ព័ត៌មានអន្តរជាតិ

ក្រុមហ៊ុន United Airlines បានប្រកាសនៅថ្ងៃទី៣ ខែតុលាថា ខ្លួនបានបញ្ជាទិញយន្តហោះថ្មីសរុបចំនួន ១១០គ្រឿងពីក្រុមហ៊ុន Boeing និង Airbus បូករួមទាំងជម្រើសបញ្ជាទិញ ៩០គ្រឿងបន្ថែមទៀត នៅក្នុងកិច្ចព្រមព្រៀងដ៏សំខាន់មួយ ដើម្បីបង្ហាញពីទំនុកចិត្តទៅលើវិស័យអាកាសចរណ៍។ ក្រុមហ៊ុនអាកាសចរណ៍អាមេរិក United Airlines បានបញ្ជាក់នៅក្នុងសេចក្តីថ្លែងការណ៍មួយថា ខ្លួនបានបញ្ជាទិញយន្តហោះប៊ូអ៊ីងធុន 787-9 ចំនួន ៥០គ្រឿង និងយន្តហោះអ៊ែរប៊ស់ធុន A321neo ចំនួន ៦០គ្រឿងគ្រឿង ដែលសរុបទាំងអស់មានចំនួន ១១០គ្រឿង ដោយការចែកចាយនឹងចាប់ផ្តើមនៅឆ្នាំ ២០២៨ខាងមុខ។ ការបញ្ជាទិញរួមគ្នាដ៏ធំនេះ មានតម្លៃរហូតដល់ ២២.៤ពាន់លានដុល្លារ នេះបើយោងតាមតារាងតម្លៃដែលបង្ហាញជាសាធារណៈក្នុងពេលថ្មីៗរបស់ក្រុមហ៊ុនពីរ។

ក្រុមហ៊ុន Alphabet Inc ដែលជាមេធំរបស់ Google នឹងចាប់ផ្តើមផលិតកុំព្យូទ័រយួរដៃម៉ាក Chromebook របស់ខ្លួននៅក្នុងប្រទេសឥណ្ឌា នាំឱ្យក្រុមហ៊ុននេះស្ថិតក្នុងចំណោមក្រុមហ៊ុនបច្ចេកវិទ្យាពិភពលោក ដែលពង្រីកសង្វាក់ផលិតកម្មនៅក្នុងប្រទេសមានទីផ្សាររីកចម្រើនខ្លាំងមួយនេះ។ នាយកប្រតិបត្តិក្រុមហ៊ុន Alphabet លោក Sundar Pichai នៅថ្ងៃទី២ ខែតុលានេះ បានបញ្ជាក់នៅលើបណ្តាញសង្គម X ថា Google បាននឹងកំពុងចាប់ដៃគូជាមួយក្រុមហ៊ុន HP Inc ក្នុងការផលិតកុំព្យូទ័រយួរដៃម៉ាក Chromebooks នៅក្នុងប្រទេសអាស៊ីខាងត្បូងមួយនេះ។ ផែនការនេះ នឹងជួយ Google ឱ្យបង្កើនការផ្គត់ផ្គង់នៅក្នុងប្រទេសឥណ្ឌា ក៏ដូចជាបង្កើនការប្រកួតប្រជែងកាន់តែមានប្រសិទ្ធភាពជាមួយប្រភេទកុំព្យូទ័រប្រើប្រាស់ Windows របស់ក្រុមហ៊ុនផ្សេងទៀត មានដូចជា Dell Technologies Inc. និង Asustek Computer Inc.។ ម្យ៉ាងវិញទៀត គម្រោងនេះ ក៏ជាជោគជ័យមួយផ្សេងទៀតសម្រាប់ផែនការលើកទឹកចិត្តរបស់លោកនាយករដ្ឋមន្ត្រី ណារិនដ្រា ម៉ូឌី ក្នុងការជំរុញឱ្យក្រុមហ៊ុនបច្ចេកវិទ្យាយក្សធ្វើឱ្យប្រទេសឥណ្ឌាក្លាយជាមូលដ្ឋានផលិតកម្មរបស់ពួកគេ។

សម្តេចតេជោ៖ នៅក្នុងសភាពការណ៍ដែលសេដ្ឋកិច្ចពិភពលោកកំពុងប្រឈមជាមួយនឹងការធ្លាក់ចុះ។ ការដំឡើងបានបៀវត្សជូន កម្មករ-កម្មការិនី គឺជារឿងល្អ តែអ្វីដែលសំខាន់ជាងទៀត នៅក្នុងពេលវេលាដ៏លំបាកនេះ គឺត្រូវខិតខំរក្សាការងារធ្វើផង និងបង្កើតការងារថ្មីផង។ ខ្ញុំសូមអបអរសាទរជាមួយរាជរដ្ឋាភិបាល កម្មករ-កម្មការិនី ក៏ដូចជាស្ថាប័នពាក់ព័ន្ធ ដែលរក្សាបាននូវចំណុចសំខាន់៣គឺ៖ ទី១.ដំឡើងបានបៀវត្សទោះច្រើនក្តីតិចក្តី ទី២. រក្សាបានការងារធ្វើ ទី៣. បង្កើតបានការងារថ្មី។ បៀវត្សឡើងបានតិចប្រសើរជាងបាត់បង់ការងារធ្វើ ដែលនឹងបាត់បង់ប្រាក់ចំណូលទាំងស្រុង។

នាយករដ្ឋមន្ត្រីថៃ លោក សេដ្ឋា ថាវីស៊ីន នៅថ្ងៃទី២ ខែតុលានេះ បាននិយាយថា រដ្ឋាភិបាលរបស់លោកនឹងចាក់បញ្ចូលថវិកាប្រមាណ ៥៦០ពាន់លានបាត ឬប្រហែល ១៥.២៣ពាន់លានដុល្លារទៅក្នុងសេដ្ឋកិច្ចនៅឆ្នាំក្រោយ តាមរយៈគោលនយោបាយកាបូបឌីជីថល។ ផែនការចាក់បញ្ចូលថវិកាប្រមាណ ១៥.២៣ពាន់ដុល្លារទៅក្នុងសេដ្ឋកិច្ចនៅឆ្នាំក្រោយ គឺជាគោលនយោបាយរបស់គណបក្សភឿថៃរបស់លោកនាយករដ្ឋមន្រ្តី សេដ្ឋា ថាវីស៊ីន ដោយប្រជាពលរដ្ឋម្នាក់ៗដែលមានអាយុលើសពី ១៦ឆ្នាំ នឹងទទួលបានប្រាក់ឧបត្ថម្ភចំនួន ១០,០០០បាតក្នុងទម្រង់ជាលុយឌីជីថលសម្រាប់ប្រើប្រាស់ក្នុងសហគមន៍មូលដ្ឋានរបស់ពួកគេ។ នៅក្នុងសុន្ទរកថាផ្សាយផ្ទាល់ទៅកាន់មន្ត្រីរដ្ឋាភិបាល នាយករដ្ឋមន្ត្រីថៃ លោក សេដ្ឋា ថាវីស៊ីន បានគូសបញ្ជាក់ថា លោកកំពុងស្វែងរកការទាក់ទាញវិនិយោគិន នៅក្នុងផ្នែកថាមពលបៃតង និងចេញប័ណ្ណបំណុលនិរន្តរភាពចំនួន ៣០ពាន់លានបាត។  

