ជីវិតនិងសង្គម ព័ត៌មានជាតិ ព័ត៌មានថ្មីៗ

ទីតាំង​ភោជនីយដ្ឋានចំនួន៣បញ្ឈប់រាល់សកម្មភាពផឹកសុីឡូឡាបង្កសំឡេងរំខានដល់អ្នកជិតខាងមិនអាចសម្រាកបាន

Posted on Author nmr Comments Off on ទីតាំង​ភោជនីយដ្ឋានចំនួន៣បញ្ឈប់រាល់សកម្មភាពផឹកសុីឡូឡាបង្កសំឡេងរំខានដល់អ្នកជិតខាងមិនអាចសម្រាកបាន

ភ្នំពេញ​៖​ លោក​ សុខ​ សម្បត្តិ​ អភិបាល​នៃ​គណៈអភិបាលខណ្ឌបឹងកេងកង​ កាលពីយប់ថ្ងៃសៅរ៍ ៨កើត ខែភទ្របទ ឆ្នាំខាល ត្រីស័ក ព.ស ២៥៦៦ត្រូវនឹងថ្ងៃទី០៣ ខែ កញ្ញា ឆ្នាំ២០២២ បានដឹកនាំកម្លាំងគណៈបញ្ជាការឯកភាពខណ្ឌបឹងកេងកងចុះធ្វើការណែនាំទីតាំងចំនួន០៣ដែលបានបង្កសំឡេងរំខានដល់ប្រជាពលរដ្ឋនៅពេលយប់។

ជាក់ស្ដែង​ក្នុងប្រតិបត្តិការនោះ​ គណៈបញ្ជាការឯកភាពខណ្ឌបឹងកេងកង​បានចុះធ្វើការណែនាំទីតាំងចំនួន០៣​ មានដូចខាងក្រោម​៖

១-ភោជនីយដ្ឋានយីហោ«កាត់ចិត្ត»នៅចំណុចផ្លូវលេខ២៧៨ ភូមិ៧ សង្កាត់ បឹងកេងកងទី១ ខណ្ឌបឹងកេងកង រាជធានីភ្នំពេញ។

២-ភោជនីយដ្ឋានយីហោ«BBQ BAR» នៅចំណុចផ្លូវលេខ៣២២ ភូមិ៤ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។

៣-ទីតាំងឃ្លាំងបន្លែនៅផ្លូវលេខ៤០២ ជិត ICU Clinic។

សូមជម្រាបថា​ ក្រោយប្រជាពលរដ្ឋរាយការណ៍ប្រាប់ថា មានអ្នកផឹកស៊ីបង្កការរំខាន​និងបង្កសំឡេងរំខានដល់អ្នកជិតខាងមក លោកអភិបាលខណ្ឌ​ បានដឹកនាំកម្លាំងចុះផ្ទាល់ ដើម្បីចុះទៅធ្វេីការណែនាំ អប់រំ និងបញ្ឈប់រាល់សកម្មភាពផឹកសុីឡូឡាបង្កសំឡេងរំខានដល់អ្នកជិតខាងមិនអាចសម្រាកបាន ។

ជាចុងក្រោយលោកអភិបាលខណ្ឌក៏បានសំណូមពរដល់ប្រជាពលរដ្ឋមេត្តាកាត់បន្ថយ ឬចៀសវាងការជួបជុំមនុស្សច្រេីន ដេីម្បីបង្ការនិងទប់ស្កាត់ការឆ្លងវីរុសកូវីដ-១៩ ជាពិសេសចូលរួមគោរពសិទ្ធិអ្នកជិតខាង កុំបង្កសំឡេងរំខានដល់អ្នកដទៃ ជាពិសេសពេលយប់ម្នាក់ៗត្រូវការសម្រាក ៕

   

nmr

Related Articles
ព័ត៌មានជាតិ

សម្ដេចធិបតី ហ៊ុន ម៉ាណែត ជួបពិភាក្សាការងារជាមួយប្រធានក្រុមហ៊ុន SINOMACH Heavy Equipment Group

