ខេត្តបាត់ដំបង: សេចក្តីរាយការណ៍ពីប្រជាពលរដ្ឋបានអោយដឹងថា អាជីវកម្មដឹកជញ្ជូនអាចម៌ដីលក់របស់ក្រុមហ៊ុន លាភ រីណា កំពុងជីកកកាយដីដែលមានជម្រៅជ្រៅ ព្រមទាំងបើកបរដឹកដីមិនគ្របបង្កការភ័យខ្លាចនិងធ្វើអោយប៉ះពាល់ទៅដល់សណ្តាប់ធ្នាប់សាធារណៈ។ សេចក្តីរាយការណ៍ពីប្រជាពលរដ្ឋដែលជាកសិករធ្វើស្រែក្បែររណ្តៅដី នៅចំណុចភូមិអូរមុនី ឃុំអន្លង់វិល ស្រុកសង្កែ និងប្រជាពលរដ្ឋជាអ្នកធ្វើដំណើរតាមដងផ្លូវ បានបង្ហើបប្រាប់អ្នកយកព័ត៌មានយើងអោយដឹងកាលពីព្រឹកថ្ងៃទី១៩ ខែធ្នូ ឆ្នាំ២០២១នេះថា ជារៀងរាល់ថ្ងៃពួកគាត់តែងមានការព្រួយបារម្មណ៍យ៉ាងខ្លាំងទៅលើសុវត្ថិភាពកូនចៅរបស់ពួកគាត់ខណះដែលអាជីវកម្មដឹកដីលក់របស់ក្រុមហ៊ុនដែលមានឈ្មោះថា លាភ រីណា បាននឹងកំពុងជីកកកាយរណ្តៅយកអាចម៌ដីដែលមានជម្រៅជ្រៅជិតដល់ក្បាលប្រែត ព្រមទាំងការបើកបរដឹកដីមិនគ្របជាហេតុអាចធ្វើអោយមានដីជ្រុះនៅតាមដងផ្លូវប៉ះពាល់ទៅដល់សណ្តាប់ធ្នាប់សាធារណៈ និងអាចបង្កអោយកើតមានករណីគ្រោះថ្នាក់ចរាចរណ៍ផងដែរ។ សេចក្តីរាយការណ៍ពីប្រជាពលរដ្ឋដែលដដែលបន្តថា រយៈពេលកន្លងមកពួកគាត់តែងតែបានឃើញមានករណីក្មេងលង់ទឹកក្នុងរណ្តៅដីដែលក្រុមឈ្មួញធ្វើអាជីវកម្មនេះជាបន្តបន្ទាប់នៅតាមបណ្តាស្រុកមួយចំនួនក្នុងនោះក៏មានស្រុកសង្កែនេះផងដែរ ដែលថ្មីៗនេះស្លាប់រហូតទៅដល់០២នាក់ដែលជាហេតុធ្វើអោយពួកគាត់មានការព្រួយបារម្ភ ខណៈដែលក្រុមឈ្មួញនៅតែបន្តជីកកាយរណ្តៅជ្រៅរហូតជាង ១០ម៉ែត្រល្មើសផ្ទុយទៅនឹងច្បាប់ដែលបានអនុញ្ញាតកំណត់អោយជីកត្រឹមតែ០៥ម៉ែត្រឬលើសបន្តិចបន្តួច។ ពាក់ព័ន្ធទៅនឹងការលើកឡើងខាងលើ លោក អ៊ាន មាឃ ប្រធានមន្ទីររ៉ែនិងថាមពលខេត្តបាត់ដំបងបានប្រាប់អោយដឹងថា ក្រុមហ៊ុន លាភ រីណា គឺគេមានច្បាប់ហើយ ដោយអនុញ្ញាតតម្រូវអោយជីកជម្រៅ០៥ម៉ែត្រ ហើយការជីកលើកនេះខាងមន្ទីរបានចុះទៅវាស់វែងនិងអោយម្ចាស់ចូលខ្លួនមកបង់ការផាកពិន័យរួចហើយ តែបើសិនជានៅបន្តកាយទៀតកាយអីក៏កាយទៅខាងមន្ទីរនិងទៅវាស់ពិន័យបង់លុយចូលរដ្ឋ ហើយខាងមន្ទីរក៏បានណែនាំដល់គាត់ដែរកាលណាកាយលើសអញ្ចឹងវាខាតបង់ព្រោះការពិន័យច្រើនជាងការបង់ធម្មតាដែលគុណមួយជាពីរ។
សមាជិក សមាជិការ ទាំងអស់ សូមសម្តែងនូវសេចក្តីសោមនស្សរីករាយឥតឧបមា និងសូមគោរពជូននូវសព្ទសាធុការពរ បវរសួស្តី សិរីមង្គល វិបុលសុខ មហាប្រសើរ គ្រប់ប្រការជូនចំពោះសម្តេចមហាបវរធិបតី នាយករដ្ឋមន្ដ្រី ក្នុងឱកាសដ៏ឧត្ដុង្គឧត្តមខួបកំណើត គម្រប់៤៦ ឈានចូល ៤៧ឆ្នាំ សូម សម្តេចធិបតីនាយករដ្ឋមន្ត្រី មានសុខភាពល្អបរិបូរណ៍ កម្លាំងមាំមួន ជន្មាយុយឺនយូរ បញ្ញាញាណវាងវៃ ដើម្បីបន្តដឹកនាំប្រទេសជាតិឆ្ពោះទៅរកការអភិវឌ្ឍប្រកបដោយចីរភាព និង ភាពរីកចម្រើនថ្កុំថ្កើន រុងរឿងជារៀងរហូត៕ Hun Manet Samdech Thipadei Hun Manet, Prime Minister of Cambodia
កណ្ដាល៖ នៅថ្ងៃទី១៧ ខែមករានេះ ឯកឧត្តម នាយមឧត្តមសេនីយ៍ ម៉ឹង សំផង រដ្ឋលេខាធិការក្រសួងការពារជាតិ បាននាំកម្លាំងកងទ័ពជាង ៦០០នាក់ ទៅជួយរុះរើផ្ទះពលរដ្ឋចេញពីមាត់ព្រែកថី ស្ថិតក្នុង សង្កាត់រកាខ្ពស់ ក្រុងតាខ្មៅ ខេត្តកណ្តាល។ ឯកឧត្តម ម៉ឹង សំផន ថែ្លងថា តាមរយៈការចុះជួយរុះរើផ្ទះជូនពលរដ្ឋចេញពីមាត់ព្រែកថី នឹងអាចជួយសង្គ្រោះ ប្រមូលបានសំភារៈ និងទ្រព្យសម្បត្តិពលរដ្ឋ បានទាន់ពេលវេលា។ នៅក្នុងឱកាសដឹកនាំកម្លាំងចុះរុះរើផ្ទះនោះដែរ ឯកឧត្តម ម៉ឹង សំផន បានឧបត្ថម្ភ ជូនគ្រួសាររងប៉ះពាល់ផ្ទះដោយទឹកជំនន់ប្រមាណជិត ៣០គ្រួសារ ដោយក្នុងមួយគ្រួសារទទួលបានថវិកា២សែនរៀល ស្តង់ មុងភួយ ហើយរដ្ឋបាលខេត្តកណ្តាល បានផ្តល់ឧបត្ថម្ភស្បៀងអាហារមួយចំនួនទៀតផងដែរ៕ អត្ថបទ ស៊ុម សុខជា