សហគមន៍ទេសចណ៍ និងអាជ្ញាធរមូលដ្ឋាន អំពាវនាវដល់បងប្អូនប្រជាពលរដ្ឋទៅលេងកំសាន្តក្នុងឱកាសបុណ្យដាក់បិណ្ឌនិងភ្ជុំបិណ្ឌ ខណៈរម្មណីយដ្ឋានទឹកធ្លាក់ធម្មជាតិស្រែអំពិល ទំនើបទាន់សម័យ។ រមណីយដ្ឋានទេសចរណ៍ទឹកធ្លាក់ធម្មជាតិស្រែអំពិល បានអភិវឌ្ឍន៍រយៈពេលជាង៦ឆ្នាំបានប្រែក្លាយពីតំបន់គ្មានការទៅលេងកម្សាន្តរហូតដល់ក្លាយជារមណីយដ្ឋានដ៏ទាក់ទាញនិងទំនើប ព្រោះសមិទ្ធិផលជាច្រើនត្រូវបាន កសាងដោយក្រសួងបរិស្ថាន អាជ្ញាធរខេត្តកំពង់ឆ្នាំង អាជ្ញាធរមូលដ្ឋាន និងសហគមន៍ជាមួយនឹងការរីកចម្រើនឥឈប់។ អាជ្ញាធរឃុំក្តុលសែនជ័យ បានអំពាវនាវដល់បងប្អូនប្រជាពលរដ្ឋ អញ្ជើញទៅលេងកម្សាន្ត និង ស្វែងយល់ពីបរិស្ថាននិងធម្មជាតិនៅទឹកធ្លាក់ធម្មជាតិស្រែអំពិល។ ក្រុមការងារយុវជនជាច្រើននាក់ដែលបានទៅលេងដល់ទីនោះ ទទួលបានការឧបត្ថម ពីឯកឧត្តម ស៊ុន សុវណ្ណារិទ្ឋិ អភិបាលខេត្តកំពង់ឆ្នាំង ដើម្បី ចុះសិក្សាស្វែងយល់ កាលពីថ្ងៃទី១ខែតុលា ឆ្នាំ២០២៣។

បន្ទាប់ពីអ្នកប្រើប្រាស់ជាច្រើនបង្ហោះសារត្អូញត្អែរអំពី iPhone 15 ឡើងកម្តៅខុសធម្មតាកាលពីសប្តាហ៍មុន ពេលនេះ Apple ចេញសារបញ្ជាក់ពីបញ្ហានោះហើយ ដោយលើកឡើងពីមូលហេតុសំខាន់ៗចំនួន ៣គឺ កំហុសនៅក្នុងកំណែ iOS 17 ការធ្វើបច្ចុប្បន្នភាពកម្មវិធី និង ឆ្នាំងសាកមានកម្លាំងលើសពី ២០វ៉ាត់។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី០២ ខែតុលា ឆ្នាំ២០២៣។ យោងតាមការបញ្ជាក់ពី Apple បានឱ្យដឹងថា បញ្ហាត្រកូល iPhone 15 ទាំង ៤ម៉ូដែលឡើងកម្តៅនេះ គឺបណ្តាលមកពី ផ្នែល Software ដោយពុំមានជាប់ទាក់ទងជាមួយផ្នែក Hardware នោះទេ។ ពោលគឺ បណ្តាលមកពីលក្ខខណ្ឌចំនួន ៣ដែល Apple បានលើកឡើងដែលក្នុងនោះរួមមាន មូលហេតុទី១ ការធ្វើបច្ចុប្បន្នភាពទៅកំណែចុងក្រោយ iOS 17 ដែលកំពុងប៉ះពាល់ដល់អ្នកប្រើប្រាស់មួយចំនួន ប៉ុន្តែ Apple បញ្ជាក់ថា ខ្លួននឹងបញ្ចេញការធ្វើបច្ចុប្បន្នភាពកម្មវិធីក្នុងពេលឆាប់ៗនេះ ដើម្បីដោះស្រាយបញ្ហា។

អ្នកនាំពាក្យរាជរដ្ឋាភិបាលថៃ លោក Chai Watcharong បាននិយាយថា នាយករដ្ឋមន្រ្តី ស្រេថា ថាវីស៊ីន បានសម្រេចបរិច្ចាគប្រាក់បៀវត្សរ៍ប្រចាំខែ និងប្រាក់ឧបត្ថម្ភរបស់ខ្លួន ដល់អង្គការសប្បុរសធម៌ដែលជួយជនងាយរងគ្រោះ។ អ្នកនាំពាក្យរដ្ឋាភិបាលថៃរូបនេះ បាននិយាយ នាពេលថ្មីៗនេះ ដោយបានបន្ថែមទៀតថា អង្គការសប្បុរសធម៌ដែលនឹងទទួលបានបរិច្ចាគប្រាក់បៀវត្សរ៍ទាំងនេះ នឹងត្រូវជ្រើសរើស ដោយក្រុមការងារ របស់លោកនាយករដ្ឋមន្ត្រីផ្ទាល់។ លោក Chai Watcharong បានបន្ថែមថា ការបរិច្ចាគលើកដំបូងនឹងធ្វើឡើងដល់មូលនិធិសម្រាប់កុមារ ជាអង្គការមិនរកប្រាក់ចំណេញ ដែលលើកកម្ពស់សិទ្ធិកុមារ ការអប់រំ និងសុខុមាលភាព ដោយផ្តល់ឱកាសដល់កុមារក្រីក្រ និងគ្មានផ្ទះសម្បែង ដើម្បីអភិវឌ្ឍសមត្ថភាពរាងកាយ បញ្ញា និងច្នៃប្រឌិតរបស់ពួកគេ។ ប្រភពពី The Nation

កីឡាការិនីជឺជីតស៊ូជម្រើសជាតិកម្ពុជា ខាន់ ចេសា បានចាញ់កីឡាការិនីជើងខ្លាំងអាមេរិក Danielle Kelly ដោយពិន្ទុមិនឯកច្ឆន្ទ ក្នុងការប្រកួតដណ្ដើមខ្សែក្រវាត់ពិភពលោកប្រភេទទម្ងន់ស្រាល ONE Atomweight សម្រាប់ការបង្ហាញខ្លួនលើកដំបូងលើសង្វៀន ONE Championship ក្នុងកម្មវិធី ONE Fight Night 14 នៅព្រឹកថ្ងៃទី៣០ ខែកញ្ញានេះ នៅប្រទេសសិង្ហបុរី ។ ការប្រកួតប្រភេទវិញ្ញាសា Atomweight Submission Grappling រវាងជើងខ្លាំងលំដាប់ពិភពលោកទាំងពីរ បានបញ្ចប់ការប្រកួតដ៏ស្វិតស្វាញបំផុត និងការចាប់ឃ្លាគ្នាស្ទើរពេញ ១០នាទី ។ ទាំង ចេសា និង Kelly សុទ្ធតែមានឱកាសចាប់ឃ្លេគ្នាទៅវិញទៅមក មុនសម្លេងកណ្ដឹងបញ្ចប់ការប្រកួតបន្លឺឡើង ហើយចៅក្រមទាំង ៣រូប បានសម្រេចផ្ដល់ពិន្ទុមិនឯកច្ឆន្ទ ដោយកីឡាការិនី Kelly បានយកឈ្នះកីឡាការិនីខ្មែរ-អាមេរិក ខាន់ ចេសា តែម្ដង ៕

