ខេត្តតាកែវ ៖ សមត្ថកិច្ចបានឱ្យដឹងថា ក្មេងស្រីរងគ្រោះឈ្មោះស៊ាង មួយហ៊ា អាយុ៤ឆ្នាំ រស់នៅ ភូមិអង្គរតាភោគ ឃុំសន្ថង ស្រុកទ្រាំង ខេត្តតាកែវបានលង់ទឹកប្រឡាយនៅចម្ងាយប្រហែលជាង ១០០ម៉ែត្រពីផ្ទះខាងត្បូងភូមិ។ ហេតុការណ៍នេះបានកើតឡើងនៅវេលាម៉ោង១០ និង៣០នាទី ថ្ងៃទី១៤ ខែធ្នូ ឆ្នាំ២០២១ ។ ភ្លាមៗនោះបង្កការភ្ញាក់ផ្អើលមួយខណៈដែលក្មេងស្រីម្នាក់បានរៀនជិះកង់ហើយធ្លាក់ចូលទឹកប្រឡាយលង់ស្លាប់។ សមត្ថកិច្ចបានបញ្ជាក់អះអាងថា មូលហេតុដែលបណ្ដាលឱ្យក្មេងស្រីរងគ្រោះខាងលើលង់ទឹកស្លាប់នេះគឺបណ្ដាលមកពីក្មេងស្រីខាងលើបានរៀនជិះកង់ហើយជ្រុលធ្លាក់ចូលក្នុងទឹកប្រឡាយទើបបណ្ដាលឱ្យលង់ស្លាប់តែម្ដង។ បច្ចុប្បន្នសពជនរងគ្រោះត្រូវបានសមត្ថកិច្ចធ្វើការត្រួតពិនិត្យនិងធ្វើកោសល្យវិច័យរួចហើយបានប្រគល់ជូនក្រុមគ្រួសារដើម្បីយកទៅធ្វើបុណ្យតាមប្រពៃណីនិងទំនៀមទម្លាប់សាសនា៕
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្រ្ដី នៃព្រះរាជាណាចក្រកម្ពុជា បានថ្លែងអះអាងថា សម្ដេចមិនដែលប្រឆាំងជាមួយព្រះសង្ឃឡើយ ហើយសម្ដេចគឺគោរពចំពោះព្រះសង្ឃបំផុត ប៉ុន្ដែសម្ដេចតេជោ សង្កត់ធ្ងន់ថា ចំពោះសង្ឃអត់សីលដែលពូកែខាងប្រឆាំងហើយបានរត់ចោលស្រុកនោះ សម្ដេចថាមិនមែនជាសង្ឃនោះទេ។ នៅត្រង់នេះសម្ដេចក៏រំលឹកអំពីការលើកឡើងរបស់លោក ខឹម វាសនា ផងដែរ ដែលកន្លងមកលោក ខឹម វាសនា បានហៅសង្ឃអត់សីលថា ជាចោរថង់យាម។ នៅត្រង់នេះសម្ដេចតេជោថា លោក ខឹម វាសនា ជេរតែបុគ្គលដែលយកសាសនាមកបិទបាំងអំពើអាក្រក់ និងកេញប្រវ័ញ្ចប៉ុណ្ណោះ មិនមែនជាការប្រមាថព្រះសង្ឃនៅទូទាំងប្រទេសនោះទេ។ សម្ដេចតេជោ ហ៊ុន សែន ត្រូវបានគេមើលឃើញថា មានសកម្មភាពជាច្រើនដែលបានធ្វើក្នុងការទ្រទ្រង់ព្រះពុទ្ធសាសនា ព្រះសង្ឃ និងផ្ដល់ការគោរពបំផុតចំពោះព្រះសង្ឃ។ ជាងនេះសម្ដេចតេជោបានធ្វើឲ្យកម្ពុជាមានសុខដុមនីយកម្មផ្នែកសាសនាយ៉ាងល្អទៀតផង។ ចំពោះរដ្ឋលេខាធិការ និងជាមន្រ្ដីនាំពាក្យ ក្រសួងធម្មការ និងសាសនា លោក សេង សុមុនី មានប្រសាសន៍ថា រាជរដ្ឋាភិបាលក្រោមការដឹកនាំរបស់សម្ដេចតេជោ ហ៊ុន សែន បានគិតគូដល់ផ្នែកព្រះសង្ឃព្រះពុទ្ធសាសនាជាបន្តបន្ទាប់យ៉ាងខ្ពស់បំផុត ស្របទៅតាមរដ្ឋធម្មនុញ្ញ ដែលកំណត់ថា ព្រះពុទ្ធសាសនា ជាសាសនារបស់រដ្ឋ។ លោក […]
ភ្នំពេញ : ដើម្បីអបអរសាទរ ទិវាកុមារអន្តរជាតិ ១មិថុនា មូលនិធិគន្ធបុប្ផាកម្ពុជានឹងរៀបចំយុទ្ធនាការ «១ម៉ឺនរៀល ១ម៉ឺននាក់» សម្រាប់កុមារកម្ពុជា រយៈពេល៣០ថ្ងៃ ចាប់ពីថ្ងៃទី១ ដល់ថ្ងៃទី៣០ ខែមិថុនា ឆ្នាំ២០២៣ តាមរយៈបណ្តាញផ្សព្វផ្សាយនានារួមមានទំព័រហ្វេសប៊ុក និងឆាណែលតេលេក្រាម ផ្លូវការរបស់មូលនិធិគន្ធបុប្ផាកម្ពុជា, ធនាគារដៃគូរ, និងក្រុមហ៊ុនដៃគួរសហការ ក៏ដូចជាតាមរយៈសារព័ត៌មានជា ច្រើនផងដែរ។ នេះបើយោងតាមសេចក្ដីជូនដំណឹងរបស់ មូលនិធិគន្ធបុប្ផាកម្ពុជា ផ្សព្វផ្សាយនាថ្ងៃទី ២៩ ខែឧសភា ឆ្នាំ ២០២៣។ យុទ្ធនាការ «១ម៉ឺនរៀល ១ម៉ឺននាក់» សម្រាប់កុមារកម្ពុជា គឺជាយុទ្ធនាការប្រចាំឆ្នាំ ដែល ត្រូវបានរៀបចំឡើងក្នុងគោលបំណងកៀរគរការបរិច្ចាគ ទោះតិចក្តី ច្រើនក្តី ពីសប្បុរសជននានាទាំងក្នុង និងក្រៅប្រទេស ដើម្បីរួមគ្នាផ្ដល់ក្ដីស្រលាញ់ដល់កុមារនៅកម្ពុជា ជាពិសេសក្នុងឱកាស ទិវាកុមារអន្តរជាតិ ១មិថុនា ហើយយុទ្ធនាការនេះ ត្រូវបានរៀបចំម្តងរួចមកហើយ កាលពីខែមិថុនា ឆ្នាំ២០២២ ដោយទទួលបានការគាំទ្រយ៉ាងខ្លាំងពីសាធារណជន និងទទួលបានថវិកាបរិច្ចាគជាង ៣០ម៉ឺនដុល្លារអាមេរិក។ ក្នុងឆ្នាំ២០២៣ នេះ មូលនិធិគន្ធបុប្ផាកម្ពុជា សង្ឃឹមយ៉ាងមុតមាំថា សប្បុរសជន […]