Posted on Author nmr

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណចក្រកម្ពុជា បន្ទាប់ពីបានដឹកនាំគណៈប្រតិភូអញ្ជើញដល់រដ្ឋធានីប៉េកាំង និងបានអញ្ជើញដាក់ កម្រង ផ្កាគោរពវិញ្ញាណក្ខន្ធវិរបុរសចិន នៅស្តុបអនុស្សាវរីយ៍វិរបុរសចិន មហាទីលានធានអានមិន នៃសាធារណរដ្ឋប្រជាមានិតចិន នារសៀលថ្ងៃព្រហស្បតិ៍ ទី១៤ ខែកញ្ញា ឆ្នាំ២០២៣ ក៏បានអញ្ជើញជួបជាមួយ លោក ហាន ស៊ាជុន (Han Xiaojun) ប្រធានក្រុមហ៊ុន SINOMACH Heavy Equipment Group ក្នុងជំនួបសម្ដែងការគួរសម និងពិភាក្សាការងារ នៅរដ្ឋធានីប៉េកាំង ។ តាមកម្មវិធីដែលបានគ្រោងទុក នៅក្នុងដំណើរបំពេញទស្សនកិច្ច ទៅកាន់រដ្ឋធានីប៉េកាំង ជាលើកដំបូងនេះ សម្តេចធិបតីនាយករដ្ឋមន្រ្តី និងអញ្ជើញជួបពិភាក្សាទ្វេភាគី និងជំនួបសំដែងការគួរសម ជាមួយមេដឹកនាំកំពូលៗរបស់ប្រទេសចិន ក្នុងនោះរួមមាន ឯកឧត្តម ស៊ី ជីនពីង ប្រធានាធិបតី នៃសាធារណរដ្ឋប្រជាមានិតចិន ឯកឧត្តម ចាវ ឡឺជី ប្រធានសភាតំណាងប្រជាជនចិន និងជួបពិភាក្សាទ្វេភាគីជាមួយ ឯកឧត្តម លី ឈាង នាយករដ្ឋមន្រ្តីចិន។
ព័ត៌មានថ្មីៗ

ឯកឧត្តម ឧត្តមសេនីយ៍ឯកហ៊ុន ម៉ាណែតមានប្រសាសន៍ថា គណបក្សប្រជាជនកម្ពុជា គឺជាបក្សកាន់អំណាច ដែលទទួលអម្រែកបម្រើប្រជាពលរដ្ឋ

