ព័ត៌មានថ្មីៗ

ក្រសួងសុខាភិបាល ប្រកាសពីការរៀបចំប្រព័ន្ធព័ត៌មានវិទ្យាសម្រាប់គ្រប់គ្រងកម្មវិធីចាក់វ៉ាក់សាំងបង្ការជំងឺកូវីដ-១៩ ខណៈយុទ្ធនាការចាក់វ៉ាក់សាំង កំពុងបន្តនៅមន្ទីរពេទ្យចំនួន៤

Posted on Author nmr Comments Off on ក្រសួងសុខាភិបាល ប្រកាសពីការរៀបចំប្រព័ន្ធព័ត៌មានវិទ្យាសម្រាប់គ្រប់គ្រងកម្មវិធីចាក់វ៉ាក់សាំងបង្ការជំងឺកូវីដ-១៩ ខណៈយុទ្ធនាការចាក់វ៉ាក់សាំង កំពុងបន្តនៅមន្ទីរពេទ្យចំនួន៤

(ភ្នំពេញ)៖ ក្រសួងសុខាភិបាល នៅព្រឹកថ្ងៃទី១២ ខែកុម្ភៈ ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការរៀបចំប្រើប្រាស់ប្រព័ន្ធព័ត៌មានវិទ្យាសម្រាប់គ្រប់គ្រងកម្មវិធីចាក់វ៉ាក់សាំងបង្ការជំងឺកូវីដ-១៩ ខណៈយុទ្ធនាការចាក់វ៉ាក់សាំង កំពុងបន្តនៅមន្ទីរពេទ្យចំនួន៤ ក្នុងរាជធានីភ្នំពេញ។

ក្រសួងសុខាភិបាលបានបញ្ជាក់ថា យុទ្ធនាការចាក់វ៉ាក់សាំងកូវីដ-១៩ នឹងបន្តធ្វើការចាក់ជូននៅមន្ទីរពេទ្យកាល់ម៉ែត មន្ទីរពេទ្យព្រះអង្គឌួង មន្ទីរពេទ្យមិត្តភាពខ្មែរ-សូវៀត និងមន្ទីរពេទ្យកុមារជាតិ។

ចំពោះប័ណ្ណចាក់វ៉ាក់សាំងកូវីដ-១៩ មាន QR Code ដែលទទួលបានបន្ទាប់ពីការចាក់វ៉ាក់សាំង នៅមិនទាន់អាចពិនិត្យព័ត៌មានតាមប្រព័ន្ធកម្មវិធី (Application) នៅឡើយ ដោយក្រុមការងារក្រសួងកំពុងដំណើរការអភិវឌ្ឍ និងកែសម្រួល។

ក្រសួងសុខាភិបាល នឹងជូនដំណឹងអំពីការដាក់ឱ្យប្រើប្រាស់នៅពេលឆាប់ៗខាងមុខនេះ៕

 

 

nmr

Related Articles
ជីវិតនិងសង្គម ព័ត៌មានជាតិ ព័ត៌មានថ្មីៗ

សម្តេចតេជោ ហ៊ុន សែន៖ អ្វីដែលជាការសង្វេគ គឺមនុស្សអាយុច្រើនធ្វើបុណ្យសពឲ្យមនុស្សអាយុតិចជាងខ្លួន

