នារសៀលថ្ងៃទី១៤ ខែធ្នូ ឆ្នាំ២០២២ នៅបញ្ជាការដ្ឋានកងទ័ពជើងគោក នៃកងយោធពលខេមរភូមិន្ទ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានអនុញ្ញាតឱ្យគណៈប្រតិភូក្រុមការងារកងទ័ពជើងគោក នៃកងកម្លាំងប្រដាប់អាវុធសហព័ន្ធរុស្ស៊ី ដឹកនាំដោយ ឯកឧត្តម ឧត្តមសេនីយ៍ទោ Vladimir SVIRIDOV នាយសេនាធិការរង កងទ័ពជើងគោករុស្ស៊ី ចូលជួបសម្តែងការគួរសម បន្ទាប់ពីគណៈប្រតិភូបានជួបបំពេញការងារជាមួយនឹងក្រុមការងារកងទ័ពជើងគោកនៃកងយោធពលខេមរភូមិន្ទ ដើម្បីពិភាក្សាអំពីការអនុវត្តទិសដៅកិច្ចសហប្រតិបត្តិការទ្វេភាគី។ ក្នុងជំនួបនេះ ឯកឧត្តម ឧត្តមសេនីយ៍ឯក ហ៊ុន ម៉ាណែត បានសម្តែងនូវការស្វាគមន៍យ៉ាងកក់ក្តៅជូនចំពោះគណៈប្រតិភូកងទ័ពជើងគោករុស្ស៊ី និងបានធ្វើការវាយតម្លៃខ្ពស់ចំពោះលទ្ធផលប្រកបដោយផ្លែផ្កា ដែលក្រុមការងារទាំងពីរសម្រេចបាននៅក្នុងអំឡុងពេលនៃដំណើរទស្សនកិច្ចនេះ ជាពិសេសការឯកភាពលើខ្លឹមសារភាគច្រើននៃសេចក្តីព្រាងអនុស្សារណៈស្តីពីកិច្ចសហប្រតិបបត្តិការក្នុងកម្រិតកងទ័ពជើងគោក។ វឌ្ឍនភាពនៃទំនាក់ទំនងនេះ គឺជាជំហានថ្មីមួយទៀតនៃកិច្ចខិតខំប្រឹងប្រែងរួមក្នុងការពង្រឹង និងពង្រីកទំនាក់ទំនងកិច្ចសហប្រតិបត្តិការឱ្យកាន់តែជិតស្និទ្ធ និងមានមូលដ្ឋានផ្លូវការរឹងមាំ។ ជាការឆ្លើយតប ឯកឧត្តម ឧត្តមសេនីយ៍ទោ Vladimir SVIRIDOV បានថ្លែងអំណរគុណកងទ័ពជើងគោក នៃកងយោធពលខេមរភូមិន្ទ ចំពោះបដិសណ្ឋារកិច្ចស្វាគមន៍ដ៏កក់ក្តៅ និងការបង្កលក្ខណៈដល់ការបំពេញទស្សនកិច្ចការងារនេះឱ្យសម្រេចបានជោគជ័យ។ លោកឧត្តមសេនីយ៍ ក៏បានបង្ហាញសុទិដ្ឋិនិយមផងដែរចំពោះសារៈសំខាន់នៃការបន្តពង្រឹងទំនាក់ទំនងប្រកបដោយសក្តានុពលរវាងកងទ័ពជើងគោកនៃប្រទេសទាំងពីរ ជាពិសេសលើការងារហ្វឹកហ្វឺនបណ្តុះបណ្តាលធនធានមនុស្ស។ គួរបញ្ជាក់ថា ទស្សនកិច្ចការងាររបស់គណៈប្រតិភូក្រុមការងារកងទ័ពជើងគោក នៃកងកម្លាំងប្រដាប់អាវុធសហព័ន្ធរុស្ស៊ីនាពេលនេះ គឺជាផ្នែកមួយនៃការអនុវត្តទិសដៅសហប្រតិបត្តិការទ្វេភាគីក្នុងកម្រិតកងទ័ពជើងគោក ឱ្យមានការបោះជំហានទៅមុខប្រកបដោយភាពវិជ្ជមាន ជាពិសេសទិសដៅនានាដែលបានពិភាក្សា […]
