ព័ត៌មានថ្មីៗ

រាជរដ្ឋាភិបាលកម្ពុជា និងអង្គការ UN-ESCAP បន្តពង្រឹងកិច្ចសហប្រតិបត្តិការដើម្បីការអភិវឌ្ឍសង្គម-សេដ្ឋកិច្ច និងការលើកកម្ពស់ជីវភាពរស់នៅរបស់ប្រជាពលរដ្ឋ

January 22, 2024 nmr Comments Off

នាព្រឹកថ្ងៃទី២២ ខែមករា ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានជួបពិភាក្សាការងារ ជាមួយ លោកជំទាវបណ្ឌិត អាមីដា សាល់សៃ អាលីហ្សាបាណា (Armida Salsiah Alisjahbana) អគ្គលេខាធិការរង នៃអង្គការសហប្រជាជាតិ និងជាលេខាធិការប្រតិបត្តិអង្គការ UN-ESCAP និងសហការី នាឱកាសនៃដំណើរបំពេញទស្សនកិច្ចនៅព្រះរាជណាចក្រកម្ពុជា។

ក្នុងជំនួបនេះ លោកជំទាវបណ្ឌិត អាមីដា បានថ្លែងអំណរគុណយ៉ាងជ្រាលជ្រៅចំពោះ សម្តេចធិបតី ដែលបានចំណាយពេលដ៏មមាញឹកអនុញ្ញាតឱ្យលោកជំទាវ និងសហការីចូលជួបសម្តែងការគួរសម និងពិភាក្សាការងារ និងបានសម្ដែងនូវការអរគុណចំពោះរាជរដ្ឋាភិបាលកម្ពុជា ដែលបានផ្ដល់នូវកិច្ចសហប្រតិបត្តិការយ៉ាងល្អ ជាមួយនឹងអង្គការ UN-ESCAP ។ ឆ្លៀតក្នុងឱកាសនេះដែរ លោកជំទាវបណ្ឌិត ក៏បានគោរពជម្រាបជូនសម្ដេចធិបតីដោយសង្ខេបនូវវិស័យអាទិភាពចំនួន ៤ ដែលនៅក្នុងក្របខ័ណ្ឌនៃការបន្តកិច្ចសហប្រតិបត្តិការ ដែលរួមមាន ទី១) ការផ្ដល់កិច្ចគាំពារដល់ប្រជាជនដោយឈរលើគោលការណ៍ «មិនទុកនរណាម្នាក់ចោល» និងកិច្ចការពារបរិស្ថានដោយផ្ដោតជាអាទិភាពលើការប្រែប្រួលអាកាសធាតុ។ ទី ២) ការសម្របសម្រួលនៅក្នុងការជំរុញការវិនិយោគ និងពាណិជ្ជកម្ម ដោយជំរុញការតភ្ជាប់នៃវិស័យពាណិជ្ជកម្មនៃបណ្ដាប្រទេសសមាជិកនៃអង្គការ UN-ESCAP ។ ទី៣) ការកសាង និងពង្រឹងសមត្ថភាពឌីជីថល សម្រាប់ប្រជាពលរដ្ឋ និង ទី៤)ការគាំទ្រផ្នែកហិរញ្ញវត្ថុដើម្បីរួមចំណែកសម្រេចនូវគោលដៅអភិវឌ្ឍប្រកបដោយចីរភាព (SDGs) ។