Posted on Author nmr

សម្តេចតេជោ ហ៊ុន សែន នាយករដ្ឋមន្រ្តី ទន្ទឹមនឹងការសោកស្តាយ អាឡោះអាល័យលោកជំទាវ ប៊ុន សុថា ត្រូវជាប្អូនថ្លៃ ដែលបានទទួលមរណភាព សម្តេចបានលើកឡើងថា ក្រិត្យក្រមធម្មជាតិដែលមិនអាចជៀសវាងបាន គឺកើត ចាស់ ឈឺ ស្លាប់ តែអ្វីជាការសោកស្តាយ គឺនៅត្រង់មនុស្សដែលមានអាយុច្រើនធ្វើបុណ្យសពឲ្យមនុស្សដែលមានអាយុតិចជាងខ្លួន។ តាមរយៈផេកហ្វេសបុកផ្ទាល់របស់សម្តេច នាយប់ថ្ងៃទី៦ ខែកុម្ភៈ ឆ្នាំ២០២៣នេះសម្តេចបានសរសេរថា «ប្អូនស្រី! សល់តែមួយយប់ទៀតប៉ុណ្ណោះរូបកាយប្អូននឹងត្រូវបញ្ចុះទៅក្នុងព្រះធរណីដែលជាទីកន្លែងសម្រាកចុងក្រោយរបស់ប្អូន។ បែកគ្នាដោយមិនបានលាគឺជារឿងមិនអស់ចិត្តសម្រាប់ក្រុមគ្រួសារតែនេះជាក្រិត្យក្រមធម្មជាតិដែលមិនអាចជៀសវាងបានគឺ កើត ចាស់ ឈឺ ស្លាប់ តែអ្វីជាការសោកស្តាយគឺនៅត្រង់មនុស្សដែលមានអាយុច្រើនធ្វើបុណ្យសពឲ្យមនុស្សដែលមានអាយុតិចជាង។ ជាគ្រួសារមួយដែលមិនធ្លាប់មានទំនាស់ទោះតូចក្តីធំក្តីមិនដែលមានភាពរកាំរកូសសូម្បីពាក្យសំដីមួយម៉ាត់ ការបែកគ្នាដោយគ្មានពេលជួបវិញពិតជាបានធ្វើឲ្យក្រុមគ្រួសារកាន់តែអាឡោះអាល័យនឹកស្រណោះដល់ពេលដែលកន្លងហួសពិសេសកូន ចៅនិងក្មួយៗដែលម្តាយជីដូននិងម្តាយមីងបានមើលថែទាំដល់ពួកគេ»។ សម្តេចតេជោ ក៏បានសម្តែងការសោកស្តាយផងដែរដោយមិនបានចូលរួមបុណ្យ៧ថ្ងៃ របស់លោកជំទាវ ប៊ុន សុថា ដោយសារតែសម្តេចជាប់រវល់បំពេញបេសកកម្មនៅក្រៅប្រទេស។ សម្តេចបានបញ្ជាក់ថា «ដូចឆ្នាំកន្លងមកដែរពេលបងប្រុសមរណភាពខ្ញុំមិនបានចូលរួមបុណ្យ៧ថ្ងៃនោះទេព្រោះត្រូវធ្វើដំណើរទៅសហរដ្ឋអាមេរិកដើម្បីប្រជុំពិសេសអាស៊ាន-សហរដ្ឋអាមេរិក។ លើកនេះពេលប្អូនស្រីទទួលមរណភាពពេលបុណ្យ៧ថ្ងៃ ត្រូវដឹកនាំគណប្រតិភូជាន់ខ្ពស់ទស្សនកិច្ចផ្លូវការនៅសាធារណរដ្ឋប្រជាមានិតចិនដែលកម្មវិធីនេះបានព្រមព្រៀងគ្នាតាមរយៈការទូតជាងមួយខែមកហើយ»៕
ព័ត៌មានថ្មីៗ

លោក ស៊ុន ចាន់ថុ បានជំរុញឲ្យកំពង់ផែស្វយ័ត្នភ្នំពេញ ពន្លឿនការអភិវឌ្ឍន៍កំពង់ផែរណបដោយប្រើថវិកាជាតិ ឬដៃគូរអភិវឌ្ឍន៍ និងក្រុមហ៊ុនឯកជន

Posted on Author nmr

រាជធានីភ្នំពេញ ៖ អគ្គនាយកកំពង់ផែស្វយ័ត្នភ្នំពេញ បានកំពុងពន្លឿនគម្រោងអភិវឌ្ឍន៍កំពង់ផែរណបនៅតាមទន្លេមេគង្គ និងទន្លេសាប ដើម្បីអភិវឌ្ឍន៍ការដឹកជញ្ជួនតាមផ្លូវទឹកដែលមានកំណើន និងមានសារៈសំខាន់ជំរុញដល់ការបញ្ចុះថ្លៃដើមទំនិញ កាត់បន្ថយគ្រោះថ្នាក់ចរាចរណ៍និងការខូចផ្លូវថ្នល់ជាដើម ។ មកដល់ពេលនេះគេបានដឹងថា មានគម្រោងចំនូន ៧ បានកំពុងសាងសង់ និងសិក្សានៅក្នុងនោះមានគម្រោង ៤ កន្លែងបានអនុម័ត ទីមួយគម្រោង ផែរណបគីឡូម៉ែត្រលេខ ៦ ទីពីរគម្រោងផែរណបនៅទន្លេបិទក្នុងខេត្តត្បូងឃ្មុំ ទីបីផែរណកោះរកា ព្រំដែនវៀតណាម និងទីបួនផែរណព្រែកតាមាក់ ។ ចំណែកកំពង់ផែបីទៀតស្ថិតនៅក្នុងដំណាក់កាលកំពុងសិក្សានៅឡើយ ។ កំណើនកុងតឺន័រឆ្លងកាត់កំពង់ផែស្វយ័តភ្នំពេញ ត្រូវគេដឹងថាគិតជាមធ្យមប្រចាំឆ្នាំមានចន្លោះពី ១៥% ទៅ ១៨% ។ ទោះបីជាមានវិបត្តិដែលកើតឡើងដោយជំងឺកូវីដ-១៩ ក៏ដោយ ដែលបរិមាណនេះបានឈានជិតដល់សមត្ថភាពផ្ទុកកុងតឺន័រសរុបនៃចំណតផែកុងតឺន័រ LM១៧ ជំហានទី ១ និងទី ២ ដែលនាំឱ្យមានតម្រូវការពង្រីកហេដ្ឋារចនាសម្ព័ន្ធបន្ថែមនៃចំណតផែកុងតឺន័រ LM១៧ ដូច្នេះហើយទើបនៅចុងឆ្នាំឆ្នាំ ២០១៩ កំពង់ផែស្វយ័តភ្នំពេញបានអនុវត្តគម្រោងពង្រីកហេដ្ឋារចនាសម្ព័ន្ធនៃចំណតផែកុងតឺន័រLM១៧ ជំហានទី៣ ដំណាក់កាលទី ១ នេះ ។ លោករដ្ឋមន្រ្តី បានសម្ដែងការគាំទ្រដល់ការបង្កើតផែរណប ១០០% និងបានជំរុញឱ្យកំពង់ផែស្វយ័តភ្នំពេញសហការជាមួយផ្នែកឯកជនក្នុងការបង្កើត ផែរណបថែមទៀតឱ្យបានច្រើន […]
ជីវិតនិងសង្គម ព័ត៌មានជាតិ ព័ត៌មានថ្មីៗ

សម្ដេចក្រឡាហោម ស ខេង ណែនាំដល់អាជ្ញាធរមានសមត្ថកិច្ច ត្រូវចាត់វិធានការឱ្យបានម៉ឺងម៉ាត់ និងគ្មានការលើកលែង ចំពោះអ្នកបើកបរស្ថិតក្រោមឥទ្ធិពលគ្រឿងញៀន និងគ្រឿងស្រវឹង

Posted on Author nmr

សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក (គ.ស.ច.គ) បានធ្វើការណែនាំដល់អាជ្ញាធរ ដែលមានសមត្ថកិច្ច ត្រូវយកចិត្តទុកដាក់ ដោយត្រូវចាត់វិធានការឱ្យបានម៉ឺងម៉ាត់ និងគ្មានការលើកលែង លើអ្នកបើកបរដែលស្ថិតក្រោមឥទ្ធិពលនៃគ្រឿងញៀន និងគ្រឿងស្រវឹង។ សម្ដេចក្រឡាហោម មានប្រសាសន៍ថា «ទន្ទឹមនឹងការរៀបចំច្បាប់ ស្តីពីចរាចរណ៍ផ្លូវគោកថ្មី យើងត្រូវបន្តអនុវត្តច្បាប់ ដែលនៅជាធរមាន។ បន្តដឹកនាំរឹតបន្តឹងការអនុវត្តច្បាប់ឱ្យកាន់តែមានប្រសិទ្ធភាព និងនិរន្តភាព ស្របតាមតំបន់ភូមិសាស្ត្រ កន្លែងដែលកើតមានគ្រោះថ្នាក់ច្រើន ជាមួយគ្នានេះត្រូវយកចិត្តទុកលើអ្នកបើកបរយានយន្តស្ថិតក្រោមឥទ្ធិពលនៃគ្រឿងញៀន និងគ្រឿងស្រវឹង ដោយត្រូវចាត់វិធានឱ្យបានម៉ឺងម៉ាត់ លើការពិន័យ ឬបញ្ចូនទៅតុលាការ ដោយគ្មានការលើកលែង»។ ការណែនាំនេះក្នុងឱកាសដែលសម្តេចអញ្ជើញជាអធិបតីដ៏ខ្ពង់ខ្ពស់ក្នុងពិធីបូកសរុបលទ្ធផលការងារសុវត្ថិភាពចរាចរណ៍ផ្លូវគោក ប្រចាំឆ្នាំ២០២២ និងលើកទិសដៅការងារងា ឆ្នាំ២០២៣ នៅស្ដីការក្រសួងសាធារណការ និងដឹកជញ្ជូន នាថ្ងៃទី៣០ ខែមករា ឆ្នាំ២០២៣។សម្ដេចក្រឡាហោម ស ខេង បានបញ្ជាក់បន្ងែមថា អង្គភាពជំនាញ ត្រូវសិក្សា កសាងផែនការ និងមានវិធានការឱ្យបានច្បាស់លាស់ តាមដំណាក់កាលនីមួយៗ ដើម្បីកសាងផ្លូវថ្មី ពង្រីក ឬជួសជុលកែលម្អផ្លូវថ្នល់ដែលមានស្រាប់ បង្កើតចំណត ឱ្យបានច្រើន និងចាត់វិធានការគ្រប់គ្រងដីចំណីផ្លូវឱ្យបានគត់មុត។ សម្ដេចក្រឡាហោម បន្ដថា […]