (MSFT.O), Google (GOOGL.O), Travelers (TRV.N), និង Coalition ជាក្រុមហ៊ុនផ្តល់ការធានាសន្តិសុខតាមប្រព័ន្ធអ៊ីនធឺណែតបានប្តេជ្ញាចូលរួមក្នុងគំនិតផ្តួចផ្តើមថ្មីដែលដឹកនាំដោយ NIST ។ សន្តិសុខតាមប្រព័ន្ធអ៊ីនធឺណែតបានក្លាយទៅជាប្រធានបទសំខាន់សម្រាប់រដ្ឋបាលលោកប្រធានាធិបតី Biden បន្ទាប់ពីការវាយប្រហារជាបន្តបន្ទាប់ទៅលើក្រុមហ៊ុនគ្រប់គ្រងបណ្តាញ SolarWinds Corp […]

ព័ត៌មានថ្មីៗ ព័ត៌មានអន្តរជាតិ

នាវាលួចប្រេងឆៅរជិត៣០ម៉ឺនបារ៉ែលដែលកម្ពុជាជូនដំណឹងទៅកាន់ប៉ូលីសអន្តរជាតិនាពេលនេះចាប់បានហើយ!

កងទ័ពជើងទឹកឥណ្ឌូនេស៊ី បាននិយាយថា នាវា MT Strovolos ដែលមានទង់ជាតិ បាហាម៉ា គឺជាប្រទេសមួយនៅក្នុងប្រជុំកោះ Lucayan ខាងលិចឥណ្ឌានៅមហាសមុទ្រអាត្លង់ទិក ត្រូវឃាត់បានកាលពីថ្ងៃទី២៧ ខែកក្កដា ឆ្នាំ២០២១ នៅក្បែរកោះស៊ូម៉ាត្រា ពោលគឺប៉ុន្មានថ្ងៃបន្ទាប់ពី ទីក្រុងភ្នំពេញ បានចេញសេចក្តីជូនដំណឹង ពណ៌ក្រហមមួយ ទៅកាន់ប៉ូលីសអន្តរជាតិ Interpol ដោយអះអាងថា នាវានេះបានលួចយកប្រេងឆៅរបស់ព្រះរាជាណាចក្រកម្ពុជា ។ កងទ័ពជើងទឹកឥណ្ឌូនេស៊ី បាននិយាយបន្តថា ខ្លួនកំពុងសួរចម្លើយនាវិកជនជាតិឥណ្ឌា ចំនួន ១៣នាក់ ជនជាតិបង់ក្លាដែស ៣នាក់ និងជនជាតិមីយ៉ាន់ម៉ា ៣នាក់ នៅឯមូលដ្ឋានទ័ពជើងទឹករបស់ខ្លួនក្បែរប្រទេសសិង្ហបុរី ។ កប៉ាល់ដឹកប្រេង ដែលមានប្រវែង ១៨៣ម៉ែត្រ ខាងលើនេះបានធ្វើដំណើរពីប្រទេសថៃ ទៅកាន់កោះ Batam ប្រទេសឥណ្ឌូនេស៊ី បានបិទប្រព័ន្ធកំណត់អត្តសញ្ញាណរបស់ខ្លួន ហើយបោះយុថ្កា ដោយខុសច្បាប់ នៅក្នុងដែនទឹក នៃប្រជុំកោះ ប្រទេសឥណ្ឌូនេស៊ី ។ កងទ័ពជើងទឹកឥណ្ឌូនេស៊ី បន្ថែមថា ប្រធានក្រុមជនជាតិបង់ក្លាដែស អាចប្រឈមមុខនឹងការជាប់ពន្ធនាគារ មួយឆ្នាំ និងពិន័យជាប្រាក់ ១៤.០០០ដុល្លារ […]

