នាព្រឹកថ្ងៃចន្ទទី៦ ខែកញ្ញា ឆ្នាំ២០២១នេះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងជាប្រធានគណៈកម្មាការខេត្តប្រយុទ្ធនឹងជំងឺកូវីដ១៩ អញ្ជើញដឹកនាំកិច្ចប្រជុំពិនិត្យការងារជាមួយ លោកអភិបាលរងខេត្ត ប្រធានមន្ទីរសុខាភិបាលខេត្ត ប្រធានមន្ទីរសេដ្ឋកិច្ច និងហិរញ្ញវត្ថុ មន្ទីរពេទ្យខេត្ត ក្រុង/ស្រុកទាំង៩ ការិយាល័យក្រុង/ស្រុកប្រតិបត្តិ និងមន្ត្រីពាក់ព័ន្ធ ដើម្បីជម្រុញកិច្ចការងារចំពោះមុខមួយចំនួន ក្នុងកាលៈទេសៈនៃការប្រយុទ្ធនឹងជំងឺកូវីដ១៩៖ ១.ពិនិត្យ និងពង្រឹងកិច្ចការគ្រប់គ្រងបងប្អូនពលករតាមព្រំដែនចូលមកតាមច្រកនីមួយៗ ។ ២.ពិនិត្យ និងពង្រឹងយន្តការគ្រប់គ្រងបងប្អូនពលករតាមមណ្ឌលធ្វើចត្តាឡីស័កតាមបណ្តាក្រុង/ស្រុកឲ្យបានហ្មត់ចត់។ ៣.ពង្រឹការចាត់ចែងចំពោះការព្យាបាលអ្នកជំងឺកូវីដ១៩ នៅតាមមណ្ឌលព្យបាលទាំងអស់ និងការដាក់អោយព្យាបាលតាមសហគមន៍តាមផ្ទះ។ ៤.ពិនិត្យ ពិភាក្សា និងពង្រឹងការផ្តល់សេវាសុខាភិបាលនៅតាមមន្ទីរពេទ្យបង្អែករដ្ឋ និងមណ្ឌលសុខភាពទាំងអស់ ដើម្បីជម្រុញការផ្តល់សេវាជូនប្រជាពលរដ្ឋឲ្យកាន់តែល្អប្រសើរថែមទៀត ។ ថ្លែងក្នុងកិច្ចប្រជុំ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានជម្រាបជូនថ្នាក់ដឹកនាំ មន្ត្រីសុខាភិបាលតាមមន្ទីរពេទ្យ ការិយាល័យស្រុកប្រតិបត្តិ សូមពង្រឹងកិច្ចការជាចម្បងគឺការងារប្រយុទ្ធនឹងជំងឺកូវីដ១៩ និងមេរោគបំលែងថ្មី delta ដែលកំពុងរីករាលក្នុងសហគមន៍យើង ពិសេសក្នុងខេត្តយើងតែម្តង ត្រូបសហការគ្នាជាមួយអាជ្ញាធរដែនដីគ្រប់ថ្នាក់ កងកម្លាំងប្រដាប់អាវុធ មន្ត្រីពាក់ព័ន្ធ ដើម្បីប្រយុទ្ធទប់ស្កាត់ការចម្លងគ្រប់មូលដ្ឋានទាំងអស់ ដោយការទទួលខុសត្រូវ និងគោរពតាមវិធានការសុខាភិបាល ។ ក្រៅពីការប្រយុទ្ធនឹងជំងឺកូវីដ១៩ ឯកឧត្តមអភិបាលខេត្តក៏បានក្រើនរំលឹកដល់ថ្នាក់ដឹកនាំមន្ទីរសុខាភិបាល […]
(ខេត្តក្រចេះ)៖ ឯកឧត្តមបណ្ឌិត សុខ ចាន់ភក្ដី ប្រធានក្រុមការងារគណបក្សប្រជាជនកម្ពុជាស្រុកចិត្របុរី បានជួបសំណេះសំណាល សមាជិក សមាជិកានៃអង្គបោះឆ្នោតព្រឹទ្ធសភាអាណត្តិទី ៥ មកពី ១០ឃុំ នៅស្នាក់ការគណបក្សប្រជាជនកម្ពុជាស្រុកចិត្របុរី ខេត្តក្រចេះ នាព្រឹកថ្ងៃអាទិត្យ ២កើត ខែមាឃ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី១១ ខែកុម្ភៈ ឆ្នាំ២០២៤។ ថ្លែងក្នុងឱកាសនោះ ឯកឧត្តមបណ្ឌិតក៏បានផ្តាំផ្ញើសាកសួរសុខទុក្ខពីសម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានឧត្តមទីប្រឹក្សាផ្ទាល់ព្រះមហាក្សត្រ សម្តេចពញាចក្រី ហេង សំរិន ប្រធានកិត្តិយសគណបក្ស និងសម្តេចមហាបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្ត្រីនៃកម្ពុជា សម្តេចអនុប្រធានគណបក្ស ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន សូមកោតសសើរវាយតម្លៃខ្ពស់ចំពោះសមាជិកនៃក្រុមប្រឹក្សាឃុំ-សង្កាត់ក្នុងតំណែង នៅទូទាំងស្រុកចិត្របុរី ក៏ដូចជា ខេត្តក្រចេះ ដែលបានយកអស់កម្លាំងកាយកម្លាំងចិត្តក្នុងការបំពេញភារកិច្ចបម្រើប្រជាជន។ ឯកឧត្តមបណ្ឌិត បានអំពាវនាវដល់ក្រុមការងារគណបក្សចុះមូលដ្ឋាន សមាជិកក្រុមប្រឹក្សាឃុំ សង្កាត់ ជាអង្គបោះឆ្នោត សមាជិក […]
ក្នុងឱកាសទិវាជាតិសង្គមកិច្ចលើកទី១ និងទិវាសង្គមកិច្ចពិភពលោកលើកទី១៨ នៅថ្ងៃទី១៩ ខែមីនា ឆ្នាំ២០២៥ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា មានប្រសាសន៍បញ្ជាក់ថា រាជរដ្ឋាភិបាលសម្រេចយកថ្ងៃទី១៩ ខែមីនារាល់ឆ្នាំជា«ទិវាជាតិសង្គមកិច្ច» ដើម្បីអបអរសាទរ និងរំលឹកនូវស្នាដៃ សមិទ្ធផល និងជាការលើកទឹកចិត្តដល់កម្លាំងសេវាសង្គមនៅកម្ពុជា។ តាមរយៈសារលិខិត ក្នុងឱកាសទិវាជាតិសង្គមកិច្ចលើកទី១ និងទិវាសង្គមកិច្ចពិភពលោកលើកទី១៨ ថ្ងៃទី១៩ ខែមីនា ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បាន បានសូមសម្តែងនូវអំណរសាទរយ៉ាងក្រៃលែង និងគាំទ្រយ៉ាងពេញទំហឹងចំពោះការរៀបចំទិវាដ៏មានអត្ថន័យ និងសារៈសំខាន់នេះ។ សម្ដេចមានប្រសាសន៍ថា ការសម្រេចយកទិវាសង្គមកិច្ចពិភពលោកនេះឱ្យក្លាយជាទិវាជាតិ ដែលត្រូវប្រារព្ធរៀងរាល់ឆ្នាំ នៅថ្ងៃទី១៩ ខែមីនា គឺជាការបង្ហាញអំពីការយកចិត្តទុកដាក់ និងការប្តេជ្ញាចិត្តដ៏មោះមុតរបស់រាជរដ្ឋាភិបាល ក្នុងការចូលរួមជាមួយនឹងពិភពលោក ដើម្បីរួមចំណែកធ្វើឱ្យសេវាសង្គមកាន់តែល្អប្រសើរឡើង ឆ្លើយតបទៅនឹងតម្រូវការជាក់ស្តែងរបស់ជនរងគ្រោះ និងជនងាយរងគ្រោះ សំដៅការពារយុត្តិធម៌សង្គម ការអភិវឌ្ឍសង្គម ដោយផ្អែកលើសិទ្ធិមនុស្ស។ សម្ដេចធិបតីបញ្ជាក់ថា ទិវាជាតិសង្គមកិច្ច លើកទី១ និងទិវាសង្គមកិច្ចពិភពលោក លើកទី១៨ ត្រូវបានរៀបចំឡើងក្រោម ប្រធានបទ «ពង្រឹងសាមគ្គីភាពអន្តរជំនាន់ដើម្បីធានាបានសុខុមាលភាពយូរអង្វែង» […]
