រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់ត្រូវភាគីទំនាស់ម្ខាងទៀត បានដេញវាយបណ្ដាលឲ្យរងរបួស ហើយចោទថា បុរសរូបនោះបានយកដែកឆាបចាក់ទៅលើពួកគេខណៈកំពុងតែផឹកស៊ី ដោយមិនដឹងមូលហេតុ បង្កឱ្យមានការភ្ញាក់ផ្អើលកាលពីវេលាម៉ោង២រំលងអធ្រាត្រឈានចូលថ្ងៃទី២ ខែកុម្ភៈ ឆ្នាំ២០២២ នៅចំណុចមុខផ្ទះអត់លេខ ផ្លូវបេតុង ស្ថិតក្នុងភូមិភ្នាត់ សង្កាត់ស្ទឹងមានជ័យទី២ ខណ្ឌមានជ័យ ។ សេចក្តីរាយការណ៍បន្តថា ភាគីទាំងសងខាងខាងលើនេះ មិនបានអោយស្គាល់អត្តសញ្ញាណនៅឡើយទេ គ្រាន់តែដឹងថា ភាគីដែលត្រូវគេចោទថាយកដែកឆាបចាក់គេនោះ គឺមានគ្នាតែម្នាក់ឯងគត់ ចំណែកភាគីដែលចោទគេថាយកដែកឆាបចាក់នោះ គឺមានគ្នាចំនួន៣នាក់ឯណោះ ។ តាមប្រភពពីភាគីដែលមានគ្នា៣នាក់ បានអោយដឹងថា មុនពេលកើតហេតុ ពួកគាត់មានគ្នា៣នាក់កំពុងតែអង្គុយផឹកស៊ីនៅមុខផ្ទះ ស្រាប់តែពេលនោះក៏មានបុរសម្នាក់បានដើរស្ពាយបាវមួយមកសុំសំបកកំប៉ុងរបស់ពួកគាត់ ហើយពេលនោះពួកគាត់ក៏អោយសំបកកំប៉ុងរួចហើយ ស្រាប់តែបុរសរូបនោះយកដែកឆាបពីក្នុងបាវ ហើយចាក់ទៅលើពួកគាត់ដែលមានគ្នា៣នាក់តែម្តង បណ្តាលឲ្យរងរបួសត្រង់.កបន្តិច។ នៅពេលដែលចាក់រួច បុរសរូបនោះក៏បានរត់មកមុខមន្ទីរពេទ្យរុស្ស៊ី ហើយពួកគាត់ក៏ជិះម៉ូតូដេញតាម រួចធ្វើការឃាត់ខ្លួន និងស្វាគមន៍ម្នាក់មួយដៃមួយជើងធ្វើអោយរងរបួសតិចតួចវិញទៅ ។ ដោយឡែកបុរសដែលមានគ្នាម្នាក់ឯងវិញ បានអោយដឹងដែរថា រូបគាត់បានដើរកាត់ទីនោះ ក៏ស្រាប់តែភាគីដែលមានគ្នា៣នាក់ បាននាំគ្នាដេញវាយគាត់តែម្តង ហើយចោទគាត់ថាសង្ស័យលួចរបស់គេ ដោយបានយកដែក១ដើមមកដាក់បន្ទុក រួចថាជារបស់រូបគាត់ថែមទៀតផង ។ ក្នុងហេតុការណ៍ខាងលើនេះដែរ បន្តិចក្រោយមកក៏ឃើញមានកម្លាំងសមត្ថកិច្ចមូលដ្ឋានបានចុះទៅដល់កន្លែងកើតហេតុ និងបានធ្វើការសាកសួរពីដំណើររឿង តែភាគីទាំងសងខាងនៅតែ ប្រកែក […]
នារសៀលថ្ងៃទី១៣ ខែមីនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម កុមឹរ៉ា ម៉ាសាហ៊ីរ៉ូ (KOMURA Masahiro) អនុរដ្ឋមន្រ្តី ក្រសួងការបរទេសជប៉ុន ចូលជួបសម្តែងការគួរសម និងពិភាក្សាការងារ នៅវិមានសន្តិភាព។ ក្នុងឱកាសនៃជំនួប ឯកឧត្តម កុមឹរ៉ា ម៉ាសាហ៊ីរ៉ូ បានថ្លែងអំណរគុណចំពោះ សម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបឯកឧត្តម និងគណៈប្រតិភូ ចូលជួបសម្តែងការគួរសម និងពិភាក្សាការងារ។ ឯកឧត្តមអនុរដ្ឋមន្រ្តី ក៏បានគោរពជម្រាបជូនសម្តេចធិបតីថា ជប៉ុននឹងបន្តពង្រឹង និងពង្រីកកិច្ចសហប្រតិបត្តិការជាមួយរាជរដ្ឋាភិបាលកម្ពុជាបន្ថែមទៀត ស្របតាមស្មារតីនៃការឯកភាពគ្នារវាងប្រមុខរដ្ឋាភិបាលទាំងពីរ នាពេលកន្លងមក លើវិស័យជាច្រើន ដូចជា៖ វិស័យពាណិជ្ជកម្ម និងវិនិយោគ ឧស្សាហកម្ម ទេសចរណ៍ ឌីជីថល ការពារជាតិ និងសន្តិសុខ។ ទន្ទឹមនឹងនេះ ឯកឧត្តមអនុរដ្ឋមន្រ្តី ក៏បានគោរពជម្រាបជូន សម្តេចធិបតី ផងដែរថា ក្នុងដំណើរទស្សនកិច្ចនៅព្រះរាជាណាចក្រកម្ពុជានាឱកាសនេះ ឯកឧត្តមនឹងចុះហត្ថលេខាលើលិខិតប្តូរសារ និង ឯកសារពាក់ព័ន្ធស្តីពីការផ្តល់ឥណទានសម្បទាន ដែលមានទឹកប្រាក់ប្រមាណ […]
នាព្រឹកថ្ងៃទី១៨ ខែកុម្ភ: ឆ្នាំ២០២៤ លោកជំទាវបណ្ឌិត ពេជ ចន្ទមុន្នី អគ្គស្នងការសមាគមកាយឫទ្ធិនារីកម្ពុជា បានអញ្ជើញជាវាគ្មិនកិត្តិយសក្នុងកម្មវិធី «បងស្រី និងប្អូនស្រី» ដោយបានចែករំលែកចំណេះដឹង បទពិសោធល្អៗ អំពីការសិក្សាតាំងពីថ្នាក់បឋមដល់ថ្នាក់បណ្ឌិត ជូនប្អូនៗយុវតី សិស្ស-និស្សិត សមាជិក សមាជិកា និងភ្ញៀវកិត្តិយសសរុបចំនួនប្រមាណ ៦៥០ នាក់ នៅសាលប្រជុំបាត់ដំបងសុីធីហល ស្ថិតក្នុងក្រុងបាត់ដំបង ខេត្តបាត់ដំបង ។ ក្នុងឱកាសដ៏វិសេសវិសាលនោះ លោកជំទាវបណ្ឌិត បានចែករំលែកចំណេះដឹង បទពិសោធជីវិត និងការងារ ដែលលោកជំទាវបានជួបប្រទះកន្លងមក ដើម្បីជាត្រីវិស័យចង្អុលទិសក្នុងការរៀបចំគោលដៅជីវិត ។ លើសពីនេះ បទពិសោធ និងចំណេះដឹងទាំងនោះ បានបង្ហាញអំពីថាមពល និងការចាប់ផ្តើមដ៏ល្អ តាមរយៈការបណ្តុះគំនិតវិជ្ជមាន ប្រកបដោយពុទ្ធិ និងភាពម្ចាស់ការខ្លួនឯង ដើម្បីយកទៅអនុវត្តក្នុងជីវភាពប្រចាំថ្ងៃ រួមទាំងការសិក្សា និងការប្រកបការងារផ្សេងៗ ។ អង្គពិធីទាំងមូលបានសម្តែងនូវក្ដីរីករាយចំពោះឱកាសទទួលបានប្រសាសន៍ដ៏មានសារៈសំខាន់របស់ លោកជំទាវបណ្ឌិត ជាទុនគន្លឹះសម្រាប់យកទៅអនុវត្តក្នុងការកសាងជីវិតឱ្យកាន់តែប្រសើរឡើង ។ មួយវិញទៀត នឹងកាន់តែជំរុញទឹកចិត្តឱ្យចូលរួមការងារស្ម័គ្រចិត្តក្នុងសកម្មភាពសង្គម កាន់តែខ្លាំងក្លាបន្ថែមទៀត ៕ […]
