ព័ត៌មានថ្មីៗ

បារាំងពិន័យ Google ២៧០លានដុល្លារ ក្រុមហ៊ុនបច្ចេកវិទ្យាដ៏ធំ Google បានរងការផាកពិន័យជាប្រាក់ចំនួន ២៧២លានដុល្លារអាមេរិក ពីអាជ្ញាធរជំនាញរបស់ប្រទេសបារាំង លើករណី២ធំៗ។

Posted on Author nmr Comments Off on បារាំងពិន័យ Google ២៧០លានដុល្លារ ក្រុមហ៊ុនបច្ចេកវិទ្យាដ៏ធំ Google បានរងការផាកពិន័យជាប្រាក់ចំនួន ២៧២លានដុល្លារអាមេរិក ពីអាជ្ញាធរជំនាញរបស់ប្រទេសបារាំង លើករណី២ធំៗ។

និយតករបារាំងបាននិយាយ កាលពីថ្ងៃពុធថា ពួកគេសម្រេចពិន័យ Google សម្រាប់ការរំលោភលើកិច្ចសន្យា ទាក់ទងនឹងការលើទូទាត់ប្រាក់ ឱ្យក្រុមហ៊ុនប្រព័ន្ធផ្សព្វផ្សាយ ដែលផលិតមាតិការបស់ពួកគេឡើងវិញ តាមអ៊ីនធឺណិត ហើយក្រៅពីនេះ ក៏ពិន័យទាក់ទងនឹងការប្រើប្រាស់គ្រឿងបង្គុំផ្សេងៗ របស់ក្រុមហ៊ុនទាំងនេះ ដើម្បីជាប្រយោជន៍ដល់បញ្ញាសិប្បនិម្មិត AI chatbot របស់ Google ដោយមិនបានជូនដំណឹង។

 

កាលពីឆ្នាំ២០២២ ក្រុមហ៊ុន Google បានប្តេជ្ញាចិត្ត ចរចាដោយយុត្តិធម៌ ជាមួយបណ្តាស្ថាប័នព័ត៌មានបារាំង បន្ទាប់ពីក្រុមហ៊ុនបច្ចេកវិទ្យាយក្សរបស់សហរដ្ឋអាមេរិកមួយនេះ ត្រូវបានផាកពិន័យ ៥០០ លានអឺរ៉ូ ជុំវិញជម្លោះដ៏រ៉ាំរ៉ៃនេះ។ ស្ថាប័នតំណាងឱ្យទស្សនាវដ្តី និងកាសែតបារាំងល្បីៗ នៅបារាំង រួមទាំង ទីភ្នាក់ងារសារព័ត៌មានបារាំង AFP បានដាក់សំណុំរឿងនេះ ទៅនិយតករបារាំង កាលពីឆ្នាំ២០១៩។

 

 

nmr

Related Articles
ជីវិតនិងសង្គម ព័ត៌មានជាតិ ព័ត៌មានថ្មីៗ

ច្បាប់ស្តីពីការរំលូតកូនបានចែងថាករណីមិនមែនជា វេជ្ជបណ្ឌិត ឬគ្រូពេទ្យមធ្យម ឬជាឆ្មបមធ្យម ជាអ្នកធ្វើការរំលូតទេ នឹងត្រូវផ្តន្ទាទោសដាក់ពន្ធនាគារពី១ខែ ទៅ១ឆ្នាំ ក្នុងករណីធ្វើឱ្យស្ត្រីជាម្តាយមានជំងឺរ៉ាំរ៉ៃ ឬពិការផ្តន្ទាទោស ពី១ឆ្នាំ ទៅ៥ឆ្នាំ ប្រសិនបើធ្វើឱ្យស្ត្រីមានគភ៌គ្រោះថ្នាក់ដល់ស្លាប់ ត្រូវដាក់ពន្ធនាគារពី ៥ឆ្នាំទៅ ១០ឆ្នាំ

