រដ្ឋបាលខេត្តឧត្តរមានជ័យបានប្រកាសស្វែងរកអ្នកជំងឺកូវីដ-១៩ ចំនួនម្នាក់ដែលបានលួចរត់ចេញពីមណ្ឌលព្យាបាលដើម្បីយកមកព្យាបាលបន្ត ជៀសវាងការចម្លងមេរោគកូវីដ-១៩ ទៅក្នុងសហគមន៍។ យោងតាមសេចក្ដីប្រកាសព័ត៌មានចុះថ្ងៃទី២៧កញ្ញាបានឲ្យដឹងថា រដ្ឋបាលខេត្តសូមជម្រាបជូនសាធារណជន និងបងប្អូនប្រជាពលរដ្ឋក្នុងខេត្ត ឧត្តរមានជ័យឲ្យបានជ្រាបថា ក្នុងចន្លោះពេលកំពុងមានធ្លាក់ភ្លៀងរលឹមនាវេលាយប់ ថ្ងៃទី២៦ ខែកញ្ញា ឆ្នាំ២០២១ មានករណីអ្នកជំងឺកូវីដ-១៩ ចំនួន០១នាក់ ឈ្មោះ ព្រំ សុធារិទ្ធ ភេទប្រុស អាយុ ៤៩ឆ្នាំ រស់នៅភូមិអូរស្មាច់ សង្កាត់ អូរស្មាច់ ក្រុងសំរោង ខេត្តឧត្តរមានជ័យ បានលួចរត់ចេញពីមណ្ឌលព្យាបាលផ្លុង ស្ថិតនៅភូមិផ្លុង សង្កាត់កូនក្រៀល ក្រុងសំរោង ខេត្តឧត្តរមានជ័យ ដែលបុគ្គលអ្នកជំងឺខាងលើត្រូវបានធ្វើតេស្តរកឃើញវិជ្ជមានជំងឺកូវីដ-១៩ នៅថ្ងៃទី ០៤ ខែកញ្ញា ឆ្នាំ២០២១ និងត្រូវបានបញ្ជូនទៅសម្រាកព្យាបាលនៅមណ្ឌលព្យាបាលផ្លុង។បើតាមរដ្ឋបាលខេត្តបានបន្តថា រហូតមកដល់ពេលនេះ កម្លាំងសមត្ថកិច្ចបាននឹងកំពុងស្វែងរកបុគ្គលអ្នកជំងឺខាងលើដើម្បីមកព្យាបាលបន្ត ជៀសវាងការចម្លងមេរោគកូវីដ-១៩ ទៅក្នុងសហគមន៍។ អាស្រ័យដូចបានជម្រាបជូនខាងលើ សូមសាធារណជន និងបងប្អូនប្រជាពលរដ្ឋជ្រាបជាព័ត៌មាន និង ក្នុងករណីមានព័ត៌មានពីបុគ្គលខាងលើ សូមផ្ដល់ដំណឹងជាបន្ទាន់តាមរយៈលេខទូរស័ព្ទ ០៩៧ ៩៤៦ ៦៦៦៣, ០៩៧ ៩៨២ ២២៨៤ ឬក្នុងករណីសាមីខ្លួនទទួលបានសេចក្ដីប្រកាសព័ត៌មាននេះ សូមចូលខ្លួនមកព្យាបាលជំងឺ ជាបន្ទាន់ជៀសវាងបង្កភាពប្រឈមធ្ងន់ធ្ងរដល់សុខភាពផ្ទាល់ខ្លួន […]
រដ្ឋមន្ត្រីក្រសួងមុខងារសាធារណៈ បញ្ជាក់ពីការបន្តរក្សាកិច្ចសហប្រតិបត្តិការរវាងប្រទេសកម្ពុជា-ឡាវ ឱ្យកាន់តែរឹងមាំស៊ីជម្រៅ ដើម្បីនាំមកនូវផលប្រយោជន៍ដល់ប្រជាជននៃប្រទេសទំាងពីរបន្ថែមទៀត ។ ការបញ្ជាក់របស់ឯកឧត្តម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ ដូច្នេះក្នុងឱកាសទទួលជួបសំដែងការគួរសម និងសំណេះសំណាលជាមួយ ឯកឧត្តម បួរកែវ ភូមិវង្សសៃ ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាធិបតេយ្យប្រជាមានិតឡាវប្រចាំព្រះរាជាណាចក្រកម្ពុជា និងសហការី នាព្រឹកថ្ងៃទី៥ ខែធ្នូ ឆ្នាំ២០២៣ តបតាមសំណើរបស់ស្ថានទូតសាធារណរដ្ឋប្រជាធិបតេយ្យប្រជាមានិតឡាវ ។ ក្នុងជំនួបនេះ ថ្នាក់ដឹកនាំទាំងពីរ បានសាទរចំពោះការរីកចម្រើននៃទំនាក់ទំនងទ្វេភាគី និងកិច្ចសហប្រតិបត្តិការរវាងកម្ពុជា និងឡាវ ជាពិសេសតាមរយៈជំនួបទស្សនកិច្ចផ្លូវការកម្រិតថ្នាក់ដឹកនាំជាន់ខ្ពស់ និងការផ្លាស់ប្តូរគ្រប់កម្រិតរវាងប្រទេសទាំងពីរ ។