ព័ត៌មានអន្តរជាតិ

អ៊ីរ៉ង់បន្តការនាំចេញប្រេងទៅកាន់អាហ្វហ្គានីស្ថាន

យោងតាមសារព័ត៌មាន រ៉យទ័រ បានចេញផ្សាយថា(Reuters)- ប្រទេសអ៊ីរ៉ង់ចាប់ផ្តើមការនាំចេញប្រេងឥន្ធនៈសារជាថ្មីទៅកាន់ ប្រទេសអាហ្វហ្គានីស្ថាននៅប៉ុន្មានថ្ងៃមុននេះ បន្ទាប់ពីមានការស្នើសុំពីរដ្ឋាភិបាលអាហ្វហ្គានីស្ថានថ្មី ដែលចូលកាន់អំណាចដោយសារការដកទ័ពរបស់អាមេរិក ការស្នើរសុំនោះគឺ ដើម្បីទិញប្រេងពីប្រទេសដែលត្រូវបានដាក់ទណ្ឌកម្មកាន់តែបើកចំហ ។ កាលពីសប្តាហ៍មុន ក្រុមមូស្លីម Sunni បានដណ្តើមអំណាចនៅអាហ្វហ្គានីស្ថាន នៅពេលដែលសហរដ្ឋអាមេរិក និងសម្ព័ន្ធមិត្តរបស់ខ្លួនដកកងទ័ពបន្ទាប់ពីសង្គ្រាមរយៈពេល២០ឆ្នាំ។ តម្លៃប្រេងសាំងនៅអាហ្វហ្គានីស្ថានបានឡើងដល់៩០០ដុល្លារសហរដ្ឋអាមេរិកក្នុង ១តោន ខណៈដែលប្រជាជនអាហ្វហ្គានីស្ថានជាច្រើនបានចាកចេញពីទីក្រុងដោយសារខ្លាចការសងសឹក និងការវិលត្រឡប់ទៅរកច្បាប់អ៊ីស្លាមដ៏តឹងរឹងដែលក្រុមតាលីបង់បានបង្ខំឲ្យគោរព ក្នុងកំឡុងពេលកាន់អំណាចកាលពីពីរទសវត្សរ៍មុន។ ដើម្បីទប់ទល់នឹងការឡើងថ្លៃនេះ ក្រុមតាលីបង់ថ្មីនេះបានស្នើសុំឲ្យប្រជាជនអ៊ីរ៉ាក់ Shi’ite បន្តបើក ព្រំដែនសម្រាប់ពាណិជ្ជករ។ លោក Hamid Hosseini សមាជិកក្រុមប្រឹក្សាភិបាល និងជាអ្នកនាំពាក្យរបស់សហភាពអ្នកនាំចេញផលិតផលប្រេងឧស្ម័ន ឥន្ធនៈ និងផលិតផលគីមីរបស់អ៊ីរ៉ង់នៅទីក្រុង Tehran បានប្រាប់រ៉យទ័រថា “ក្រុមតាលីបង់បានផ្ញើសារទៅអ៊ីរ៉ង់ដោយនិយាយថា ប្រទេសអ្នកអាចបន្តការនាំចេញផលិតផលប្រេង” ។ ក្រុមតាលីបង់បានផ្ញើសារទៅកាន់ពាណិជ្ជករអ៊ីរ៉ង់ និងសភាពាណិជ្ជកម្មអ៊ីរ៉ង់ដែលមានទំនាក់ទំនងជិតស្និទ្ធជាមួយរដ្ឋាភិបាល។ ជាលទ្ធផល រដ្ឋបាលគយនៃសាធារណរដ្ឋអ៊ីស្លាមអ៊ីរ៉ង់ (IRICA) ដែលជាផ្នែកមួយនៃរដ្ឋាភិបាលបានដកបម្រាមនាំចេញប្រេងឥន្ធនៈទៅកាន់អាហ្វហ្គានីស្ថានដែលបានអនុវត្តតាំងពីថ្ងៃទី០៦ ខែសីហា ដោយសារតែអ៊ីរ៉ង់ព្រួយបារម្ភអំពីសុវត្ថិភាពនៃការជួញដូរនៅក្នុងប្រទេសនេះ។ លោក Hosseini បាននិយាយថា កង្វល់ទាំងនោះត្រូវបានបន្ធូរបន្ថយដោយឥរិយាបថរបស់ក្រុមតាលីបង់។ លោកក៏បានលើកឡើងផងដែរពីការសម្រេចចិត្តរបស់ក្រុមតាលីបង់ក្នុងការកាត់បន្ថយពន្ធលើការនាំចូលប្រេងឥន្ធនៈពីប្រទេសអ៊ីរ៉ង់ និងប្រទេសជិតខាងផ្សេងៗទៀត ហើយបានចែករំលែកជាមួយរ៉យទ័រនូវឯកសារផ្លូវការមួយដែលចេញដោយក្រុមអ៊ីស្លាម Emirate អាហ្វហ្គានីស្ថាន […]

ព័ត៌មានថ្មីៗ ព័ត៌មានអន្តរជាតិ

កាម៉ាឡាហារីសធ្វើទស្សនកិច្ចទៅសិង្ហបុរីដើម្បីពង្រឹងទំនាក់ទំនង ប្រឆាំងនឹងឥទ្ធិពលចិន

យោងតាមសារព័ត៌មាន រ៉យទ័រ បានចេញផ្សាយថា(Reuters)- ថ្ងៃចន្ទនេះ អនុប្រធានាធិបតីអាមេរិកលោកស្រី Kamala Harris នឹងជួបជាមួយមេដឹកនាំសិង្ហបុរីនៅក្នុងថ្ងៃនៃដំណើរទស្សនកិច្ចទៅកាន់តំបន់អាស៊ីអាគ្នេយ៍ក្នុងគោលបំណងពង្រឹងចំណងមិត្តភាពដែលជាផ្នែកមួយនៃកិច្ចខិតខំប្រឹងប្រែងរបស់ទីក្រុងវ៉ាស៊ីនតោនដើម្បីប្រឆាំងឥទ្ធិពលប្រទេសចិនដែលកំពុងកើនឡើង។ លោកស្រី Harris នឹងជួបជាមួយប្រធានាធិបតីសិង្ហបុរីលោក Halimah Yacob និងនាយករដ្ឋមន្រ្តីលោក Lee Hsien Loong បន្ទាប់មកលោកស្រីទៅទស្សនកិច្ចមូលដ្ឋានទ័ពជើងទឹក Changi និងនាវា USS Tulsa ដែលជានាវាប្រយុទ្ធរបស់កងទ័ពជើងទឹកអាមេរិក។ សិង្ហបុរីមិនមែនជាសម្ព័ន្ធមិត្តដែលមានសន្ធិសញ្ញាជាមួយសហរដ្ឋអាមេរិកទេ ប៉ុន្តែជាដៃគូសន្តិសុខដ៏ខ្លាំងបំផុតនៅក្នុងតំបន់ និងមានទំនាក់ទំនងពាណិជ្ជកម្មដ៏ស៊ីជម្រៅ។ ទោះបីយ៉ាងណាក៏ដោយ សិង្ហបុរីក៏ព្យាយាមធ្វើឲ្យទំនាក់ទំនងរបស់ខ្លួនមានតុល្យភាពជាមួយសហរដ្ឋអាមេរិក ក៏ដូចជាមួយប្រទេសចិនដោយមិនប្រកាន់ភាគីណាមួយឡើយ។ ប្រទេសនេះគឺ ជាប្រទេសដែលមានកំពង់ផែធំជាងគេបំផុតនៅតំបន់អាស៊ីអាគ្នេយ៍ និងគាំទ្រការបន្តធ្វើនាវាចរណ៍ដោយសេរីនៅក្នុងតំបន់ដែលប្រទេសចិនកាន់តែចចេស។ កាលពីថ្ងៃអាទិត្យ លោកស្រី Harris បានមកដល់ប្រទេសសិង្ហបុរី ដោយចាប់ផ្តើមដំណើរទស្សនកិច្ចក្នុងតំបន់ដែលមានរយៈពេល ០៧ ថ្ងៃ ដោយមានរួមទាំងដំណើរទស្សនកិច្ចទៅកាន់ប្រទេសវៀតណាមផងដែរ។ ក្នុងអំឡុងពេលនៃដំណើរទស្សនកិច្ចនេះ មន្រ្តីសហរដ្ឋអាមេរិកមានបំណងដោះស្រាយបញ្ហាកង្វល់របស់ទីក្រុងវ៉ាស៊ីនតោនអំពីការទាមទាររបស់ចិនទៅលើជម្លោះនៅសមុទ្រចិនខាងត្បូង។ យោងតាមរបាយការណ៍ដែលបានចេញផ្សាយកាលពីខែមេសាដោយទីភ្នាក់ងារស្រាវជ្រាវសភាដែលធ្វើការស្រាវជ្រាវ និងវិភាគសម្រាប់សភាអាមេរិកបាននិយាយថា “សិង្ហបុរីបានលើកទឹកចិត្តឲ្យសហរដ្ឋអាមេរិកចូលរួមកាន់តែច្រើននៅក្នុងតំបន់អាស៊ី ប៉ុន្តែបានព្រមានថាកិច្ចប្រឹងប្រែងនានាដើម្បីទប់ទល់នឹងការកើនឡើងឥទ្ធិពលរបស់ចិនគឺ មិនផ្តល់ផលល្អនោះទេ” ។