Posted on Author nmr

ភ្នំពេញ៖ប្រជាជនមួយចំនួននៅមិនទាន់យល់ច្បាស់ពីការរំលូតកូនឡើយ ខ្លះគេមិនបានដឹងទេថា តើនៅកម្ពុជាមានច្បាប់រំលូតកូនដែរឬទេ? ហើយស្ថិតនៅក្នុងលក្ខខណ្ឌណាទើបអាចរំលូតបាន?​ ឯខ្លះទៀតធ្វើការរំលូតដោយគ្មានការពិនិត្យត្រឹមត្រូវពីគ្រូពេទ្យធ្វើឱ្យប៉ះពាល់ដល់សុខភាពម្តាយទៀតផង។ ប្រាកដណាស់ កម្ពុជាមានច្បាប់ស្តីពី ការរំលូតកូន ដែលរដ្ឋសភាបានអនុម័តកាលពីថ្ងៃទី០៦ ខែតុលា ឆ្នាំ១៩៩៧ក្នុងគោលដៅកំណត់ពីបែបបទ និងលក្ខខណ្ឌនៃការរំលូតកូន។ ច្បាប់ ស្តីពីការរំលូតកូនក្នុងមាត្រា៨ បានចែងមកថា គភ៌នៅក្នុងផ្ទៃ អាចធ្វើការរំលូតបានក្នុងអាយុយ៉ាងតិច១២សប្តាហ៍មិនអាចលើសពីនេះបានឡើយ។ ក៏ប៉ុន្តែ គភ៌អាចរំលូតបានលើសពី១២សប្តាហ៍ លុះត្រាតែធ្វើរោគវិនិច្ឆ័យទៅឃើញថា៖ -គភ៌នៅក្នុងផ្ទៃ មានលក្ខណៈមិនប្រក្រតី ឬមិនលូតលាស់ដែលធ្វើឱ្យប៉ះពាល់ដល់សុខភាព ឬជីវិតរបស់ម្តាយ                                     ​​ -កូនដែលកើតមក អាចនឹងមានជំងឺធ្ងន់ធ្ងរព្យាបាលពុំជា។ -មានផ្ទៃពោះដោយសារចាប់រំលោភ ប៉ុន្តែ ទាល់តែមានការស្នើសុំពីសាមីខ្លួនជាមុនសិន ហើយក្នុងករណីដែលស្រ្តីមានគភ៌នោះ អាយុត្រឹមតែ១៨ឆ្នាំ ឬតិចជាងអាយុ១៨ឆ្នាំនោះ  ត្រូវមានការស្នើសុំពីឳពុកម្តាយជាមុនសិន។ សម្រាប់ស្រ្តីដែលមានបំណងចង់រំលូត ត្រូវបានការពិនិត្យ​ និងពិគ្រោះយោបល់ជាមួយនឹងគ្រូពេទ្យជំនាញជាមុនសិន។ ចំពោះការរំលូតច្រើនដង គឺមិនមានផលប៉ះពាល់ដល់សុខភាពម្តាយនោះទេ លុះត្រាតែស្រ្តីនោះ ធ្វើការរំលូតជាមួយនឹងគ្រូពេទ្យដែលមានជំនាញច្បាស់លាស់។ យ៉ាងណាមិញ នៅក្នុងច្បាប់ស្តីពីការរំលូតកូននេះ បានចែងមកថា ក្នុងករណីមិនមែនជា វេជ្ជបណ្ឌិត ឬគ្រូពេទ្យមធ្យម ឬជាឆ្មបមធ្យម ជាអ្នកធ្វើការរំលូតទេ នឹងត្រូវផ្តន្ទាទោសដាក់ពន្ធនាគារពី១ខែ ទៅ១ឆ្នាំ។ ក្នុងករណីធ្វើឱ្យស្ត្រីជាម្តាយមានជំងឺរ៉ាំរ៉ៃ ឬពិការផ្តន្ទាទោស ពី១ឆ្នាំ ទៅ៥ឆ្នាំ […]
ជីវិតនិងសង្គម ព័ត៌មានជាតិ ព័ត៌មានថ្មីៗ

Wow! ព្រោះគ្រាន់តែសក់មួយមុខសោះ  អស់ជាង១ពាន់ដុល្លារ ,ក្រដាសវិក្កយបត្រគិតលុយរបស់ហាងសាឡនមួយកន្លែងដោយម្នាក់ៗមានការហួសចិត្តព្រោះតម្លៃធ្វេីសក់មានតម្លៃថ្លៃកប់ពពក

