ជីវិតនិងសង្គម

ពូជនេះត្រូវបានអ្នកជំនាញនៅវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា (CARDI) នៃក្រសួងកសិកម្ម អភិវឌ្ឍឡើងនៅក្នុងឆ្នាំ២០១៣ តាមរយៈការបង្កាត់ពូជស្រូវរំដួល ជាប្រភេទកណ្តាលដែលប្រកាន់រដូវ ជាមួយនឹងស្រឡាយស្រូវCNI 9024 ជាស្រឡាយស្រូវស្រាល និងមិនប្រកាន់រដូវ។ តាមផែនការ វិទ្យាស្ថាន CARDI គ្រោងប្រមូលផលពូជស្រូវ “ចំប៉ីស៧០” ឱ្យបាន ៦០០តោន ក្នុងឆ្នាំ២០២៤ ដើម្បីចែកបន្តនៅតាមមន្ទីរកសិកម្ម និងសហគមន៍កសិករនៅទូទាំងប្រទេស រួមទាំងក្រុមហ៊ុនឯកជនមួយចំនួន។   សមិទ្ធផលនេះ គឺជាផ្នែកមួយដ៏សំខាន់នៃក្របខណ្ឌការគិតគូររយៈពេល ៥ឆ្នាំដំបូង ក្នុងយុទ្ធសាស្ត្របញ្ចកោណ ដំណាក់កាលទី១ នៃរាជរដ្ឋាភិបាល នីតិកាលទី៧ ដោយការលើកស្ទួយកសិកម្ម និងការអភិវឌ្ឍជនបទ គឺជាកិច្ចការអាទិភាពទី៣ នៅក្នុងបញ្ចកោណទី៤។

និងជាអគ្គនាយក នៃអគ្គនាយកដ្ឋានស្រាវជ្រាវចារកិច្ច នៃក្រសួងការពារជាតិ រួមទាំងប្រតិភូ នៅព្រឹកថ្ងៃទី១៦ វិចិ្ឆកានេះ បានអញ្ជើញចុះសួរសុខទុក្ខ និងផ្តល់អាវរងារ អាវភ្លៀង ជូនដល់នាយទាហាន ពលទាហាន ដែលជាអំណោយដ៌ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រិទ្ធបណ្ឌិត នៅទីបញ្ជាការសមរភូមិមុខយោធភូមិទី៤ ទិសទី៣ ស្ថិតក្នុងចំណុចភូមិភ្នៀតសង្កាត់សំរោង ក្រុងសំរោង ខេត្តឧត្តរមានជ័យ។

ក្រសួងការងារ និងបណ្តុះបណ្តាលវិជ្ជាជីវៈ បានកំណត់វិស័យ និងមុខជំនាញសម្រាប់ជំហានដំបូងចំនួន ៣៨មុខជំនាញ នៅក្នុងវិស័យអាទិភាពចំនួន ១០ សម្រាប់ការរៀនមិនគិតថ្លៃ ក្នុង«កម្មវិធីបណ្តុះបណ្តាល ជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ» ដោយវិស័យអាទិភាព ទាំង១០នោះ គឺត្រូវបានកំណត់តាមរយៈការសិក្សាលើស្ថានភាពសេដ្ឋកិច្ច តាមវិស័យនិងអនុវិស័យ, ការសិក្សាទីផ្សារការងារផ្អែកលើចំនួនរោងចក្រ សហគ្រាស និងកម្មករនិយោជិត, និងគោលនយោបាយអាទិភាព ឬយុទ្ធសាស្ត្រនយោបាយនានា ។   ឯកឧត្តម ហេង សួរ នៅក្នុងពិធីប្រកាសដាក់ឱ្យអនុវត្តជាផ្លូវការ «របបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តសម្រាប់បុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស.» និង «កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ» ក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅសណ្ឋាគារសុខាភ្នំពេញ និងរ៉េស៊ីដង់។

  សិស្សានុសិស្សចាប់ពីថ្នាក់ទី២ ដល់ថ្នាក់ទី៥ កំពុងសិក្សាក្នុងសាលាបឋមសិក្សាព្រះនរោត្តម ស្ថិតក្នុងរាជធានីភ្នំពេញ ចាប់ផ្ដើមរៀនសរសេរកូដតាមកុំព្យូទ័រ ក្រោមការរៀបចំរបស់ក្រសួងអប់រំ យុវជន និងកីឡា សហការជាមួយអង្គការ JICA នៃប្រទេសជប៉ុន និងកម្មវិធី Think Think ។   លោក ស៊ុណុសិ កិអ៊ុកុមារា អ្នកស្ម័គ្រចិត្តជួយបង្រៀនសរសេរកូដដល់កុមារកម្ពុជា បានលើកឡើងថា ទោះបីជាសិស្សទាំងអស់នេះមានអាយុតិចមែន ប៉ុន្តែពួកគេអាចរៀនសរសេរកូដបានក្នុងកម្រិតដំបូង ដែលការបង្រៀនគឺឥតគិតថ្លៃ ខណៈគម្រោងនេះមិនមែនជួយបង្រៀនតែក្នុងសាលាព្រះនរោត្តមមួយនោះទេ គឺចង់បង្រៀននៅគ្រប់សាលាទូទាំងប្រទេសកម្ពុជា រួមទាំង នឹងនាំសិស្សនិស្សិត ឬអ្នកស្ម័គ្រចិត្តជនជាតិជប៉ុន ដែលមានជំនាញលើផ្នែកឌីជីថល មកជួយបង្រៀនបន្ថែមផងដែរ។   លោកបានបន្ថែមថា ក្រៅពីបង្រៀនសិស្សតូចៗ លោកនឹងហ្វឹកហាត់បង្រៀនទៅដល់លោកគ្រូ អ្នកគ្រូ ដើម្បីឲ្យពួកគេអាចយកចំណេះដឹងផ្នែកឌីជីថលនេះ ទៅបង្រៀនបន្តដល់កូនសិស្ស នៅពេលដែលលោកត្រូវត្រឡប់ទៅប្រទេសជប៉ុនវិញ។  

ប្រជាពលរដ្ឋ ៨គ្រួសារ ដែលរងគ្រោះដោយសារអគ្គិភ័យឆាបឆេះផ្ទះ ស្ថិតក្នុងសង្កាត់ ស្ទឹងមានជ័យទី១ ខណ្ឌ មានជ័យ ទទួលបានអំណោយពី អនុសាខាកាកបាទក្រហមខណ្ឌមានជ័យ ។   លោកស្រី ហួត ឃីម អភិបាលរងខណ្ឌនិង ជាប្រធានអនុសាខាកាកបាទក្រហមខណ្ឌមានជ័យ បានពាំនាំនូវការសាកសួរសុខទុក្ខសម្ដេចអគ្គមហាសេនាបតីតេជោ ហ៊ុន សែន សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា សម្តេចបវរធិបតី និងពីសំណាក់ ឯកឧត្តម ឃួង ស្រេង ប្រធានសាខាកាកបាទក្រហមរាជធានីភ្នំពេញ ជូនចំពោះបងប្អូនប្រជាពលរដ្ឋ ដែលកំពុងទទួលរងគ្រោះដោយសារអគ្គីភ័យឆាប់ឆេះ ផ្ទះសំបែងនាពេលនេះ ដោយមិនមានការប្រកាន់នូវពណ៌សម្បុរ ពូជសាសន៍ ឬនិន្នាការនយោបាយអ្វីឡើយ ទីណាមានទុកលំបាក ទីនោះតែងតែមានកាកបាតក្រហមចុះជួយជានិច្ច។