នៅរសៀលថ្ងៃទី ៧ ខែធ្នូ ឆ្នាំ២០២២នេះ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងជាអនុប្រធានអចិន្ត្រៃយ៍ក្រុមការងារឥស្សរជនឆ្នេីមថ្នាក់ជាតិ និងសហការី រួមជាមួយសាខាកាកបាទក្រហមកម្ពុជា ខេត្តកំពង់ធំ បានជួបសំណេះសំណាល សួរសុខទុក្ខ និងចែកអំណោយមនុស្សធម៌ ជូនដល់ស្ត្រីមានផ្ទៃពោះ ស្ត្រីទេីបសម្រាលកូនតូចចំនួន ១០នាក់ នៅមណ្ឌលសុខភាពកំពង់ស្វាយ ដែលស្ថិតក្នុងឃុំកំពង់ស្វាយ ស្រុកកំពង់ស្វាយ ខេត្តកំពង់ធំ។ ក្នុងឱកាសនោះ លោកជំទាវ ម៉ែន នារីសោភ័គ បានសម្តែងនូវក្តីសោមនស្សរីករាយ និងបានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នេីមថ្នាក់ជាតិ នៃវេទិកាភាពជាអ្នកដឹកនាំតំបន់អាស៊ី-ប៉ាស៊ីហ្វិកឆ្លេីយតបមេរោគអេដស៍ជំងឺអេដស៍ និងការអភិវឌ្ឍនៅកម្ពុជា និងជាឥស្សរជនឆ្នេីមថ្នាក់ជាតិ នៃផែនការសកម្មភាពរួមអគ្គលេខាធិការអង្គការសហប្រជាជាតិ ដេីម្បីសុខភាពស្ត្រីនិងកុមារ ដែលផ្តាំផ្ញេីសួរសុខទុក្ខ និងសារអប់រំសុខភាពស្តីពីអត្ថប្រយោជន៍នៃការមកពិនិត្យផ្ទៃពោះឱ្យបានទៀងទាត់ ការសម្រាលកូននៅមណ្ឌលសុខភាព ការបំបៅកូនដោយទឹកដោះម្តាយ ការចាក់វ៉ាក់សាំងបង្ការដល់កុមារ ការផ្តល់អាហារគ្រប់គ្រឿងដល់កុមារជាដេីម។ ជាមួយគ្នានេះ លោកជំទាវ ក៏បានផ្តាំផ្ញេីដល់ស្ត្រីជាមាតាទាំងអស់ត្រូវរស់នៅមានអនាម័យ ផឹកទឹកឆ្អិន បរិភោគអាហារមានជីវភាពគ្រប់គ្រាន់ និងបន្តប្រកបរបរចិញ្ចឹមជីវិតដេីម្បីជីវភាពគ្រួសារ។ បន្ថែមពីសារអប់រំសុខភាពខាងលេីនេះ ស្ត្រីជាមាតាទាំង១០គ្រួសារ ទទួលបានអំណោយមនុស្សធម៌ពីសាខាកាកបាទក្រហមកម្ពុជា […]
ភ្នំពេញ ៖ មជ្ឈដា្ឋនមហាជន មានការភ្ញាក់ផ្អើលបំផុតនៅ ពេលដែលអ្នកស្រី ទ្រី ដាណា បានប្រកាសបើកបង្ហាញមុខ ម្ចាស់បេះដូងថ្មី ដែលជាតរាភាពយន្ត មានភាពលេចធ្លោ រូបសម្បត្តិស្រស់សង្ហា។នោះគឺលោកសេង មង្គល តារាប្រុសដែលឆ្លងកាត់ជីវិត សិល្បៈច្រើនឆ្នាំនិងសាងស្នាដៃជាច្រើនរឿង។ កន្លងមកមុនបើកចម្ងល់មួយនេះ អោយគេដឹង អ្នកស្រីទ្រី ដាណា បានត្រឹមតែបង្ហាញឃ្លីបវិដេអូចុះៗ លាក់អាថ៌កំបាំងគូស្នេហ៍ពិត។តែចុងក្រោយបានការណ៍ពិត ដោយនោះគឺលោក សេង មង្គល ដែលមានឈ្មោះពិតថា ហូរ ប៉ូសេង អតីតម្ចាស់ជ័យលាភី Khmer Supermodel កាលពីច្រើនឆ្នាំមុន។ អ្នកណាក៏ស្រឡាំងកាំង ដែលតួកុនមុខកាត់ចិនហុងកុងនេះ បានអន្ទងចិត្តអ្នកស្រី ទ្រី ដាណា មេម៉ាយពូកែខាងរកស៊ី សល់លុយវាល់ម៉ឺនដុល្លារ អោយបាក់លង់ហើយចេញមុខប្រកាសលើ វេទិកាបណ្តើរគ្នាពេញមុខក្នុងចំណោម មហាជន។ ស្តែងនូវនឹងភ្នែកបែបនេះហើយ នៅតែមានមតិខ្លះមិនចង់ជឿ រហូតលើកថា ជាការទាក់ទាញ និងល្ខោនសម្តែង ដែលពិបាកនឹងវិនិច្ឆ័យ លើកលែងតែអ្នកទាំង២ រៀបការទើបបាត់ចម្ងល់។ប្រសិនបើ សេង មង្គលរៀបការមែននោះ ពិតជា សំណាងព្រោះមិនងាយ អ្នកនាង ទ្រី […]
