សម្តេចតេជោ ហ៊ុន សែន ប្រកាសឱ្យពិនិត្យពិចៃសាកល្បងផ្អាក ពាក់ម៉ាស់នៅតំបន់ ឬខេត្តណាមួយ ខណៈការឆ្លងរាលរីករាលដាលកូវីដ-១៩ ស្ថិតក្នុងកម្រិតទាប ដែលជម្រុញអោយរាជរដ្ឋាភិបាលអនុញ្ញាតអោយ មានការប្រារព្ធពិធីបុណ្យចូលឆ្នាំថ្មីប្រពៃណីជាតិខ្មែរនៅឆ្នាំនេះ។
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា កំពុងពិចារណាសាកល្បងជ្រើសរើសខេត្តមិនប្រឈមការឆ្លងរាលដាលជំងឺកូវីដ-១៩ មួយចំនួនមិនបាច់ពាក់ម៉ាស់នោះទេ ខណៈស្ថានភាពជំងឺកូវីដ១៩ នៅកម្ពុជាកាន់តែមានភាពធូរស្បើយច្រើន ។
ក្នុងពិធីសម្ពោធដាក់ឲ្យប្រើប្រាស់ជាផ្លូវការ ផ្លូវចំនួន៣៨ខ្សែ នៅក្រុងសៀមរាប នាថ្ងៃទី៤ ខែមេសា ឆ្នាំ២០២២ សម្ដេចតេជោនាយករដ្ឋមន្ត្រី ពិធីបុណ្យចូលឆ្នាំប្រពៃណីជាតិឆ្នាំនេះ នៅតែត្រូវបានអនុញ្ញាតឲ្យធ្វើ ប្រជាពលរដ្ឋអាចដើរលេង រាំលេងកម្សាន្ត ដែលការបើកនេះ មិនមែនជាការយកប្រជាជនទៅធ្វើតេស្តនោះដែរ ។
សម្ដេចតេជោបន្តថា សម្ដេចកំពុងគិតនៅពេលណាមួយ នឹងប្រើប្រាស់វិធីសាស្ត្រ បញ្ឈប់ការពាក់ម៉ាស់នៅខេត្តណាមួយ ឬខេត្តពីរ ដើម្បីសាកល្បង ព្រោះការប្រើប្រាស់ម៉ាស់ ក៏ជាតម្រូវការចំណាយមួយផងដែរ របស់ប្រជាពលរដ្ឋ ។
សម្ដេចតេជោ ហ៊ុន សែន បានបញ្ជាក់ថា តែយ៉ាងណាក៏ដោយ នៅពិធីបុណ្យចូលឆ្នាំខាងមុខ ជាចាំបាច់ត្រូវតែពាក់ម៉ាស់ឲ្យបានគ្រប់គ្នា ពិសេសនៅខេត្តសៀមរាប ទោះបីមានប្រកាសនៅខេត្តផ្សេង ពីការបញ្ឈប់ពាក់ម៉ាស់ តែសៀមរាបត្រូវពាក់ ព្រោះជាតំបន់ទេសចរណ៍ មិនត្រូវឲ្យមានផ្ទុះឡើងវិញនោះទេ ៕