ភ្នំពេញ៖ក្រសួងការងារនិងបណ្ដុះបណ្ដាលវិជ្ជាជីវៈបានឱ្យដឹងថា បណ្តាក្រុមហ៊ុននានាបានទទួលពាក្យសុំស្វែងរកការងារធ្វើពីបេក្ខជនជាង ពីរម៉ឺនាក់ក្នុងចំណោមអ្នកចូលរួមជាងបីម៉ឺននាក់ក្នុងពិព័រណ៍ការងារ និង ផលិតភាពជាតិឆ្នាំ ២០២៣ ដែលបានប្រព្រឹត្តិទៅកាលពីថ្ងៃ ១០-១១ ខែ វិច្ឆិកា ឆ្នាំ២០២៣កន្លងទៅនៅអគារពាណិជ្ជកម្ម និងពិព័រណ៍កោះពេជ្រ រាជធានីភ្នំពេញ ។   ក្រសួងការងារបានបញ្ជាក់ថា ក្នុងនោះមានបេក្ខជនជាប់ការងារបឋមចំនួន ៦៣៧ នាក់។ ជាមួយគ្នានេះសម្រាប់អ្នកចូលរួមទស្សនាតាមគេហទំព័រ Career Fair សរុបជាងពីរម៉ឺននាក់ផងដែរ។   គួររំលឹកថា ថ្លែងក្នុងឱកាសបើកដំណើរការពិព័រណ៍ការងារ និង ផលិតភាពជាតិឆ្នាំ២០២៣ កាលពីថ្ងៃទី ១០ ខែវិច្ឆិកាឯកឧត្តម ហេង សួរ រដ្ឋមន្រ្តីក្រសួងការងារ និង បណ្តុះបណ្តាលវិជ្ជាជីវៈបានគូសរំលេចថា ពិព័រណ៍សម្រាប់ឆ្នាំ២០២៣ មានក្រសួង-ស្ថាប័ន ក្រុមហ៊ុន សហគ្រាស គ្រឹះស្ថានអប់រំបណ្តុះបណ្តាល ដៃគូអភិវឌ្ឍន៍ និងអង្គការជាតិ-អន្តរជាតិចំនួន ១៥០ ដែលស្មើនឹង ១៨៨បញ្ជរដែលនាំមកនូវឱកាសការងារថ្មីៗ។  

បណ្ឌិតសភាបច្ចេកវិទ្យាឌីជីថលកម្ពុជាប្រកាសប្រឡងជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជំនាញឯកទេសនានាចំនួន១៥០កន្លែងក្នុងឆ្នាំសិក្សា២០២៣-២០២៤។ អាហារូបករណ៍ផ្ដល់ជូនក្រោមកម្មវិធីអាហារូបករណ៍ទេពកោសល្យឌីជីថលតេជោ “Techo Digital Talent Scholarship”។   ជំនាញដែលអាហារូបករណ៍ផ្ដល់ជូនរួមមាន បរិញ្ញាបត្រជំនាញទូរគមនាគមន៍ និងបណ្ដាញ ឯកទេសសន្តិសុខសាយប័រ ចំនួន៣០កន្លែង និងឯកទេសវិស្វកម្មទូរគមនាគមន៍ និងបណ្ដាញ ចំនួន៣៥កន្លែង។   ដើម្បីធ្វើការចុះឈ្មោះបេក្ខជនអាចធ្វើការចុះឈ្មោះបានតាមរយៈ https://cadt.edu.kh/techo ពីថ្ងៃដំណឹងនេះរហូតដល់ថ្ងៃទី០៥ ខែមករា ឆ្នាំ២០២៤។ បេក្ខជន-បេក្ខនារីដែលបានចុះឈ្មោះប្រឡងតាម Online រួចហើយត្រូវទៅទទួលសាលាកបត្រសុំសិទ្ធប្រឡងនៅអគារបណ្ឌិត្យសភាបច្ចេកវិទ្យាឌីជីថលកម្ពុជា ។   សម្រាប់ព័ត៌មានបន្ថែមអាចទំនាក់ទំនងទៅកាន់លេខទូរស័ព្ទ ០១៥ ៣៣៥ ៨៧៧ ឬ ០៧៧ ៣៣៥ ៨៧៧ ឬអាចទៅកាន់គ្រឹះស្ថានសិក្សាផ្ទាល់ដែលមានអាសយដ្ឋាន ស្ពានលេខ២ ផ្លូវជាតិលេខ៦A សង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ៕  

ខណៈដែលប្អូនៗយុវសិស្សទើបប្រឡងបញ្ចប់ថ្នាក់ទី១២រួច កំពុងត្រៀមខ្លួន និងកំពុងធ្វើការសម្រេចចិត្តថា តើនឹងចាប់យកជំនាញអ្វីសម្រាប់អនាគតទីផ្សារការងាររបស់ខ្លួននោះ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានលើកទឹកចិត្តក្នុងការបន្តការសិក្សានៅកម្រិតបណ្តុះបណ្តាលបច្ចេកទេស វិជ្ជាជីវៈ ដោយថា វាជាស្ពានមួយលឿន ខ្លី ហើយអាចឈានទៅរកការងារនៅទីផ្សារការងារបានលឿន។   លើកឡើងនៅក្នុងពិធីបើកពិព័រណ៌ការងារ និងផលិតភាពជាតិ កាលពីពេលថ្មីៗនេះ ឯកឧត្តម ហេង សួរ មានប្រសាសន៍ថា ការលើកទឹកចិត្តឱ្យយុវជនយើងចាប់យកជំនាញ TVET នេះ មិនមែនមានន័យថា មុខជំនាញនៅក្នុងឧត្តមសិក្សាជាជំនាញមិនមានតម្រូវការនោះទេ គ្រាន់តែជាការសម្រេចចិត្តរបស់យុវជន ដោយអាស្រ័យទៅលើស្ថានភាពគ្រួសារនីមួយៗ អាស្រ័យទៅលើសេចក្តីប្រាថ្នា ហើយនិងស្ថានភាពជាក់ស្តែងនៃការសម្រេចចិត្ត ។  

