កីឡា

International Windsuring Championship) នៅទីក្រុងប៉ាតាយ៉ា លើវិញ្ញាសា WindFoil IQ: Foil Youth Under 19។   ប្រទេសថៃ ១០ ធ្នូ ២០២៣

បន្ទាប់ពីទទួលបានជោគជ័យ ក្នុងការប្រកួតកីឡាវ៉ូវីណាមជ្រើសរើសជើងឯកពិភពលោក លើកទី៧ ឆ្នាំ២០២៣ នៅប្រទេសវៀតណាមកាលពីថ្មីៗ បានសបញ្ជាក់ឲ្យឃើញថា កីឡាវ៉ូវីណាមកម្ពុជា មានថ្នាលបន្ដវេនដ៏មានសក្ដានុពលពីរាមច្បង។ នេះបើតាមការបញ្ជាក់របស់លោក អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា។   ការគូសបញ្ជាក់នេះ បន្ទាប់ពីប្រតិភូ និងអត្តពលិកកីឡាវ៉ូវីណាមជម្រើសជាតិកម្ពុជា បានត្រឡប់មកដល់មាតុភូមិវិញកាលពីចុងសប្ដាហ៍កន្លងទៅ អមជាមួយការដណ្ដើមបានមេដាយសរុប ២០គ្រឿង ក្នុងនោះមានមេដាយមាស ៦ មេដាយប្រាក់ ៥ និងមេដាយសំរឹទ្ធ ៩គ្រឿង ហើយបានឈរចំណាត់ថ្នាក់លេខ៣ ក្នុងចំណោម ៣៥ប្រទេស ដែលចូលរួមប្រកួតជើងឯកពិភពលោកឆ្នាំនេះ។   ប្រធានសហព័ន្ធខាងលើបានបញ្ជាក់ថា ឆ្នាំនេះកម្ពុជាបានធ្លាក់ចុះមេដាយ ក៏ដូចជាចំណាត់ថ្នាក់ពីលេខ២ មកលេខ៣ ដោយសារកម្ពុជា បានចូលរួមប្រកួតតិចវិញ្ញាសាជាងឆ្នាំ២០១៩ ដែលកម្ពុជាធ្វើម្ចាស់ផ្ទះស្ទើរពាក់កណ្ដាល។ ប៉ុន្ដែបើនិយាយពីបច្ចេកទេស និងគុណផលកីឡាករ-កីឡាការិនីវ៉ូវីណាមកម្ពុជា គឺមានការកើនឡើងគួរឲ្យកត់សម្គាល់ពិសេសកីឡាករ-កីឡាការិនីវ័យក្មេងតែម្ដង។

មហោស្រពសិល្បៈ «បុណ្យភូមិមានជើង» បានចាប់ផ្តើមប្រារព្ធ ពិធីបើករបស់ខ្លួននៅសាលមហោស្រពខេត្តក្រចេះរយ:ពេលបីថ្ងៃគឺចាប់ពីថ្ងៃទី១៧ ដល់ ថ្ងៃទី១៩ ខែវិច្ឆិកា ឆ្នាំ២០២៣ ដោយមានការរៀបចំកម្មវិធីពិសេសៗជាច្រើនតំបន់ក្នុងខេត្តក្រចេះ ។   គួរបញ្ជាក់ថា ពិធីបុណ្យមួយនេះគេឃើញ មានការចូលរួម និង គាំទ្រយ៉ាងខ្លាំងក្លា ពីសំណាក់ក្រសួងបរិស្ថាន អភិបាលរងខេត្ត យូនីសេហ្វ(Unicef) កម្ពុអ៊ែរ៉ា ក្រសួងកសិកម្ម រុក្ខាប្រមាញ់ និងនេសាទ ស្ថាប័នពាក់ព័ន្ធ និង ឡេឡេផ្សោត (យុវជនស្ម័គ្រចិត្ត) ជាច្រើននាក់យ៉ាងអាធិកអាធមដើម្បីរួមគ្នាអបអរ ទិវាកុមារពិភពលោក ក៏ដូចជាសាទរដល់យុទ្ធនាការ «កាត់បន្ថយការប្រើប្រាស់ប្លាស្ទិក» ក្រោមប្រធានបទ៖ «ថ្ងៃនេះ ខ្ញុំមិនប្រើថង់ប្លាស្ទិកទេ» ។ «បុណ្យភូមិមានជើង» គឺជាកម្មវិធីមួយដែលកើតចេញពី មហោស្រពសិល្បៈបុណ្យភូមិ ដែលតែងតែ រៀបចំនៅរាជធានីភ្នំពេញ។   រយ:ពេល១០ឆ្នាំនៃការផ្សព្ធផ្សាយនូវវប្បធម៌ ប្រពៃណី និងសិល្បៈគ្រប់ទម្រង់របស់ខ្មែរ កម្មវិធីនេះគឺតែងតែទទួលបានការគាំទ្រពីបងប្អូនប្រជាពលរដ្ឋខ្មែរ។  

មុខវិជ្ជាអប់រំកាយបែបថ្មី កីឡាដើម្បីទាំងអស់គ្នា ដែលចងក្រងរៀបចំដោយអង្គការក្រៅរដ្ឋាភិបាលបេះដូងមាសរបស់ជប៉ុន សហការជាមួយក្រសួងអប់រំយុវជន និងកីឡា បានចាប់ផ្តើមផ្សព្វផ្សាយជាជំហ៊ានៗ ដោយចាប់ផ្តើមពីរាជធានីភ្នំពេញ ក្នុងខណ្ឌគោលដៅចំនួន ៥មានដូចជា៖ ខណ្ឌខណ្ឌច្បារអំពៅ ដង្កោ ទួលគោក ចំការមន និងមានជ័យ និងខេត្តគោលដៅចំនួន២ដូចជាខេត្តស្វាយរៀង និងខេត្តបាត់ដំបង ។   មុខវិជ្ជាអប់រំកាយបែបថ្មីនេះ បានចាប់ផ្តើមអនុវត្តគម្រោងផ្សព្វផ្សាយក្នុងឆ្នាំ២០១៩ ដោយអង្គការក្រៅរដ្ឋាភិបាលបេះដូងមាស ហើយ ការផ្សព្វផ្សាយនេះ គឺបានផ្តោតសំខាន់តែលើការបណ្តុះបណ្តាលលោកគ្រូអ្នកគ្រូចាប់ពីថ្នាក់បឋមទៅដល់ថ្នាក់វិទ្យាល័យ ក្នុងនោះសម្រាប់លោកគ្រូអ្នកគ្រូថ្នាក់បឋមសិក្សាមាន៧មុខវិជ្ជា និងថ្នាក់អនុវិទ្យាល័យ និងវិទ្យាល័យមានបណ្តុំ៧មុខវិជ្ជារង ។

(បន្ទាយមានជ័យ) ការលេងកីឡាគឺដើម្បីសុខភាព មិត្តភាព និងសាមគ្គីភាព និងជៀសផុតពីរឿងអបាយមុខផ្សេងៗនេះជាប្រសាសន៍លើកឡើងរបស់ឯកឧត្តម ខាន់ ខុន អនុរដ្ឋលេខាធិការក្រសួងធម្មការ និងសាសនា និងជាស្ថាបនិកក្រុងជំនុំបេសកកម្មដំណឹងល្អ ក្នុងពិធីបើកវគ្គពានរង្វាន់សន្តិភាព រដូវកាលទី៣ ដោយមានការចូលរួមពីលោក ស្រេង សុផល អភិបាលក្រុងសិរីសោភ័ណ លោក ហុង ពិសិទ្ធ តំណាងឲ្យប្រធានសហព័ន្ធសហភាពយុវជនកម្ពុជាខេត្តបន្ទាយមានជ័យ ពិធីប្រកួតនេះធ្វើនៅតារាងបាល់ទាត់ក្លឹប Eco Sport ស្ថិតនៅក្នុងសង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ថ្ងៃទី១១ ខែវិច្ឆិកា ឆ្នាំ២០២៣។   លោក អៀង ប្រុស គ្រូគង្វាលនៅក្រុមជំនុំបេសកកម្មដំណឹងល្អ និងជាប្រធានគណៈកម្មការរៀបចំការប្រកួតពានរង្វាន់សន្តិភាព ខេត្តបន្ទាយមានជ័យ បានឡើងមានមតិស្វាគមន៍ឲ្យដឹងថា៖ព្រឹត្តិការណ៍នៃការប្រកួតបាល់ទាត់នេះគឺជាឆ្នាំទី៣ ហើយដែលលោកបានរៀបចំការប្រកួតពានរង្វាន់បាល់ទាត់សន្តិភាពខេត្តបន្ទាយមានជ័យ។ ជាពិសេសក្នុងគោលបំណង៖ ពោល(សម្រាប់អរគុណសន្តិភាព ដោយប្រើពាក្យ១ឃ្លា កីឡារស់ក្រោមម្លប់សន្តិភាព)ដោយសារសន្តិភាពទើបយើងអាចលេងកីឡានិងព្រោះរៀនដោយគ្មានការភ័យខ្លាច។   លោក បានបញ្ជាក់ថា៖ សម្រាប់ការប្រកួតពានរង្វាន់សន្តិភាពរដូវកាលទី៣ នេះទទួលការចូលរួមពីក្រុមចំនួន៣ អ៊ុយគឺមហាជនស្រីអ៊ុយ១៦ និងអុ៊យ១៣ ដែលមកពីបណ្ដាស្រុក ក្រុង មួយចំនួនក្នុងខេត្តបន្ទាយមានជ័យ។   ថ្លែនៅក្នុងឱកាសនោះឯកឧត្តម ខាន់ […]