ភ្លៀងធ្លាក់ខ្លាំងពេញមួយយប់ នៅភាគឦសាន នៃសហរដ្ឋអាមេរិកបានធ្វើឱ្យផ្នែកខ្លះ នៃទីក្រុងញូវយ៉ក ស្ថិតនៅក្រោមទឹក កាលពីថ្ងៃសុក្រ សប្តាហ៍នេះ ប៉ះពាល់ដល់ផ្លូវរថភ្លើងក្រោមដីនានា និងរំខានដល់ព្រលានយន្តហោះមួយចំនួននៅក្នុងរដ្ឋធានីហិរញ្ញវត្ថុរបស់សហរដ្ឋអាមេរិកមួយនេះផងដែរ។ អភិបាលក្រុងញូវយ៉ក លោកស្រី Kathy Hochul បានប្រកាសភាពអាសន្នជាផ្លូវការ សម្រាប់ទីកោះ Long Island នៅភាគខាងកើត និងជ្រលងទន្លេ Hudson នៅភាគខាងជើង ដោយព្រមានប្រជាជនកុំឱ្យធ្វើដំណើរលើផ្លូវដែលបានលិចទឹក។ រូបភាពពីជុំវិញទីក្រុងញូវយ៉ក បានបង្ហាញរថយន្តបានលិចទឹកពាក់កណ្តាល ហើយចរាចរណ៍បានរំខាន ដោយផ្លូវសំខាន់ៗមួយចំនួនត្រូវបានបិទទាំងស្រុង។ ប្រព័ន្ធរថភ្លើងក្រោមដីដ៏ធំរបស់ទីក្រុងញូវយ៉កក៏រងការវាយប្រហារដោយទឹកជំនន់ផងដែរ ដោយខ្សែជាច្រើនបានបិទ នៅសង្កាត់ Brooklyn ។ អង្គភាពរថភ្លើងក្រោមដីបានប្រកាសនៅលើប្រព័ន្ធផ្សព្វផ្សាយសង្គមថា «សេវារថភ្លើងក្រោមដីត្រូវបានកំណត់ឲ្យប្រើតិចតួចបំផុត ដោយសារទឹកជំនន់ខ្លាំង ហើយ សេវាកម្មត្រូវបានផ្អាកនៅស្ថានីយ៍ជាច្រើន»៕ ប្រភពពី AFP

តុលាការថៃបានកាត់ទោសមេដឹកនាំឈានមុខម្នាក់ នៃចលនាតវ៉ាគាំទ្រលទ្ធិប្រជាធិបតេយ្យដឹកនាំដោយក្រុមយុវជន ឲ្យជាប់ពន្ធនាគារ រយៈពេលបួនឆ្នាំ ពីបទប្រមាថព្រះមហាក្សត្រ។ លោក Anon Numpa ត្រូវបានកាត់ទោសនៅក្រោមច្បាប់ប្រមាថព្រះមហាក្សត្រ ដ៏តឹងរ៉ឹងរបស់ប្រទេសថៃ ជុំវិញសុន្ទរកថាដែលលោកបានធ្វើឡើង នៅទីក្រុងបាងកក ក្នុងឆ្នាំ ២០២០ អំឡុងបាតុកម្ម តាមដងផ្លូវ។ លោក Anon គឺជាអ្នកតវ៉ាម្នាក់ក្នុងចំណោមបាតុករមួយចំនួនដែលបានធ្វើការអំពាវនាវដែលមិនធ្លាប់មានពីមុនមក ឱ្យមានការកែទម្រង់របបរាជានិយម និងកែទម្រង់ច្បាប់ដែលការពារព្រះមហាក្សត្រ Maha Vajiralongkorn និង រាជវង្សានុវង្ស ពីការរិះគន់។ តុលាការព្រហ្មទណ្ឌក្រុងបាងកក បានសម្រេច កាលពីថ្ងៃអង្គារសប្តាហ៍នេះថា សុន្ទរកថារបស់លោក Anon នៅវិមានប្រជាធិបតេយ្យ គឺជាការប្រមាថព្រះមហាក្សត្រ ដោយកាត់ទោសឱ្យជាប់ពន្ធនាគាររយៈពេលបួនឆ្នាំ។ លោកក៏ត្រូវបានពិន័យជាប្រាក់ចំនួន ២ម៉ឺនបាត ឬ ៥៥០ដុល្លារ សម្រាប់ការបំពានច្បាប់គ្រាអាសន្ន ដែលចូលជាធរមាន នៅពេលនោះដែរ។ ប្រភពពី AFP

ដំណើរទស្សនកិច្ចផ្លូវការរបស់នាយករដ្ឋមន្ត្រីថៃលើកដំបូងនៅកម្ពុជានឹងពង្រឹងបន្ថែមទៀតនូវចំណងមិត្តភាពរវាងប្រទេសទាំងពីរ ភ្នំពេញៈ ដំណើរទស្សនកិច្ចផ្លូវការលើកដំបូងរបស់ ឯកឧត្ដម សេដ្ឋា ថាវីស៊ីន នាយករដ្ឋមន្ត្រី នៃព្រះរាជាណាចក្រថៃ មកកាន់កម្ពុជានឹងពង្រឹងបន្ថែមទៀតនូវចំណងមិត្តភាពជាប្រពៃណី និងលើកកម្ពស់កិច្ចសហប្រតិបត្តិការ ពហុវិស័យ រវាងប្រទេសទាំងពីរ ស្របតាមស្មារតីនៃ «ការពង្រឹងភាពជាដៃគូដើម្បីសន្តិភាពនិង វិបុលភាព» ដែលផ្តល់ផលប្រយោជន៍ទៅវិញទៅមកសម្រាប់ប្រជាជននៃប្រទេសទាំងពីរ ព្រមទាំង រួមចំណែកដល់ការលើកកម្ពស់សន្តិភាព ស្ថិរភាព និងវិបុលភាព ក្នុងសហគមន៍អាស៊ាននិងអន្តរជាតិ។

យោងតាមប្រភពពី CNBC រាយការណ៍ថា គោលនយោបាយ EV របស់ឥណ្ឌូនេស៊ីបានទាក់ទាញអ្នកវិនិយោគទូទាំងពិភពលោកមកលើប្រទេសនេះ ប៉ុន្តែអ្នកជំនាញនិយាយថា វាក៏ ជួយជំរុញការវិនិយោគលើឧស្សាហកម្មរថយន្តនៅអាស៊ីអាគ្នេយ៍ឲ្យកាន់តែទូលំទូលាយផងដែរ។ បណ្តាប្រទេសនៅអាស៊ីអាគ្នេយ៍សម្បូរទៅដោយធនាធានធម្មជាតិដូចជា ទង់ដែង នីកែល កូបាល់ និង បុកស៊ីត ដែលសុទ្ធតែជាវត្ថុធាតុដើមចាំបាច់សម្រាប់ផលិតអាគុយរថយន្តអគ្គិសនី។ លើសពីនេះ ឥណ្ឌូណេស៊ីមានទុនបម្រុង នីកែល ស្ទើរតែ ១ ភាគ ៤ នៃពិភពលោក និងជាអ្នកនាំចេញ នីកែល ដ៏ធំបំផុត ហើយប្រទេសនេះបានទាក់ទាញក្រុមហ៊ុន Tesla ក្នុងក្តីសង្ឃឹមថានឹងបង្វែរធនធានរបស់ខ្លួនឱ្យក្លាយជាមជ្ឈមណ្ឌលផ្គត់ផ្គង់ដ៏សំខាន់របស់ពិភពលោកសម្រាប់រថយន្តអគ្គិសនី។ ក្នុងប៉ុន្មានឆ្នាំចុងក្រោយថ្មីៗនេះ គោលដៅរបស់ប្រទេសនេះចង់ក្លាយជាមជ្ឈមណ្ឌលថាមពលថ្ម EV របស់ពិភពលោកបានទទួលការគាំទ្រយ៉ាងខ្លាំងពីក្រុមហ៊ុនផលិតរថយន្តនៅអាស៊ី ដូចជា Toyota និង Hyundai បាន វិនិយោគ រាប់ ពាន់ លាន ដុល្លារ ដើម្បី ពង្រីក កន្លែង ផលិត រថយន្ត EV នៅ ឥណ្ឌូនេស៊ី។

