ខេត្តមណ្ឌលគិរី ៖ កាលពីវេលាថ្ងៃត្រង់ថ្ងៃទី០៩ វិច្ឆិកាឆ្នាំ២០២១ នេះ ស្ថិតក្នុងភូមិឡាប៉ាខេ ឃុំស្រែខ្ទុម ស្រុកកែវសីមា បុរស ម្នាក់ ខឹងសុំលុយប្អូនទិញម៉ាស៊ីនកាត់ស្មៅអត់បាន បុរសម្នាក់នេះហ៊ានគិតខ្លីចាក់សាំងស្រោចបំណងដុតសម្លា.ប់ខ្លួន ដែលហេតុការណ៍បានបង្កការភ្ញាក់ផ្អើលដល់សមត្ថកិច្ច និងគ្រូពេទ្យជួយអន្តរាគមន៍ ។ សេចក្តីរាយការណ៍បានឲ្យដឹងថា មុនកើតហេតុ ជនរងគ្រោះខាងលើ ឈ្មោះហម វណ្ណា អាយុ៤៣ឆ្នាំ បានប្រាប់ទៅបុរសម្នាក់ទៀតថា ខ្លួនចង់ស៊ីឈ្នួលកាត់ស្មៅឲ្យគេ ដើម្បីបានកម្រៃចិញ្ចឹមជីវិត។ បន្ទាប់ពីនិយាយរួច ជនរងគ្រោះបានត្រឡប់ទៅផ្ទះប្អូនស្រីឈ្មោះ ហម ដាវី បំណងសុំលុយទិញម៉ាស៊ីនកាត់ស្មៅ ប៉ុន្តែប្អូនប្រាប់ថា អត់មានលុយទេ ចាំប្តីមកវិញ ចាំទិញម៉ាស៊ីនកាត់ស្មៅឲ្យ។ ប្រភពបន្តថា ដោយមិនអាចសុំលុយពីប្អូនស្រីបង្កើតទិញម៉ាស៊ីនកាត់តាមចិត្តចង់បាន បន្តិចក្រោយមក បុរសរងគ្រោះខាងលើក៏ដើរទៅប្រាប់ប្អូនជីដូនមួយម្នាក់ទៀតថា បន្តិចទៀតអញដុតផ្ទះចោលហើយ រួចក៏ដើរទៅទិញសាំងនិងត្រឡប់ចូលក្នុងផ្ទះ ក៏ចាក់សាំងដុតខ្លួនឯង បណ្តាលឲ្យឆេះខ្លោចពេញខ្លួន។ ទោះយ៉ាងណាករណីនេះ មិនបានបណ្តាលឲ្យមានអ្នករងគ្រោះផ្សេងទៀតក្រៅពីជនបង្កនោះទេ តែមានការខូចខាតសម្ភារៈមួយចំនួនប៉ុណ្ណោះ ៕
នៅព្រឹកថ្ងៃព្រហស្បតិ៍ ទី១៦ ខែមីនា ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញជាអធិបតីភាពក្នុងពិធីប្រគល់សញ្ញាបត្រជូននិស្សិតសាកលវិទ្យាល័យបៀលប្រាយសរុបប្រមាណ ៤,៥៦៦នាក់ នារី ២,០៣២នាក់។ ពិធីប្រគល់សញ្ញាបត្រនេះ ធ្វើឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ។ និស្សិតទទួលសញ្ញាបត្រនេះ មានកម្រិតបរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត។ ពួកគេបានបញ្ចប់ការសិក្សាក្នុងឆ្នាំសិក្សា២០១៩-២០២០, ឆ្នាំសិក្សា២០២០-២០២១, និង ឆ្នាំសិក្សា២០២១-២០២២ មកពីទីតាំងគោលរាជធានីភ្នំពេញ, សាខាខេត្តតាកែវ, សាខាខេត្តស្ទឹងត្រែង, និងសាខាខេត្តរតនគិរី។ និស្សិតទទួលសញ្ញាបត្រទាំងនេះ ក៏មាននិស្សិតជនជាតិដើមភាគតិចចំនួន ៤៦នាក់ នារី ១៨នាក់ផងដែរ។ យោងតាមការស្ទង់មតិ លោកបណ្ឌិត ឌៀប សីហា បានឱ្យដឹងថា និស្សិតត្រូវទទួលសញ្ញាបត្រនេះ អ្នកមានការងារធ្វើ ស្មើនឹង ៩៥.៨៨ភាគរយ ក្នុងនោះ ការងារត្រូវជំនាញសិក្សា ស្មើ ៧៦.៣៦ភាគរយ, ការងារមិនត្រូវជំនាញសិក្សា ស្មើ ១២.៨៤ភាគរយ និងការងារជាអាជីវកម្មផ្ទាល់ខ្លួន ស្មើ ១០.៨១ភាគរយ៕
ឯកឧត្តម W. Patrick Murphy ឯកអគ្គរដ្ឋទូតសហរដ្ឋអាមេរិក ប្រចាំព្រះរាជាណាចក្រកម្ពុជា អញ្ជើញផ្តល់បទសម្ភាសន៍ដល់អ្នកសារព័ត៌មាន មុនពេលឯកឧត្តមចប់អាណត្តិជាឯកអគ្គរដ្ឋទូត នារសៀលថ្ងៃទី២៩ ខែមេសា ឆ្នាំ២០២៤ នៅសាកលវិទ្យាល័យសៅស៍អ៊ីសថ៍អេសៀ នៅខេត្តសៀមរាប ស្តីពីកិច្ចការងារដែលឯកឧត្តមបានបំពេញនៅកម្ពុជា ក្នុងអាណត្តិរបស់ឯកឧត្តមជាឯកអគ្គរដ្ឋទូត។