អតីតក្រុមខ្លាំងរបស់អង់គ្លេស Manchester United បានសាងកំណត់ត្រាចាញ់ជាលើកទី៣ នៃវគ្គសន្សំពិន្ទុប្រចាំពូល A នៅពានរង្វាន់អឺរ៉ុប UEFA Champions League រដូវកាលនេះ នៅពេលលេងចាញ់ម្ចាស់ផ្ទះ FC Copenhagen ៤-៣ ស្របពេលខ្សែប្រយុទ្ធរបស់ខ្លួន Marcus Rashford ក៏ទទួលបានកាតក្រហមទៀត។   លងកាត់ ៤ប្រកួតប្រចាំពូលនាពេលកន្លងមក បិសាចក្រហមទើបតែលេងឈ្នះម្តងគត់ ដោយមាន ៣ពិន្ទុឈរនៅបាតតារាងផងដែរ ចាប់ប្រៀបក្រុមលេខ២ Copenhagen និងលេខ៣ Galatasaray ត្រឹម ១ពិន្ទុ ដ្បិតនៅសល់ ២ប្រកួតក្នុងដៃដូចគ្នា នៅពេលក្រុមកំពូលតារាង Bayern Munich បានកក់កៅអីទៅវគ្គ ១៦ក្រុមរួចហើយ ក្រោយរកបាន ១២ពិន្ទុពេញ។   ប្រធានក្រុម Bruno Fernandes បានគិតថា ខ្លួនជាអ្នករកបានជ័យជម្នះក្រៅផ្ទះលើកដំបូងឲ្យ Man Ut តាមរយៈស៊ុតបាល់ ១១ម៉ែត្របានសម្រេចនៅនាទី៦៩ ក៏ព្រោះតែខ្សែការពារ Lukas Lerager បានយកដៃប៉ះបាល់ ដែលត្រូវបានបង្ហាញដោយប្រព័ន្ធ […]

ក្រុមបាល់ទាត់ RB Leipzig និងក្រុមការពារតំណែងជើងឯក Manchester City បានកក់កៅអីឡើងទៅវគ្គ ១៦ក្រុមចុងក្រោយដូចគ្នានៃពានរង្វាន់អឺរ៉ុប UEFA Champions League នៅពេលយកឈ្នះគូប្រជែងក្នុងប្រកួតទី៤ របស់ពួកគេដូចគ្នានាយប់មិញនេះ។   Man City របស់អង់គ្លេស បានរក្សាកំណត់ត្រាលេង ៤ប្រកួតសន្សំពិន្ទុប្រចាំពូល G មិនចាញ់ នៅពេលបន្តបំបាក់ Young Boys របស់ស្វីស ៣-០ នាកីឡដ្ឋាន Etihad យប់មិញទៀតក្នុងជើងទី២ ដ្បិតជើងទី១ ពួកគេក៏បានយកឈ្នះ ៣-១ ផងដែរនៅទឹកដីក្រៅផ្ទះ ដោយរកបាន ១២ពិន្ទុនាំមុខកំពូលតារាងដាច់ផងដែរ តាមពីក្រោយដោយ Leipzig ដែលមាន ៩ពិន្ទុ ក្រោយយកឈ្នះម្ចាស់ផ្ទះ FK Crvena Zvezda ២-១។   ៣គ្រាប់របស់ក្រុមមេឃខៀវ Man City ក៏មាន ២គ្រាប់របស់កីឡាករពាក់លេខ៩ Erling Haaland ផងដែរ ដែលធ្វើឲ្យខ្សែប្រយុទ្ធអន្តរជាតិន័រវេសរូបនេះកើនគ្រាប់ស៊ុតនៅ UCL […]

ក្រុមបាល់ទាត់តោកំណាចអង់គ្លេស នឹងធ្វើជាម្ចាស់ផ្ទះ ដើម្បីទទួលស្វាគមន៍ក្រុមខ្លាំង សាំបាប្រេស៊ីល និងបិសាចក្រហម ប៊ែលហ្សិក ក្នុងកីឡដ្ឋាន Wembley របស់ខ្លួន ជាផ្នែកមួយក្នុងការត្រៀមលេងពានអឺរ៉ុប Euro 2024 នៅប្រទេសអាល្លឹម៉ង់។   ជំនួបអន្តរជាតិធំ ២លើកនេះដែរ នឹងធ្វើឡើងនាអំឡុងខែមីនា ឆ្នាំ២០២៤ ខាងមុខ បន្ទាប់ពីអង់គ្លេសដណ្តើមកៅអីសម្រាប់ជុំចុងក្រោយ ក្នុងការឡើងទៅលេងពាន ៤ឆ្នាំម្តង Euro ដែលនឹងធ្វើឡើងនៅប្រទេសអាល្លឺម៉ង់នាឆ្នាំក្រោយនេះ បន្ទាប់ពីយកឈ្នះសត្រូវចាស់ អាសូរីអ៊ីតាលី ៣-១ នៃវគ្គជម្រុះកាលពីខែតុលា ឆ្នាំ២០២៣។   នេះមានន័យថា ក្រុមរបស់លោក Gareth Southgate នឹងប្រឈមមុខដាក់គ្នា ទល់នឹងក្រុមយក្ស២ ដែលស្ថិតនៅក្នុងលំដាប់កំពូលចំណាត់ថ្នាក់ទាំង៥ របស់ FIFA នាពេលបច្ចុប្បន្ន។   អង់គ្លេស ដែលជាអតីតជើងឯករងកាលពី Euro 2020 នឹងទទួលស្វាគមន៍អតីតជើងឯកពិភពលោក World Cup ៥សម័យកាលប្រេស៊ីល នាថ្ងៃទី២៣ ខែមីនា និង ៣ថ្ងៃបន្ទាប់ប៉ះប៊ែលហ្សិកដែលជាក្រុមខ្លាំងនៅតំបន់អឺរ៉ុបដូចគ្នា៕