ភាគហ៊ុនរបស់ផលិតកម្ម YG Entertainment បានធ្លាក់ចុះជាង១៣ភាគរយ កាលពីថ្ងៃព្រហស្បតិ៍សប្តាហ៍នេះ បន្ទាប់ពីប្រព័ន្ធផ្សព្វផ្សាយមួយបានរាយការណ៍ថា សមាជិកមួយចំនួននៃក្រុមចម្រៀងនារី K-pop Blackpink មិនបន្តកុងត្រារបស់ពួកគេ ជាមួយផលិតកម្មនោះទេ។ នេះបើតាមការចេញផ្សាយ ដោយសារព័ត៌មាន Straits times នៅថ្ងៃទី២២ ខែកញ្ញា ឆ្នាំ២០២៣។ សមាជិកក្រុម Blackpink មួយចំនួនបានសម្រេចចិត្តចាកចេញពីផលិតកម្ម YG Entertainment។ នេះបើយោងតាមកាសែត The Daily Sports Seoul ដោយដកស្រង់សំដីពីបុគ្គលមិនស្គាល់អត្តសញ្ញាណ។ យោងតាមប្រព័ន្ធផ្សព្វផ្សាយកូរ៉េខាងត្បូង Rose មានអាយុ ២៦ឆ្នាំ គឺជាសមាជិកតែមួយគត់នៃក្រុម ដែលបានបន្តកិច្ចសន្យារបស់នាងជាមួយទីភ្នាក់ងារនេះ។ YG បានបញ្ជាក់ នៅក្នុងសេចក្តីថ្លែងការណ៍មួយថា ការពិភាក្សាដើម្បីបន្តកិច្ចសន្យារបស់សមាជិកគឺនៅតែបន្ត ហើយគ្មានអ្វីត្រូវបានបញ្ជាក់ខុសពីនេះឡើយ។

តម្លៃប្រេងបានកើនឡើងកាលពីថ្ងៃចន្ទ ដោយសារតែវិនិយោគិនផ្តោតលើការរឹតបន្តឹងការផ្គត់ផ្គង់ឡើងវិញ បន្ទាប់ពីទីក្រុងម៉ូស្គូបានហាមឃាត់បណ្តោះអាសន្នលើការនាំចេញប្រេងឥន្ធនៈ។ តម្លៃប្រេងឆៅ Brent បានកើនឡើង ៣២ សេន ឬ០,៣% ដែលកើនតម្លៃដល់ទៅ ៩៣.៥៩ ដុល្លារក្នុងមួយបារ៉ែល។ ចំណែកប្រេងឆៅរបស់អាមេរិក West Texas Intermediate ក៏មានការកើនឡើង ដោយតម្លៃជួញដូរស្ថិត ក្នុងរង្វង់ ៩០.២៧ ដុល្លារក្នុងមួយបារ៉ែល កើនឡើង ២៤ សេន ឬ ០,២%។ លោក Tony Sycamore ជាអ្នកវិភាគ IG Markets បាននិយាយថា តម្លៃប្រេងឆៅបានចាប់ផ្តើមកើនក្នុងសប្តាហ៍នេះ ដោយសារទីផ្សារនានាត្រូវរុស្ស៊ីរំសាយការនាំចូលជាបណ្តោះអាសន្ន ទាំងប្រេងម៉ាស៊ូត និងប្រេងសាំង បើទោះបីជាស្ថានភាពទីផ្សារប្រេងកំពុងតានតឹងរួចស្រាប់ទៅហើយក្តី។ ការព្យាករណ៍បានឱ្យដឹងថាតម្លៃបានកើនឡើងច្រើនជាង ១០% ក្នុងរយៈពេលបីសប្តាហ៍កន្លងមកនេះ ពោលគឺបង្កមកពីឱនភាពនៃការផ្គត់ផ្គង់ប្រេងឆៅក្នុងទំហំដ៏ធំនៅក្នុងត្រីមាសទី ៤ នៃឆ្នាំ ២០២៣ បន្ទាប់ពី អារ៉ាប៊ីសាអូឌីត និងរុស្ស៊ីបានបន្តកាត់បន្ថយការផ្គត់ផ្គង់បន្ថែមដល់ចុងឆ្នាំនេះ។

នាយករដ្ឋមន្ត្រីថៃ លោក ស្រេថា ថាវីស៊ីន (Srettha Thavisin) បាននិយាយថា លោកមិនបានប្រាប់ទៅកាន់ប្រព័ន្ធផ្សព្វផ្សាយថា លោកបានតែងតាំងអតីតនាយករដ្ឋមន្ត្រី លោក ថាក់ស៊ីន ស៊ីណាវ៉ាត្រា (Thaksin Shinawatra) ជាទីប្រឹក្សារបស់លោកនោះទេ។ ថ្លែងទៅកាន់បណ្ដាអ្នកសារព័ត៌មាននៅអាកាសយានដ្ឋានសុវណ្ណភូមិអំឡុងពេលដែលលោកត្រឡប់មកពីសហរដ្ឋអាមេរិកដើម្បីចូលរួមមហាសន្និបាតអង្គការសហប្រជាជាតិ លោកនាយករដ្ឋមន្ត្រី ស្រេថា បានលើកឡើងថា ៖ «ប្រព័ន្ធផ្សព្វផ្សាយថៃបានបកស្រាយខ្លឹមសារខុស ជុំវិញការលើកឡើងរបស់ខ្ញុំ ពាក់ព័ន្ធនឹងលោក ថាក់ស៊ីនអំឡុងពេលដែលខ្ញុំបានផ្ដល់បទសម្ភាសន៍ជាមួយសារព័ត៌មាន Bloomberg នៅទីក្រុងញូវយ៉ក សហរដ្ឋអាមេរិក»។ លោកបានបញ្ជាក់ថា នៅក្នុងបទសម្ភាសន៍នោះ លោកគ្រាន់តែនិយាយថា លោកអាចនឹងធ្វើការពិគ្រោះយោបល់ជាមួយលោក ថាក់ស៊ីន ដូចដែលលោកធ្លាប់បានពិភាក្សាជាមួយនឹងអតីតនាយករដ្ឋមន្ត្រី និងមន្ត្រីជាន់ខ្ពស់ដទៃៗទៀតដូចជា លោក អាណាន់ ប៉ាន់យ៉ារ៉ាឈុន (Anand Panyarachun) និងលោក សុំឆៃ វង្សសាវ៉ាត់(Somchai Wongsawat) ជាដើម។ ប្រភពព័ត៌មាន៖ Thai PBS World