ដោយក្តីមេត្តាករុណាប្រកបដោយធម៌សប្បុរសដ៏ខ្ពស់ខ្ពស់ពីសំណាក់ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត, លោកទាំងទ្វេ បានចាត់ឱ្យក្រុមគ្រូពេទ្យ នៃសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) និងមន្ទីរពេទ្យមិត្តភាពកម្ពុជា-ចិន ព្រះកុសុមៈ ធ្វើការវះកាត់ដោយការចោះមានស្នាមរបួសតូច (វិធីសាស្រ្តទំនើប) ប្រកបដោយជោគជ័យ ហើយត្រូវបានអនុញ្ញាតឱ្យចាកចេញពីមន្ទីរពេទ្យជាមួយសុខភាពល្អប្រសើរទ្បើងវិញ ។   ទាំងអ្នកជំងឺ និងក្រុមគ្រួសារមានសេចក្តីត្រេកអរជាពន់ពេក  ព្រមទាំងបានថ្លែងអំណរគុណជាអនេកចំពោះទឹកចិត្តសន្តោសប្រោសដ៏ថ្លៃថ្លាបំផុតរបស់ សម្ដេចធិបតី និងលោកជំទាវបណ្ឌិត  ទាំងលើការជួយសង្គ្រោះ និងការឧបត្ថម្ភទំនុកបម្រុងរាល់ចំណាយលើការព្យាបាល ។ សូមអរគុណគ្រូពេទ្យTYDA  

រដ្ឋបាលរាជធានីភ្នំពេញ កាលពីថ្ងៃទី៣១ ខែតុលា ឆ្នាំ២០២៣ បានចេញសេចក្ដីណែនាំ ស្តីពីការមិនប្រមូល ចំណូល ភាស៊ី និងការបង់ថ្លៃផ្សេងៗ ចំពោះការលក់ដូរតាមកញ្ច្រែង កញ្ជើ ល្អី និងការលក់ដូរចល័តគ្រប់ប្រភេទនៅរាជធានីភ្នំពេញ។   ឯកឧត្តម ឃួង ស្រេង អភិបាលរាជធានីភ្នំពេញ បានលើកឡើង ក្នុងសេចក្ដីណែនាំនេះថា កន្លងមក ដោយទទួលបានការយកចិត្ត ទុកដាក់ខ្ពស់ជាប្រចាំ ដល់ជីវភាពរស់នៅរបស់ប្រជាពលរដ្ឋ រាជរដ្ឋាភិបាលអាណត្តិទី៦ ក្រោមការដឹកនាំប្រកបដោយភាពឈ្លាសវៃ និងគតិបណ្ឌិតខ្ពស់របស់ សម្តេចអគ្គមហាសេនាបតីតេជោ ហ៊ុន សែន បានដាក់ចេញសារាចរលេខ ១១ សរ ចុះថ្ងៃទី០៩ ខែធ្នូ ឆ្នាំ២០១៦ ដោយសម្រេច លុបការបង់ភាស៊ី និងការបង់ថ្លៃផ្សេងៗ ទៀត ចំពោះប្រជាពលរដ្ឋលក់ដូរតាមកញ្ច្រែង កញ្ជើ ល្អី នៅទីកន្លែង លក់ដូរ និងទីផ្សារទូទាំងប្រទេស។ ជាមួយគ្នានេះ កាលពីថ្ងៃទី០៣ ខែតុលា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋ មន្ត្រី […]

លោកជំទាវ គឹម សេដ្ឋានី រដ្ឋលេខាធិការ នៃក្រសួងអប់រំ យុវជន និងកីឡាបានមានប្រសាសន៍ថា គ្រឹះស្ថានអប់រំឯកជននៅតែរួមចំណែកដ៏សំខាន់ ក្នុងការអភិវឌ្ឍន៍ធនធានមនុស្ស នៅកម្ពុជា ។ ក្នុងន័យនេះ លោកជំទាវបានជំរុញដល់គ្រឹះស្ថានអប់រំឯកជន ចូលរួមជំរុញប្រសិទ្ធិភាពនៃយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល អាណត្តិទី៧ ដែលចាត់ទុកការអភិវឌ្ឍមូលធនមនុស្ស ជាអាទិភាពចម្បង ។ លោកជំទាវ បានមានប្រសាសន៍បែបនេះ អំឡុងពិធីចែកវិញ្ញាបនបត្រ បណ្ណសរសើរ អាហារូបករណ៍ដ ល់សិស្សានុសិស្ស នៃសាលាអន្តរជាតិអាស៊ាន និងសាលារៀនខេមវីសឌឹម សម្រាប់ឆ្នាំសិក្សា២០២២-២០២៣ កាលពីរសៀលថ្ងៃទី១២ ខែវិច្ឆិកា ឆ្នាំ២០២៣។ លោកជំទាវ គឹម សេដ្ឋានី បានថ្លែងនូវការកោតសរសើរដល់សាលាអន្តរជាតិអាស៊ាន ដែលត្រូវបានចាត់ទុកជាទីកន្លែងផ្តល់ការសិក្សា ប្រកបដោយគុណភាព ឧត្តមភាព និងគុណធម៌ ទើបសម្រេចបានជោគជ័យជាបន្តបន្ទាប់ រហូតមកដល់ពេលនេះ ។  

ភ្នំពេញ៖នាយកប្រតិបត្តិអង្គការមរតកវប្បធម៌ខ្មែរបានលើកឡើងថា កម្មវិធីអប់រំបេតិកភណ្ឌកុមារក្នុងតំបន់អង្គរក្រោមកិច្ចសហការជាមួយអាជ្ញាធរជាតិអប្សរា និងអង្គការមរតកវប្បធម៌ខ្មែរ បានចាប់ផ្តើមធ្វើឡើងតាំងពីឆ្នាំ ២០១៨ សម្រាប់សិស្សថ្នាក់វិទ្យាល័យ បឋមសិក្សា និងសិស្សនៃវិទ្យាល័យនៅក្នុងតំបន់អង្គរ។   លោក អ៊ុន មណីនីតា នាយកប្រតិបត្តិអង្គការមរតកវប្បធម៌ខ្មែរនៅថ្ងៃទី១៣ ខែវិច្ឆិកាបានពណ៌នាទាក់ទងនឹងសកម្មភាពខាងលើថា កម្មវិធីអប់រំបេតិកភណ្ឌកុមារក្នុងតំបន់អង្គរនេះ សម្រាប់ជាមូលដ្ឋានគ្រឹះសិក្សា នៅក្នុងថ្នាក់រៀន និងទស្សនាភស្តុតាងជាក់ស្តែងនៅតាមប្រាសាទ ដោយក្នុងនោះមានការសិក្សាស្រាវជ្រាវ និងកន្លែងធ្វើកំណាយនៅតាមតំបន់អង្គរ រួមជាមួយនឹងវត្ថុបុរាណដែលត្រូវបានយកមកដាក់នៅក្នុងសារមន្ទីរ។   សាលារៀនដែលត្រូវបានជ្រើសរើសសម្រាប់កម្មវិធីអប់រំបេតិកភណ្ឌកុមារនេះ ត្រូវទស្សនាដោយផ្ទាល់នៅតាមប្រាសាទ យ៉ាងហោចណាស់ពីរដង ក្នុងមួយឆ្នាំ និងសារមន្ទីរមួយដង សម្រាប់សាលារៀនមួយ។