ក្រសួងអបរំ យុវជន និងកីឡា បានប្រកាសហាមយករូបសញ្ញាអប់រំ យុវជន និងកីឡា ទៅដាក់តាំងបង្ហាញនៅតាមទីសាធារណៈ ក្នុងបដានៃកិច្ចពិធីការផ្សេងៗ លើឯកសារផ្សព្វផ្សាយពាណិជ្ជកម្ម និងឯកសារដ្ឋបាលផ្សេងៗ ដោយមិនមានការអនុញ្ញាតពីក្រសួង ដើម្បីចៀសវាងការភាន់ច្រឡំ។   យោងតាមតាមសេចក្តីណែនាំរបស់ក្រសួងអប់រំ យុវជន និងកីឡា ចុះថ្ងៃទី ៣ ខែវិច្ឆិកា ឆ្នាំ ២០២៣ សង្កេតឃើញថា កន្លងមកនេះ មានរូបវន្តបុគ្គល ឬ នីតិបុគ្គល មួយចំនួនតូចបានយករូបសញ្ញាអប់រំ យុវជន និងកីឡា ទៅដាក់តាំងបង្ហាញនៅតាមទីសាធារណៈ ក្នុងបដានៃកិច្ចពិធីការផ្សេងៗ លើឯកសារផ្សព្វផ្សាយពាណិជ្ជកម្ម និងឯកសារដ្ឋបាលផ្សេងៗ ព្រមទាំងដាក់ជា Profile Facebook, Telegram ឬ កម្មវិធីទំនាក់ទំនងសង្គមផ្សេងៗ ដោយមិនបានស្នើសុំការអនុញ្ញាតជាមុន ពីក្រសួង ដែលព័ត៌មានមួយចំនួនធ្វើឱ្យមានការយល់ច្រឡំពីសាធារណជន និងប៉ះពាល់ យ៉ាងខ្លាំងដល់វិស័យអប់រំ យុវជន និងកីឡា។

នៃព្រឹត្តិការណ៍ប្រកួតកីឡាវាយសីជើងឯកយុវជនអាស៊ីអាគ្នេយ៍ (BA Sea Regional Junior Championship) ឆ្នាំ២០២៣ បន្ទាប់ពីប្រកួតផ្ដាច់ព្រ័ត្រចាញ់ក្រុមមីយ៉ាន់ម៉ា ទាំងប្រផិតប្រផើយ ក្នុងលទ្ធផល ៣-២ នៅព្រឹកថ្ងៃទី០១ ខែវិច្ឆិកានេះ នៅពហុកីឡដ្ឋានជាតិមរតកតេជោ ។ បច្ចុប្បន្នម្ចាស់ផ្ទះកម្ពុជា ដណ្ដើមបានមេដាយសរុប ២គ្រឿង គឺមេដាយប្រាក់ទាំងពីរ មុនបន្ដការប្រកួតឯកត្តជន និងវាយគូ រហូតដល់ថ្ងៃទី០៣ ខែវិច្ឆិកាទើបបញ្ចប់ ។

ការប្រកួតកីឡាវាយសីជើងឯកយុវជនអាស៊ីអាគ្នេយ៍ (BA Sea Regional Junior Championship) ឆ្នាំ២០២៣ ដែលគាំទ្រដោយសហព័ន្ធកីឡាវាយសីអាស៊ី (BA) បានបើកការប្រកួតផ្លូវការហើយ នៅព្រឹកថ្ងៃទី៣០ ខែតុលានេះ នៅទីលានវាយសី នៃពហុកីឡដ្ឋានជាតិមរតកតេជោ ដោយមានអត្តពលិកមកពី ៥ប្រទេសចូលរួម គឺមម្ចាស់ផ្ទះកម្ពុជា ប្រ៊ុយណេ ឡាវ មីយ៉ាន់ម៉ា និងទីម័រខាងកើត ។   ពិធីបើកការប្រកួតជើងឯកយុវជនអាយុក្រោម ១៥ឆ្នាំ និងអាយុក្រោម ១៧ឆ្នាំថ្នាក់តំបន់នេះ បានធ្វើឡើងក្រោមវត្តមានលោក លី កុសល រដ្ឋលេខាធិការក្រសួងការពារជាតិ និងជាប្រធានសហព័ន្ធកីឡាវាយសីកម្ពុជា ហើយក៏មានការអញ្ជើញចូលរួមពីលោក Wajid Ali ប្រធានក្រុមប្រឹក្សាអភិវឌ្ឍន៍កីឡាវាយសី នៃសហព័ន្ធកីឡាវាយសីអាស៊ី និងវត្តមានប្រតិភូ អត្តពលិក និងទស្សនិកជាច្រើនផងដែរ ។