ព័ត៌មានថ្មីៗ ព័ត៌មានអន្តរជាតិ

ចិនបាញ់សាកល្បងមីស៊ីល ចំគោលដៅបំផុត ដែលបំពាក់ក្បាលគ្រាប់ថ្មី

យោងតាមសារព័ត៌មានទូរទស្សន៍ចិន CCTV បានចេញផ្សាយថាៈនាថ្ងៃទី២១ ខែសីហានេះ ឱ្យដឹងថា កងទ័ពចិនបានធ្វើសមយុទ្ធបាញ់សាកល្បងមីស៊ីលរយៈមធ្យមថ្មី ខណៈមានភាពតានតឹងខ្លាំងរវាងក្រុងប៉េកាំង និងក្រុងវ៉ាស៊ិនតោនទាក់ទិន ជាពិសេសដល់កោះតៃវ៉ាន់។ ខណៈដែលសហរដ្ឋអាមេរិកនាពេលថ្មីៗនេះ សម្ដែងការព្រួយបារម្ភ ចំពោះការអភិវឌ្ឍន៍អាវុធនុយក្លេអ៊ែរចិន ក្រុងប៉េកាំងបន្តសាកល្បងអាវុធថ្មីៗ។ អាវុធថ្មីចុងក្រោយគឺមីស៊ីលរយៈខ្លី បាញ់ត្រង់ចំគោលដៅបំផុត ដែលបំពាក់ក្បាលគ្រាប់ថ្មី។ មីស៊ីល២ប្រភេទត្រូវបានបាញ់សាកល្បង ក្នុងតំបន់វាយខ្សាច់ភាគពាយ័ព្យចិន។ មីស៊ីលទាំងនោះអាចទម្លុះការរំខានដោយអេឡិចត្រូម៉ាញ៉េទិក និងលក្ខខណ្ឌបរិយាកាសពិបាកៗ ដើ់ម្បីរត់ទៅដល់ចំគោលដៅ ស្ថិតក្នុងចម្ងាយច្រើនរយគីឡូម៉ែត្រ។ ពុំទាន់មានការបញ្ជាក់ពីបណ្ដាលក្ខណៈសម្បត្តិនៃមីស៊ីលនោះនៅឡើយ តែមីស៊ីលថ្មីនេះហាក់ជាមីស៊ីលក្នុងប្រភេទមីស៊ីលDONG-FENG 15 ជាមីស៊ីលរយៈខ្លីសំខាន់របស់ចិនដែលផលិតក្នុងទសវត្សឆ្នាំ១៩៩០។ ទោះបីបច្ចេកវិទ្យានៃមីស៊ីលនោះតួរបស់វាប្រើបច្ចេកវិទ្យាដែលគេស្គាល់ក្ដីតែក្បាលគ្រាប់អាចមានការកែលម្អថ្មី ពិសេសប្រព័ន្ធតម្រង់និងប្រព័ន្ធប្រឆាំងការរំខាន។ បណ្ដាអ្នកជំនាញការគិតថាក្បាលគ្រាប់ម៉ូដែលថ្មីនេះអាចដើរតួនាទី ក្នុងវិបត្តិតៃវ៉ាន់ដែលមានការប្រឈមមុខគ្នា រវាងក្រុងប៉េកាំង និងក្រុងវ៉ាស៊ិនតោន៕ ដកស្រង់ចេញពីវេបសាយ ៖ sputniknews

ព័ត៌មានអន្តរជាតិ

លោកប្រធានាធិបតីអាមេរិក សម្រេចចិត្តស្ទាកស្ទើរដកកងទ័ពទាំងស្រុងនៅអាហ្វហ្គានីស្ថាន ប្រហែលជាត្រូវពន្យារពេល

