រដ្ឋមន្ត្រីក្រសួងព័ត៌មាន ប្រតិកម្មប្រទេសលោកខាងលិចដែលរិះគន់វាយប្រហារកម្ពុជាលើសិទ្ធិសេរីភាពនៃការបញ្ចេញមតិ

June 17, 2022 nmr Comments Off

លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន មិនចម្លែកចិត្តនៅពេលដែលប្រទេសលោកខាងលិច និងអង្គការទទួលថវិកាពីបរទេស រិះគន់កម្ពុជារឿងសិទ្ធិសេរីភាពនៃការបញ្ចេញមតិ ពិសេសក្រោយការចាប់ខ្លួនស្ត្រីឈ្មោះ សេង ធារី ថ្មីៗនេះ។ លោក បានរំលឹកពីសំណួររបស់លោកកាលពីជាង ៩០ថ្ងៃមុន ពាក់ព័ន្ធប្រទេសលោកខាងលិចបិទសារព័ត៌មានធំៗរបស់ប្រទេសរុស្ស៊ី និងព្រមានរាល់ការផ្សាយនានារបស់រុស្ស៊ី ចាប់តាំងពីផ្ទុះសង្គ្រាមរុស្ស៊ី-អ៊ុយក្រែនមក ថាតើពួកគេប្រើជញ្ជីងតែមួយរឿងសេរីភាពនៃការបញ្ចេញមតិឬយ៉ាងណា?

តាមរយៈទំព័រហ្វេសប៊ុក នាថ្ងៃទី១៦មិថុនានេះ លោក ខៀវ កាញារីទ្ធ បានសរសេរយ៉ាងដូច្នេះថា៖ ដូចបាននិយាយពីមុនអញ្ចឹង ! គ្រាន់តែតុលាការកម្ពុជាកាត់ទោសកូនជឹងគេភ្លាម លោកច្រមុះស្រួច អង្គការច្រមុះស្រួច និង អង្គការសុីលុយពីច្រមុះស្រួច ស្រែកខ្ទរខ្ទារពីរឿង«សេរីភាពនៃការបញ្ចេញមតិ» តែពួកគាត់ធ្វើមិនដឹងពីសំនួរដែលខ្ញុំសួរកាលពីជាង ៩០ ថ្ងៃមុន ដែលថា «ហេតុអី»គាត់បិទ Russia Today, Sputnik និង ដាក់សារព្រមានលើរាល់ការផ្សាយនានារបស់រុស្សុី ចាប់តាំងពីមានសង្គ្រាមរុស្សុី-អ៊ុយក្រែន មក ? កម្ពុជា ប្រឆាំងការវាយលុករបស់រុស្សុីទៅលើអ៊ុយក្រែន ឈរលើគោលការណ៍ដែលសម្តេចតេជោបានលើកហើយ គឺកម្ពុជាប្រឆាំងរាល់ការគំរាមប្រើកម្លាំង និង ការប្រើកម្លាំងក្នុងរាល់ដំណោះស្រាយរវាងប្រទេសមួយនិងប្រទេសមួយ ប៉ុន្តែចង់ដឹងថាតើពួកគាត់ប្រើជញ្ជីងតែមួយក្នុងរឿង«សេរីភាពនៃការបញ្ចេញមតិ»នេះ ឬ យ៉ាងណា ?

nmr

ជីវិតនិងសង្គម ព័ត៌មានជាតិ ព័ត៌មានថ្មីៗ

សម្តេចតេជោ ហ៊ុន សែន ដាស់តឿនឱ្យលោក គង់ គាំ ប្រគល់ឱ្យក្រសួងការបរទេសវិញនូវផ្ទះនិងដី ដែលបន្លំយកធ្វើជាកម្មសិទ្ធិឯកជន មកវិញជាកំហិតក្នុងរយៈពេលមួយខែ