ស្ថានប័នគ្រប់គ្រងបាល់ទាត់ពិភពលោក FIFA បានចេញប្រកាសនៅថ្ងៃចន្ទ បានសម្រេចដាក់ការហាមឃាត់រយៈពេល ៣ឆ្នាំ នៅលើអតីតប្រធានសហព័ន្ធបាល់ទាត់អេស្ប៉ាញ លោក Luis Rubiales បន្ទាប់ពីលោកបានចាប់បង្ខំថើបបបូមាត់កីឡាការិនី Jenni Hermoso ដែលជាម្ចាស់ពានរង្វាន់ World Cup។ នេះបើយោងតាមសារព័ត៌មាន CNA ចេញផ្សាយនៅថ្ងៃទី៣១ ខែតុលា ឆ្នាំ២០២៣។   FIFA បានលើកឡើងថា «លោក Rubiales ឥឡូវនេះបានរងការហាមឃាត់ ពីសកម្មភាពទាំងអស់ ក្នុងវិស័យបាល់ទាត់ រយៈពេល ៣ឆ្នាំ» ខណៈស្ថាប័នគ្រប់គ្រងបាល់ទាត់ពិភពលោកនេះ កន្លងមកជាបណ្តោះអាសន្នបានព្យួរលោក Rubiales ពីការងាររយៈពេល ៩០ថ្ងៃ បន្ទាប់ពីការថើបដោយមិនមានស្នើសុំរបស់លោក អំឡុងពេលពិធីបំពាក់មេដាយ ក្រោយពីក្រុមស្ត្រីអេស្ប៉ាញ បានឈ្នះពានរង្វាន់ Women’s World Cup នៅទីក្រុង Sydney កាលពីខែសីហា។

ក្រុមបាល់ទាត់ជម្រើសជាតិកម្ពុជា នឹងធ្វើការប្រកួតមិត្តភាពអន្ដរជាតិ ទល់នឹងក្រុមជម្រើសជាតិកាតា នាថ្ងៃទី៣១ ខែធ្នូ ឆ្នាំ២០២៣ ខាងមុខនៅទីក្រុងដូហា ប្រទេសកាតា។   យោងតាមការជូនដំណឹងរបស់សហព័ន្ធ នៅព្រឹកថ្ងៃទី៣០ ខែតុលានេះ បានបញ្ជាក់ថា ជំនួបមិត្តភាពដ៏កម្រនេះ កើតឡើងដោយសារការមានទំនាក់ទំនងល្អ រវាងសហព័ន្ធកីឡាបាល់កម្ពុជា ជាមួយសហព័ន្ធកីឡាបាល់ទាត់កាតា ខណៈដើម្បីពង្រឹងកិច្ចសហការល្អនេះ សហព័ន្ធកីឡាបាល់ទាត់កាតា ក៏បានអញ្ជើញក្រុមគោព្រៃកម្ពុជា ដើម្បីធ្វើការប្រកួតមិត្តភាពផ្លាស់ប្ដូរបច្ចេកទេសតែម្ដង៕

  ភ្នំពេញ៖ការប្រកួតកីឡាវាយសីដើម្បីដណ្ដើមពានរង្វាន់មិត្តភាព សហភាពសហព័ន្ធយុវជនកម្ពុជា( ស.ស.យ.ក )រាជធានីភ្នំពេញ បានចាប់ផ្តើមហើយចាប់ ពីព្រឹកថ្ងៃទី២៨-២៩ ខែតុលា ឆ្នាំ២០២៣។   ព្រឹត្តិការណ៍ប្រកួតវាយសីដណ្តើមពានរង្វាន់ មិត្តភាព ស.ស.យ.ក រាជធានីភ្នំពេញនេះរៀបចំឡើងក្នុងគោលបំណងជំរុញ និងគាំទ្រដល់វិស័យកីឡា នៅកម្ពុជា។ លោក ឡែម ស៊ីណា ប្រធានក្លឹបវាយសីភ្នំពេញបានប្រាប់ឱ្យដឹងថាក្នុងការប្រកួតវាយសីដណ្តើមពានរង្វាន់ មិត្តភាព ស.ស.យ.ក រាជធានីភ្នំពេញនេះមាន កីឡាករ និងកីឡាការិនីចំនួន៦៤រូបស្មើនឹង៣២គូចូលរួម។សម្រាប់ការរៀបចំប្រកួតនេះដែរនឹង ទទួលប្រាក់រង្វាន់ពីសំណាក់ ឯកឧត្តមឧបនាយករដ្ឋមន្រ្តី សាយ សំអាល់ ប្រធានសហភាពសហព័ន្ធយុវជនកម្ពុជា( ស.ស.យ.ក )រាជធានីភ្នំពេញ។   លោកបានបញ្ជាក់បន្ថែមថា”កម្មវិធីនេះរៀបចំឡើងក្រោមចំណុះរបស់ស.ស.យ.ក រាជធានីភ្នំពេញទាំងអស់ ហើយធ្វើឡើងដើម្បីរឹតចំណង មិត្តភាព សន្តិភាព និង ទំនាក់ទំនងល្អជាមួយគ្នា។