យោងតាមសារព័ត៌មានវ៉ស្សិងតន់ រ៉យទ័រ បានចេញផ្សាយថាWASHINGTON, (Reuters) - កាលពីថ្ងៃពុធ លោកប្រធានាធិបតីលោក Joe Biden បាននិយាយថា កងទ័ពអាមេរិកអាចបន្តនៅអាហ្វហ្គានីស្ថាន ដើម្បីជម្លៀសជនជាតិអាមេរិកនៅមុនថ្ងៃកំណត់ ទី៣១ ខែសីហា និងមន្ទីរបញ្ចកោណបាននិយាយថា នៅពេលបច្ចុប្បន្ននេះ យោធាសហរដ្ឋអាមេរិកមិនមានសមត្ថភាពដើម្បីជួយប្រជាជនដែលស្ថិតនៅក្រៅអាកាសយានដ្ឋានទីក្រុង Kabul បានឡើយ ។ លោកប្រធានាធិបតី Biden បានប្រាប់សារព័ត៌មាន ABC ថា “បើសិនជាមានប្រជាជនអាមេរិកស្ថិតនៅ ទីនោះនៅឡើយ យើងនឹងនៅបន្តរហូតដល់យើងជម្លៀសពួកគេចេញអស់” នៅក្នុងបទសម្ភាសន៍ដែលធ្វើឡើងនៅថ្ងៃដែលសមាជិកសភាអាមេរិកជាច្រើននាក់បានដាក់សម្ពាធឲ្យរូបលោកពន្យារថ្ងៃដកទ័ពចេញទាំងស្រុង។ លោកប្រធានាធិបតី Biden បានទទួលរងការរិះគន់យ៉ាងខ្លាំងចំពោះដំណោះស្រាយការដកកងទ័ពរបស់លោក ដែលបណ្តាលឲ្យ ក្នុងរយៈពេលប៉ុន្មានថ្ងៃថ្មីៗនេះ ប្រទេសអាហ្គាហ្វនីស្ថានត្រូវបានគ្របដណ្តប់ដោយភាពវឹកវរទាំងនៅក្នុង និងជុំវិញអាកាសយានដ្ឋានទីក្រុង Kabul ដោយមានមនុស្សជាច្រើននាក់ព្យាយាមយ៉ាងខ្លាំងដើម្បីចាកចេញពីប្រទេសនេះ។ លោកប្រធានាធិបតី Biden បានការពារការសម្រេចចិត្តរបស់លោក ដោយនិយាយថា បញ្ហាទាំងនេះគឺជៀសមិនរួចទេក្នុងការបញ្ចប់ការចូលរួមរបស់សហរដ្ឋអាមេរិកអស់រយៈពេល ២០ឆ្នាំនៅទីនោះកន្លងមកនេះ។ លោកបាននិយាយថា ខ្ញុំមិនដឹងថាតើ“ គំនិតដែលគិតថាមានមធ្យោបាយដើម្បីចាកចេញដោយគ្មានភាពវឹកវរកើតឡើងនោះ” អាចធ្វើឡើងយ៉ាងដូចម្តេចនោះទេ។ លោកក៏បាននិយាយផងដែរថា ក្រុមតាលីបង់កំពុងសហការក្នុងពេលនេះ ដើម្បីជួយជម្លៀសជនជាតិអាមេរិកជាច្រើននាក់ចេញពីប្រទេសនេះ ប៉ុន្តែ “យើងកំពុងជួបការលំបាកមួយចំនួន” ក្នុងការជម្លៀសពលរដ្ឋអាហ្វហ្គានីស្ថានដែលមានសម្ព័ន្ធភាពជាមួយសហរដ្ឋអាមេរិក។ កងកម្លាំងតាលីបង់វាយដណ្តើមយកអាហ្វហ្គានីស្ថានវិញបានយ៉ាងឆាប់រហ័ស […]

ព័ត៌មានថ្មីៗ ព័ត៌មានអន្តរជាតិ

ការប្រយុទ្ធប្រឆាំងនឹងក្រុមអាល់កៃដាវាយប្រហារក្រុមភេរវករពីចម្ងាយ ប្រសិនបើយើងឃើញថាក្រុមភេរវករព្យាយាមបង្កើតក្រុមខ្លួនឡើងវិញ

យោងតាមសារព័ត៌មាន រ៉យទ័រ បានចេញផ្សាយថា (Reuters) - កាលពីថ្ងៃអង្គារ៍អង្គការណាតូបាននិយាយថា ក្រុមតាលីបង់មិនត្រូវធ្វើឲ្យអាហ្វហ្គានីស្ថានក្លាយជាកន្លែងបង្កើតភេរវកម្មសារជាថ្មីម្តងទៀតឡើយ ព្រមទាំងព្រមានថា ទោះបីជាមានការដក ខ្លួនរបស់កងកម្លាំងសម្ព័ន្ធមិត្តក៏ដោយ ក៏ខ្លួននៅតែមានកម្លាំងយោធាវាយប្រហារក្រុមភេរវករណាមួយពីចម្ងាយ ។ នៅក្នុងសន្និសីទសារព័ត៌មានលើកដំបូងរបស់អគ្គលេខាធិការអង្គការណាតូលោក Jens Stoltenberg ចាប់តាំងពីការដួលរលំទីក្រុង Kabul ទៅក្រុមតាលីបង់ លោកបាននិយាយថា “អ្នកដែលកំពុងកាន់អំណាចឥឡូវនេះត្រូវមានទំនួលខុសត្រូវដើម្បីធានាថាភេរវករអន្តរជាតិមិនមានមូលដ្ឋានរឹងមាំឡើងវិញ” ។ លោកបានបន្ថែមថា “យើងមានសមត្ថភាពវាយប្រហារក្រុមភេរវករពីចម្ងាយ ប្រសិនបើយើងឃើញថាក្រុមភេរវករព្យាយាមបង្កើតក្រុមខ្លួនឡើងវិញ និងរៀបចំផែនការវាយប្រហារប្រឆាំងនឹងសម្ព័ន្ធមិត្តណាតូ និងប្រទេសរបស់ពួកគេ” ។ ការប្រយុទ្ធប្រឆាំងនឹងក្រុមអាល់កៃដា ជាអង្គការសកម្មប្រយុទ្ធដែលទទួលខុសត្រូវចំពោះការវាយប្រហារថ្ងៃទី ០៩ ខែវិច្ឆិការ ហើយដែលក្រុមតាលីបង់បានផ្តល់ទីជំរកគឺ ជាហេតុផលចម្បងនៃអន្តរាគមន៍របស់បស្ចិមប្រទេសនៅអាហ្វហ្គានីស្ថានក្នុងឆ្នាំ ២០០១ ដែលវាជាប្រតិបត្តិការធំដំបូងរបស់ណាតូនៅក្រៅទ្វីបអឺរ៉ុប។ ប៉ុន្តែបន្ទាប់ពីក្រុមសម្ព័ន្ធមិត្តបានបញ្ចប់ប្រតិបត្តិការយោធានៅរដូវក្តៅនេះបន្ទាប់ពីរយៈពេលជិតពីរទសវត្សរ៍មក ក្រុមតាលីបង់បានវាយសម្រុកយ៉ាងឆាប់រហ័សដោយដណ្តើមបានទីក្រុងធំៗ ក្នុងរយៈពេលប៉ុន្មានថ្ងៃមកនេះ។ ការដណ្តើមកាន់កាប់រដ្ឋធានី Kabul ភ្លាមៗបានបណ្តាលឲ្យមនុស្សរាប់ពាន់នាក់ភៀសខ្លួនទៅព្រលានយន្តហោះទីក្រុងនេះ ដែលស្ថិតនៅក្រោមការកាន់កាប់ដោយយោធាអាមេរិក ដែលព្យាយាមក្នុងការជម្លៀសពលរដ្ឋខ្លួនតាមយន្តហោះ។ នៅទីក្រុង Brussels អ្នកកាសែតជាស្ត្រីជនជាតិអាហ្វហ្គានីស្ថានម្នាក់ ដែលជិតស្រក់ទឹកភ្នែកបានសួរលោក Stoltenberg ថា តើប្រទេសលោកខាងលិចនឹងធ្វើអ្វីចំពោះជនងាយរងគ្រោះទាំងនោះនៅក្នុងប្រទេសអាហ្វហ្គានីស្ថាន ដោយទុកឲ្យអគ្គលេខាធិការអង្គការណាតូជាអ្នកសម្រេច។ លោក Stoltenberg បានអំពាវនាវឲ្យក្រុមតាលីបង់ជួយសម្រួលដល់ការចាកចេញរបស់ប្រជាជនដែលចង់ចាកចេញពីប្រទេស ហើយបាននិយាយថាសម្ព័ន្ធមិត្តការពារជាតិប្រទេសលោកខាងលិចបានយល់ព្រមបញ្ជូនយន្តហោះដើម្បីជួយជម្លៀសបន្ថែមទៅកាន់ទីក្រុង […]