អ៊ុយក្រែន កំពុង ត្រូវ បាន បំផ្លាញ ដោយ ភាព ក្រអឺតក្រទម របស់ អាមេរិក។ សង្គ្រាមអ៊ុយក្រែននឹងបញ្ចប់ បើអាមេរិកទទួលស្គាល់ថា ការពង្រីក NATO ទៅកាន់អ៊ុយក្រែន នឹងធ្វើឱ្យមានសង្រ្គាមអូសបន្លាយ និងបំផ្លិចបំផ្លាញអ៊ុយក្រែន។ អព្យាក្រឹតភាពរបស់អ៊ុយក្រែន នឹងបញ្ជៀសសង្គ្រាម ហើយនឹងបន្តជាគន្លឹះនៃសន្តិភាព។ បើមើលឱ្យកាន់តែស៊ីជម្រៅនោះ សន្តិសុខរបស់សហភាពអឺរ៉ុបទាំងមូលពឹងផ្អែកលើសន្តិសុខជាសមូហភាព តាមការអំពាវនាវរបស់អង្គការដើម្បីសន្តិសុខ និងកិច្ចសហប្រតិបត្តិការអ៉ឺរ៉ុប ហៅកាត់ថា OSCE មិនមែនជាការទាមទារតែម្ខាងរបស់ NATO ទេ

រដ្ឋមន្រ្តីទេសចរណ៍ហ្វីលីពីន លោកស្រី Christina Frasco បានថ្លែងថា ភ្ញៀវទេសចរបរទេសច្រើនជាង ៣.៨លាននាក់បានធ្វើដំណើរមកលេងកំសាន្តប្រទេសហ្វីលីពីន គិតចាប់តាំងពីខែមករា ឆ្នាំ២០២៣នេះ។ រដ្ឋមន្រ្តីទេសចរណ៍ហ្វីលីពីន លោកស្រី Christina Frasco បាននិយាយនៅក្នុងព្រឹត្តិការណ៍ពាណិជ្ជកម្មទេសចរណ៍ ដែលរៀបចំដោយរដ្ឋាភិបាលថា គិតត្រឹមថ្ងៃទី១៩ ខែកញ្ញា ហ្វីលីពីនទទួលបានភ្ញៀវអន្តរជាតិច្រើនជាង ៣.៨លាននាក់ ពោលគឺស្មើនឹង ៨០ភាគរយ នៃអ្នកធ្វើដំណើរបរទេសចំនួន ៤.៨លាននាក់ ដែលនាយកដ្ឋានទេសចរណ៍កំណត់គោលដៅឈានដល់គិតត្រឹមចុងឆ្នាំនេះ។ លោកស្រីថា ក្រៅពីគោលដៅស្រូបទាញទេសចរបរទេសចំនួន ៤.៨លាននាក់ ប្រទេសហ្វីលីពីនក៏មានគោលបំណងស្វាគមន៍ភ្ញៀវទេសចរក្នុងស្រុកជាង ៨៥លាននាក់នៅឆ្នាំនេះផងដែរ។ យោងតាមទិន្នន័យផ្លូវការបានបង្ហាញថា ហ្វីលីពីនទទួលបានភ្ញៀវទេសចរបរទេសជាង ២.៦៥លាននាក់ក្នុងឆ្នាំ ២០២២ ទទួលបានប្រាក់ចំណូលចំនួន ៣.៨៤ពាន់លានដុល្លារ ស្មើនឹង ៦.២ភាគរយនៃផលិតផលក្នុងស្រុកសរុប (GDP) របស់ប្រទេសហ្វីលីពីន។ ប្រភព៖ ស៊ីនហួរ

តារាចម្រៀងស្រីល្បីឈ្មោះរបស់អាមេរិក Katy Perry បានចុះហត្ថលេខាលើកិច្ចព្រមព្រៀងលក់សិទ្ធិចែកចាយបទចម្រៀងរបស់នាងទាំង ៥អាល់ប៊ុម ដែលបានចេញផ្សាយនៅចន្លោះ ឆ្នាំ២០០៨ ដល់២០២០។ ប្រការនេះបានធ្វើឲ្យនាង ចូលរួមក្នុងបញ្ជីកំពូលសិល្បករទាំង១០ ដែលលក់ស្នាដៃបានថ្លៃជាងគេ។ Katy Perry មិនមែនជាសិល្បករដំបូងឡើយ ដែលបានលក់សិទ្ធិលើបទចម្រៀងខ្លួនឯង ដោយកាលពីដើមឆ្នាំកន្លងទៅនេះ តារាចម្រៀង Justin Bieber ក៏បានលក់សិទ្ធិលើបទចម្រៀងរបស់លោកក្នុងតម្លៃ ២០០លានដុល្លារឲ្យក្រុមហ៊ុន Hipgnosis Songs Capital (ហ៊ីបណូស៊ីស សង ខាភីថល)។ នៅពេលនេះ Katy Perry ក៏បានលក់សិទ្ធិលើបទចម្រៀងរបស់នាងឲ្យក្រុមហ៊ុន Litmus Music ក្នុងតម្លៃ ២២៥លានដុល្លារអាមេរិក។ ខណៈអាល់ប៊ុមចម្រៀងទាំង៥ ដែលនាងលក់ គឺអាល់ប៊ុមរបស់នាងក្នុងផលិតកម្ម Capitol Records រួមមានអាល់ប៊ុម One of the Boys ចេញឆ្នាំ២០០៨, អាល់ប៊ុម Teenage Dream (ធីនណេច ឌ្រីម) ចេញឆ្នាំ២០១០, អាល់ប៊ុម Prism (ព្រីស៊ឹម) […]

ក្នុងរយៈពេល ២៥ឆ្នាំចុងក្រោយនេះ សន្តិភាពបានផ្ដល់ឱកាសឱ្យកម្ពុជាផ្លាស់ប្តូរមុខមាត់ថ្មីគួរជាទីមោទនៈបំផុត ក្រោមម្លប់ដ៏ត្រជាក់នៃអង្គព្រះមហាក្សត្រ ជាទីគោរពសក្ការៈដ៏ខ្ពង់ខ្ពស់បំផុត។ ប្រទេសកម្ពុជាបានក្លាយទៅជាប្រទេសមានសេដ្ឋកិច្ចដែលរីកចម្រើនជាង ៧%ក្នុងមួយឆ្នាំៗ ក្នុងរយៈពេលជាងពីរទសវត្សកន្លងមកនេះ ដែលនាំឱ្យកម្ពុជាសម្រេចបានឋានៈជាប្រទេសមាន ចំណូលមធ្យមកម្រិតទាប ហើយអាចនឹងឈានទៅសម្រេចបានឋានៈជាប្រទេសមានចំណូលមធ្យមកម្រិតខ្ពស់ ត្រឹមឆ្នាំ២០៣០ និងជាប្រទេសមានចំណូលខ្ពស់ នៅត្រឹមឆ្នាំ២០៥០។

ប្រព័ន្ធផ្សព្វផ្សាយអាមេរិក បានរាយការណ៍ថា តារាសម្តែង Hugh Jackman ដែលទស្សនិកជនស្គាល់ថា ជាតួឯកប្រុសរឿង «X-Men» និងភរិយា Deborra-Lee Furness បានប្រការចែកផ្លូវគ្នា ក្រោយរៀបការបាន ២៧ឆ្នាំ។ នេះបើតាមការចេញផ្សាយ របស់សារព័ត៌មាន BBC នៅថ្ងៃទី១៩ ខែកញ្ញា ឆ្នាំ២០២៣។ គូស្នេហ៍មួយគូនេះ ត្រូវបានគេដឹងថា រៀបការជាមួយគ្នាកាលពីឆ្នាំ១៩៩៦ និងបានទទួលចិញ្ចឹមកូនពីរនាក់រួមគ្នា។ តារាសម្ដែង Hugh Jackman ត្រូវបានគេស្គាល់តាមរយៈការសម្តែងក្នុងភាពយន្ត Action ល្បីៗដូចជាខ្សែភាពយន្ត «X-Men» និងរឿងភាគល្បីៗមួយចំនួនទៀត។ លោកត្រូវបានឲ្យឈ្មោះថា ជាបុរសសិចស៊ីបំផុតក្នុងលោករបស់ទស្សនាវដ្តី People ក្នុងឆ្នាំ ២០០៨។ តាមរយៈសេចក្តីថ្លែងការណ៍រួម របស់តារាទាំងពីររូបបានរៀបរាប់ថា «ពួកយើងពិតជាមានក្ដីសុខ ដែលបានចែករំលែករយៈពេលជិត ៣ទសវត្សរ៍ជាមួយគ្នាក្នុងនាមជាប្តីប្រពន្ធ ប៉ុន្តែដំណើរជីវិតរបស់យើងឥឡូវនេះកំពុងផ្លាស់ប្តូរ ហើយយើងបានសម្រេចចិត្តបែកគ្នា ដើម្បីបន្តការរីកចម្រើនតាមផ្លូវរៀងៗខ្លួនវិញ»។

