នារសៀលថ្ងៃព្រហស្បតិ៍ ទី២៧ ខែតុលា ឆ្នាំ២០២២ ក្រសួងមហាផ្ទៃ បើកកិច្ចប្រជុំអន្តរក្រសួងដើម្បីសិក្សាស្រាវជ្រាវ និងកំណត់នីតិវិធីនៃការគ្រប់គ្រងការផ្សាយពាណិជ្ជកម្មតាមមធ្យោបាយគ្រប់ប្រភេទដែលស្ថិតនៅក្រោមសមត្ថកិច្ចរបស់រដ្ឋបាលរាជធានី-ខេត្ត ក្រុង ស្រុក និងខណ្ឌ ក្រោមអធិបតីភាព ឯកឧត្តម សក់ សេដ្ឋា រដ្ឋលេខាធិការប្រចាំការ ក្រសួងមហាផ្ទៃ ដោយមានការអញ្ជើញចូលរួមពី រដ្ឋលេខាធិការ ក្រសួងមហាផ្ទៃ អគ្គនាយកដ្ឋានចំណុះក្រសួងមហាផ្ទៃ និងតំណាងក្រសួង-ស្ថាប័ន និងអង្គភាពពាក់ព័ន្ធផងដែរ។ ឯកឧត្តម សក់ សេដ្ឋា បានសម្តែងនូវក្តីសោមនស្សរីករាយ និងថ្លែងអំណរគុណចំពោះសមាជិកអង្គប្រជុំដែលជាតំណាងក្រសួង-ស្ថាប័ន និងអង្គភាពពាក់ព័ន្ធ ដែលបានចំណាយពេលវេលាដ៏មានតម្លៃអញ្ជើញចូលរួមក្នុងកិច្ចប្រជុំនាឱកាសនោះ។ នាឱកាសនោះ អង្គប្រជុំបានពិភាក្សាលើកឡើង អំពីការគ្រប់គ្រងការផ្សាយពាណិជ្ជកម្មគ្រប់ប្រភេទដែលស្ថិតនៅក្រោមសមត្ថកិច្ចរបស់រដ្ឋបាលរាជធានី-ខេត្ត ក្រុង ស្រុក និងខណ្ឌ ដោយបានលើកឡើងនូវបញ្ហាប្រឈម ផលប៉ះពាល់ និងដំណោះស្រាយមួយចំនួនលើការគ្រប់គ្រងការផ្សព្វផ្សាយពាណិជ្ជកម្មដែលកំពុងតែធ្វើនាពេលបច្ចុប្បន្ន។ ក្រោយការពិភាក្សាយ៉ាងផុសផុល ឯកឧត្តម សក់ សេដ្ឋា បានធ្វើការណែនាំដល់សមាជិកនៃអង្គប្រជុំដែលមកពីតំណាងក្រសួង-ស្ថាប័ន និងអង្គភាពពាក់ព័ន្ធឱ្យ ធ្វើការសិក្សាស្រាវជ្រាវលម្អិតឡើងវិញក្រោយកិច្ចប្រជុំនាឱកាសនេះ ដើម្បីស្វែងរកធាតុចូលចាំបាច់បន្ថែមទៀតសម្រាប់ធ្វើជាមូលដ្ឋានដាក់ចូលពិនិត្យពិភាក្សាក្នុងកិច្ចប្រជុំបន្តបន្ទាប់ទៀត ធ្វើយ៉ាងណាឱ្យកាងារស្រាវជ្រាវ និងកំណត់នីតិវិធីនៃការគ្រប់គ្រង ការផ្សាយពាណិជ្ជកម្មនេះមានភាពគ្រប់ជ្រុងជ្រោយសម្រាប់គ្រប់គ្រងបាននូវមធ្យោបាយផ្សព្វផ្សាយពាណិជ្ជកម្មគ្រប់ប្រភេទនៅទូទាំងរាជធានី-ខេត្ត ក្រុង ស្រុក និងខណ្ឌ៕ ដោយ៖ នាយកដ្ឋានព័ត៌មានវិទ្យា
បន្ទាប់ពីបានធ្វើការស៊ើបអង្កេតស្រាវជ្រាវ និងពិនិត្យភស្តុតាងក្នុងសំណុំរឿង អយ្យការអមសាលាដំបូង រាជធានីភ្នំពេញ បានសម្រេចបើកការស៊ើបសួរលើជនសង្ស័យឈ្មោះ នាង សំអូន ពីបទ៖ បើកបរដោយធ្វេសប្រហែស ខ្ជីខ្ជា មិនប្រុងប្រយ័ត្ន ឬមិនគោរពកាតព្វកិច្ចដែលបទប្បញ្ញត្តិស្តីពីចរាចរណ៍ផ្លូវគោកតម្រូវបណ្តាលឱ្យរបួស និងស្លាប់អ្នកដទៃ (បើកបរស្ថិតក្នុងស្ថានភាពស្រវឹងដោយមានអត្រាជាតិអាល់កុល ០.៥៤mg/l និងរបួសស្លាប់មនុស្ស ច្រើននាក់) ប្រព្រឹត្តនៅចំណុចស្ពានឫស្សីកែវ ប្រសព្វផ្លូវជាតិលេខ៥ លើស្ពានឫស្សីកែវថ្មី ភូមិមិត្តភាព សង្កាត់ ឫស្សីកែវ ខណ្ឌឫស្សីកែវ រាជធានីភ្នំពេញ កាលពីថ្ងៃទី២០ ខែមករា ឆ្នាំ២០២៤ ដែលមានបញ្ញត្តិឱ្យផ្តន្ទាទោសតាម មាត្រា ៨៣ កថាខណ្ឌ២ ចំណុច ខ,គ និងមាត្រា ៨៥ កថាខណ្ឌ២ ចំណុច ខ,គ នៃច្បាប់ស្តីពីចរាចរណ៍ផ្លូវគោក ។
ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ និងលោកជំទាវ ទុយ សិរីរតនៈ បានអញ្ជើញជាអធិបតីពិធីបិទព្រឹត្តិការណ៍ប្រកួតបាល់ទាត់ពានរង្វាន់យុវជនប្រឆាំងគ្រឿងញៀន ឃុំពង្រ ស្រុកឆ្លូង ខេត្តក្រចេះ រដូវកាលទី១ នារសៀលថ្ងៃទី២២ ខែកញ្ញា ឆ្នាំ២០២៤ អមដំណើរដោយឯកឧត្តម ជុំ កុសល រដ្ឋលេខាធិការក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកឆ្លូង ខេត្តក្រចេះ ព្រមទាំង ឯកឧត្តមកៅ អ៉ឺម រ៉ន អនុប្រធានក្រុមការងារ និងជាប្រធានទទួលបន្ទុកខ្មែរឥស្លាមទូទាំងខេត្តក្រចេះ។ ព្រឹត្តិការណ៍នៃការប្រកួតកីឡាបាល់ទាត់ដណ្តើមពានរង្វាន់ យុវជនប្រឆាំងគ្រឿងញៀន រដូវកាលទី១ ឆ្នាំ ២០២៤ នៅកីឡដ្ឋានរស្មីសន្តិភាពពង្រ១ ដែលស្ថិតនៅក្នុងភូមិពង្រ១ ឃុំពង្រ ស្រុកឆ្លូង ខេត្តក្រចេះ ដោយមានការចូលរួមប្រកួតពីក្រុមកីឡាសរុបចំនួន ២០ ក្រុម ក្នុងនោះក្រុមបាល់ទាត់យុវជនមានចំនួន ១៦ ក្រុម និងក្រុមវ័យចំណាស់ចំនួន ៤ ក្រុម។ ឆ្លងកាត់ការប្រកួតអស់រយៈពេល ៥ ថ្ងៃ លទ្ធផលចុងក្រោយទទួលបានដូចខាងក្រោម៖ ១-សម្រាប់ក្រុមវ័យចំណាស់ ជ័យលាភីលេខ១ […]
