សម្តេចតេជោ ហ៊ុន សែន បញ្ជាក់ថា ជំនួបជាមួយប្រធានាធិបតីអាមេរិក មិនមែននិយាយពីតួអង្គមនុស្សណាម្នាក់ នោះឡើយ គឺជជែកគ្នាតែអំពីការបោសសំអាតមីននៅកម្ពុជា និងលំហប្រជាធិបតេយ្យប៉ុណ្ណោះ។ ថ្លែងក្នុងពិធីបិទសន្និបាតខួប៣០ឆ្នាំ នៃសកម្មភាពមីននៅកម្ពុជា នៅថ្ងៃទី២២ ខែវិច្ឆិកា ឆ្នាំ២០២២នេះ សម្តេចតេជោហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ជាថ្មីម្ដងទៀតថា ជំនួបរវាងសម្តេចតេជោ ជាមួយ លោក ចូ បៃឌិន ប្រធានាធិបតីអាមេរិក កាលពីល្ងាចថ្ងៃទី១២ ខែវិច្ឆិកា ឆ្នាំ២០២២ ដែលជាថ្ងៃទី៣ នៃកិច្ចប្រជុំកំពូលអាស៊ានលើកទី៤០ ទី៤១ ដែលកម្ពុជាធ្វើជាម្ចាស់ផ្ទះ មិនមែននិយាយពីតួអង្គមនុស្សណាម្នាក់ នោះឡើយ។ ប៉ុន្តែជំនួបនេះកម្ពុជា និងអាមេរិក ជជែកគ្នាតែអំពីការបោសសំអាតមីននៅកម្ពុជា និងលំហប្រជាធិបតេយ្យ តែប៉ុណ្ណោះ។ លោក ចូ បៃឌិន បានជម្រាបជូនសម្ដេចតេជោ ហ៊ុន សែន ថាសហគមន៍អាស៊ានពិតជាមានសារៈសំខាន់ណាស់សម្រាប់សហរដ្ឋអាមេរិក ពិសេសចំពោះរដ្ឋាភិបាលរបស់លោកផ្ទាល់តែម្ដង ហើយសហរដ្ឋអាមេរិកគាំទ្រចំពោះមច្ចុភាពអាស៊ាន។ លោក ចូ បៃឌិន ក៏បានវាយតម្លៃខ្ពស់ចំពោះវិធានការរបស់ប្រទេសកម្ពុជាជាប្រធានអាស៊ានក្នុងការប្រឹងប្រែងដោះស្រាយបញ្ហានៅប្រទេសមីយ៉ាន់ម៉ាឲ្យវិលត្រឡប់ទៅរកស្ថានភាពដើមវិញនោះ។ ជាការឆ្លើយតបសម្ដេចតេជោក៏បានអរគុណចំពោះឯកឧត្តម ចូ បៃឌិន ដែលបានអញ្ជើញធ្វើដំណើរមកចូលរួមនៅក្នុងកិច្ចប្រជុំកំពូលអាស៊ាននៅរាជធានី […]
Utari Octavianty កើតចេញពីគ្រួសារអ្នកនេសាទក្រីក្រ មានដើមកំណើតនៅភូមិ Kampung Bahru ដែលជាភូមិនេសាទដាច់ស្រយាលនៅកោះ Kalimantan ប្រទេសឥណ្ឌូនេស៊ី ដែលមនុស្សជាច្រើនមិនមានលទ្ធភាពទទួលបានការអប់រំ។ នាងបានប្រាប់បណ្តាញសារព័ត៌មាន CNBC ថា “ខ្ញុំត្រូវបានគេធ្វើបាបដោយសារតែខ្ញុំមកពីភូមិនេសាទ ខ្ញុំមិនដូចមនុស្សដែលមានការអប់រំល្អ ហើយមានការលំបាកខាងសេដ្ឋកិច្ច” ។ បពិសោធន៍ នេះបានដុតភ្លើងនៅក្នុងខ្លួននាង ហើយបានជំរុញឱ្យភូមិរបស់នាងនឹងត្រូវបានគេស្គាល់ថាមិនមែនសម្រាប់ភាពក្រីក្រនោះទេ ប៉ុន្តែជាភូមិដែលមានសក្តានុពលបំផុត ។ ភាពក្រីក្រ និងការមើលងាយមិនអាចយកឈ្នះការខំប្រឹងប្រែងបានឡើយ យ៉ាងណាមិញនៅអំឡុងឆ្នាំ ២០១៥ នាងបានចាប់ផ្តើមដំណើរការ ជាមួយនឹងអាហារសមុទ្រ នៅពេលនាងជានិស្សិតបញ្ចប់ថ្នាក់បរិញ្ញាបត្របច្ចេកវិទ្យានៅទីក្រុង Bandung ពេលនោះនាងបានចែករំលែកគំនិតរបស់នាងជាមួយមិត្តរួមថ្នាក់គឺ Farid Naufal Aslam និង Indraka Fadhlillah ពួកគេរួមគ្នាបង្កើតគេហទំព័រមួយដែលមានគោលបំណងបំពេញតម្រូវការអាហារសមុទ្ររបស់អ្នកប្រើប្រាស់ និងភ្ជាប់ពួកវាជាមួយអ្នកនេសាទ។ តួយ៉ាងក្រោយពេលនិយាយគ្នាដឹងអស់ហើយ Octavianty និងមិត្តគេពីរនាក់ទៀត បានចាប់ផ្តើមអាជីវកម្មខាងអាហារសមុទ្រនេះដំបូងដោយ មានតែកុំព្យូទ័រ MacBook ពីរគ្រឿងដែលពួកគេបានឈ្នះក្នុងកម្មវិធី hackathon ដើម្បីបបង្កើតគេហទំព័រ និងប្រើដើមទុនតែ៧០០ដុល្លារតែប៉ុណ្ណោះ ដែលជាលុយបានមកពីការឈ្នះរង្វាន់ដូចគ្នា ។ ប៉ុន្មានឆ្នាំក្រោយមក អ្នកទាំងបីហាក់បីដូចជាធ្វើត្រូវច្រើន ពោលគឺអាចពង្រីកការនេសាទកាន់តែ ច្រើននៅក្នុងប្រទេស […]
ជាការកត់សម្គាល់ ក្នុងរយៈពេលចុងក្រោយនេះ ជាពិសេសចាប់តាំងពីដើមឆ្នាំ២០២៤ គេតែងសង្កេតឃើញក្រសួងរៀបចំដែនដី នគរូបនីយកម្ម និងសំណង់ ប្រកាសអញ្ជើញអតិថិជនដែលបានទិញលំនៅឋានរបស់គម្រោងអភិវឌ្ឍន៍ដែលមានបញ្ហាមកចូលរួមដោះស្រាយនៅក្នុងក្រសួង ហើយជាលទ្ធផល គម្រោងជាច្រើនត្រូវបានដោះស្រាយចប់សព្វគ្រប់ជាស្ថាពរ ហើយក្រសួងក៏បាន និងកំពុងបន្តដោះស្រាយបញ្ហាជាបន្តបន្ទាប់ចំពោះគម្រោងដែលមានបញ្ហាជាមួយអតិថិជន ។ ជាក់ស្ដែង នៅព្រឹកថ្ងៃទី២៦ ខែសីហា ឆ្នាំ២០២៤នេះ ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានអញ្ជើញចូលរួមក្នុងពីធីប្រគល់បណ្ណវិញ្ញាបនបត្រសម្គាល់ម្ចាស់អចលនវត្ថុ ជូនអតិថិជនបុរី វីធាយភី ខេត្តព្រះសីហនុ ដោយឯកឧត្តម បានលើកឡើងថា ៖ « ពួកយើងមកថ្ងៃនេះ ដើម្បីមកប្រគល់បណ្ណកម្មសិទ្ធិ ដែលជាទ្រព្យដ៏ថ្លៃថ្លាជូនបងប្អូន ដើម្បីផ្តល់នូវសុវត្ថិភាពផ្លូវច្បាប់ និងសន្តិភាពផ្លូវចិត្ត ក្នុងការកាន់កាប់អចលនទ្រព្យ»។