ជាការឆ្លើយតប សម្តេចធិបតី បានស្វាគមន៍ចំពោះ លោកជំទាវបណ្ឌិត និងសារការី ដែលបានអញ្ជើញមកបំពេញទស្សនកិច្ចជាថ្មីម្តងទៀត នៅព្រះរាជាណាចក្រកម្ពុជា និងបានសម្តែងសេចក្តីសោមនស្សរីករាយ និងថ្លែងអំណរគុណដល់អង្គការ UN-ESCAP ចំពោះការចូលរួមការអភិវឌ្ឍសង្គម-សេដ្ឋកិច្ច ទៅលើវិស័យជាច្រើននៅកម្ពុជានាពេលកន្លងមក។ សម្ដេចធិបតី បានកោតសរសើរ និងអរគុណចំពោះការប្តេជ្ញាចិត្ត នៃការបន្តកិច្ចសហប្រតិបត្តិការរបស់អង្គការ UN-ESCAP ជាមួយរាជរដ្ឋាភិបាលកម្ពុជា។ ក្នុងជំនួបនេះដែរ សម្តេចធិបតី ក៏បានជម្រាបជូនលោកជំទាវបណ្ឌិតថា អ្វីដែលលោកជំទាវបានលើកឡើងខាងលើ មានភាពប្រទាក់ក្រឡា និងស្របគ្នាជាមួយនឹងក្របខ័ណ្ឌគោលនយោបាយ និងក្របខ័ណ្ឌយុទ្ធសាស្រ្តរបស់រាជរដ្ឋាភិបាលនីតិកាលទី៧ នៃរដ្ឋសភា ជាពិសេស ការដាក់ចេញនូវយុទ្ធសាស្រ្តបញ្ចកោណ-ដំណាក់កាលទី១ ដែលផ្តល់អាទិភាពលើការលើកកម្ពស់ជីវភាពរស់នៅរបស់ប្រជាពលរដ្ឋ តាមរយៈការកសាងភាពធន់ និងកំណើនចីរភាព សំដៅឈានទៅសម្រេចបាននូវចក្ខុវិស័យកម្ពុជា ឆ្នាំ២០៥០ ដើម្បីប្រែក្លាយទៅជាប្រទេសមានចំណូលខ្ពស់។

🌐 Hun Manet

🌐 Samdech Thipadei Hun Manet, Prime Minister of Cambodia

🌐 Instagram

🌐 X(Twitter)

🌐 YouTube

🌐 Tiktok

#ហ៊ុនម៉ាណែត #Hunmanet #កម្ពុជា #Cambodia #សន្តិភាពនៅកម្ពុជា #peaceofcambodia

nmr

ជីវិតនិងសង្គម ព័ត៌មានថ្មីៗ

មន្រ្ដីរាជការប្រមាណជិត ៤០ នាក់ នៃ មន្ទីររៀបចំដែនដីនគរូបនីយកម្ម និងសំណង់ ខេត្តបន្ទាយមានជ័យ ដែលមានតួនាទី ចាប់ពីមន្ត្រី អនុប្រធានការិយាល័យ ប្រធានការិយាល័យ និង អនុប្រធានមន្ទីរ បានរួមគ្នាជាក្រុមផ្ដិតមេដៃប្ដឹងលោក អាង ណារឹទ្ធ ប្រធានមន្ទីររៀបចំដែនដី នគរូបនីយកម្ម និងសំណង់ ខេត្តបន្ទាយមានជ័យ ទៅ ឯកឧត្ដមឧបនាយករដ្ឋមន្ត្រី រដ្ឋមន្ត្រី ក្រសួងរៀបចំដែនដី នគរូបនីយកម្ម និងសំណង់ តាមរយៈ អភិបាលខេត្តបន្ទាយមានជ័យ ។