តារាចម្រៀង Suga សមាជិកក្រុម BTS ត្រូវបានរាយការណ៍មកថា នឹងចូលបំពេញកាតព្វកិច្ចយោធានៅថ្ងៃទី២២ខាងមុខនេះ។ ប្រការនេះបានធ្វើឲ្យលោក Suga វ័យ៣០ឆ្នាំ ក្លាយជាសមាជិកទី៣របស់ក្រុម BTS ដែលចូលបម្រើជួរកងទ័ព បន្ទាប់ពី Jin និង J-Hope។ នេះបើតាមការចេញផ្សាយរបស់សារព័ត៌មាន Straits Times នៅថ្ងៃទី១៨ ខែកញ្ញា ឆ្នាំ២០២៣។ មិនដូច Jin និង J-Hope ទេ កាសែតកូរ៉េខាងត្បូង Yonhap បានរាយការណ៍ថា Suga ទំនងជាមិនបំពេញកាព្វកិច្ចរបស់ខ្លួនក្នុងជួយកងទ័ពដូចបុរសដទៃឡើយ ដោយសារតែបញ្ហាសុខភាព។ ដែលមូលហេតុនេះ គឺអាចបណ្តាលមកពីការវះកាត់ដែលលោកឆ្លងកាត់កាលពីឆ្នាំ២០២០។ នៅក្នុងសេចក្តីថ្លែងការណ៍មួយដែលបានចេញផ្សាយកាលពីថ្ងៃអាទិត្យ BigHit បានជំរុញអ្នកគាំទ្រ BTS កុំឱ្យទៅកន្លែងបំពេញកាតព្វកិច្ចរបស់ Suga ជាញឹកញាប់ក្នុងអំឡុងពេលបម្រើជាកងទ័ពរបស់លោក។

កំពូលតារាសម្តែង Keanu Reeves បានបង្ហាញខ្លួនដើម្បីបញ្ចប់រឿង «John Wick: Chapter 4» ដែលបានទម្លាក់ទៅរោងកុនកាលពីខែមីនា ហើយរកចំណូលបាន ១៨៧.១លានដុល្លារក្នុងស្រុក និង ៤២៦.៥លានដុល្លារនៅទូទាំងពិភពលោក។ តែយ៉ាងណានៅក្នុងវគ្គ៤ ហាក់ធ្វើឲ្យទស្សនិកជនមិនច្បាស់ក្នុងចិត្តទាល់តែសោះ ចំពោះការស្លាប់របស់តួអង្គ John Wick ថាតើ ជាការស្លាប់ពិតប្រាកដ ឬយ៉ាងណា? ការសន្និដ្ឋានរបស់ខ្សែភាពយន្តនេះបង្ហាញយ៉ាងច្បាស់ អំពីការស្លាប់របស់តួអង្គសំខាន់របស់ Reeves ដោយបង្ហាញឈុត Winston (សម្តែងដោយ Ian McShane) និង The Bowery King (សម្តែងដោយ Laurence Fishburn) គោរពនៅផ្នូររបស់ John ខណៈដែលភាពយន្តបន្ត ដែលនឹងមកដល់នាពេលខាងមុខគឺ «The Continental» ដែលគ្រោងនឹងបង្ហាញខ្លួនជាលើកដំបូង នៅលើសេវាស្ទ្រីម Peacock នៅថ្ងៃទី២២ ខែកញ្ញា ផលិតករ Basil Iwaynk បានបង្ហាញនៅក្នុងបទសម្ភាសន៍ថ្មីៗនេះជាមួយ Collider យ៉ាងដូច្នេះថា ដំបូងឡើយ Reeves […]

តារាចម្រៀង និងជាតារាសម្តែងល្បីឈ្មោះរបស់កូរ៉េ កញ្ញា IU បានបរិច្ចាគប្រាក់ចំនួន ៣០០លានវ៉ុន (២២៦,១៥៩ដុល្លារ) ដល់អង្កការសប្បុរសធម៌មួយ ដើម្បីជួយដល់ក្រុមមនុស្សខ្វះខាតផ្នែកសេវាវេជ្ជសាស្រ្ត និងសុខុមាលភាពប្រជាជនក្នុងតំបន់។ ការបរិច្ចាគប្រាក់នេះ គឺធ្វើឡើងនៅថ្ងៃរំលឹកខួបលើកទី១៥ឆ្នាំ នៃការចូលសិល្បៈរបស់នាង។ នេះបើតាមការចេញផ្សាយដោយសារព័ត៌មាន Korea Times នៅថ្ងៃទី១៨ ខែកញ្ញា ឆ្នាំ២០២៣។ IU បានបរិច្ចាគ១០០លានវ៉ុន ទៅកាន់អង្គការសប្បុរសធម៌ ៣ផ្សេងគ្នា រួមមានមជ្ឈមណ្ឌលវេជ្ជសាស្ត្រ Asan, សមាគមជាតិសុខុមាលភាពកុមារកូរ៉េ និងមន្ទីរពេទ្យកុមារ Seoul Metropolitan Children’s Hospital។ នេះបើយោងតាម Edam Entertainment។ ការបរិច្ចាគនេះត្រូវបានធ្វើឡើងក្រោមឈ្មោះ «IUaena» ដែលរួមបញ្ចូលគ្នានូវឈ្មោះឆាករបស់ IU និងឈ្មោះអ្នកគាំទ្ររបស់នាងគឺ Uaena។

ទីក្រុងហូជីមិញនៃប្រទេសវៀតណាម នឹងអនុញ្ញាតឱ្យប្រជាជនប្រើផ្នែកខ្លះនៃផ្លូវ និងចិញ្ចើមផ្លូវដើម្បីធ្វើជាចំណតរថយន្ត និងអាជីវកម្ម ប៉ុន្តែត្រូវបង់ប្រាក់ចាប់ពីឆ្នាំ ២០២៤ តទៅ។ នេះបើតាមការចុះផ្សាយរបស់កាសែត VnExpress។ វិធានការនេះ ត្រូវបានបញ្ជាក់នៅក្នុងរបាយការណ៍ពីនាយកដ្ឋានដឹកជញ្ជូន ទៅកាន់គណៈកម្មាធិការប្រជាជនទីក្រុងហូជីមិញ ដោយរង់ចាំការយល់ព្រមពីក្រុមប្រឹក្សាប្រជាជនក្រុងសិន មុនចាប់ផ្ដើមអនុវត្ត។ វានឹងអនុញ្ញាតឱ្យប្រើប្រាស់ផ្លូវ និងចិញ្ចើមផ្លូវសម្រាប់សកម្មភាពអាជីវកម្មផ្សេង និងជាចំណតរថយន្ត។ តម្លៃសម្រាប់ការប្រើប្រាស់ផ្លូវ និងចិញ្ចើមផ្លូវ គឺផ្អែកលើតម្លៃដីជាមធ្យមនៅក្នុងតំបន់។ សម្រាប់កន្លែងចតរថយន្ត តម្លៃទាបបំផុតគឺ ៥០ ០០០ ដុង (២ ដុល្លារ ) និងខ្ពស់បំផុតគឺ ៣៥០ ០០០ ដុង (១៤,៤ ដុល្លារ) ក្នុងមួយម៉ែតការ៉េ/ខែ។ សកម្មភាពផ្សេងទៀត នឹងត្រូវបង់ថ្លៃពី ២០ ០០០-១០០ ០០០ ដុង/ម៉ែត្រការ៉េ។