សម្តេចតេជោ ហ៊ុន សែន អញ្ជើញដង្ហែព្រះមហាក្សត្រ យាងក្នុងព្រះរាជពិធីពន្លត់ទៀនជ័យ នៃទិវាបុណ្យឯករាជ្យជាតិ ៩វិច្ឆិកា នៅរសៀល ថ្ងៃសៅរ៍ ១៣រោច ខែអស្សុជ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី១១ ខែវិច្ឆិកា ឆ្នាំ២០២៣ សម្តេចអគ្គ មហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ ព្រះមហាក្សត្រ បានអញ្ជើញដង្ហែព្រះករុណាព្រះបាទសម្តេច ព្រះប រមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សេ្តចយាងជាព្រះរាជាធិបតីភាព ដ៏ខ្ពង់ខ្ពស់បំផុត ក្នុងព្រះរាជពិធីពន្លត់ ទៀនជ័យ នៃទិវាបុណ្យឯករាជ្យជាតិ៩ វិច្ឆិកា ខួបលើកទី៧០ (៩ វិច្ឆិកា ១៩៥៣-៩ វិច្ឆិកា ២០២៣) ដែលកម្ពុជាទទួលបានឯករាជ្យពី អាណានិគមនិយមបារាំង ស្របជាមួយនឹងខួបលើកទី៧០ឆ្នាំ នៃការ បង្កើតកងយោធពលខេមរភូមិន្ទផងដែរ។ ពិធីពន្លត់ទៀនជ័យក្រោម ព្រះរាជាធិបតីភាពដ៏ខ្ពង់ខ្ពស់បំផុតរបស់ព្រះករុណាព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ […]

(បន្ទាយមានជ័យ) ការលេងកីឡាគឺដើម្បីសុខភាព មិត្តភាព និងសាមគ្គីភាព និងជៀសផុតពីរឿងអបាយមុខផ្សេងៗនេះជាប្រសាសន៍លើកឡើងរបស់ឯកឧត្តម ខាន់ ខុន អនុរដ្ឋលេខាធិការក្រសួងធម្មការ និងសាសនា និងជាស្ថាបនិកក្រុងជំនុំបេសកកម្មដំណឹងល្អ ក្នុងពិធីបើកវគ្គពានរង្វាន់សន្តិភាព រដូវកាលទី៣ ដោយមានការចូលរួមពីលោក ស្រេង សុផល អភិបាលក្រុងសិរីសោភ័ណ លោក ហុង ពិសិទ្ធ តំណាងឲ្យប្រធានសហព័ន្ធសហភាពយុវជនកម្ពុជាខេត្តបន្ទាយមានជ័យ ពិធីប្រកួតនេះធ្វើនៅតារាងបាល់ទាត់ក្លឹប Eco Sport ស្ថិតនៅក្នុងសង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ថ្ងៃទី១១ ខែវិច្ឆិកា ឆ្នាំ២០២៣។   លោក អៀង ប្រុស គ្រូគង្វាលនៅក្រុមជំនុំបេសកកម្មដំណឹងល្អ និងជាប្រធានគណៈកម្មការរៀបចំការប្រកួតពានរង្វាន់សន្តិភាព ខេត្តបន្ទាយមានជ័យ បានឡើងមានមតិស្វាគមន៍ឲ្យដឹងថា៖ព្រឹត្តិការណ៍នៃការប្រកួតបាល់ទាត់នេះគឺជាឆ្នាំទី៣ ហើយដែលលោកបានរៀបចំការប្រកួតពានរង្វាន់បាល់ទាត់សន្តិភាពខេត្តបន្ទាយមានជ័យ។ ជាពិសេសក្នុងគោលបំណង៖ ពោល(សម្រាប់អរគុណសន្តិភាព ដោយប្រើពាក្យ១ឃ្លា កីឡារស់ក្រោមម្លប់សន្តិភាព)ដោយសារសន្តិភាពទើបយើងអាចលេងកីឡានិងព្រោះរៀនដោយគ្មានការភ័យខ្លាច។   លោក បានបញ្ជាក់ថា៖ សម្រាប់ការប្រកួតពានរង្វាន់សន្តិភាពរដូវកាលទី៣ នេះទទួលការចូលរួមពីក្រុមចំនួន៣ អ៊ុយគឺមហាជនស្រីអ៊ុយ១៦ និងអុ៊យ១៣ ដែលមកពីបណ្ដាស្រុក ក្រុង មួយចំនួនក្នុងខេត្តបន្ទាយមានជ័យ។   ថ្លែនៅក្នុងឱកាសនោះឯកឧត្តម ខាន់ […]

ដោយក្តីមេត្តាករុណាប្រកបដោយធម៌សប្បុរសដ៏ខ្ពង់ខ្ពស់បំផុតពីសំណាក់ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត, លោកទាំងទ្វេ បានចាត់ក្រុមគ្រូពេទ្យស្ម័គ្រចិត្តយុវជនសម្តេចតេជោ (TYDA) ប្រចាំមន្ទីរពេទ្យព្រះអង្គឌួង ធ្វើការពិនិត្យ និងវះកាត់ជូនអ្នកមីងដោយជោគជ័យ។ អ្នកមីងមានអារម្មណ៍រំភើបរីករាយឥតឧបមា និងគោរពថ្លែងអំណរគុណសម្តេចធិបតី និងលោកជំទាវបណ្ឌិតជាអនេក ដោយបច្ចុប្បន្នគ្រូពេទ្យបានអនុញ្ញាតឱ្យអ្នកមីងត្រឡប់ទៅផ្ទះវិញ។ រាល់ការចំណាយទាំងការព្យាបាល និងការស្នាក់នៅ ព្រមទាំងការចំណាយលើថ្លៃអាហារ គឺត្រូវបានកឧបត្ថម្ភទំនុកបម្រុងដោយ សម្តេចមហាបវរធិបតី ហ៊ុន ម៉ាណែត និងលោកជំទាវ ពេជ ចន្ទមុន្នី ហ៊ុនម៉ាណែត៕ សូមអរគុណគ្រូពេទ្យTYDA

ថ្លែងក្នុងឱកាសបើកពិធីប្រណាំងអុំទូកប្រពៃណីខ្នាតអន្តរជាតិ នៅដងព្រែក ក្រុង កំពត ខេត្ត កំពត នារសៀល ថ្ងៃទី១០ ខែ វិច្ឆកា ឆ្នាំ២០២៣ ឯកឧត្តម ម៉ៅ ធនិន អភិបាលនៃគណៈអភិបាល ខេត្ត កំពត បានថ្លែង លើកឡើងថា ថ្ងៃនេះខេត្ត កំពត របស់យើងពិតជាមានក្តីសោមនស្សរីករាយណាស់ ដែលយើងបានរៀបចំឡើងនៃពិធីប្រណាំងទូក ដើម្បីអបអរសាទរ បុណ្យអុំទូក អកអំបុក ប្រណ្តែតប្រទីប និងសំពះព្រះខែ ដែលជាបុណ្យប្រពៃណីជាតិមានតាំងពីបុរមបុរាណកាលមកជាមរតកប្រពៃណីទំនៀមទម្លាប់តាំងពីដូនតារបស់យើង ។   ឯកឧត្តម អភិបាលខេត្ត បានលើកឡើងទៀតថា ការប្រណាំងនូវក្នុងឆ្នាំ២០២៣នេះ នឹងមានភាពអធិកអធមជាងឆ្នាំមុន ព្រោះកីឡាករអុំទូកយើងក្នុងឆ្នាំនេះ កាន់តែមានបទពិសោធន៍ និងបច្ចេកទេសល្អជាងឆ្នាំមុនផងដែរ ។ ពិសេស គឺ ដោយសារតែកីឡាកររបស់យើងទាំងអស់គ្នា មានសាមគ្គីភាព និងភារភាពរវាងកីឡាករក្នុងខេត្ត និងមកពីបណ្តាខេត្តផ្សេងៗមកចូលរួម ញាំឲ្យការប្រកួតប្រជែងកាន់តែខ្ពស់និងមានភាពអធិកអធមខ្លាំង ។