Posted on Author nmr

កំពង់ចាម : ឯកឧត្តម ឧត្តមសេនីយ៍ឯក ហ៊ុន ម៉ាណែត បានថ្លែងថា គណបក្សប្រជាជនកម្ពុជា គឺជាគណបក្សកាន់អំណាច ដែលទទួលអម្រែកភារកិច្ចបម្រើប្រជាពលរដ្ឋ។ ដូច្នេះសូមគណបក្សមូលដ្ឋានបន្តសហការជាមួយក្រុមការងារគណបក្សគ្រប់យន្តការក្នុងនាមជាកម្លាំងសរុបរបស់បក្សខិតខំបម្រើប្រជាពលរដ្ឋឱ្យកាន់តែល្អជាប់ជាប្រចាំនិងអស់លទ្ធភាពដោយកំណត់អាយុជីវិតនិងជីវភាពរបស់ប្រជាជនជាកត្តាអាទិភាពចម្បង,បន្តចូលរួមអភិវឌ្ឍប្រទេសជាតិឱ្យកាន់តែរីកចម្រើន,បន្តលើកតម្កើងសិទ្ធិសេរីភាពប្រជាជន,និងបន្តថែរក្សាសុខសន្តិភាពនិងស្ថិរភាពដើម្បីនិន្តរភាពជាតិ។ ក្នុងពិធីប្រកាសទទួលស្គាល់យុវជន ជាសមាជិកគណបក្សប្រជាជនកម្ពុជាស្រុកជើងព្រៃ ខេត្តកំពង់ចាម ថ្ងៃទី០២ខែមេសាឆ្នាំ២០២២ឯកឧត្តមហ៊ុនម៉ាណែតសមាជិកគណៈអចិន្ត្រៃយ៍នៃគណៈកម្មាធិការកណ្តាលនិងជាប្រធានយុវជនគណបក្សប្រជាជនកម្ពុជាថ្នាក់កណ្តាលបានថ្លែងបន្តថាសូមសមាជិកសមាជិកាបក្សទាំងអស់មានមោទនភាពចំពោះមហាគ្រួសារមួយនេះ ដែលមាន សម្តេចអគ្គមហាសេនាបតីតេជោហ៊ុនសែនជាប្រមុខនិងសូមបន្តចូលរួមជួយសង្គមជួយសហគមន៍ជួយគ្រួសារទោះជាក្នុងលក្ខណៈបុគ្គលក្តីឬជាក្រុមក្តីជាពិសេសសមាជិកសមាជិកាបក្សទាំងអស់ក៏ត្រូវដើរតួនាទីផងដែរនៅក្នុងការជំរុញផ្សព្វផ្សាយសមិទ្ធផលរបស់បក្ស និងការពារកិត្តិយស និងសច្ចភាពរបស់បក្ស។ ក្នុងរយៈពេលជាង៤០ឆ្នាំកន្លងមកនេះនៅក្រោមការខិតខំប្រឹងប្រែងនិងបូជាលះបង់របស់មន្ត្រីបក្សជាច្រើនជំនាន់គឺគណបក្សប្រជាជនកម្ពុជាទទួលបានជោគជ័យនិងសមិទ្ធផលយ៉ាងធំធេងលើការដឹកនាំនាវាកម្ពុជាមកដល់ចំណុចនេះ។ តទៅមុខទៀតគណបក្សមួយនេះនឹងកាន់តែរឹមាំនិងមានសមាជិកកាន់តែច្រើនបន្ថែមទៀតដែលទាំងនេះគឺជាកម្លាំងចិត្តដ៏មានថាមពលសម្រាប់ការបន្តបំពេញតួនាទី និងភារកិច្ចរបស់យើង។ ក្រៅពីនោះលោកសូមអបអរសាទរចំពោះការចូលរួមរបស់យុវជនយុវនារីជាសមាជិកថ្មីនៅក្នុងមហាគ្រួសារដ៏កក់ក្តៅនៃគណបក្សប្រជាជនកម្ពុជា។ នៅក្នុងសង្គមប្រជាធិបតេយ្យកម្ពុជាយើងមានគណបក្សនយោបាយច្រើនដោយក្នុងនេះមហាគ្រួសារគណបក្សប្រជាជនកម្ពុជាគឺជាគ្រួសារធំជាងគេដែលមានសមាជិកជាយុវជនជាង៣លាននាក់នៅទូទាំងប្រទេស។សំខាន់ជាងនេះគឺយើងជាគ្រួសារដែលមានគុណបំណាច់និងស្នាដៃយ៉ាងធំធេងនៅក្នុងការបម្រើ និងការពារជាតិ និងប្រជាជន ដោយស្មោះត្រង់ និងដោយគ្មានការបែងចែករើសអើង។ ជាក់ស្តែងថ្នាក់ដឹកនាំសមាជិកសមាជិកាគ្រួសារមួយនេះបានចូលរួមនៅក្នុងបុព្វហេតុជាតិជាច្រើនទៅតាមដំណាក់កាលផ្សេងៗនៃប្រវត្តិសាស្ត្រជាអាទិ៍ការរំដោះប្រជាពលរដ្ឋចេញពីរបបប៉ុលពត,ការសម្រេចបាននូវសុខសន្តិភាពពេញលេញជូនជាតិតាមរយៈនយោបាយឈ្នះឈ្នះហើយក្នុងរយៈពេលជាង០២ ឆ្នាំចុងក្រោយនេះគឺអាយុជីវិតប្រជាជនខ្មែររាប់លាននាក់ត្រូវបានសង្គ្រោះនិងការពារឱ្យរួចផុតពីជ្រោះមរណៈនៃជំងឺកូវីដ-១៩ ៕
ព័ត៌មានជាតិ ព័ត៌មានថ្មីៗ