ព័ត៌មានថ្មីៗ ព័ត៌មានអន្តរជាតិ

បិតាសិទ្ធិមនុស្សចិត្តគ្មានមេត្តា៖ ប្រែពីយន្តហោះទម្លាក់គ្រាប់បែក មកជាយន្តហោះទម្លាក់មនុស្ស

ពិភពលោកពិតជាមានភាពតក់ស្លុតបំផុត ពេលឃើញរូបភាពដែលជនជាតិអាហ្វហ្កានីស្ថាន បានធ្លាក់ពីលើយន្តហោះកងទ័ពអាមេរិកស្លាប់បាត់បង់ជីវិតភ្លាមៗ ក្រោយពួកគេបានតោងកង់យន្តហោះ និងស្លាបយន្តហោះ ព្យាយាមភៀសខ្លួនចាកចេញពីប្រទេសអាហ្វហ្កានីស្ថាន ប៉ុន្មានម៉ោងក្រោយក្រុមតាលី បានប្រកាស គ្រប់គ្រងប្រទេសទាំងស្រុង។ រូបភាពនេះបានបង្ហាញពីសោកនាដកម្មថ្មីមួយទៀត ដែលជាការចងចាំរបស់មនុស្សជាតិនៅពេលដែលមហាអំណាចអាមេរិក សម្រេចចិត្តបោះបង់ចោលប្រទេស ដែលពួកគេចូលធ្វើសង្គ្រាមលុកលុយ ដោយទុកឱ្យជនស្លូតត្រង់នៃប្រទេសនោះរងទុក្ខវេទនា និងគ្មានអារម្មណ៍សុវត្ថិភាពជីវិតខ្លួនរងការគំរាមកំហែងគ្រប់ពេលវេលា។ រូបភាពនេះបន្ថែមនូវភាពខ្លោចផ្សាកាន់តែខ្លាំងថែមទៀត ពីលើរូបភាពនៃការដណ្តើមគ្នាជិះយន្តហោះ និងការប្រើឧត្ថម្ភចក្រជម្លៀសមនុស្សចេញពីស្ថានទូតអាមេរិក នៅទីក្រុងកាប៊ុល ដែលពិភពលោកធ្លាប់ឃើញរូបភាពដូចគ្នានេះកាលពី៤៦ឆ្នាំមុន នៅទីក្រុងភ្នំពេញ នាខែមេសាឆ្នាំ១៩៧៥ ពេលអាមេរិកជម្លៀសជនជាតិខ្លួន និងមន្ត្រីនៃរបបសាធារណរដ្ឋខ្មែរចេញពីទីក្រុងភ្នំពេញមុនពេលខ្មែរក្រហមឡើងកាន់អំណាច និងទិដ្ឋភាពនៃការជម្លៀសប្រជាជននៅលើដំបូលស្ថានទូតអាម៉េរិក និងពលរដ្ឋវៀតណាមដណ្តើមគ្នាឡើងយន្តហោះចាកចេញពីទីក្រុងសៃហ្គន វៀតណាមខាងត្បូង។ កាលពីឆ្នាំ២០០១ អាមេរិកបានប្រើយន្តហោះដើម្បីទម្លាក់គ្រាប់បែកលើប្រទេសអាហ្វហ្កានីស្ថាន ក្នុងហេតុផលកម្ចាត់ក្រុមបណ្តាញភេវរកម្មអាល់កៃដា និងក្រុមតាលីបង់ ដែលសង្ស័យថាជាអ្នកសមគំនិតលើការរៀបចំផែនការវាយប្រហារ លើអគារពាណិជ្ជកម្មនៅទីក្រុងញូវយ៉ក កាលពីថ្ងៃទី១១ ខែកញ្ញា ឆ្នាំ២០០១។ ២០ឆ្នាំក្រោយមក យន្តដែលធ្លាប់ទម្លាក់គ្រាប់បែកបែរជាទម្លាក់មនុស្សទៅវិញ ដែលគ្នាសុំត្រឹមតែរស់ជីវិតប៉ុណ្ណោះនៅលើទឹកដីសហរដ្ឋអាមេរិក ដែលគេជឿថា ជាទឹកដីនៃសេរីភាព និងប្រជាធិបតេយ្យ ក្រោយបម្រើប្រទេសនេះក្នុងការធ្វើសង្គ្រាមក្នុងប្រទេសខ្លួន។ តែក្តីប្រាថ្នាពួកគេមិនបានសម្រេចឡើយ! យន្តហោះមិនទទួលឱ្យជិះ និងបានបន្តហោះហើរដោយមិនខ្វល់អ្វីបន្តិចឡើយទាំងដឹងថា មានមនុស្សនៅតោងកង់យន្តហោះ ស្លាបយន្តហោះ ហើយទីបំផុតពួកគេបានធ្លាក់ស្លាប់បាត់បង់ជីវិតយ៉ាងអណោចអធមជាទីបំផុត។ សូម្បីតែសិទ្ធិរស់រានមាន ជីវិតក៏ពួកគេគ្មានដែរ! រហូតមកដល់ពេលនេះ មិនទាន់មានអង្គការសិទ្ធិមនុស្សដូចជា អង្គការឃ្លាំមើលសិទ្ធិមនុស្សអន្តរជាតិ Human […]