បន្ទាប់ពីទទួលបានសេចក្ដីទុកចិត្តពីសហព័ន្ធកីឡាវាយសីអាស៊ី នៅសប្ដាហ៍ក្រោយនេះ សហព័ន្ធកីឡាវាយសីកម្ពុជា នឹងរៀបចំការប្រកួតកីឡាវាយសីជើងឯកយុវជនថ្នាក់តំបន់អាស៊ីអាគ្នេយ៍ (BA Sea Regional Junior Championship) ឆ្នាំ២០២៣ នៅទីលានវាយសី នៃពហុកីឡដ្ឋានជាតិមរតកតេជោ ខណៈអ្នកគាំទ្រអាចចូលរួមទស្សនាបានដោយសេរី។   លោក ជាម សុភា អគ្គលេខាធិការសហព័ន្ធបានឲ្យដឹងថា ការប្រកួតនេះមានរយៈពេល ៥ថ្ងៃ ចាប់ពីថ្ងៃទី៣០ ខែតុលា ដល់ថ្ងៃទី០៣ ខែវិច្ឆិកា ឆ្នាំ២០២៣ ដោយមានអត្តពលិកប្រមាណ ៧០នាក់មកពី ៥ប្រទេសចូលរួម រួមមានអត្តពលិកម្ចាស់ផ្ទះកម្ពុជា មីយ៉ាន់ម៉ា ឡាវ ប្រ៊ុយណេ និងទីម័រខាងកើត។   អគ្គលេខាធិការសហព័ន្ធដដែលបានបន្ដថា «នេះជាលើកទី១ ដែលកម្ពុជាទទួលធ្វើម្ចាស់ផ្ទះការប្រកួតកីឡាវាយសីថ្នាក់តំបន់ បន្ទាប់ពីយើងបានរៀបចំស៊ីហ្គេម-អាស៊ានប៉ារ៉ាហ្គេមបានល្អ ទាំងទីលាន ការងារបច្ចេកទេស និងការស្នាក់នៅ-ហូបចុកជាដើម បានធ្វើឲ្យបណ្ដាប្រទេសក្នុងតំបន់ និងអន្ដរជាតិកោតសរសើរ។  

យុវជនមានពិការភាពជម្រើសជាតិចំនួនបួនរូបបានធ្វើដំណើរទៅចូលរួមប្រកួតប្រជែងជាសាកលផ្នែកព័ត៌មានវិទ្យាសម្រាប់យុវជនមានពិការភាពឆ្នាំ២០២៣ (Global IT Challenge for Youth with Disability 2023) នៅទីក្រុងអាប៊ូដាប៊ីសហព័ន្ធអារ៉ាប់អេមីរ៉ាតដោយផ្ទាល់ចាប់ពីថ្ងៃទី២៣ដល់ថ្ងៃទី២៩ ខែតុលា ឆ្នាំ២០២៣។ យោងតាមសេចក្តីប្រកាសព័ត៌មានរបស់ក្រសួងសង្គមកិច្ចអតីតយុទ្ធជន និងយុវនីតិសម្បទា នៅថ្ងៃទី២៣ ខែតុលាបានឱ្យដឹងថា ការប្រកួតប្រជែងនេះចែកជាពីរគឺ ការប្រកួតដោយផ្ទាល់និងតាមអនឡាញ ដែលមានប្រទេសចំនួន១៨។ ប្រទេសទាំងនោះរួមមាន ប្រទេសកម្ពុជា អារ៉ាប់អេមីរ៉ាត កូរ៉េ ប៉ាគីស្ថាន អេហ្ស៊ីប ណេប៉ាល់ ម៉ុងហ្គោលី កេនយ៉ា អេចពី បង់ក្លាដែស ចិន ឥណ្ឌា វៀតណាម ថៃ ហ្វីលីពីន ម៉ាឡេស៊ី ឡាវ និងប្រទេសឥណ្ឌូនេស៊ី។ ក្រសួងបានបញ្ជាក់ដែរថា ក្រៅពីចូលរួមប្រកួតផ្ទាល់នៅអារ៉ាប់រួម យុវជនមានពិការភាពកម្ពុជា ចំនួន ១៩រូប ក៏នឹងចូលរួមប្រកួតប្រជែងតាមអនឡាញពីកម្ពុជា ចាប់ពីថ្ងៃទី២៥-២៧ ខែតុលា ឆ្នាំ២០២៣ ផងដែរ។

ខ្សែប្រយុទ្ធឆ្នើម Lionel Messi ជួយក្រុមអាហ្សង់ទីន យកបានជ័យជម្នះទៅលើក្រុមប៉េរូ ២-០ ក្នុងប្រកួតទី៤ នៃវគ្គជម្រុះពានរង្វាន់ FIFA World Cup 2026 នៅតំបន់អាមេរិកខាងត្បូង ដោយបាននាំក្រុមបន្តឈ្នះនិងនៅឈរកំពូលតារាងរកបាន ១២ពិន្ទុ។ ថិតក្នុងការប្រកួត Messi រកបាន ២គ្រាប់ម្នាក់ឯង ដោយធ្វើបាននៅវគ្គទី១ នៅនាទី៣២ និងនាទី៤២ ពីការរួមចំណែកបង្កើតឱកាសរកបានគ្រាប់ស៊ុតបញ្ចូលទីដោយមិត្តក្រុមកីឡាករ Nicolas Gonzales និង Enzo Fernandez ក្នុងប្រកួតដែលក្រុមអាហ្សង់ទីន ដឹកនាំដោយលោក Lionel Scaloni មានការគ្របគ្រង់ ៦០ភាគរយលើទីលាននៃកីឡដ្ឋាន Estadio Nacional។ តាមរយៈការរកបាន ២គ្រាប់បន្ថែមនេះរបស់ Messi ធ្វើឲ្យខ្សែប្រយុទ្ធដែលមកពីក្លិប Inter Miami ពេលនេះរកបាន ១១៩គ្រាប់ជាមួយជម្រើសជាតិអាហ្សង់ទីន និងកើនបាន ៣គ្រាប់នាំមុខគេស្មើជាមួយកីឡាករ Nicolas de La Cruz របស់ក្រុមអ៊ុយរូហ្គាយ ស្ថិតក្នុងវគ្គជម្រុះនេះជាបណ្តោះអាសន្ន និងនៅមានឱកាសរកបានគ្រាប់បាល់បន្ថែម ក្នុងវគ្គជម្រុះនេះដែលនៅសល់ ១៤ប្រកួតទៀត។

