ភ្នំពេញ ៖ ឯកឧត្តមឧបនាយករដ្ឋមន្ត្រី យឹម ឆៃលី មានប្រសាសន៍ថា ការដាំស្តារព្រៃឈើឡើងវិញ គឺជាការជួយដល់គម្របព្រៃឈើនៅក្នុងតំបន់ ក៏ដូចជាជួយរួមចំណែកដល់ការស្តារប្រព័ន្ធអេកូឡូស៊ីឡើងវិញនៅក្នុងតំបន់នោះដូចគ្នា។ នេះបើយោងតាមការឲ្យដឹងពីអង្គការសម្ព័ន្ធមិត្តសត្វព្រៃ តាមរយៈទំព័រហ្វេសប៊ុកកាលពីយប់ថ្ងៃទី០៧ ខែមិថុនា ឆ្នាំ២០២១។ ប្រសាសន៍របស់ឯកឧត្តមឧបនាយករដ្ឋមន្ត្រី យឹម ឆៃលី បានធ្វើឡើងខណៈឯកឧត្ដមអញ្ជើញធ្វើដំណើរទៅកាន់ខេត្ដព្រះសីហនុ ជាមួយអង្គការសម្ព័ន្ធមិត្ដសត្វដើម្បីដាំកូនឈើ។ តាមអង្គការសម្ព័ន្ធមិត្តសត្វព្រៃបានបញ្ជាក់ថា ចាប់តាំងពីឆ្នាំ២០១៤ មក អង្គការសម្ព័ន្ធមិត្តសត្វព្រៃបានធ្វើការដាំស្តារព្រៃឈើឡើងវិញលើទំហំផ្ទៃដីជាង ៧៦ ហិចតា នៅក្នុងខេត្តព្រះសីហនុ ទៅតាមសំណើរបស់រាជរដ្ឋាភិបាលកម្ពុជា ជាពិសេសឯកឧត្តមឧបនាយករដ្ឋមន្ត្រី យឹម ឆៃលី៕
ភ្នំពេញ ៖ គ្រឹះស្ថានរដ្ឋនិងឯកជនទាំងអស់នឹងបើកដំណើរការឱ្យសិស្សានុសិស្សបានចូលរៀនវិញ ចាប់ពីថ្ងៃ១៥ខែកញ្ញានេះតទៅ ក្រោយពីខកខានអស់រយៈពេលជាង៧ខែ ដោយសារការរាតត្បាតជំងឺកូវីដ-១៩។ ការបើកគ្រឹះស្ថានសិក្សាឲ្យសិស្សានុសនុសិស្សបានចូលរៀនឡើងវិញនេះ លុះត្រាតែគ្រឹះស្ថានទាំងនោះ បានបំពេញលក្ខន្តិកៈ គ្រប់គ្រាន់របស់ក្រសួងសុខាភិបាល ដែលជឿបានថា មិនមានការឆ្លងរីករាលដាលជំងឺកូវីដ-១៩។ នេះបើតាមការបញ្ជាក់របស់លោកឃួង ស្រេងអភិបាលនៃគណៈអភិបាលរាជធានីភ្នំពេញក្នុងកិច្ចប្រជុំតាមរយៈការបញ្ជូនរូបភាព និងសម្លេង ( Video Conference ) ជាមួយអាជ្ញាធរខណ្ឌទាំង១៤ មន្ទីរអប់រំយុវជននិងកីឡារាជធានីភ្នំពេញ មន្ទីរសុខាភិបាលនិងអង្គភាពពាក់ព័ន្ធមួយចំនួនទៀត នារសៀលថ្ងៃទី០៩ខែកញ្ញាឆ្នាំ ២០២១នេះនៅសាលារាជធានីភ្នំពេញ ។ លោកឃួង ស្រេង បានមានប្រសាសន៍លើកឡើងថា គ្រឹះស្ថានទាំងរដ្ឋនិងឯកជននឹងបើកដំណើរការឲ្យចូលរៀនចាប់ពីថ្ងៃពុធទី១៥ ខែកញ្ញាឆ្នាំ២០២១នេះតទៅ ។ ការបើកឱ្យដំណើរការនេះបាន លុះត្រាតែគ្រឹះស្ថានសិក្សាទាំងអស់ បានបំពេញលក្ខខណ្ឌតិកៈគ្រប់គ្រាន់ទាំងអនាម័យ បរិស្ថាននិងការអនុវត្តនូវវិធានរបស់ក្រសួងសុខាភិបាល សំដៅធ្វើយ៉ាងណា អាចធានាបានថា មិនមានការឆ្លងរីករាលដាលជំងឺកូវីដ-១៩។ ទន្ទឹមនឹងនេះលោកឃួង ស្រេង ក៏បានជំរុញ ឲ្យមន្ទីរសុខាភិបាលរាជធានីភ្នំពេញ ត្រូវសហការជាមួយមន្ទីរអប់រំយុវជននិងកីឡារាជធានីភ្នំពេញ ដើម្បីធ្វើតេស្តរហ័ស ទៅលើគ្រូបង្រៀន បុគ្គលិកសិក្សាទាំងអស់ដោយត្រូវចាប់ផ្ដើមអនុវត្ត ការងារនេះចាប់ពីថ្ងៃស្អែកទី ១០ខែកញ្ញានេះតទៅ។ បើអនុវត្តតាមលក្ខន្តិកៈបានល្អប្រសើរហើយនោះ គ្រឹះស្ថានសិក្សានោះនឹងដំណើរការសិក្សាឡើងវិញបាន។ លោកបញ្ជាក់ផងដែរថា ចំពោះគ្រឹះស្ថានសិក្សាឯកជនទាំងអស់ គឺត្រូវធ្វើពាក្យស្នើសុំ បើកគ្រឹះស្ថានសិក្សារបស់ខ្លួនឡើងវិញ មករដ្ឋបាលរាជធានីភ្នំពេញ […]
ភ្នំពេញ៖ ឯកឧត្តម គឹម សន្តិភាព រដ្ឋលេខាធិការ និងជាអ្នកនាំពាក្យក្រសួងយុត្តធម៌ មានប្រសាសន៍ប្រាប់វិទ្យុបាយ័នថា នៅក្នុងពិធីបុណ្យអុំទូក បណ្តែតប្រទីប និងសំពះព្រះខែ អកអំបុក និងបុណ្យឯករាជ្យជាតិ ឆ្នាំ២០២២ គឺខាងគណៈកម្មការជំនាញបានវាយតម្លៃការស្នើសុំបន្ធូរបន្ថយទោសដល់ទណ្ឌិតចំនួន ៦៨៣នាក់ និងលើកលែងទោសចំនួន ៥៧នាក់ ប៉ុន្តែសម្រាប់ការស្នើសុំលើកលែងទោសទាំង ៥៧នាក់នោះ គឺខាងក្រសួងយុត្តិធម៌ មិនផ្តល់ជូននោះទេ លើកលែងតែអ្នកទោសស្ថិតនៅក្នុងកម្រិតចុងក្រោយ ឬមានជំងឺមហារីកជាដើម។