ឯកឧត្តមឧបនាយករដ្ឋមន្ត្រី បានលើកឡើងអំពីគោលការណ៍គ្រឹះនៃលទ្ធិប្រជាធិបតេយ្យ និងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល ដឹកនាំដោយសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដោយដាក់ចេញនូវចំណុចអាទិភាពចំនួន ៦ ក្នុងនោះមានការធ្វើកំណែទម្រង់មុខងារសាធារណៈដែលផ្ដោតសំខាន់លើការពង្រឹងគុណភាពមនុស្ស គុណភាពស្ថាប័ន និងការបន្តបណ្ដុះបណ្ដាល។   ការរៀបចំវគ្គបណ្ដុះបណ្ដាលនាពេលនេះគឺសមស្របតាមពេលវេលា និងឆ្លើយតបទៅនឹងគោលនយោបាយរបស់រាជរដ្ឋាភិបាលក្នុងអាណត្តិទី៧ នេះ។   ពិធីបើកវគ្គបណ្ដុះបណ្ដាលស្ដីពីគោលការណ៍ច្បាប់ និងនីតិវិធីនានាពាក់ព័ន្ធនឹងវិស័យរៀបចំដែនដី នគរូបនីយកម្មនិងសំណង់ ជូនមេធាវី និស្សិត ជំនួយការ និងអ្នកហាត់ការចំនួន ៣០៣នាក់។   ១១ វិច្ឆិកា ២០២៣

ភ្នំពេញៈ នាយឧត្តមសេនីយ៍ កែវ វណ្ណថន អគ្គនាយករង និងជាអ្នកនាំពាក្យអគ្គនាយកដ្ឋានអន្តោប្រវេសន បានឲ្យដឹងថា នៅរសៀលថ្ងៃទី០៨ ខែវិច្ឆិកា ឆ្នាំ២០២៣ អគ្គនាយកដ្ឋានអន្តោប្រវេសន៍ បានសហការជាមួយអគ្គស្នងការដ្ឋាននគរបាលជាតិ ធ្វើការបណ្តេញ ជនជាតិជប៉ុនសរុប២៥នាក់ ភេទប្រុស ពាក់ព័ន្ធបទល្មើសឆបោកតាមប្រព័ន្ធអនឡាញ(Online Scam) ចេញពីព្រះរាជាណាចក្រកម្ពុជា ស្របតាមច្បាប់ស្តីពីអន្តោប្រវេសន៍ និងប្រកាសរបស់ក្រសួងមហាផ្ទៃ។   នាយឧត្តមសេនីយ៍ កែវ វណ្ណថន បញ្ជាក់ថា ជនជាតិជប៉ុនទាំង២៥នាក់ ត្រូវបានឃាត់ខ្លួនដោយអគ្គស្នងការដ្ឋាននគរបាលជាតិកាលពីថ្ងៃទី១១ ខែកញ្ញា ឆ្នាំ២០២៣ នៅអគារលេខ៦៩ (D.B.Ly Tower) ផ្លូវលេខ១៥C សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។   ជាមួយគ្នានេះ អគ្គនាយកដ្ឋានអន្តោប្រវេសន៍ សូមថ្លែងអំណរគុណចំពោះស្ថានទូតជប៉ុនដែលបានផ្តល់ព័ត៌មានទាន់ពេលវេលា ឈានដល់ការបង្ក្រាបឃាត់ខ្លួនជនសង្ស័យដោយជោគជ័យ និងសូមអំពាវនាវបណ្តាស្ថានទូតបរទេស និងជនបរទេស បន្តផ្តល់ព័ត៌មានដល់សមត្ថកិច្ច ប្រសិនបើមានព័ត៌មានពាក់ព័ន្ធបទល្មើសនានា ដើម្បីមានវិធានការទាន់ពេលវេលា។   នាយឧត្តមសេនីយ៍ កែវ វណ្ណថន បានបន្តទៀតថា កន្លងមក ប្រទេសកម្ពុជាបានក្លាយជាប្រទេសរងគ្រោះ ដោយសារជនបរទេសតែងតែយកកម្ពុជា ជាទីតាំងប្រព្រឹត្តបទល្មើសដោយលួចលាក់ […]

ភ្នំពេញ៖នៅថ្ងៃទី១១ ខែវិច្ឆិកា ខាងមុខនេះ ក្រសួងការងារនិងបណ្តុះបណ្តាលវិជ្ជា នឹងចុះអនុស្សរណៈយោគយល់ (MoU) ជាមួយតំណាងវិស័យឯកជនចំនួន ១៨ សមាគម ដើម្បីផ្ដល់ឱកាសហាត់ការ និងកម្មសិក្សាដល់សិស្ស ដែលនឹងចូលរៀនវគ្គបណ្តុះបណ្តាលនៅពេលខាងមុខ។   ឯកឧត្តម ហេង សួរ រដ្ឋមន្រ្តីក្រសួងការងារនិងបណ្ដុះបណ្ដាលវិជ្ជាជីវៈបានមានប្រសាសន៍កាលពីថ្ងៃទី៧ ខែវិច្ឆិកានៅខេត្តព្រះសីហនុថា ក្រសួងបានរៀបចំ និងធ្វើបច្ចុប្បន្នភាពកញ្ចប់សិក្សាផ្អែកលើសមត្ថភាពសម្រាប់មុខជំនាញទាំង ៣៨ ដែលមានម៉ូឌុល និងមេរៀនដែលផ្តោតខ្ពស់លើការធ្វើការងារតែម្ដង ក្នុងនោះមានម៉ូឌុល ជំនាញទន់ ដែលនឹងធ្វើឱ្យសិស្សសិក្ខាកាមចេះធ្វើការងារជាក្រុមស្រឡាញ់ការងារ និងអាជីពរបស់ខ្លួន។