ព័ត៌មានថ្មីៗ ព័ត៌មានអន្តរជាតិ

ទីបំផុត!នាយករដ្ឋមន្ត្រីម៉ាឡេស៊ី លោកMUHYIDDIN YASSIN លាលែងពីតំណែង….

ប្រទេសម៉ាឡេស៊ី ៖ នាយករដ្ឋមន្ត្រីម៉ាឡេស៊ី លោកMUHYIDDIN YASSIN ប្រកាសនាថ្ងៃទី១៦សីហា ពីការសុំលាលែងចេញពីតំណែង ព្រមទាំងការលាលែងរបស់រដ្ឋាភិបាលលោក ពេលភាពតានតឹងខាងនយោបាយមានកាន់តែខ្លាំង ក្រោយពីលោកបាត់បង់ការគាំទ្រ ដោយសំឡេងភាគច្រើនក្នុងសភា។ ការលាលែងរបស់លោកបានបញ្ចប់អាណត្តិពោរពេញដោយភាពល្អក់កករ ដែលលោកកាន់បានត្រឹម១៧ខែ ហើយបើកផ្លូវទៅរកដំណាក់កាលថ្មី នៃអស្ថេរភាពខាងនយោបាយ សម្រាប់ប្រទេស ដែលកំពុងជួបប្រទះការកើនកាន់តែខ្លាំង នៃការឆ្លងរាលដាលវីរុសកូវីដ-១៩។ ប្រមុខរដ្ឋាភិបាលដែលលាលែងបញ្ជាក់ថា វិបត្តិនាពេលថ្មីៗនេះ បណ្ដាលមកពីការបដិសេធរបស់លោក មិនព្រមធ្ចើតាមសំណើនានាដូចជាសំណើបោះបង់ចោលការចោទប្រកាន់ពីរឿងពុករលួយ ពិសេសប្រឆាំងបណ្ដាសមាជិកកណបក្សដ៏ខ្លាំងរបស់ប្រទេស គឺគណបក្សអង្គការជាតិម៉ាឡេស៊ីរួបរួមUMNO ដែលបាត់បង់អំណាចកាលពីឆ្នាំ២០១៨។ លោកMUHYIDDINនឹងនៅជានាយករដ្ឋមន្ត្រីបណ្ដោះអាសន្ន រង់ចាំព្រះមហាក្សតព្រះចៅSULTAN ABDULLAH តែងតាំងមេដឹកនាំថ្មី។ ព្រះមហាក្សត្រទ្រង់បដិសធការរៀបចំបោះឆ្នោត ដោយសារការឆ្លងរាលដាលនៃវីរុសកូវីដ-១៩ ហើយទ្រង់ថ្លែងថា ទ្រង់នឹងបំពេញតួនាទីតាមរដ្ឋធម្មនុញ្ញ ដើម្បីតែងតាំងនាយករដ្ឋមន្ត្រីថ្មី១រូប ដែលទ្រង់សង្ឃឹមថា នឹងទទួលបានការគាំទ្រដោយសំឡេងភាគច្រើនក្នុងសភា៕

ព័ត៌មានថ្មីៗ ព័ត៌មានអន្តរជាតិ

គ្រោះទឹកជំនន់នៅប្រទេសតួកគីមានអ្នកស្លាប់៧៧នាក់ខណៈមនុស្ស៧នាក់កំពុងព្យាបាល…

យោងតាមប្រភពព័ត៌មាន(រ៉យទ័រ)បានអោយដឹងថា, (Reuters) - កាលពីថ្ងៃច័ន្ទ អាជ្ញាធរបាននិយាយថា ចំនួនមនុស្សស្លាប់ដោយសារគ្រោះទឹកជំនន់ភ្លាមៗ ដែលបានហូរកាត់ទីក្រុងមួយចំនួនក្នុងបណ្តាខេត្តក្នុងតំបន់ Black Sea ប្រទេសតួកគីកាលពីសប្តាហ៍មុន បានកើនឡើងដល់ ៧៧នាក់ និងបុគ្គលិកសង្គ្រោះបន្ទាន់កំពុងបន្តស្វែងរកមនុស្ស ៤៧នាក់ផ្សេងទៀតដែលកំពុងបាត់ខ្លួន។ កាលពីសប្តាហ៍មុន គ្រោះទឹកជំនន់បាននាំមកនូវភាពចលាចលនៅក្នុងប្រទេសនេះ ខណៈដែលភ្លៀងលាយខ្យល់យ៉ាងខ្លាំងបានបោកបក់រថយន្តរាប់សិបគ្រឿង និងកាកសំណល់ជាច្រើននៅតាមដងផ្លូវ ដោយបំផ្លាញអគារ និងស្ពាន រួមទាំងបានបិទផ្លូវជាច្រើន និងបណ្តាលឲ្យខូចខាតហេដ្ឋារចនាសម្ព័ន្ធអគ្គិសនីផងដែរ។ នាយកគ្រប់គ្រងគ្រោះមហន្តរាយ និងគ្រាអាសន្ន (AFAD) បាននិយាយថា មនុស្ស ៦២នាក់បានស្លាប់ដោយសារគ្រោះទឹកជំនន់នៅខេត្ត Kastamonu។ ចំណែកមនុស្ស ១៤នាក់ផ្សេងទៀតបានស្លាប់នៅទីក្រុង Sinop និងមនុស្សម្នាក់ទៀតបានស្លាប់នៅទីក្រុង Bartin។ មនុស្សចំនួន ៤៧នាក់ ត្រូវបានគេរាយការណ៍ថា បានបាត់ខ្លួននៅក្នុងខេត្ត Kastamonu និងទីក្រុង Sinop ដោយនិយាយបន្ថែមថា មនុស្ស ០៧នាក់ផ្សេងទៀតកំពុងទទួលការព្យាបាលនៅមន្ទីរពេទ្យ។ រូបភាពចេញពីយន្តហោះគ្មានមនុស្សបើកបានបង្ហាញពីការខូចខាតយ៉ាងច្រើននៅក្នុងទីក្រុង Bozkurt ក្នុងខេត្ត Kastamonu ដែលក្រុមជួយសង្គ្រោះបានស្វែងរកអគារដែលត្រូវបានបំផ្លាញកាលពីចុងសប្តាហ៍។ AFAD បាននិយាយថា មនុស្សប្រមាណ ២.០០០នាក់ត្រូវបានគេជម្លៀសចេញពីតំបន់ដែលរងផលប៉ះពាល់ ក្នុងនោះមនុស្សមួយចំនួនត្រូវបានគេជួយជម្លៀសដោយឧទ្ធម្ភាគចក្រ និងទូកជាច្រើនគ្រឿង […]

