អាជ្ញាធរស្រុកបរិបូណ៌ និងមន្ត្រីជំនាញនៅព្រឹកថ្ងៃទី៩ ខែតុលា ឆ្នាំ២០២២នេះ បានចុះទៅណែនាំដល់អ្នកចិញ្ចឹមក្រពើនៅក្នុងឃុំឆ្នុកទ្រូ ខេត្តកំពង់ឆ្នាំង ឱ្យព័ទ្ធរបាំងលួសសំណាញ់ដើម្បីការពារសត្វក្រពើចេញពីអាង ខណៈជំនន់ទឹកភ្លៀងបានហក់ឡេីងជារៀងរាល់ថ្ងៃ។ អភិបាលរងស្រុកបរិបូរណ៍លោក ផល សុភាព បានឱ្យដឹងថា ដោយទទួលដំណឹងថាអាងចិញ្ចឹមក្រពើចំនួន២កន្លែង ប្រឈមនឹងសត្វក្រពើរួចចេញ ព្រោះតែទឹកទន្លេជន់ឡើង លោកក៏បានដឹកនាំមន្ត្រីជំនាញនិងសមត្ថកិច្ចចុះទៅណែនាំដល់ម្ចាស់អាងចិញ្ចឹមក្រពើ ត្រូវយករបាំងលួសសំណាញ់ព័ទ្ធបន្ថែមពីលើ របាំងសាច់អួន ដែលម្ចាស់អាងចញ្ចឹមក្រពើ ព័ទ្ធពីមុនដើម្បីឲ្យមានសុវត្ថិភាព កុំឲ្យសត្វក្រពើចេញពីអាង។ម្យ៉ាងដោយសារក្រពើមានទំហំធំៗ ព្រោះការចិញ្ចឹមបានច្រើនឆ្នាំណាស់ទៅហើយ។ ហេីយបានណែនាំដល់ម្ចាស់អាងក្រពើឱ្យ មើលការពារប្រុងប្រយ័ត្នកុំឲ្យក្រពើរួចចេញពីអាងចិញ្ចឹមផងដែរ។ គួរបញ្ជាក់ថា ក្នុងឃុំឆ្នុកទ្រូ មានកន្លែងចិញ្ចឹមក្រពើចំនួន ៩កន្លែងប៉ុន្តែ២កន្លែងបានប្រឈមនិងគ្រោះថ្នាក់បើក្រពើរួចចេញពីអាង និង ៦កន្លែងទៀតទឹកលិចមិនទាន់ដល់ទេ៕
ព្រមជាមួយនោះ បន្តពង្រឹងពង្រីកលទ្ធិប្រជាធិបតេយ្យសេរី ពហុបក្ស និងលើក កម្ពស់ការគោរពសិទ្ធិមនុស្សនៅកម្ពុជា ដែលជាមូលដ្ឋានដ៏សំខាន់ចាំបាច់ក្នុងការពង្រឹងសន្តិភាព ស្ថិរភាព និង ជំរុញការអភិវឌ្ឍសង្គម-សេដ្ឋកិច្ច។ ក្នុងស្មារតីនេះ គណបក្សប្រជាជនកម្ពុជា ចូលរួមយ៉ាងសកម្មជាមួយរាជរដ្ឋាភិបាល គណៈកម្មាធិការជាតិរៀបចំការបោះ ឆ្នោត បណ្ដាគណបក្សនយោបាយ និងគ្រប់មជ្ឈដ្ឋានផ្សេងទៀតក្នុងសង្គម ក្នុងការពង្រឹងបរិយាកាសនយោបាយសម្រាប់ការបោះឆ្នោតឱ្យបានល្អប្រសើរ ប្រកបដោយលក្ខណៈអព្យាក្រឹត គ្មានការគំរាមកំហែង និងសុវត្ថិភាព លើមូលដ្ឋានប្រកាន់ខ្ជាប់គោលការណ៍ច្បាប់ ដើម្បីធានាឱ្យដំណើរការបោះឆ្នោត ជ្រើសតាំងតំណាងរាស្ត្រនីតិកាលទី៧ នាថ្ងៃទី២៣ ខែកក្កដា ឆ្នាំ២០២៣ ខាងមុខនេះ ប្រព្រឹត្តទៅដោយជោគជ័យ ប្រកបដោយលក្ខណៈសេរី ត្រឹមត្រូវ និងយុត្តិធម៌ ដែលឆ្លុះបញ្ចាំងទាំងស្រុងនូវឆន្ទៈរបស់ប្រជាពលរដ្ឋខ្មែរ។
សឹ្ទងត្រែង: ឈ្មួញកណ្ដាលបានដើរប្រមូលទិញយកផ្លែស្វាយកែវរមៀត ដែលជិតទុំតាមចម្ការធំៗនៅក្នុងខេត្តស្ទឹងត្រែងក្នុងតម្លៃទាបបំផុតពុំធ្លាប់មាន ដោយអះអាងថានាំចេញទៅលក់នៅប្រទេសឡាវ និងវៀតណាម។ ឈ្មួញកណ្ដាលបានអះអាងថាតម្លៃផ្លែស្វាយដែលប្រមូលទិញសព្វថ្ងៃនេះក្នុង១គីឡូក្រាមត្រឹម៣៥០រៀលប៉ុណ្ណោះ។ បើប្រៀបធៀបទៅនឹងឆ្នាំមុនៗ ស្វាយកែវរមៀត ១គីឡូក្រាមលក់បាន តម្លៃ១.៣០០រៀល ទៅ ១.៥០០រៀល។ តម្លៃទាបនៅឆ្នាំនេះកសិករមួយចំនួនត្រូវបង្ខំចិត្តលក់គ្រាន់បានប្រាក់ខ្លះមកវិញ។ បើមិនលក់ទេផ្លែស្វាយកែវរមៀត និងទុំជ្រុះចោលស្អុយរលួយពេញដី។ អ្នកស្រី សែ សុភ័ក្រ គឺជាឈ្មួញកណ្ដាល រស់នៅភូមិរាជានុកូល សង្កាត់សឹ្ទងត្រែង ក្រុងសឹ្ទងត្រែង បានប្រាប់ថា ការប្រមូលទិញស្វាយកែវរមៀតដល់ចំការអ្នកភូមិក្នុងនោះស្វាយមានពីរប្រភេទ គឺលេខ ១ និងលេខ២។ “មានមាឌធំ” ជាប្រភេទស្វាយដែលពេញចំណាស់ល្អស្អាត មួយគីឡូ ក្រាមទិញចូលក្នុងតម្លៃ៣៥០រៀលគិតត្រឹមចុងខែមេសា។ គេមិនទាន់ដឹងថាតម្លៃទីផ្សារអាចនឹងឡើងលើសពីនេះឬយ៉ាងណានោះទេនៅខែខាងមុខទៀត។ អ្នកស្រីបានបន្ថែមទៀតថា តម្លៃស្វាយកែវរមៀត ថ្វីត្បិតតែហាង ឆេងនៅមិនទាន់ឡើង ថ្លៃតែទីផ្សារមានទូលំទូលាយ យើងក៏អាចដឹកជញ្ជូនតាមរថយន្តតូចធំយកទៅលក់នៅប្រទេសឡាវ និងប្រទេសវៀតណាមបានតាមចិត្ត។ មន្ត្រីនៃមន្ទីរកសិកម្មខេត្តស្ទឹងត្រែងបានឲ្យដឹងថាផ្ទៃដីដាំស្វាយកែវរមៀតជាលក្ខណៈគ្រួសារមកដល់ឆ្នាំ២០២២នេះមានចំនួនស្វាយជាលក្ខណៈគ្រួសារមាន២.៥៧២ហិចតាប៉ុណ្ណោះ៕