ក្រសួងយុត្តិធម៌ តាមរយៈគណៈកម្មការថ្នាក់ជាតិ ពិនិត្យ និងវាយតម្លៃ បញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោស សម្រេចបន្ធូរបន្ថយទោសដល់ទណ្ឌិតចំនួន ៦០% នៃចំនួនការដាក់ស្នើសុំសរុបជាង៩០០ នាក់ និងលើកលែងទោសដល់ទណ្ឌិត ១នាក់ដែលមានជំងឺមហារីកក្នុងករណីមនុស្សធម៌។   ការសម្រេចរបស់គណៈកម្មការថ្នាក់ជាតិនេះ ធ្វើឡើងតាមរយៈកិច្ចប្រជុំរយៈពេល ២ថ្ងៃ ពីថ្ងៃទី៧ ដល់ថ្ងៃទី៨ ខែវិច្ឆិកា ឆ្នាំ២០២៣ ដែលដឹកនាំដោយលោក កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានគណៈកម្មការ ដើម្បីពិនិត្យឈ្មោះទណ្ឌិត ដែលបានស្នើសុំបន្ធូរបន្ថយទោស និងលើកលែងទោសសម្រាប់ឱកាសពិធីបុណ្យឯករាជ្យជាតិ (០៩ វិច្ឆិកា) និងពិធីបុណ្យអុំទូក បណ្តែតប្រទីប និងសំពះព្រះខែ អកអំបុក (២៦-២៧-២៨ វិច្ឆិកា) ឆ្នាំ២០២៣។ នេះបើយោងតាមខ្លឹមសារប្រកាសរបស់ក្រសួងយុត្តិធម៌។

នារសៀលថ្ងៃទី៨ ខែវិច្ឆិកា ឆ្នាំ២០២៣ នៅវិមានសន្តិភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម នាយឧត្តមសេនីយ៍ លី ឈីវមីង (Li Qiaoming) មេបញ្ជាការកងទ័ពជើងគោក នៃកងទ័ពរំដោះប្រជាជនចិន ចូលជួបសម្តែងការគួរសម និងពិភាក្សាការងារ ក្នុងឱកាសដែល ឯកឧត្តម នាយឧត្តមសេនីយ៍ កំពុងដឹកនាំគណៈប្រតិភូបំពេញទស្សនកិច្ចផ្លូវការ នៅព្រះរាជាណាចក្រកម្ពុជា ។   ឯកឧត្តម នាយឧត្តមសេនីយ៍ បានថ្លែងអំណរគុណ សម្តេចធិបតី ដែលបានចំណាយពេលវេលាដ៏មមាញឹកអនុញ្ញាតឱ្យរូបឯកឧត្តម និងសហការី ចូលជួបសម្តែងការគួរសម និងពិភាក្សាការងារ នាឱកាសនេះ និងបានចូលរួមអបអរសាទរក្នុងឱកាសដែលព្រះរាជាណាចក្រកម្ពុជា កំពុងប្រារព្ធខួបអនុស្សាវរីយ៍លើកទី៧០ ទិវាបុណ្យឯករាជ្យជាតិ ៩ វិច្ឆិកា និងទិវាកំណើតកងយោធពលខេមរភូមិន្ទ ។   ក្នុងកិច្ចពិភាក្សានេះ ឯកឧត្តម នាយឧត្តមសេនីយ៍ លី ឈីវមីង បានគូសបញ្ជាក់អំពីចំណងមិត្តភាពដែកថែបកម្ពុជា-ចិន ដែលជាទំនាក់ទំនងបែបប្រវត្តិសាស្ត្រ ហើយថ្នាក់ដឹកនាំនៃប្រទេសទាំងពីរតែងបានខិតខំពូនជ្រំជាប់ជាប្រចាំ រហូតមានការអភិវឌ្ឍរីកចម្រើនគួរជាទីមោទនៈ ដូចដែលឆ្លុះបញ្ចាំងតាមរយៈសមិទ្ធផលជាច្រើន ដូចជា៖ […]

ក្រោយដំណើរការសំណេរអស់រយៈពេលពីរថ្ងៃ នៅរសៀលនេះ ក្រសួងអប់រំ យុវជន និងកីឡា បានប្រកាសថា ដំណាក់កាលសំណេរ នៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ០៦ វិច្ឆិកា ២០២៣ បានប្រព្រឹត្តទៅដោយគោរពតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន និងស្របតាមគោលការណ៍ «អ្នកចេះ គឺជាប់»។   បើតាមក្រសួងអប់រំ ក្នុងការប្រឡងរយៈពេល២ថ្ងៃនេះ បេក្ខជនដែលអវត្តមានសរុបចំនួន ២.៣២៨នាក់ ស្រី៩៣៤នាក់ ស្មើនឹង១,៦៩ភាគរយ នៃបេក្ខជនចុះឈ្មោះសរុប (ក្នុងនោះបេក្ខជនស្វៃរិនអវត្តមានចំនួន ១.៨១៤នាក់ ស្រី៧៤៩នាក់)។   ដោយឡែកបេក្ខជនដែលមានបញ្ហាសុខភាព៨៥ករណី ក្នុងនោះបេក្ខជនមានបញ្ហាសុខភាពនិងមិនអាចបន្តការប្រឡងបានចំនួន៥ករណី ក្រៅពីនេះបេក្ខជនដែលមានបញ្ហាសុខភាពទាំងអស់បានបន្តការប្រឡងជាធម្មតាបន្ទាប់ពីអាការៈបានធូរស្រាល និងក្រោមការយកចិត្តទុក ដាក់មើលថែពីក្រុមគ្រូពេទ្យ ។

ក្នុងសុន្ទរកថាបិទបញ្ចប់វគ្គ វិក្រឹតការគ្រូបច្ចេកទេស ស្តីពី «វិធីសាស្ត្របង្រៀន និងការប្រើប្រាស់ម៉ូឌុលតាមជំនាញ» ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានជំរុញឱ្យគ្រូឧទ្ទេស ចូលរួមអនុវត្តន៍អនុសាសន៍របស់ម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ឱ្យបានជោគជ័យលើការបណ្តុះបណ្តាលជំនាញបច្ចេកទេសដល់សិក្ខាកាមក្រោមពាក្យស្លោក “រៀនឱ្យចប់ រៀនឱ្យចេះ និងមានការងារធ្វើ”។   ឯកឧត្តម ហេង សួរ មានប្រសាសន៍ថា ការបណ្តុះបណ្តាលនេះជោគជ័យបានតាមការណែនាំរបស់ប្រមុខរាជរដ្ឋាភិបាល គឺអាស្រ័យទាំងស្រុងទៅលើគ្រូឧទ្ទេសទាំងអស់ដែលត្រូវបំពញភារកិច្ចរបស់ខ្លួនតាមអ្វីដែលក្រសួង និងសាលាបានដាក់ជូនដោយក្នុងនោះគ្រូឧទ្ទេស ចាំបាច់ត្រូវពង្រឹងសមត្ថភាពរបស់ខ្លួនជាប្រចាំ ដើម្បីធានាពីប្រសិទ្ធភាពនៃការផ្ទេរចំណេះដឹង ក្នុងរយៈពេលដ៏ខ្លីនេះដែលទាមទារឱ្យមានមេរៀនប្រកបដោយភាពទាក់ទាញ ងាយស្រួលយល់ ឆាប់ចេះ និងមានការចុះអនុវត្តផ្ទាល់ក្នុងរោងជាង។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញថ្លែងសារគន្លឹះសំខាន់ៗក្នុងពិធីសំណេះសំណាលជាមួយកម្មករ-និយោជិត ក្នុងតំបន់សេដ្ឋកិច្ចពិសេស ខេមបូឌា ចេជាង ហ្គ័រជី អេសអ៊ីហ្សេត ស្រុកព្រៃនប់ ខេត្តព្រះសីហនុ នាព្រឹកថ្ងៃអង្គារ ទី៧ វិច្ឆិកា ២០២៣៖   សម្តេចធិបតីនាយករដ្ឋមន្ត្រី បាននាំនូវការផ្តាំផ្ញើការសាកសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ជូនចំពោះកម្មករ- និយោជិតទាំងអស់ ប្រកបដោយមនោសញ្ចេតនានឹករលឹកជាទីបំផុត ។ ជាមួយគ្នានេះ សម្តេចធិបតី បានថ្លែងអំណរគុណដល់កម្មករ-និយោជិតទាំងអស់ ដែលបានផ្តល់ឱកាសដល់គណបក្សប្រជាជនកម្ពុជា បន្តដឹកនាំ និងបម្រើប្រជាពលរដ្ឋបន្តទៀត ។ យោងតាមលទ្ធផលនៃការបោះឆ្នោត គឺប្រជាពលរដ្ឋ ៨៦.៥០% ក្នុងខេត្តព្រះសីហនុ បានចេញទៅបោះឆ្នោត ហើយ ៨៦.១៥% បានបោះឆ្នោតជូនគណបក្សប្រជាជនកម្ពុជា ដែលនេះ ពិតជាបានបញ្ជាក់អំពីជំនឿជឿជាក់ ភាពរីករាយ និងភាពកក់ក្តៅចំពោះគោលនយោបាយដ៏ជាក់លាក់របស់ សម្តេចតេជោ ហើយដែលត្រូវបានបន្តអនុវត្តដោយរាជរដ្ឋាភិបាលបច្ចុប្បន្ន និងទៅអនាគត ។   ផែនការទៅអនាគត គឺជាកិច្ចការសំខាន់ […]