November 30, 2023 nmr

តាមរយៈលិខិតមួយច្បាប់ ២ទំព័រ ចុះថ្ងៃទី ៤ ខែ តុលា ឆ្នាំ ២០២៣ មន្ត្រីរាជការដែលបានផ្ដិតមេដៃប្ដឹងលោក អាង ណារឹទ្ធ គឺសំណូមពរអោយថ្នាក់ដឹកនាំដោះដូរលោក អាង ណារិទ្ធ ចេញពី ប្រធានមន្ទីររៀបចំដែនដី ខេត្តបន្ទាយមានជ័យ ក្រោមការរៀបរាប់ថា លោក អាង ណារឹទ្ធ ដឹកនាំមិនបានត្រឹមត្រូវ និងបង្ករបញ្ហាជាច្រេីនក្នុងមន្ទីរ រួមទាំងកិបកេងថវិការង្វាន់មន្ត្រីថែមទៀត ។ លោក អាង ណារឹទ្ធ បានមកកាន់តួនាទីជាប្រធាន មន្ទីររៀបចំដែនដី នគរូបនីយកម្ម និង សំណង់ខេត្តបន្ទាយមានជ័យជំនួសលោកប្រាក់ ប៉ូលី នៅថ្ងៃទី ១៧ ខែ កញ្ញា ឆ្នាំ ២០១៩ ។ លោក អាង ណារឹទ្ធ បានបញ្ជាក់ថា ពិតជាមានមន្ត្រីក្រោមឱវាទរួមគ្នាប្ដឹងលោកពិតប្រាកដមែន ។

ព័ត៌មានជាតិ ព័ត៌មានថ្មីៗ

នគរបាលប៉ុស្តិ៍ទួលសង្កែទី១ បានឃាត់ខ្លួនជនសង្ស័យប្រុសស្រីចំនួន៣នាក់ បន្ទាប់ពីបានធ្វើសកម្មភាពវា.យប្លន់ យកទូរស័ព្ទ របស់បុរសម្នាក់កំពុងចរចាតម្លៃជាមួយនារីរកស៊ីផ្លូវភេទ

May 17, 2022 nmr

រាជធានីភ្នំពេញ ៖ នគរបាលប៉ុស្តិ៍ទួលសង្កែទី១ បានឃាត់ខ្លួនជនសង្ស័យប្រុសស្រីចំនួន៣នាក់ បន្ទាប់ពីក្រុមជននេះ បានធ្វើសកម្មភាពវា.យប្លន់យកទូរស័ព្ទពីយុវជនម្នាក់ ដែលធ្វើដំណើរទៅរកសេវាផ្លូវ ភេទ និងកំពុងចរចាគ្នារឿងតម្លៃ ។ អំពើប្លន់យកទូរស័ព្ទនេះ បានកើតឡើងកាលពីវេលាម៉ោង ប្រមាណ២និង៣០នាទីរំលងអធ្រាត្រឈានចូលថ្ងៃទី១៦ ខែឧសភា ឆ្នាំ២០២២ នៅចំណុចផ្លូវរថភ្លើង ស្ថិតក្នុងភូមិបាក់ទូក សង្កាត់ទួលសង្កែទី១ ខណ្ឌឫស្សីកែវ ។ ជនទាំង៣នាក់ខាងលើ ដែលត្រូវបានឃាត់ខ្លួននេះ សុទ្ធតែស្នាក់នៅបន្ទប់ជួល ចំណុចកើតហេតុខាងលើ ដែលមាន ៖ ១- ឈ្មោះ ចាន់ សុថា ភេទប្រុស អាយុ២០ឆ្នាំ ២- ឈ្មោះ ជា រតនា ភេទប្រុស អាយុ៣១ឆ្នាំ និង៣- ឈ្មោះ រិទ្ធិ វឌ្ឍនៈ ភេទស្រី អាយុ៣០ឆាំ្ន ។ ចំណែកជនរងគ្រោះឈ្មោះ វ៉ាន់ សារិន អាយុ ១៩ឆ្នាំ ជាកម្មករ ស្នាក់នៅផ្ទះជួល ផ្លូវលេខ១១០ សង្កាត់ផ្សារចាស់ ខណ្ឌដូនពេញ […]