January 12, 2023 nmr

សម្តេចតេជោ ហ៊ុន សែន នាយករដ្ឋមន្ត្រី បានឱ្យដឹងនៅក្នុងផេកហ្វេសប៊ុករបស់សម្តេចនៅយប់ថ្ងៃទី១១ ខែមករា ឆ្នាំ ២០២៣ ដោយបានផ្ញើសារ ដើម្បីជាការបញ្ជាក់បន្ថែមផង និងជាការដាស់តឿនផង ដល់លោក គង់ គាំ ដូចខាងក្រោម ៖ ទី១-សម្តេចថា តាំងពីក្រោយឆ្នាំ១៩៧៩ រហូតមកដល់បច្ចុប្បន្ន នៅកម្ពុជា ពុំមានឡើយនូវមុខតំណែងជា “អនុរដ្ឋមន្រ្តីទី១” គឺ នៅសម័យនោះ មានតែមុខតំណែងជា “អនុរដ្ឋមន្រ្តី” និង “ឧបការី” ប៉ុណ្ណោះ ហើយក៏ពុំមានដែរនូវមុខតំណែងជា “រដ្ឋលេខាធិការ”។ ទី២-នៅក្នុងលិខិតបំភ្លឺផ្ញើទៅកាន់ហ្រ្វេសញ៉ូ គង់ គាំ បានបញ្ជាក់ថា បានចូលទៅស្នាក់នៅនៅផ្ទះ ដែលជាកម្មសិទ្ធិរបស់ក្រសួងការបរទេស ដោយគ្រាន់ត្រឹមតែជាការ “ជូនព័ត៌មានមកខ្ញុំ ក្នុងឋានៈខ្ញុំជារដ្ឋមន្រ្តីនាពេលនោះប៉ុណ្ណោះ” ពុំមែនជា “ការស្នើសុំកាន់កាប់យកជាកម្មសិទ្ធិលើផ្ទះនោះទេ”។ ហេតុដូច្នេះ ពុំមានឡើយនូវការសម្រេចណាមួយពីខ្ញុំដែលជារដ្ឋមន្រ្តីនាពេលនោះ ក្នុងការប្រគល់ផ្ទះនិងដីរបស់ក្រសួងការបរទេសទៅឱ្យ គង់ គាំ ឡើយ។ និយាយម្យ៉ាងទៀត តាមផ្លូវច្បាប់ ផ្ទះនិងដីនេះនៅតែជាកម្មសិទ្ធិស្របច្បាប់របស់ក្រសួងការបរទេសដដែល ដោយពុំមានការកែប្រែឡើយ ហើយរាជរដ្ឋាភិបាល នឹងចាត់វិធានការតាមនីតិវិធីច្បាប់ ដើម្បីទាមទារយកត្រឡប់មកវិញនូវផ្ទះ […]

ព័ត៌មានថ្មីៗ

លោក សួន សុខឌឿន ត្រូវបានតែងតាំងជាទីប្រឹក្សាផ្ទាល់សម្តេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី ព្រះមហាសង្ឃរាជនៃគណៈធម្មយុត្តិកនិកាយនៃព្រះរាជាណាចក្រកម្ពុជា ដោយបញ្ញត្តិគោរម្យងារ រុងរោចន៍ ធម្មឱកាស ពុទ្ឋសាសនូបត្ថម្ភក៍

November 3, 2021 nmr

លោក សួន សុខឌឿន អគ្គនាយកក្រុមហ៊ុន នាគរាជមានឬទ្ធិ(NeakReachMeanRith)ទូរទស្សន៍ អិន អឹម អ(NMR TV) ក្រុមហ៊ុន អិន អឹម អ ស៊ីឃ្យូរីធី ឯ.ក(NMR Security Co.,Ltd)ត្រូវបានសម្តេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី ព្រះមហាសង្ឃរាជនៃគណៈធម្មយុត្តិកនិកាយនៃព្រះរាជាណាចក្រកម្ពុជា និងជាព្រះប្រធានគណៈសង្ឃនាយក នៃគណៈធម្មយុត្តិកនិកាយ នៃព្រះរាជាណាចក្រកម្ពុជា តែងតាំងជាទីប្រឹក្សាផ្ទាល់ បញ្ញត្តិគោរម័្យងារ រុងរោចន៍ធម្មឱកាសមហាឧបាសកពុទ្ធសាសនូបត្ថម្ភក៍។ ពិធីប្រកាសតែងតាំងនេះ គឺត្រូវបានរៀបចំឡើងក្រោមព្រះរាជធិបតីភាពសម្តេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត ព្រះមហាសង្ឃរាជនៃគណៈធម្មយុត្តិកនិកាយនៃព្រះរាជាណាចក្រកម្ពុជា និងជាព្រះប្រធានគណៈសង្ឃនាយក នៃគណៈធម្មយុត្តិកនិកាយ នៃព្រះរាជាណាចក្រកម្ពុជា ទទួលព្រះរាជសង្ឃប្រកាសតែងតាំង នៅព្រឹកថ្ងៃទី០២ ខែវិច្ឆិកា ឆ្នាំ២០២១ នាវត្តបទុមធម្មយុត្តិ។ ក្នុងពិធីប្រកាសតែងតាំងនេះ លោក សួន សុខឌឿន បានបង្ហាញនូវអារម្មណ៍រំភើបរីករាយ ដែលសម្តេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត ព្រះមហាសង្ឃរាជនៃគណៈធម្មយុត្តិកនិកាយនៃព្រះរាជាណាចក្រកម្ពុជា និងជាព្រះប្រធានគណៈសង្ឃនាយក នៃគណៈធម្មយុត្តិកនិកាយ នៃព្រះរាជាណាចក្រកម្ពុជា បានព្រះរាជសង្ឃប្រកាសលោក ជាទីប្រឹក្សាផ្ទាល់ បញ្ញត្តិគោរម័្យងារ វិរបូរណសច្ចគុណមហាឧបាសកពុទ្ធសាសនូបត្ថម្ភក៍ ។ […]