ព្រឹត្តិការណ៍កីឡាអាស៊ី (Asian Games) លើកទី១៩ បានបិទបញ្ចប់នៅកីឡដ្ឋាន Hangzhou Olympic Sports Center ក្នុងទីក្រុង Hangzhou ខេត្ត Zhejiang ភាគខាងកើតប្រទេសចិន កាលពីយប់ថ្ងៃអាទិត្យកន្លងទៅ ។ ការប្រកួតកីឡាអាស៊ីជាព្រឹត្តិការណ៍ទាក់ទាញចំណាប់អារម្មណ៍ពីប្រជាជនអាស៊ី និងជុំវិញពិភពលោក ។ ពិធីបិទព្រឹត្តិការណ៍កីឡាអាស៊ីនៅប្រទេសចិនឆ្នាំនេះ បានបង្ហាញពីទស្សនីយភាពសិល្បៈចម្រុះដ៏ស្រស់ស្អាតបំផុតក្នុងតំបន់អាស៊ីទៅកាន់ពិភពលោក ។ កម្មវិធីបិទកីឡា Asian Games គឺជាពិធីជប់លៀងលាគ្នាដែលមានរយៈពេល ៨៥នាទី ។ រយៈពេលនេះអ្នកទស្សនា ថ្នាក់ដឹកនាំ អត្តពលិក និងប្រតិភូកីឡាមកពីប្រទេសនានា បានទស្សនាការសម្តែងសិល្បៈចម្រុះដ៏ស្រស់ស្អាត ៤កម្មវិធីជាប់ៗគ្នា ។ នាយកគ្របគ្រងគំនិតច្នៃប្រតិដ្ឋទស្សនីយភាពបាននិយាយថា កម្មវិធីបិទកីឡា Asian Games បានប្រើប្រាស់អំពូល LEDs ចំនួនជាង ៤ម៉ឺនគ្រាប់ដោយតំឡើងនៅលើវាលស្មៅនៃកីឡដ្ឋាន Hangzhou Olympic Sports Center ។

សហព័ន្ធគ្រប់គ្រងបាល់ទាត់ប្រចាំទ្វីបអឺរ៉ុប UEFA បានប្រកាសជាផ្លូវការនៅថ្ងៃទី១០ ខែតុលា ឆ្នាំ២០២៣ សម្រាប់ព្រឹត្តិការណ៍ Euro 2028 នឹងធ្វើឡើងនៅចក្រភពអង់គ្លេស និងសាធារណរដ្ឋអៀរឡង់ តមកពីអាល្លឺម៉ង់ ដែលធ្វើម្ចាស់ផ្ទះនៅឆ្នាំ២០២៤។ តាមរយៈការចេញផ្សាយដោយគេហទំព័រកីឡា BBC នៅថ្ងៃទី១១ ខែតុលា ឆ្នាំ២០២៣ បានឲ្យដឹងថា ការប្រកួត Euro លើកទី១៨ នៅឆ្នាំ២០២៨ នោះដែរ នឹងធ្វើឡើងនៅបណ្តាប្រទេសចំនួន ៥ដោយរួមមាន អង់គ្លេស វ៉េល ស្កុតឡេន អៀរឡង់ខាងជើង និងសាធារណរដ្ឋអៀរឡង់ ដោយមាន ១០កីឡដ្ឋានសរុបផងដែរ ក្នុងចំណោម ២៤ប្រទេស (ក្រុម) ចូលរួម។ តែយ៉ាងណាកីឡដ្ឋាន ២មានដូចជា Wembley របស់អង់គ្លេស និង Hampden Park របស់ស្កុតឡេន ទើបតែធ្លាប់បានធ្វើម្ចាស់ផ្ទះ Euro នៅឆ្នាំ២០២០ មកដែរ នៅពេលប្រទេសអៀរឡង់ខាងជើង សាធារណរដ្ឋអៀរឡង់ និងវ៉េល ពុំដែលធ្លាប់ធ្វើម្ចាស់ផ្ទះផ្នែកបាល់ទាត់ក្នុងកម្មវិធីធំណាមួយនោះទេ។