មនុស្សរាប់ម៉ឺននាក់ បានប្រមូលផ្តុំគ្នានៅទីក្រុងញូវយ៉ក សហរដ្ឋអាមេរិក ដោយអំពាវនាវឱ្យមានវិធានការបន្ទាន់ប្រឆាំងនឹងការប្រែប្រួលអាកាសធាតុ មុនពេលបើកមហាសន្និបាតអង្គការសហប្រជាជាតិ។ នេះបើតាមការចុះផ្សាយរបស់ទីភ្នាក់ងារសារព័ត៌មានផ្សេងៗ រួមមាន AFP និងរ៉យទ័រ។ ក្រុមអ្នកតវ៉ាមកពីអង្គការ និងក្រុមសកម្មជនប្រហែល ៧០០ អង្គភាព បានចូលរួមក្នុងការប្រមូលផ្តុំកាលពីថ្ងៃអាទិត្យ ដោយស្រែកថា អនាគតរបស់មនុស្សជាតិពឹងផ្អែកលើការបញ្ចប់ការប្រើប្រាស់ឥន្ធនៈហ្វូស៊ីល និងកាន់សញ្ញាដែលមានសរសេរថា «ឥន្ធនៈហ្វូស៊ីលកំពុងសម្លាប់យើង» និង «ខ្ញុំមិនបានបោះឆ្នោតដើម្បីឱ្យមានភ្លើងឆេះ និងទឹកជំនន់នោះទេ»។ ក្រុមអ្នកតវ៉ា ក៏បានស្រែកទាមទារឱ្យប្រធានាធិបតីអាមេរិក លោក ចូ បៃដិន ដែលត្រៀមខ្លួនឈរឈ្មោះជាបេក្ខភាពប្រធានាធិបតីសម្រាប់ការបោះឆ្នោតមួយអាណត្តិទៀតនៅឆ្នាំក្រោយនោះ បញ្ឈប់ការអនុម័តលើគម្រោងប្រេង និងឧស្ម័នថ្មី បញ្ឈប់គម្រោងបច្ចុប្បន្ន និងប្រកាសពីភាពអាសន្នអាកាសធាតុជាដើម។

និយតករសហភាពអឺរ៉ុប នៅថ្ងៃទី១៥ ខែកញ្ញានេះ បានពិន័យកម្មវិធីចែករំលែកវីដេអូកំសាន្តដ៏ពេញនិយម TikTok របស់ចិនចំនួន ៣៤៥លានអឺរ៉ូ ឬប្រមាណ ៣៦៩លានដុល្លារអាមេរិក ជុំវិញការបំពានទិន្នន័យកុមារ។ គណៈកម្មការការពារទិន្នន័យរបស់ប្រទេសអៀរឡង់ (DPC) បាននិយាយនៅក្នុងសេចក្តីថ្លែងការណ៍មួយថា ខ្លួនបានសម្រេចផាកពិន័យផ្នែករដ្ឋបាលលើ TikTok ដែលស្មើនឹងទឹកប្រាក់ ៣៦៩លានដុល្លារអាមេរិក ជុំវិញការបំពានទិន្នន័យកុមារ ដែលខ្លួនបានរកឃើញនៅក្នុងការស៊ើបអង្កេតរយៈពេលពីរឆ្នាំមកនេះ។ ទោះបីជាយ៉ាងណា មន្រ្តីឃ្លាំមើលបានទុកពេល ៣ខែដល់ TikTok ដើម្បីនាំយកដំណើរការរបស់ខ្លួនឱ្យស្របតាមច្បាប់វិញ។ TikTok ដែលជាផ្នែកមួយរបស់ក្រុមហ៊ុនបច្ចេកវិទ្យាយក្សរបស់ចិន ByteDance កំពុងមានប្រជាប្រិយភាពខ្លាំងក្នុងចំណោមយុវវ័យ ដោយមានអ្នកប្រើប្រាស់ប្រហែល ១៥០លាននាក់នៅសហរដ្ឋអាមេរិក និង ១៣៤លាននាក់នៅក្នុងសហភាពអឺរ៉ុប។ ជាការឆ្លើយតបទៅនឹងការផាកពិន័យកាលពីថ្ងៃសុក្រសប្តាហ៍នេះដែរ TikTok បានបញ្ជាក់ថា ខ្លួនបដិសេដចំពោះសាលក្រមនេះ។ ប្រភព៖ AFP

ទេសាភិបាលធនាគារកណ្តាលរុស្ស៊ី អ្នកស្រី អែលវីរ៉ា ណាប៊ីលីណា បានព្រមាននៅថ្ងៃទី១៥ ខែកញ្ញាថា កំណើនសេដ្ឋកិច្ចរបស់រុស្ស៊ីនឹងថយចុះនៅក្នុងឆមាសទី ២ នៃឆ្នាំ ២០២៣នេះ ខណៈដែលទីក្រុងមូស្គូកំពុងជួបបញ្ហាកង្វះកម្លាំងពលកម្ម សម្ពាធទណ្ឌកម្ម និងប្រាក់ចំណូលនាំចេញធ្លាក់ចុះ។ ទេសាភិបាលធនាគារកណ្តាល អ្នកស្រី អែលវីរ៉ា ណាប៊ីលីណា បាននិយាយនៅក្នុងសន្និសីទសារព័ត៌មានមួយ បន្ទាប់ពីធនាគារបានដំឡើងអត្រាការប្រាក់ជាលើកទីបីក្នុងរយៈពេលពីរខែមកនេះថា យើងរំពឹងថា អត្រាកំណើនសេដ្ឋកិច្ចនឹងមានកម្រិតមធ្យមបន្ថែមទៀតនៅក្នុងឆមាសទីពីរ នៃឆ្នាំ២០២៣នេះ។ អ្នកស្រីបន្តថា អត្រាកំណើនសេដ្ឋកិច្ចអាចត្រូវបានកំណត់ ដោយផ្អែកលើធនធាន និងកម្លាំងពលកម្ម ហើយថា ធនាគារកំពុងរក្សាការព្យាករណ៍ពីកំណើនសេដ្ឋកិច្ចរបស់ខ្លួន ក្នុងចន្លោះពី ១.៥ ដល់ ២.៥ភាគរយក្នុងឆ្នាំ ២០២៣នេះ ប៉ុន្តែបានកាត់បន្ថយកំណើនសម្រាប់ឆ្នាំ ២០២៤ ដល់កម្រិតអតិបរមាពី ០.៥ ដល់ ១.៥ភាគរយ។ ប្រភព៖ AFP