ព័ត៌មានជាតិ

ពលរដ្ឋ, អាជីវករ, ពាណិជ្ជករ, មន្ត្រីរាជការបានបង្ហាញក្តីសប្បាយរីករាយ ការលុបចោលកាតព្វកិច្ចពាក់ម៉ាស់ និងអរគុណយ៉ាងជ្រាលជ្រៅដល់ការខិតខំប្រឹងប្រែង របស់សម្តេចតេជោ

April 27, 2022 nmr

រាជធានីភ្នំពេញ ៖ ប្រជាពលរដ្ឋដែលបានផ្តល់បទសម្ភាសន៍ដល់សារព័ត៌មានបានបង្ហាញការសប្បាយរីករាយ ក្រោយប្រមុខរាជរដ្ឋបាលភិបាលសម្រេចលុបចោលកាតព្វកិច្ចពាក់ម៉ាស់នៅទូទាំងប្រទេស ចំពោះទីកន្លែងសាធារណៈ និងទីកន្លែងចំហនានា អនុវត្តចាប់ពីថ្ងៃទី២៦ មេសា កន្លងទៅនោះ ។ «ខ្ញុំពេញចិត្តនឹងការសម្រេចនេះណាស់ ព្រោះវាជួយកាត់បន្ថយចំណាយក្នុងគ្រួសារច្រើន ព្រោះក្នុងមួយខែៗគឺត្រូវចាយលើថ្លៃម៉ាស់៤០ដុល្លារអីដែរ ដោយសារតែសមាជិកគ្រួសារត្រូវប្រើមានគ្នាដល់ទៅ៤នាក់» ។ នេះជាការលើកឡើងរបស់លោក កុសល វ័យ៣៨ ឆ្នាំ ជាបុគ្គលិកក្រុមហ៊ុនមួយនៅរាជធានីភ្នំពេញ ។ លោកបន្តថា តែខ្ញុំនឹងក្រុមគ្រួសារនៅបន្តការការពារដោយការពាក់ម៉ាស់នៅកន្លែងបិទជិត ដូចជាកន្លែងធ្វើការជាដើម ។ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី២៦ មេសា ឆ្នាំ២០២២នេះ បានប្រកាសពីការលើកលែងកាតព្វកិច្ចពាក់ម៉ាស់ការពារការឆ្លងជំងឺកូវីដ.១៩នៅកម្ពុជា តាមទីសាធារណៈបន្ទាប់ពីការឆ្លងរាលដាលជំងឺកូវីដ១៩នៅកម្ពុជាបានធូរស្រាលច្រើនគួរអោយកត់សំគាល់ ។ ក្នុងសារជាសំឡេងរបស់សម្តេចប្រមុខនៃរាជរដ្ឋាភិបាលមានរយៈពេលជាង១៦នាទី នៅព្រឹកថ្ងៃទី២៦ មេសា នេះសម្តេចតេជោបានគូសបញ្ជាក់ថា យោងតាមស្ថានភាពធូរស្រាលនៃការឆ្លងរាលដាលជំងឺកូវីដ១៩នៅកម្ពុជាបង្ហាញពីសញ្ញាវិជ្ជមាននៃការគ្រប់គ្រងស្ថានភាពជំងឺកូវីដ១៩បានល្អប្រសើរ ដែលយើងអាចលើកលែងកាតព្វកិច្ចពាក់ម៉ាស់សំរាប់ប្រជាពលរដ្ឋទូទៅតាមទីសាធារណៈលើកលែងតែកន្លែងបិទជិត, ទីតាំងប្រមូលផ្តុំមនុស្សច្រើនគឺយើងនៅរក្សាការពាក់ម៉ាស់ដដែល។ ក្នុងសារសំឡេងរបស់សម្តេចតេជោបន្តថា ទាំងរាជរដ្ឋាភិបាល និងបងប្អូនប្រជាពលរដ្ឋតែងចង់បានការរំដោះខ្លួនចេញពីការពាក់ម៉ាស់ ហើយបង្វែរលុយកាក់ដែលចំណាយទៅលើការទិញម៉ាស់មកទិញអាហារហូបចុក សម្ភារប្រើប្រាស់លើកកម្ពស់ជីវភាពគ្រួសារវិញ ។ ទោះបីយ៉ាងណា សម្តេចតេជោបានលើកទឹកចិត្តដល់មន្ត្រីសុខាភិបាល ក៏ដូចប្រជាពលរដ្ឋចូលរួមតាមដានសុខភាពផ្ទាល់ខ្លួន និងត្រៀមបំរុងធ្វើប្រតិកម្មរហ័សឆ្លើយតបទៅនឹងកាតព្វកិច្ចមិនពាក់ម៉ាស់ និងសូមអោយបងប្អូនប្រជាពលរដ្ឋទៅទទួលយកការចាក់វ៉ាក់សាំងដូសទី៣ ដែលមានចំនួនប្រមាណ៦លាន៤សែននាក់នៅទូទាំងប្រទេសដោយឈរលើ គោលការណ៍ស្មគ្រ័ចិត្តហើយក៏មិនមានការអនុវត្តតាមវិធានការផាកពិន័យទៅលើអ្នកដែលមិនបានចាក់វ៉ាក់សាំងនោះដែរ។ […]

Related Articles