សម្បត្តិវប្បធម៌អរូបីទាំង៦ ដែលបានចុះបញ្ជីជាសម្បត្តិបេតិកភណ្ឌពិភពលោកនៃមនុស្សជាតិ ១ – របាំព្រះរាជទ្រព្យ (អរូបី)៖ ចុះក្នុងបញ្ជីបេតិកភណ្ឌពិភពលោក នៅថ្ងៃទី៧ ខែវិច្ឆិកា ឆ្នាំ២០០៣។ ២ – ល្ខោនស្រមោលស្បែក ឬ ល្ខោនស្បែកធំ ចុះក្នុងបញ្ជីបេតិកភណ្ឌពិភពលោក នៅថ្ងៃទី២៥ ខែវិច្ឆិកា ឆ្នាំ២០០៥។ ៣ – ល្បែងទាញព្រ័ត្រ ចុះក្នុងបញ្ជីបេតិកភណ្ឌពិភពលោកនៅថ្ងៃទី២ ខែធ្នូ ឆ្នាំ២០១៥។ ៤ – ចាប៉ីដងវែង ចុះក្នុងបញ្ជីបេតិកភណ្ឌពិភពលោក នៅថ្ងៃទី៣០ ខែវិច្ឆិកា ឆ្នាំ២០១៦។ ៥ – ល្ខោនខោល ល្ខោនខោលបានបញ្ចូលក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិរបស់ អង្គការយូណេស្កូ នៅទីក្រុងព័រល្វី សាធារណរដ្ឋម៉ូរី នៅថ្ងៃទី២៨ ខែវិច្ឆិកា ឆ្នាំ២០១៨។ ៦ – គុនល្បុក្កតោ គុនល្បុក្កតោត្រូវបានបញ្ចូលក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិនៅ ថ្ងៃ២៩ ខែវិច្ឆិកា ២០២២។

ក្រុមបាល់ទាត់ជម្រើសជាតិប៉ាគីស្ថាន បានធ្វើដំណើរមកដល់កម្ពុជាហើយ នៅព្រឹកថ្ងៃទី០៩ ខែតុលានេះ ដើម្បីត្រៀមការប្រកួតជម្រុះបឋម នៃពានរង្វាន់ FIFA World Cup 2026 វគ្គជម្រុះជុំទី១ ប្រចាំទ្វីបអាស៊ី ដែលកម្ពុជាធ្វើម្ចាស់ផ្ទះជើងទី១ នាថ្ងៃទី១២ ខែតុលា ឆ្នាំ២០២៣ នេះ ។ នេះគឺជាបេសកកម្មលើកទី២ លើទឹកដីកម្ពុជា ក្នុងរយៈពេល ១,៥៨៦ថ្ងៃ បន្ទាប់ពីក្រុមជម្រើសជាតិប៉ាគីស្ថាន បានរងបរាជ័យក្រោមថ្វីជើងក្រុមជម្រើសជាតិកម្ពុជា ២-០ ក្នុងជំនួបជើងទី១ នៃវគ្គជម្រុះបឋមពានរង្វាន់ FIFA World Cup 2022 កាលពីថ្ងៃទី០៧ ខែមិថុនា ឆ្នាំ២០១៩ ។ ដូច្នេះមើលជួបគ្នាលើកនេះ តើក្រុមណានឹងក្លាយជាបេក្ខភាពឡើងវគ្គបន្ដ? គួរដឹងថា ក្រុមជម្រើសជាតិកម្ពុជា និងប៉ាគីស្ថាន នឹងត្រូវជួបគ្នា ២ជើង ដូចលើកមុនដែរ ដើម្បីប្រជែងកៅអីវគ្គជម្រុះជុំទី២ នៃពានរង្វាន់ FIFA World Cup 2026 ដោយជើងទី១ កម្ពុជា ត្រូវធ្វើម្ចាស់ផ្ទះ នាថ្ងៃទី១២-តុលា មុនក្រុមប៉ាគីស្ថាន ធ្វើម្ចាស់ផ្ទះនៅជើងទី២ […]

លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា (NOCC) បានបញ្ជាក់ថា កីឡាការិនីជឺជីតស៊ូជម្រើសជាតិកម្ពុជា ខាន់ ចេសា ម្ចាស់មេដាយមាសកីឡាអាស៊ី លើកទី១៨ ឆ្នាំ២០១៨ នៅប្រទេសឥណ្ឌូនេស៊ី មិនបានចូលរួមប្រកួតកីឡាអាស៊ី (Asian Games) លើកទី១៩ នៅប្រទេសចិន នោះទេ។ រដ្ឋលេខាធិការក្រសួងអប់រំ យុវជន និងកីឡា ខាងលើ បានបញ្ជាក់ថា ដោយសារកត្ដាផ្ទាល់ខ្លួន គួបផ្សំ ខាន់ ចេសា ត្រូវចូលរួមប្រកួតកម្មវិធី ONE Fight Night 14 នៅលើសង្វៀន ONE Championship នៅប្រទេសសិង្ហបុរី នាចុងខែនេះផងទើបធ្វើឲ្យនាងខកខានចូលរួមប្រកួតការពារមេដាយមាសកីឡាអាស៊ី នៅប្រទេសចិន។ ត្រឡប់មកកាន់ការប្រកួតចំពោះមុខវិញ ដ្បិត ចេសា ខកខានចូលរួមប្រកួតការពារមេដាយមាសរបស់ខ្លួន ក្នុងព្រឹត្តិការណ៍ Asian Games លើកទី១៩ នៅចិន ក៏ប៉ុន្តែនៅថ្ងៃទី៣០ ខែកញ្ញានេះ នាងនឹងត្រូវប្រកួតដណ្ដើមខ្សែក្រវាត់ពិភពលោក ជាមួយកីឡាការិនីអាមេរិក Danielle Kelly ក្នុងកម្មវិធី […]