ភ្នំពេញៈ កិច្ចប្រជុំកំពូលអាស៊ាន-ឥណ្ឌា លើកទី១៨ នៅថ្ងៃទី២៨ ខែតុលា ឆ្នាំ២០២១ តាមប្រព័ន្ធវីដេអូ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានស្វាគមន៍ចំពោះសំណើរបស់ប្រទេសឥណ្ឌា ក្នុងការកំណត់យកឆ្នាំ២០២២ ជា «ឆ្នាំមិត្តភាពអាស៊ាន-ឥណ្ឌា» ដើម្បីអបអរសាទរខួបអនុស្សាវរីយ៍លើកទី៣០ នៃទំនាក់ទំនងដៃគូសន្ទនាអាស៊ាន-ឥណ្ឌា។ សម្ដេចតេជោ បានសង្កត់ធ្ងន់លើសារៈសំខាន់នៃការកសាងទំនុកចិត្តក្នុងតំបន់ តាមរយៈកិច្ចសហប្រតិបត្តិការជាក់ស្តែង ស្របតាមគោលបំណង និងគោលការណ៍នៃទស្សនៈវិស័យអាស៊ានស្តីពីឥណ្ឌូ-ប៉ាស៊ីហ្វិក (AOIP) និងគំនិតផ្តួចផ្តើមមហាសមុទ្រឥណ្ឌូ-ប៉ាស៊ីហ្វិក និងបានសម្តែងនូវការគាំទ្រចំពោះការអនុម័តសេចក្ដីថ្លែងការណ៍រួមអាស៊ាន-ឥណ្ឌា ស្តីពីកិច្ចសហប្រតិបត្តិការលើទស្សនៈវិស័យអាស៊ានស្តីពីឥណ្ឌូ-ប៉ាស៊ីហ្វិក(AOIP) ។
រាជធានីភ្នំពេញ ៖ កម្មករបូមខ្សាច់ម្នាក់បានស្លា.ប់ដោយសារមិនប្រយ័ត្ន ត្រូវទឹកទុយោបង្ហូរទឹកស្រូបចូល នៅក្នុងការដ្ឋានបូមខ្សាច់មួយកន្លែងយីហោ « ប៊ុន ហាក់ » ស្ថិតតាមបណ្តោយផ្លូវជាតិលេខ១ ក្នុងភូមិតាព្រហ្ម សង្កាត់ព្រែកឯង ខណ្ឌច្បារអំពៅ រាជធានីភ្នំពេញ បង្កអោយមានការភ្ញាក់ផ្អើល កាលពីវេលាម៉ោង១៦និង៣០នាទីល្ងាច ថ្ងៃទី២៧ ខែសីហានេះ ។ ជនរងគ្រោះមានឈ្មោះ ផូ សុខចើង ភេទប្រុស អាយុ៣៥ឆ្នាំ មុខរបរកម្មករបូមខ្សាច់ បច្ចុប្បន្នធ្វើការ និងស្នាក់នៅកន្លែងកើតហេតុខាងលើ និងមានស្រុកកំណើតនៅភូមិត្រពាំងបិត ឃុំបឹងណាយ ស្រុកព្រៃ យោងតាមប្រភពព័ត៌មាន ពីបុរសឈ្មោះមាស ហេងវិឆេង ភេទប្រុស អាយុ៣៧ឆ្នាំ ជាមេការ អោយដឹងថា ៖ នៅមុនកើតហេតុ រូបគេប្រាប់ឲ្យជនរងគ្រោះទៅមើលទុយោប៊ូមខ្សាច់បង្ហូរទឹក នៅខាងក្រោយ ក្រែងមានដីខ្សាច់ហូរចូលស្ទះទុយោ ។ លុះរហូតដល់ម៉ោង១៧និង៣០នាទីថ្ងៃដដែល ដោយបាត់យូរពេកមិនឃើញមកវិញ បុរសជាមេការបានទំនាក់ទំនងទូរស័ព្ទទៅជនរងគ្រោះចូលតែមិនលើកទើបរូបគេចម្លែកចិត្តក៏បានដើរទៅមើល ស្រាប់តែឃើញជនរងគ្រោះជាប់មួយកំណាត់ខ្លួនចូលទៅក្នុងទុយោប៊ូមខ្សាច់បង្ហូរទឹក ។ ភ្លាមៗនោះ បុរសមេការបានប្រាប់ទៅអ្នកបើកអេស្កាវ៉ាទ័រឲ្យកាយយកទុយោឡើងមកលើរួចនាំគ្នាទាញជនរងគ្រោះចេញមកក្រៅតែអកុសលជនរងគ្រោះស្លា.ប់បាត់ទៅហើយក៏បង្កអោយមានការភ្ញាក់ផ្អើលតែម្តងទៅ ។ ក្រោយកើតហេតុ កម្លាំងសមត្ថកិច្ចមូលដ្ឋានសហការជាមួយជំនាញបានចុះអន្តរាគមន៍ ដើម្បីធ្វើកោសល្យវិច្ច័យពិនិត្យ ។ […]
អ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយក ក្រុមហ៊ុន ខ្មែរ ប៊ែវើរីជីស កាលពីព្រឹកថ្ងៃទី០៦ ខែវិច្ឆិកាម្សិលមិញនេះ បានយកឧទ្ធម្ភាគចក្រផ្ទាល់ខ្លួន ជូនដំណើរកំពូលកីឡាករលំដាប់កំពូលភូមា ដាវ លីឌុច ទៅទស្សនាខេត្តសៀមរាប ដើម្បីមើលឃើញផ្ទាល់ភ្នែក ពីមរតកចម្លាក់ក្បាច់គុនបុរាណរបស់បុព្វបុរសខ្មែរ នាសម័យមហានគរ នៅតាមជញ្ជាំងប្រាសាទអង្គរវត្ត។ កីឡាកររូបនេះ ដើរទស្សនាដោយមិនពាក់ស្បែកជើងឡើយ ដោយបង្ហាញពីការគោរពប្រាសាទបុរាណខ្មែរ ហើយទទួលបានការកោតសរសើរយ៉ាងខ្លាំង ពីប្រជាពលរដ្ឋខ្មែរ។ គំនិតផ្ដួចផ្ដើមរៀបចំបដិសណ្ឋារកិច្ចដ៏សែនកក់ក្ដៅ និងដំបូងគេនៅកម្ពុជា ជូនដល់កីឡាករប្រដាល់ ដាវ លីឌុច ទៅកាន់ទឹកដីប្រវត្តិសាស្ត្រវប្បធម៌ខ្មែរ នាខេត្តសៀមរាប ពីសំណាក់ អ្នកឧកញ៉ា លាង ម៉េង រៀបចំឡើង បន្ទាប់ពីស្ដេចប្រដាល់ភូមា បានបញ្ចប់ការប្រកួតជាមួយអ្នកប្រដាល់ ព្រំ សំណាង កាលពីរាត្រីថ្ងៃទី០៥ ខែ វិច្ឆិកា។