ព័ត៌មានថ្មីៗ ព័ត៌មាននយោបាយ ព័ត៌មានអន្តរជាតិ

ពូជសត្វឆ្មា១២ប្រភេទ តម្លៃកប់ពពក ដែលថ្លៃបំផុតក្នុងលោក

អន្តរជាតិ៖ឆ្វាគឺជាសត្វចិញ្ចឹមមួយប្រភេទដែលមានការពេញនិយមបំផុតតាមបណ្ដាប្រទេសផ្សេងៗជាពិសេសក្នុងអាស៊ីនិងអ៊ឺរ៉ុប។ភាពក្រម៉ិចក្រម៉ើមស្លូតបូតកែវភ្នែកដ៏មុតថ្លារួមទាំងរោមដ៏ទន់អមនឹងសំឡេងស្រួចឆ្មាគឺជាមន្តស្នេហ៍ដ៏ទាក់ទាញសម្រាប់អស់អ្នកដែលចូលចិត្តសត្វចិញ្ចឹមប្រភេទនេះ។ នៅកម្ពុជានិងតាមតំបន់ជនបទសត្វឆ្មាគឺអាចរកបានដោយងាយហើយធ្វើការផ្ទេរពីម្ចាស់មួយទៅមួយដោយគ្មានការដោះដូរជារូបិយប័ណ្ណអ្វីនោះឡើយ។ ប៉ុន្តែបើនៅក្នុងទីប្រជុំជននិងក្នុងប្រទេសជឿនលឿន សត្វឆ្មា គឺមានតម្លៃមួយខ្ពស់គួរសម ដែលមានពូជខ្លះមានតម្លៃដល់ទៅរាប់សែនដុល្លារឯណោះ។ សារព័ត៌មានបានយកពូជឆ្មា១២ប្រភេទដែលមានតម្លៃបំផុតក្នុងលោកមកជម្រាបជូន៖ ១/ .The Ashera– តម្លៃពី១២៥.០០០ដុល្លារឡើងទៅ

ព័ត៌មានថ្មីៗ ព័ត៌មាននយោបាយ ព័ត៌មានអន្តរជាតិ

ត្រាំប្រកាសបញ្ចប់ជីវិតកម្មវិធី TikTok និងWeChat លើទឹកដីអាមេរិកហើយ

អន្តរជាតិ៖ប្រធានាធិបតីសហរដ្ឋអាមេរិកលោកដូណាល់ត្រាំទើបតែបានចុះហត្ថលេខាក្តៅៗទៅលើបទបញ្ជាប្រតិបត្តិមួយដើម្បីហាមឃាត់ប្រតិបត្តិការរបស់ក្រុមហ៊ុនបៃដេនស៍(ByteDance)នៅលើទឹកដីមហាអំណាចមួយនេះ។នេះបើតាមការចេញផ្សាយ ដោយសារព័ត៌មាន BBCនាព្រឹកថ្ងៃសុក្រទី៧ខែសីហា ឆ្នាំ២០២០។ សហរដ្ឋអាមេរិក នឹងចាត់វិធានការយ៉ាងម៉ឺងម៉ាត់បំផុតចំពោះ ByteDance ដែលជាក្រុមហ៊ុនមេរបស់ TikTok ដើម្បីការពារសន្តិសុខជាតិ និងទុកពេល ៤៥ថ្ងៃ ដើម្បីលក់កម្មវិធីនេះ ទៅឱ្យក្រុមហ៊ុនអាមេរិក បើមិនដូច្នេះទេ TikTok មិនអាចបន្តប្រតិបត្តិការខ្លួននៅអាមេរិកបានទៀតទេ។ ជុំវិញបញ្ហានេះក្រុមហ៊ុនTikTokបានច្រោនចោលការចោទប្រកាន់នឹងបញ្ជាក់សាជាថ្មីថាខ្លួនមិនបានចែករំលែកទិន្នន័យអ្នកប្រើប្រាស់ជាមួយរដ្ឋាភិបាលចិននោះទេ។កាលពីយប់ថ្ងៃព្រហស្បតិ៍សប្តាហ៍នេះ រដ្ឋបាលលោកត្រាំក៏បានចាត់វិធានការស្រដៀងគ្នានេះដែរដើម្បីហាមឃាត់កម្មវិធីWeChatដែលគ្រប់គ្រងដោយក្រុមហ៊ុនបច្ចេកវិទ្យាយក្សចិនធិនសេន (Tencent)។ លោកដូណាល់ត្រាំបានបញ្ជាក់ថាការរីករាលដាលនៃកម្មវិធីទូរស័ព្ទចល័តដែលអភិវឌ្ឍនិងកាន់កាប់ដោយក្រុមហ៊ុនចិននៅសហរដ្ឋអាមេរិកគឺជាការគំរាមកំហែងដល់សន្តិសុខជាតិគោលនយោបាយការបរទេសនិងសេដ្ឋកិច្ចរបស់អាមេរិកផងដែរ។លោកត្រាំបានបន្ថែមទៀតថានៅក្នុងរបាយការណ៍មួយបានបង្ហាញថា ក្រុមហ៊ុន TikTok បានហាមឃាត់ខ្លឹមសារ ដែលមានលក្ខណៈនយោបាយដូចជាការតវ៉ានៅទីក្រុង ហុងកុង និងក្រុងប៉េកាំង ចំពោះបញ្ហាជនជាតិមូស្លីមអ៊ុយហ្គ័រ (Uighurs)។ គួរបញ្ជាក់ថាបច្ចុប្បន្ននេះក្រសួងសន្តិសុខជាតិអាមេរិករដ្ឋបាលសន្តិសុខដឹកជញ្ជូន(TSA)នៅតាមអាកាសយានដ្ឋានអាមេរិកនិងយោធាអាមេរិកបានហាមឃាត់TikTokនៅក្នុងទូរស័ព្ទរបស់រដ្ឋាភិបាលរួចមកហើយ។ ភ្លាមៗប្រទេសចិនមិនទាន់បញ្ចេញ ប្រតិកម្មណាមួយចំពោះទង្វើរបស់លោក ដូណាល់ ត្រាំ ខាងលើនេះនៅឡើយទេ៕