ជីវិតនិងសង្គម ព័ត៌មានជាតិ ព័ត៌មានថ្មីៗ

ឯកឧត្តម សន សោភ័ណ អនុរដ្ឋលេខាធិការក្រសួងយុត្តិធម៌ និងជាតំណាងដ៏ខ្ពង់ខ្ពស់របស់ឯកឧត្តម កើត រិទ្ធ រដ្ឋមន្រ្តីក្រសួងយុត្តិធម៌ បានចូលរួមជាអធិបតីបិទកម្មបិទកម្មវិធី នៅក្នុង «មហាសន្និបាតសមាគមកម្មសិទ្ធិបញ្ញាកម្ពុជា និងការបោះឆ្នោតជ្រើសរើសប្រធាននិងសមាជិកក្រុមប្រឹក្សាសមាគម អាណត្តិទី៣»

January 10, 2023 nmr

================== នៅព្រឹកថ្ងៃចន្ទ ៣ រោច ខែបុស្ស ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៩ ខែមករា ឆ្នាំ២០២៣, ឯកឧត្តម សន សោភ័ណ អនុរដ្ឋលេខាធិការក្រសួងយុត្តិធម៌ និងជាតំណាងដ៏ខ្ពង់ខ្ពស់របស់ឯកឧត្តម កើត រិទ្ធ រដ្ឋមន្រ្តីក្រសួងយុត្តិធម៌ បានចូលរួម នៅក្នុង »»»«មហាសន្និបាតសមាគមកម្មសិទ្ធិបញ្ញាកម្ពុជា និងការបោះឆ្នោតជ្រើសរើសប្រធាននិងសមាជិកក្រុមប្រឹក្សាសមាគម អាណត្តិទី៣» និងបិទកម្មវីធី នៅសាលអង្គរវត្តនៃក្រសួងពាណិជ្ជកម្ម។ បន្ទាប់ពីលោកជំទាវប្រធានសមាគម កម្មសិទ្ធិបញ្ញាកម្ពុជាបានរាយការណ៍ជូនអង្គសន្និបាតអំពីសកម្មភាពការងារនិងរបាយការណ៍ហិរញ្ញវត្ថុ របស់សមាគមនាអណត្តិទី២ (២០១៩-២០២២) គណៈកម្មការរៀបចំការបោះឆ្នោតបានដំណើរការនីតិវិធីបោះឆ្នោត រាប់សម្លេងឆ្នោតនិងប្រកាសលទ្ធផលនៃការបោះឆ្នោតជ្រើសរើសប្រធានសមាគម១រូប ប្រធានក្រុមប្រឹក្សាភិបាល១រូបនិងសមាជិកក្រុមប្រឹក្សាចំនួន៦រូប ស្របតាមស្មារតីនៃលក្ខន្តិកៈសមាគមកម្មសិទ្ធិបញ្ញាកម្ពុជា ដោយមានការចូលរួមពីសមាជិកសមាគមប្រមាណ៣០០នាក់។ ជាលទ្ធផលនៅក្នុងអាណត្តិទី៣នេះ លោក កង តារាវុធ ត្រូវបានជាប់ឆ្នោតជាប្រធានសមាគមកម្មសិទ្ធិបញ្ញាកម្ពុជា រួមជាមួយសមាជិកថ្មីនៃក្រុមប្រឹក្សាសមាគម ទាំង ៧ រូប ក្នុងនោះមានសមាជិកស្ត្រីចំនួន៦រូប ដែលមានម្នាក់ជាប្រធានក្រុមប្រឹក្សាភិបាល។ សូមបញ្ជាក់ថាថាគោលដៅចំបងៗរបស់សមាគមកម្មសិទ្ធិបញ្ញាកម្ពុជា មានជាអាទិ៍៖ ១- ចូលរួមលើកកម្ពស់ អភិវឌ្ឈវិស័យកម្មសិទ្ធិបញ្ញានិងសេដ្ឋកិច្ចនៅកម្ពុជា។ ២ – ចូលរួមពង្រឹងការអនុវត្តច្បាប់កម្មសិទ្ធិបញ្ញា តាមរយៈការបណ្តុះបណ្តាលបន្តជូនដល់សមាជិកនៃសមាគម […]

Related Articles