ខេត្តព្រះសីហនុ ប្រៀបដូចជាគ្រាប់ពេជ្រ ដែលត្រូវការកែច្នៃ ។ ដើម្បីមានឱកាសកែច្នៃគ្រាប់ពេជ្រឱ្យបានជាប្រយោជន៍ ត្រូវការចាំបាច់នូវសុខសន្តិភាព និងស្ថេរភាពនយោបាយ ។ នេះជាប្រសាសន៍របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងពិធីសំណេះសំណាលជាមួយបងប្អូនកម្មករនិយោជិតជាង ១ម៉ឺន៥ពាន់នាក់ នៅតំបន់សេដ្ឋកិច្ចពិសេស ខេមបូឌា ចេជាង ហ្គ័រជី ខេត្ដព្រះសីហនុ នាព្រឹកថ្ងៃទី៧ ខែវិច្ជិកា ឆ្នាំ២០២៣ ។   សម្តេចធិបតី ហ៊ុន ម៉ាណែត បានបញ្ជាក់ថា ខេត្តព្រះសីហនុ ជាសក្ដានុពលពោលសេដ្ឋកិច្ចទី២ ជាតំបន់ទេសចរណ៍ទំនើប។ សម្តេចធិបតី បានបន្តថា ខេត្តព្រះសីហនុ ល្អណាស់ ប្រៀបបានដូចជាគ្រាប់ពេជ្រ ដែលត្រូវការកែច្នៃ។ ដើម្បីមានឱកាសកែច្នៃគ្រាប់ពេជ្រឱ្យបានជាប្រយោជន៍ ត្រូវការចាំបាច់ នូវសុខសន្តិភាព និងស្ថេរភាពនយោបាយ។

អ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយក ក្រុមហ៊ុន ខ្មែរ ប៊ែវើរីជីស កាលពីព្រឹកថ្ងៃទី០៦ ខែវិច្ឆិកាម្សិលមិញនេះ បានយកឧទ្ធម្ភាគចក្រផ្ទាល់ខ្លួន ជូនដំណើរកំពូលកីឡាករលំដាប់កំពូលភូមា ដាវ លីឌុច ទៅទស្សនាខេត្តសៀមរាប ដើម្បីមើលឃើញផ្ទាល់ភ្នែក ពីមរតកចម្លាក់ក្បាច់គុនបុរាណរបស់បុព្វបុរសខ្មែរ នាសម័យមហានគរ នៅតាមជញ្ជាំងប្រាសាទអង្គរវត្ត។   កីឡាកររូបនេះ ដើរទស្សនាដោយមិនពាក់ស្បែកជើងឡើយ ដោយបង្ហាញពីការគោរពប្រាសាទបុរាណខ្មែរ ហើយទទួលបានការកោតសរសើរយ៉ាងខ្លាំង ពីប្រជាពលរដ្ឋខ្មែរ។   គំនិតផ្ដួចផ្ដើមរៀបចំបដិសណ្ឋារកិច្ចដ៏សែនកក់ក្ដៅ និងដំបូងគេនៅកម្ពុជា ជូនដល់កីឡាករប្រដាល់ ដាវ លីឌុច ទៅកាន់ទឹកដីប្រវត្តិសាស្ត្រវប្បធម៌ខ្មែរ នាខេត្តសៀមរាប ពីសំណាក់ អ្នកឧកញ៉ា លាង ម៉េង រៀបចំឡើង បន្ទាប់ពីស្ដេចប្រដាល់ភូមា បានបញ្ចប់ការប្រកួតជាមួយអ្នកប្រដាល់ ព្រំ សំណាង កាលពីរាត្រីថ្ងៃទី០៥ ខែ វិច្ឆិកា។

មូលនិធិជនពិការ បានប្រកាសឱ្យដឹងថា មជ្ឈមណ្ឌលវះកាត់កុមារ នឹងផ្ដល់ការព្យាបាល និងវះកាត់ដោយឥតគិតថ្លៃដល់អ្នកជំងឺក្រីក្រដែលមានបញ្ហាឆ្អឹងមុខមាត់ក្នុងខែវិច្ឆិកានេះ ខណៈដែលអង្គការស្នាមញញឹមកម្ពុជា ក៏បានប្រកាសផ្ដល់ការវះកាត់ឥតគិតថ្លៃផងដែរ។   សេចក្ដីប្រកាសរបស់មូលនិធិជនពិការ នៅថ្ងៃទី៦ ខែវិច្ឆិកា បានឱ្យដឹងថា ផ្នែកវះកាត់ឆ្អឹងនៃមជ្ឈមណ្ឌលវះកាត់កុមារ (CSC) ដែលអ្នកជំងឺតែងហៅថា «ពេទ្យកៀនឃ្លាំង» មានក្រុមគ្រូពេទ្យជំនាញមកពីប្រទេសបារាំង នឹងផ្តល់ការពិនិត្យព្យាបាល និងវះកាត់ជូនអ្នកជំងឺក្រីក្រដែលមានបញ្ហាផ្នែកឆ្អឹងមុខមាត់ ដូចជា ខូចទ្រង់ទ្រាយពីកំណើត ដុំសាច់ដុះ ឬដំបៅរ៉ាំរ៉ៃដោយសារជំងឺផ្សេងៗដោយឥតគិតថ្លៃ។ មូលនិធិជនពិការ បានលើកឡើងថា ការពិនិត្យព្យាបាល និងវះកាត់ជូនអ្នកជំងឺដែលក្រីក្រនេះ នឹងត្រូវចាប់ផ្ដើមពីថ្ងៃទី៦ ដល់ថ្ងៃទី១៧ ខែវិច្ឆិកា ឆ្នាំ២០២៣ នៅមជ្ឈមណ្ឌលវះកាត់កុមារ (CSC) ស្ថិតនៅផ្លូវជាតិលេខ៦អា ភូមិកៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