ព័ត៌មានអន្តរជាតិ

អ្នកចម្រៀងនីហ្សេរីយ៉ាម្នាក់ ដ៏មានប្រជាប្រិយភាព ត្រូវកាត់ទោសប្រហារជីវិត

អន្តរជាតិ៖កន្លងទៅថ្មីៗនេះអ្នកចម្រៀងដ៏មានប្រជាប្រិយភាពម្នាក់នៅក្នុងប្រទេសនីហ្សេរីយ៉ាលោកយ៉ាហាយ៉ាសារីហ្វអាមីនូត្រូវតុលាការសាសនាShariaក្នុងទីក្រុងHausawaFilinកាត់ទោសប្រហារជីវិតពីបទប្រមាថសាសនានៅក្នុងរដ្ឋKano។ លោកអាមីនូ អាយុ២២ឆ្នាំត្រូវបានតុលាការរកឃើញថាបានច្រៀងចម្រៀងបង្ហោះតាម WhatsApp កាលពីខែមិនាដែលមានន័យជាការប្រមាថដល់សាសនា។ថ្វីបើរូបគាត់ត្រូវបានកាត់ទោសប្រហារជីវិតដោយព្យួរកពិតមែន។ប៉ុន្តែលោកអាមីនូមិនបានបដិសេធន៍ការចោទប្រកាន់នោះទេ។ តុលាការក៏បានទុកឱកាសឱ្យគាត់ប្តឹងឧទ្ធរណ៍ផងដែរ។បណ្តារដ្ឋទាំងអស់នៅភាគខាងជើងនៃប្រទេសនីហ្សេរីយ៉ាដែលកាន់សាសនាមូស្លីមដ៏ច្រើនលើសលប់តែងតែប្រើច្បាប់ទាំង២គឺសេគូឡានិងច្បាប់Sharia។ដែលជាច្បាប់សាសនាដ៏តឹងរ៉ឹងបំផុតសម្រាប់អ្នកកាន់សាសនាអ៊ិស្លាមនៅទីនោះគោរពប្រតិបត្តិ ។ប៉ុន្តែច្បាប់នេះមិនអនុវត្តន៍សម្រាប់អ្នកណាដែលមិនកាន់សាសនាអ៊ិស្លាមឡើយ។ ក្រុមអ្នកតវ៉ាបានចេញមកដោយកំហឹងនិងបានដុតផ្ទះរបស់ក្រុមគ្រួសារអ្នកចម្រៀងអាមីនូឆេះខ្ទេចអស់។ពួកគេក៏បានធ្វើដំណើរទៅកាន់ស្ថានីយ៍ប៉ូលិអ៊ិស្លាមទាមទារឱ្យមានការប្រឆាំងគាត់ឱ្យខ្លាំងបំផុតទៅតាមទោសរបស់គាត់៕

ព័ត៌មានថ្មីៗ ព័ត៌មាននយោបាយ ព័ត៌មានអន្តរជាតិ

រដ្ឋមន្ត្រីការបរទេសកម្ពុជា និងជប៉ុន នឹងជួបគ្នានៅថ្ងៃទី២២ សីហា

ភ្នំពេញៈ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នឹងជួបពិភាក្សាទ្វេភាគីជាមួយលោក ម៉ូតេហ្គី តូស៊ីមីសឺ (MOTEGI Toshimitsu) រដ្ឋមន្ត្រីការបរទេសជប៉ុន នៅរសៀលថ្ងៃទី២២ ខែសីហា ឆ្នាំ២០២០ វេលាម៉ោង ១៥:០០ នាទី នៅទីស្តីការក្រសួងការបរទេស និងសហប្រតិបត្តិការអន្តរជាតិ ។ នេះបើតាមការបញ្ជាក់របស់មន្ត្រីក្រសួងការបរទេស និងសហប្រតិបត្តិការអន្តរជាតិ នៅរសៀលថ្ងៃទី២០ ខែសីហា ឆ្នាំ២០២០នេះ។ យោងតាមសេចក្តីប្រកាសព័ត៍មានរបស់ក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា លោកម៉ូតេហ្គីតូស៊ីមីសឺរដ្ឋមន្ត្រីការបរទេសជប៉ុននឹងអញ្ជើញមកបំពេញទស្សនកិច្ចផ្លូវការ នៅព្រះរាជាណាចក្រកម្ពុជា ពីថ្ងៃទី ២១ ដល់ថ្ងៃទី ២៣ ខែសីហា ឆ្នាំ២០២០ ។ ក្នុងអំឡុងពេលទស្សនកិច្ច លោក ម៉ូតេហ្គី តូស៊ីមីសឺ នឹងអញ្ជើញ ចូលជួបសម្តែងការគួរសមចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះ រាជាណាចក្រកម្ពុជា និងជួបពិភាក្សាទ្វេភាគីជាមួយលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ […]