ព័ត៌មានថ្មីៗ

ឯកឧត្តមឧត្តមសេនីយ៍ឯក ហ៊ុន ម៉ាណែត អញ្ជើញធ្វើបដិសណ្ឋារកិច្ចស្វាគមន៍ និងជួបប្រជុំទ្វេភាគីជាមួយ មេបញ្ជាការកងទ័ពជើងគោកម៉ាឡេស៊ី

Posted on Author nmr Comments Off on ឯកឧត្តមឧត្តមសេនីយ៍ឯក ហ៊ុន ម៉ាណែត អញ្ជើញធ្វើបដិសណ្ឋារកិច្ចស្វាគមន៍ និងជួបប្រជុំទ្វេភាគីជាមួយ មេបញ្ជាការកងទ័ពជើងគោកម៉ាឡេស៊ី
នៅថ្ងៃទី៣ ខែមីនា នេះ នៅបញ្ជាការដ្ឋានកងទ័ពជើងគោក នៃកងយោធពលខេមរភូមិន្ទ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានជួបពិភាក្សាការងារជាមួយ ឯកឧត្តម នាយឧត្តមសេនីយ៍ តាន់ស្រី ដាតុ សឺរី ហ្សាមរ៉ូស ប៊ីន ម៉ូហាម៉ាត់ ហៀន មេបញ្ជាការកងទ័ពជើងគោកម៉ាឡេស៊ី ក្នុងឱកាសដែលឯកឧត្តម នាយឧត្តមសេនីយ៍ បានដឹកនាំគណៈប្រតិភូជាន់ខ្ពស់មក បំពេញទស្សនកិច្ចផ្លូវការរយៈពេល ០២ថ្ងៃ នៅកម្ពុជា ចាប់ពីថ្ងៃទី០២ ដល់ថ្ងៃ០៣ ខែកុម្ភៈ ឆ្នាំ២០២២។
ក្នុងជំនួបនេះ ភាគីទាំងពីរបានសម្តែងនូវការពេញចិត្តចំពោះការរីកចម្រើននៃទំនាក់ទំនងមិត្តភាព និងកិច្ចសហប្រតិបត្តិការ រវាងប្រទេសទាំងពីរកម្ពុជា-ម៉ាឡេស៊ី ក្នុងវិស័យសំខាន់ៗជាច្រើន រួមទាំងវិស័យការពារជាតិ។ កិច្ចសហប្រតិបត្តិការយោធាទ្វេភាគី គឺបានដំណើការបោះជំហានទៅមុខ និងទទួលបានលទ្ធផលផ្លែផ្កាជាច្រើន ជាអាទិ៍ ការបណ្ដុះបណ្ដាលសិក្ខាកាមយោធិនកម្ពុជាតាម រយៈកម្មវិធី Malaysian Defense Cooperation Program (MDCP) ចាប់តាំងពីឆ្នាំ២០០២, ការផ្លាស់ប្តូរទស្សនកិច្ចទៅវិញ់ទៅមក និងការអញ្ជើញចូលរួមរបស់គណៈប្រតិភូយោធាជាន់ខ្ពស់កម្ពុជាក្នុងព្រឹត្តិការណ៍ពិព័រណ៍ការពារជាតិអាស៊ី និងពិព័រណ៍ដែនអាកាស និងលម្ហសមុទ្រអន្តរជាតិឡាំងកាវីជាដើម។
nmr

Related Articles
ជីវិតនិងសង្គម ព័ត៌មានជាតិ ព័ត៌មានថ្មីៗ

សិង្ហបុរី បានទម្លាក់ជប៉ុនចេញពីចំណាត់ថ្នាក់កំពូលនៃប្រទេសដែលមានលិខិតឆ្លងដែនដ៏មានឥទ្ធិពលបំផុត

Posted on Author nmr

សិង្ហបុរី បានក្លាយជាប្រទេសដែលមានលិខិតឆ្លងដែនដ៏មានឥទ្ធិពលជាងគេបំផុតនៅលើពិភពលោក ដោយបានយកឈ្នះប្រទេសជប៉ុនដែលតែងតែស្ថិតនៅចំណាត់ថ្នាក់កំពូលតារាង។ យោងតាមរបាយការណ៍សន្ទស្សន៍លិខិតឆ្លងដែនហេនលី (Henley Passport Index) ប្រជាជនសិង្ហបុរី អាចធ្វើដំណើរទៅកាន់ប្រទេសនៅទូទាំងពិភពលោករហូតដល់ទៅ១៩២ប្រទេសដោយមិនចាំបាច់ត្រូវការទិដ្ឋាការ។តួលេខនេះ មានចំនួនច្រើនជាងគេបង្អស់ បើធៀបទៅនឹងប្រទេសដទៃទៀត។ គួររំឭកថា សិង្ហបុរីបានជាប់ចំណាត់ថ្នាក់កំពូលចុងក្រោយបង្អស់កាលពីឆ្នាំ២០២១ ក្រោយមកក៏ត្រូវប្រទេសជប៉ុនដណ្ដើមបានតំណែងកំពូលនោះវិញនៅឆ្នាំ២០២២។ ចំពោះប្រទេសអាល្លឺម៉ង់ អ៊ីតាលី និងអេស៉្បាញវិញ បានជាប់នៅចំណាត់ថ្នាក់លេខ២ ដោយអ្នកកាន់លិខិតឆ្លងដែនប្រទេសទាំងពីរនេះ អាចការធ្វើដំណើរទៅកាន់ប្រទេសចំនួន ១៩០ ប្រទេសដោយមិនចាំបាច់ត្រូវការទិដ្ឋាការ។ ប្រភព ៖ Al Jazeera  
ព័ត៌មានថ្មីៗ

ឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ នៅថ្ងៃទី១៤ ខែវិច្ឆិកា ឆ្នាំ២០២៤

Posted on Author nmr

ចុះពង្រឹងផែនការ ការពារសន្តិសុខ សុវត្ថិភាព រក្សាសណ្តាប់ធ្នាប់ និងសង្គ្រោះបន្ទាន់ ក្នុងថ្ងៃទី១ នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ព្រមទាំងលើកទឹកចិត្តនិងថ្លែងអំណរគុណ ដល់ នាយ-នាយរងអាវុធហត្ថរាជធានីភ្នំពេញ តាមបណ្តាគោលដៅទាំងអស់ ដែលបានលះបង់ពេលវេលាផ្ទាល់ខ្លួននិងការជួបជុំក្រុមគ្រួសារទាំងយប់ទាំងថ្ងៃ មកចូលរួមបំពេញតួនាទី ប្រកបដោយការទទួលខុសត្រូវខ្ពស់ ផ្តល់នូវភាពកក់ក្តៅជូនប្រជាពលរដ្ឋ ក្នុង ព្រះរាជពិធីបុណ្យ រយៈពេល ០៣ថ្ងៃនេះ។
ព័ត៌មានថ្មីៗ

មន្រ្ដីនាំពាក្យ ថា ក្រសួងបរិស្ថានបានប្រគល់ឈើដែលរឹបអូសបានពីបទល្មើសប្រគល់ជូនអាជ្ញាធរធ្វើមឈូសតាមអនុសាសន៍សម្ដេចតេជោ ហ៊ុន សែន

Posted on Author nmr

ភ្នំពេញ ៖ លោក នេត្រ ភក្ត្រា មន្រ្ដីនាំពាក្យក្រសួងបរិស្ថាន តាមរយៈទំព័រហ្វេសប៊ុករបស់លោក នៅថ្ងៃទី១០ ខែកក្កដា ឆ្នាំ២០២១ បានលើកឡើងថា នៅពេលនេះក្រសួងបរិស្ថានបាននិងកំពុងបញ្ជូនឈើដែលរឹបអូសបានពីបទល្មើស ជូនអាជ្ញាធរក្នុងការរៀបចំធ្វើក្ដារមឈូស សម្រាប់ជនរងគ្រោះព្រោះជំងឺកូវីដ១៩។ តាមរយៈសំណេរអមជាមួយរូបក្ដារមឈូសដែលផលិតហើយ និងកំពុងបន្តការផលិត ជារូបថតកាលពីថ្ងៃទី០៨ កក្កដា ឆ្នាំ២០២១ នៅមន្ទីរបរិស្ថានខេត្ដកំពត លោកបានលើកឡើងថា ទាល់ឃើញក្តារមឈូស បានស្រក់ទឹកភ្នែក។ សូមកុំភ្លេចខ្លួនបងប្អូន យើងអាចភ្លេចកូវីដ១៩ តែជំងឺកាចសាហាវនេះមិនភ្លេចយើងទេ។ បន្ថែមពីនេះលោកថា មិនមែនបន្លាច មិនមែនប្រមាថ ហើយក៏មិនមែនជាក្តីសុបិន្តដែរ តែវាជាការពិត។ ដោយអនុវត្តតាមអនុសាសន៍សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាមានប្រសាសន៍ថា «ទោះបីជាប្រទេសយើងក្រ តែមិនត្រូវឱ្យពលរដ្ឋខ្មែរយើងស្លាប់ដោយអណោចអធមឡើយ» ក្រសួង បរិស្ថាន បានយកឈើដែលរឹបអូសបានពីការទប់ស្កាត់និងបង្ក្រាបបទល្មើសធនធានធម្មជាតិដើម្បីផលិតក្តារម្ឈូសផ្តល់ជូនអាជ្ញាធរពាក់ព័ន្ធប្រើប្រាស់សម្រាប់តម្កល់សពអ្នកជំងឺកូវីដ១៩ ដែលបានស្លាប់បាត់បង់ជីវិត។ លោកបន្តថា រហូតមកដល់ថ្ងៃទី១០ ខែកក្កដា ឆ្នាំ២០២១ អ្នកជំងឺកូវីដ១៩ ចំនួន ៨៨១ នាក់ហើយបានស្លាប់បាត់បង់ជីវិតចាប់តាំងពីព្រឹត្តិការណ៍សហគមន៍ថ្ងៃទី២០ ខែកុម្ភៈ បានផ្ទុះឡើងនៅកម្ពុជា។ ឥឡូវនេះអត្រានៃការស្លាប់ប្រចាំថ្ងៃចន្លោះពី ២០ ទៅ៣០នាក់។ សូមចូលរួមបញ្ឈប់ការចម្លងនិងកាត់បន្ថយអត្រានៃការស្លាប់ […]