ឪពុកម្តាយ និងអាណាព្យាបាលសិស្សមួយចំនួនបានស្នើឱ្យក្រសួងអប់រំ យុវជន និងកីឡា បើកឱ្យសិស្សរៀននៅក្នុងថ្នាក់ពេញម៉ោងដូចប្រក្រតីឡើងវិញ ដើម្បីឱ្យកូនចៅពួកគាត់បានរៀនសូត្របានពេញលេញ ខណៈបច្ចុប្បន្នរៀនក្នុងថ្នាក់រៀនផង និងរៀនតាមអនឡាញផង។ ការស្នើសុំនេះបានធ្វើឡើងដោយពួកគាត់សង្កេតឃើញថា រដ្ឋាភិបាលបានបើកពិធីបុណ្យផ្សេងៗ និងពិធីមង្គលការយ៉ាងគគ្រឹកគគ្រេង ដោយមានភ្ញៀវចូលរួមរាប់រយនាក់ ហើយកម្មវិធីខ្លះមានភ្ញៀវរហូតដល់ខ្ទង់ពាន់នាក់ក៏មាន ពិសេសបុណ្យចូលឆ្នាំខ្មែរកន្លងទៅថ្មីៗនេះមានមនុស្សរាប់លាននាក់ធ្វើដំណើរកម្សាន្ត និងលេងល្បែងប្រជាប្រិយ និងរាំលេងសប្បាយយ៉ាងច្រើនកុះករ។ អ្នកស្រី សែន ចរិយា រស់នៅរាជធានីភ្នំពេញបានមានប្រសាសន៍ថា ក្រសួងអប់រំគួរតែបើកឱ្យសិស្សរៀនក្នុងថ្នាក់ពេញម៉ោងដូចមុនការរាតត្បាតជំងឺកូវីដ-១៩ ដើម្បីឱ្យសិស្សបានរៀនពេញលេញព្រោះថា បច្ចុប្បនេះក្រសួងឱ្យសិស្សរៀននៅតាមសាលាផង និងក្នុងថ្នាក់ផងដែលធ្វើឱ្យមានការលំបាក ដោយសារអ្នកស្រីជាប់រវល់ធ្វើការ មិនមានពេលវេលាគ្រប់គ្រាន់ក្នុងការតាមដាន និងបង្រៀនកូន។ អ្នកស្រីបានបន្តថា៖ “ម្យ៉ាងទៀតសង្កេតឃើញថា ស្ថានភាពការឆ្លងជំងឺកូវីដនៅកម្ពុជាបានបន្តធ្លាក់ចុះជាបន្តបន្ទាប់ វាមិនមានការឆ្លងខ្ពស់ដូចពីមុនទេ។ ដូចនេះអាចដំណើរការរៀនពេញម៉ោងបាន”។ យ៉ាងណាក៏ដោយអ្នកស្រីបានបន្តទៀតថា ប៉ុន្តែការអនុវត្តវិធានការ ៣កុំនិង៣ការពារ នៅតែបន្តដើម្បីការពារការឆ្លងរីករាលដាលជាថ្មី។ ចំណែក អ្នកស្រី ពិន ស្រីនាង រស់នៅរាជធានីភ្នំពេញក៏យល់ស្របចំពោះការលើកឡើងខាងលើដែរ។ អ្នកស្រីបានបន្ថែមថា ដល់ពេលដែលក្រសួងអប់រំគួរតែអនុវត្តការសិក្សាពេញម៉ោងបានហើយ ព្រោះបច្ចុប្បន្ននៅតាមរោងបុណ្យនិងរោងការមានមនុស្សរាប់រយនាក់ជួបជុំគ្នាមិនមានបញ្ហាអ្វីទេ។ ឆ្លើយតបទៅនឹងការលើកឡើងរបស់អាណាព្យាបាលខាងលើ លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅព្រឹកថ្ងៃទី១៨ ខែមេសានេះថា គ្រឹះស្ថានសិក្សានីមួយៗមានដំណើរការតាមគន្លងប្រក្រតីភាពថ្មីនៃវិស័យអប់រំ ប្រើប្រាស់កម្មវិធីសិក្សាចម្រុះតាមទិដ្ឋភាពជាក់ស្តែងដោយត្រូវបន្តអនុវត្តវិធានការសុវត្ថិភាព […]