Posted on Author nmr

ភ្នំពេញ៖ មានការភ្ញាក់ផ្អើលពេញបណ្តាញសង្គមមុននេះ បន្ទាប់ពីមានការចែករំលែកតៗគ្នាជាច្រើនជុំវិញវិក្កយបត្រគិតលុយថ្លៃកាត់ គាបនិងព្យាបាលសក់នៅហាងមួយកន្លែងដែលមានតម្លៃខ្ពស់កប់ពពក ។ លុះពេលតាមទាន់ទើបដឹងថាគឺជាហាងរបស់តារាចម្រៀងស្រីម្ចាស់បទ”វាចាស្រីឡង់សេ” គឺអ្នកនាង យុង ចាន់កណ្ណិកានោះតែម្តង រហូតអ្នកនាងចេញមកបកស្រាយការរិះគន់ខាងលើថែមទៀតផង។ មុននេះមានការចែកចាយតៗគ្នាពេញបណ្តាញសង្គមស្តីពីក្រដាសវិក្កយបត្រ គិតលុយរបស់ហាងសាឡានមួយកន្លែងដោយម្នាក់ៗមានការហួសចិត្តក៏ព្រោះតែតម្លៃធ្វេីសក់មានតម្លៃថ្លៃខ្លាំងកប់ពពកតែម្តង។ បើតាមការបង្ហោះពីអតិថិជនដែលបានទៅធ្វេីសក់នៅហាងសាឡានខាងលើផ្ទាល់បានសម្តែងការហួសចិត្តថា  ឃើញគេផុសច្រើនពេក សុំផុស១ដែរសិន ផេកកណ្ណិកាសាឡន សាខាទី១ គាត់ដឹងតែល្បីសាហាវហ្មង សំខាន់តាមដានផេកគាត់យូរហើយ ប្រុងឆាតសួរដែរតែមិនមានពេលចេះតែភ្លេច ឥឡូវមិនបាច់សួរទេ គឺមានគេផុសឱ្យមើលស្រាប់ៗមិនហត់ឆាតសួរ។   បើតាមក្រដាសវិក្កយបត្រ គិតលុយនោះបានឱ្យដឹងថា សក់អ៊ុតកឹប តម្លៃ២៨០ដុល្លារ សក់ត្រង់២៥០ដុល្លារ  ព្យាបាល៣០០ដុល្លារ  អ៊ុតត្រង់ ៥០០ដុល្លារ សាប៊ូនិងស្បា១០០ដុល្លារ និង  កក់១៥ដុល្លារ ដែលសរុបទាំងអស់ ១.៤៤៥ដុល្លារ ដែលតម្លៃនេះធ្វើឱ្យបងប្អូនលេងបណ្តាញសង្គមមានការចាប់  អារម្មណ៍ ព្រោះគ្រាន់តែសក់មួយមុខសោះ  អស់ជាង១ពាន់ដុល្លារ  អ្នកមានជីវភាពធម្មតាប្រាកដណាស់ច្បាស់ជាមិនហ៊ានចូល។ ទោះជាយ៉ាងណា ភ្លាមៗនោះក្រោយទទួលរងការរិះជាច្រើនពាក់ព័ន្ទនឹងតម្លៃថ្លៃកប់ពពកនេះ ស្រាប់តែម្ចាស់សាឡនមានហ្វេសបុកឈ្មោះកណ្ណិការសាឡនបានចេញមុខបកស្រាយបែបនេះថា   ខ្ញុំទិញផ្ទះ៧០ម៉ឺនដុល្លារ ដេគ័រអស់ជិត១០ម៉ឺនដុល្លារ បើកបែបស្តង់ដារសម្រាប់អ្នកហ៊ានចាយលុយជាមួយសក់និងយល់ពីផលិតផល  ស័ក្តិសមនឹងកិត្តិយសអ្នកចូលមកគ្រប់សេវាកម្ម ហើយបទពិសោធន៍ជំនាញសាឡនរបស់ពួកខ្ញុំជាង២០ឆ្នាំហើយ មិនមែនក្មេងទើបតែរៀនស៊េរីក្រោយទេ មុនធ្វើខ្ញំសុទ្ធតែប្រាប់ពីតម្លៃ និងមានការពន្យល់ត្រឹមត្រូវ ធ្វើក៏បានមិនធ្វើក៏បាន មិនឫកពា ភ្ញៀវក្នុងឋានៈណាក៏ខ្ញុំទទួលរាក់ទាញ ទោះធ្វើឬមិនធ្វើក៏ដោយ […]
ជីវិតនិងសង្គម ព័ត៌មានជាតិ ព័ត៌មានថ្មីៗ ព័ត៌មានអន្តរជាតិ

រុស្ស៊ីបាញ់ទម្លាក់ដ្រូនប្រដាប់អាវុធពីរគ្រឿង ដែលហោះសំដៅទៅក្រុងមូស្គូ

Posted on Author nmr

អភិបាលក្រុងក្រុងមូស្គូបានអះអាងថា ប្រព័ន្ធការពារដែនអាកាសរុស្ស៊ីបានបាញ់ទម្លាក់ដ្រូនប្រដាប់អាវុធចំនួនពីរគ្រឿង ដែលហោះសំដៅទៅក្រុងមូស្គូ។ នេះបើតាមការរាយការណ៍របស់ទីភ្នាក់ងារសារព័ត៌មានផ្សេងៗ។ លោកអភិបាល Sergei Sobyanin បាននិយាយលើតេឡេក្រាម នៅព្រឹកថ្ងៃពុធនេះថា ដ្រូនមួយគ្រឿង ត្រូវបានបាញ់ទម្លាក់នៅតំបន់ Domodedovo នៅជាយក្រុងភាគខាងត្បូង ខណៈដ្រូនមួយទៀត ត្រូវបានបាញ់ទម្លាក់នៅតំបន់ផ្លូវហាយវេ Minsk នាភាគខាងលិចក្រុង។ លោក Sobyanin មិនបានហៅឈ្មោះថាអ្នកណាស្ថិតនៅពីក្រោយការវាយប្រហារនោះទេ ដោយថ្លែងថា «នៅពេលនេះ មិនមានព័ត៌មានអំពីជនរងគ្រោះដោយសារតែធ្លាក់បំណែកដ្រូននៅឡើយទេ»។ ចំណែកទីភ្នាក់ងារព័ត៌មានរដ្ឋរុស្ស៊ី បានរាយការណ៍អំពីការប៉ុនប៉ងវាយប្រហារដោយដ្រូននេះ ដោយស្រង់សម្ដីការលើកឡើងពីក្រសួងការពារជាតិរុស្ស៊ី ដែលនិយាយថា ដ្រូនរបស់អ៊ុយក្រែនត្រូវបានបំផ្លាញក្នុងការប៉ុនប៉ងវាយប្រហារទីក្រុងមូស្គូ។ ប្រភព៖ Russia shoots down two armed drones headed for Moscow