ជនបង្កហិង្សា បណ្តាលឲ្យបុរសម្នាក់ស្លាប់នៅស្រុកបាកាន ត្រូវសមត្ថកិច្ចវែកមុខឃើញហើយ

Posted on Author nmr

ពោធិ៍សាត់: កាលពីថ្ងៃទី២៦ ខែធ្នូ ឆ្នាំ២០២១ វេលាម៉ោង២១និង១០នាទី នៅចំណុចមុខវត្តទួលរគាំង ស្ថិតក្នុងភូមិទួលរគាំង ឃុំអូរតាប៉ោង ស្រុកបាកាន មានករណីហិង្សាដោយចេតនា បណ្តាលឲ្យបុរសម្នាក់ស្លាប់ មូលហេតុមកពីផឹកស៊ីទាស់ពាក្យសម្តីគ្នា ហើយជនសង្ស័យបានរត់គេចខ្លួនក្រោយធ្វើសកម្មភាព នេះបើយោងតាមផេក ការិយាល័យផ្សព្វផ្សាយតាមបណ្តាញសង្គម ។ លោកវរសេនីយ៍ឯក នាង វុធ អធិការ នៃអធិការដ្ឋាននគរបាលស្រុកបាកាន បានប្រាប់ឲ្យដឹងថា ក្រោយទទួលព័ត៌មានពីលោកឧត្តមសេនីយ៍ត្រី ស្នងការរង ផែនការងារនគរបាលព្រហ្មទណ្ឌ នៃស្នងការដ្ឋាននគរបាលខេត្តពោធិ៍សាត់ ពីការសហការជាមួយស្នងការដ្ឋាននគរបាលខេត្តសៀមរាប ក្នុងការតាមឃាត់ខ្លួនជនសង្ស័យករណីខាងលើ នៅវេលាម៉ោង២០និង០៦នាទី ថ្ងៃទី២៧ ខែធ្នូ ឆ្នាំ២០២១ ជនសង្ស័យឈ្មោះ ញ៉ុម អាន ភេទប្រុស អាយុ៣៧ឆ្នាំ ត្រូវបានសមត្ថកិច្ចប៉ុស្តិ៍នគរបាលរដ្ឋបាលជ្រាវ និងកម្លាំងជំនាញ នៃស្នងការដ្ឋាននគរបាលខេត្តសៀមរាម ឃាត់ខ្លួនបានហើយ ។ លោកអធិការបន្តថា ដើម្បីអនុវត្តនីតិវិធីច្បាប់ និងរកយុត្តិធម៌ជូនជនរងគ្រោះឲ្យបានទាន់ពេលវេលា និងឆាប់រហ័ស លោកបានដឹកនាំកម្លាំងនៃអធិការដ្ឋាន ចុះទៅទំនាក់ទំនងជាមួយសមត្ថកិច្ចនគរបាលខេត្តសៀមរាប ដើម្បីនាំខ្លួនជនសង្ស័យមកកាន់អធិការដ្ឋាននគរបាលស្រុកបាកាន នឹងបានបន្តរុករកវត្ថុតាង គឺកាំបិតដែលជនសង្ស័យប្រើប្រាស់សម្រាប់ធ្វើសកម្មភាព ហើយបានយកទៅបោះចោល ក្នុងស្រះទឹក នៅភូមិឧកញ៉ាមាន់ ឃុំអូរតាប៉ោង […]