ស្រ្តីវ័យចំណាស់ជាងគេដែលជាបេក្ខជន ប្រឡងសញ្ញាបត្រមធ្យមសិក្សាទុតិយភូមិ (បាក់ឌុប)សម័យប្រឡង ០៦ វិច្ឆិកា ២០២៣គេឃើញបានចូលមកប្រឡងជាថ្មីម្តងទៀត។   ក្នុងទំព័រហ្វេសប៊ុកផ្លូវការរបស់ក្រសួងអប់រំយុវជន និងកីឡាបានឱ្យដឹងថា៖អ្នកស្រីហែម ស៊ីណាត អាយុ ៥៨ឆ្នាំដែលមានវ័យចំណាស់ជាងគេត្រូវបានបង្ហាញការលើកទឹកចិត្ត និង ថាអ្នកស្រី កំពុងប្រឡងនៅមណ្ឌល អនុវិទ្យាល័យទឹកថ្លា ខេត្តបន្ទាយមានជ័យ ។   គួរបញ្ជាក់ថាអ្នកស្រី ហែម ស៊ីណាត គឺជា អ្នកគ្រូអក្ខរកម្ម សព្វថ្ងៃរស់ នៅភូមិថ្មរមៀល ឃុំបន្ទាយឆ្មារ ស្រុកថ្មពួកខេត្តបន្ទាយមានជ័យ ដែលជាបេក្ខនារីវ័យចំណាស់ជាងគេ នៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ថ្ងៃទី៥ ខែធ្នូ ឆ្នាំ២០២២ កន្លងមក នាមណ្ឌលសាកលវិទ្យាល័យជាតិមានជ័យ ក្រុងសិរីសោភ័ណ ខេត្តបន្ទាយមានជ័យ។

ស្ថានប័នជំនាញដែលកំពុងធ្វើការផ្នែកវិស័យស្បៀងអាហារនៅកម្ពុជា បានជំរុញឱ្យគ្រប់ភាគីពាក់ព័ន្ធទាំងអស់រួមគ្នា ពង្រឹងប្រព័ន្ធស្បៀងឱ្យរឹងមាំ ដើម្បីផ្តល់នូវសន្តិសុខស្បៀង និងអាហារូបត្ថម្ភសម្រាប់មនុស្សគ្រប់រូប ព្រមទាំងឈានទៅមានភាពធន់នឹងការប្រែប្រួលអាកាសធាតុសម្រាប់មនុស្សលើភពផែនដី។ ការជំរុញនេះ ត្រូវបានធ្វើឡើងតាមរយៈទិវាជាតិអាហារូបត្ថម្ភ លើកទី ១០ ដែលធ្វើឡើងក្រោមប្រធានបទ «ការពង្រឹងប្រព័ន្ធស្បៀងក្នុងបរិបទនៃការប្រែប្រួលអាកាសធាតុ» នាថ្ងៃទី៦ ខែវិច្ឆិកា ឆ្នាំ២០២៣ ។   ថ្លែងក្នុងឱកាសនោះ លោក អ៊ុក រ៉ាប៊ុន ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ បានឱ្យដឹងថា តាមការព្យាករណ៍ នៅក្នុងរយៈពេល២៥ឆ្នាំខាងមុខនេះ ប្រទេសកម្ពុជាអាចប្រឈមនឹងការលំបាកកាន់តែខ្លាំងឡើងទាក់ទងនឹងបញ្ហាប្រែប្រួលអាកាសធាតុ បញ្ហាបរិស្ថាន និងប្រព័ន្ធស្បៀង។   លោកបានបន្តថា ក្នុងរយៈពេលនោះ ប្រព័ន្ធស្បៀង ចាំបាច់ត្រូវធ្វើបរិវត្តឱ្យកាន់តែមានភាពធន់ ឆ្លាតវៃជាមួយនឹងការប្រែប្រួលអាកាសធាតុ បរិយាប័ន ផ្តល់នូវរបបអាហារសុខភាព។

ខ្ញុំបាទឈ្មោះ យ៉ាត វ៉ាន់ដេត និងភរិយា ជាជនរងគ្រោះរឿងដីធ្លី នៅ ភូមិទួលប្រសើរ ឃុំបាក់អន្លង់ ស្រុកត្រពាំងប្រាសាទ ខេត្តឧត្តរមានជ័យ មានការតូចចិត្តយ៉ាងខ្លាំងចំពោះការសម្រេចសាលក្រម របស់ប្រធានសាលាដំបូងខេត្តឧត្តរមានជ័យលោក អ៊ុំ ចាន់ថុល បានសម្រេចកាត់ក្តីយ៉ាងអយុត្តិធម៌បំផុតចំពោះរូបខ្ញុំបាទនិងភរិយា។ អាស្រ័យដូចនេះ សូមស្នើរអោយសម្ដេចមហាបរវរធិបតី ហ៊ុន ម៉ាណែត ព្រមទាំងឯកឧត្តមរដ្ឋមន្ត្រីក្រសួងយុត្តិធម៌មេត្តាជួយរកយុត្តិធម៌ឲ្យប្អូនផង មានតែសម្ដេចបង និងឧត្តមទេ ដែលអាចជួយប្អូនបាន បុគ្គល វ៉ាលីហៀប ខាងលើនេះ បានទិញដីប្អូន តម្លៃ 11,2500 ដុល្លារ ដោយអោយត្រឹមតែលុយកក់ចំនួន 37.000 ដុល្លារតែប៉ុណ្ណោះ បន្ទាប់មកក៏ប្ដឹងទៅតុលាការទាមទារយកដីប្អូនទាំងអស់ ហើយតុលាការខេត្តឧត្តរមានជ័យ ដែលមានលោក អ៊ុំ ចាន់ថុល ជាប្រធានបានសម្រេចកាត់ដីប្អូន 45ហិចតា ព្រមទាំងអោយប្អូនសងសំណង 40 លានរៀលបន្ថែមទៀត ទៅឱ្យបុគ្គលឈ្មោះ វ៉ា លីហៀប ។ រឿងនេះអយុត្តិធម៌ខ្លាំងណាស់សម្រាប់ប្អូននិងក្រុមគ្រួសារ លុយកក់ត្រឹមតែ 37.000$តែប៉ុណ្ណោះ បែរជាប្រធានសាលាដំបូងខេត្តឧត្តរមានជ័យលោក អ៊ុំចាន់ថុល កាត់ដីប្អូនតម្លៃ 112,500$ អោយទៅភាគីអ្នកទិញឈ្មោះ […]