ភ្នំពេញ៖ ឯកឧត្តម សេដ្ឋា ថាវីស៊ីន នាយករដ្ឋមន្ត្រី នៃព្រះរាជាណាចក្រថៃ នឹងអញ្ជើញមកបំពេញទស្សនកិច្ចនៅព្រះរាជាណាចក្រកម្ពុជា នៅចុងខែកញ្ញា ឆ្នាំ២០២៣ខាងមុខនេះ។ នេះបើតាមការឱ្យដឹងរបស់ក្រសួងការបរទេសនិងសហប្រតិបត្តិការអន្តរជាតិ នៅរសៀលថ្ងៃទី១៧ ខែកញ្ញា ឆ្នាំ២០២៣។ តបតាមការញ្ជើញរបស់ ឯកឧត្តម សារ៉ាន់ ចារើនសុវណ្ណ លេខាធិការអចិន្ត្រៃយ៍ នៃក្រសួងការបរទេសថៃ លោកជំទាវបណ្ឌិត សឿង រដ្ឋចាវី រដ្ឋលេខាធិការនៃក្រសួងការបរទេស និងសហប្រតិបត្តិការអន្តរជាតិ បានអញ្ជើញដឹកនាំគណៈប្រតិភូទៅបំពេញទស្សនកិច្ចការងារ នៅទីក្រុងបាងកក ពីថ្ងៃទី១៤-១៥ ខែកញ្ញា ឆ្នាំ២០២៣។ នៅក្នុងឱកាសទស្សនកិច្ចការងារនេះ លោកជំទាវបណ្ឌិតរដ្ឋលេខាធិការ និងឯកឧត្តមលេខាធិការអចិន្ត្រៃយ៍ បានពិភាក្សាយ៉ាងផុសផុលអំពីទំនាក់ទំនង និងកិច្ចសហប្រតិបត្តិការទ្វេភាគីរវាងព្រះរាជាណាចក្រកម្ពុជា និងព្រះរាជាណាចក្រថៃ លើគ្រប់វិស័យ ដូចជា នយោបាយ សន្តិសុខ សេដ្ឋកិច្ច ពាណិជ្ជកម្ម វិនិយោគ អប់រំ ទេសចរណ៍ ការងារ ការដោះមីន និងកិច្ចសហប្រតិបត្តិការផ្នែកបច្ចេកទេស។ ទន្ទឹមនឹងនេះដែរ ភាគីទាំងពីរបានផ្តោតការពិភាក្សាអំពីការត្រៀមរៀបចំដំណើរទស្សនកិច្ចផ្លូវការរបស់ឯកឧត្តម សេដ្ឋា ថាវីស៊ីន នាយករដ្ឋមន្ត្រី នៃព្រះរាជាណាចក្រថៃ មកកាន់ព្រះរាជាណាចក្រកម្ពុជា នៅចុងខែកញ្ញា […]

មេបញ្ជាការកងទ័ពជើងអាកាសជាច្រើនរបស់ប្រទេសសមាជិកសមាគមប្រជាជាតិអាស៊ីអាគ្នេយ៍ ឬហៅកាត់ថា អាស៊ាន មិនបានទៅចូលរួមសន្និសីទក្នុងប្រទេសមីយ៉ាន់ម៉ានៅសប្តាហ៍នេះ បន្ទាប់ពីអាស៊ានបានប្រកាសថ្កោលទោសរបបយោធាដែលកំពុងកាន់អំណាច ថាបានវាយប្រហារទៅលើជនស៊ីវិលនៅក្នុងប្រតិបត្តការបង្ក្រាបក្រោយរដ្ឋប្រហាររបស់ខ្លួន។ ការថ្កោលទោសពីសំណាក់អាស៊ានទៅកាន់របបយោធានេះ បានធ្វើឡើងកាលពីសប្តាហ៍មុន ដោយបានចោទប្រកាន់ថា របបយោធាមិនអើពើនឹងផែនការសន្តិភាពដែលបានព្រមព្រៀងគ្នាដើម្បីបញ្ចប់អំពើហិង្សាដែលបង្កឡើងដោយក្រុមធ្វើរដ្ឋប្រហាររបស់របបយោធា។ មីយ៉ាន់ម៉ានៅតែជាសមាជិកអាស៊ាន ប៉ុន្តែមេដឹកនាំយោធាដែលកំពុងគ្រប់គ្រងប្រទេសនេះ ត្រូវបានដកចេញ មិនអនុញ្ញាតឱ្យចូលរួមកិច្ចប្រជុំកំពូលអាស៊ាននោះទេ រាប់ចាប់តាំងពីការចូលកាន់តំណែងរបស់ពួកគេ។ គួរដឹងដែរថា ប្រមុខកងកម្លាំងដែនអាកាសទាំង ១០ ប្រទេសតែងតែជួបប្រជុំគ្នាជារៀងរាល់ឆ្នាំ ដើម្បីពិភាក្សាអំពីកិច្ចសហប្រតិបត្តិការក្នុងវិស័យការពារជាតិ ការប្រយុទ្ធប្រឆាំងនឹងក្រុមជ្រុលនិយម និងការកាត់បន្ថយគ្រោះមហន្តរាយផ្សេងៗ។

ថៃ៖សកម្មជននយោបាយថៃមួយក្រុមកាលពីថ្ងៃពុធបានអំពាវនាវឱ្យលោកនាយករដ្ឋមន្រ្តី ស្រេថា ថាវីស៊ីន ស្តារទំនុកចិត្តសាធារណៈឡើងវិញលើនីតិរដ្ឋ ដោយធានាបញ្ជូនអតីតនាយករដ្ឋមន្ត្រីដែលជាប់ទោស លោក ថាក់ស៊ីន ស៊ីណាវ៉ាត្រា ទៅពន្ធនាគារវិញ។ នេះបើតាមការចុះផ្សាយរបស់ទីភ្នាក់ងារសារព័ត៌មានបាងកកប៉ុស្តិ៍។ លោក ថាក់ស៊ីន ដែលបានធ្វើមាតុភូមិនិវត្តន៍កាលពីចុងខែសីហាកន្លងទៅ ត្រូវបានតុលាការកាត់ទោសឱ្យជាប់ពន្ធនាគារ៨ឆ្នាំពីបទរំលោភអំណាច និងទំនាស់ផលប្រយោជន៍។ លោកត្រូវបានបញ្ជូនទៅពន្ធនាគារក្រុងបាងកកឱ្យអនុវត្តទោសបានរយៈពេល ១៣ ម៉ោង មុនពេលគេបញ្ជូនលោកទៅមន្ទីរពេទ្យប៉ូលិសទូទៅថៃ ដោយសារតែបញ្ហាសុខភាព ហើយសម្រាកព្យាបាលនៅទីនោះ រហូតមកទល់ពេលនេះ។ ក្រុមនិស្សិតនិងអ្នកធ្វើយុទ្ធនាការកំណែទម្រង់ដឹកនាំដោយលោក ភីឈីត ឆៃមង្គល (Pichit Chaimongkol) បានដាក់ញត្តិទាមទារឱ្យលោក ថាក់ស៊ីល វិលចូលពន្ធនាគារវិញ នៅមជ្ឈមណ្ឌលពាក្យបណ្តឹងនៃវិមានរដ្ឋាភិបាល។ ញត្តិត្រូវបានទទួលដោយលោក សោមប៉ាស និលផាន (Sompas Nilphan) ទីប្រឹក្សាលេខាធិការអចិន្ត្រៃយ៍នៃការិយាល័យនាយករដ្ឋមន្ត្រី។