(ព្រះវិហារ)៖ ឧត្តមសេនីយ៍ឯក ស្រី ឌឹក មេបញ្ជាការរង កងទ័ពជើងគោក មេបញ្ជាការកងពលធំងន្តរាគមន៍លេខ៣ តំណាងឲ្យឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក នាព្រឹកថ្ងៃអាទិត្យ ទី១៤ ខែវិច្ឆិកា ឆ្នាំ២០២១ នេះបានបែងចែក អាវរងា ជាអំណោយដ៏ថ្លៃថ្លារបស់ម្តេចតេជោ និងសម្តេចកិត្តិព្រឹទ្ធបណ្ឌិត ជូនដល់កងកម្លាំងប្រដាប់អាវុធឈរជើងបំពេញកាតព្វកិច្ច ការពារបូរណភាពទឹកដីក្នុងទិសទី១ ប្រាសាទព្រះវិហារ ដែលពិធីនេះបានប្រារព្ធធ្វើឡើងនៅទីបញ្ជាការកងពលធំអន្តរាគមន៍លេខ៣។ ក្នុងនាមបណ្តាអង្គភាពចំណុះទិសទី១ប្រាសាទព្រះវិហារទាំងមូល ឧត្តមសេនីយ៍ឯក ស្រី ឌឹក បានសំដែងនូវការគោរពដឹងគុណយ៉ាងជ្រាលជ្រៅជាទីបំផុត ជូនចំពោះ សម្តេចតេជោ និងសម្តេចកិត្តិព្រឹទ្ធបណ្ឌិត ដែលជានិច្ចកាល សម្តេចទាំងទ្វេ តែងបានយកចិត្តទុកដាក់ គិតគូ ពីសុខទុក្ខលំបាក តាមថែរក្សា ចិញ្ចឹមបីបាច់ព្រមទាំងបានផ្តល់អ្វីៗគ្រប់យ៉ាងដល់បងប្អូននៅទីនេះ (រដូវភ្លៀងផ្តល់អាវភ្លៀង រដូវរងាផ្តល់ អាវរងា) ជាពិសេសការផ្តល់ប្រាក់ឧបត្ថម្ភហូបបន្ថែមរបស់សម្តេច ចំនួន ៣,០០០រៀលក្នុង១ថ្ងៃ ក្នុង១នាក់ជាដើម។ល។ ដែលកត្តាទាំងអស់នេះ គឺពិតជាបានជួយសម្រួលដល់ការលំបាក និងបានជួយលើកកំពស់ជីវភាពរស់នៅប្រចាំថ្ងៃ របស់បងប្អូនកងទ័ព អោយកាន់តែមានជីវភាពប្រសើរឡើង មួយកំរិតទៀត៕
(ពោធិ៍សាត់)៖ រយៈពេល៦ខែ គិតចាប់ពីខែមករា រហូតដល់ខែមិថុនា ឆ្នាំ២០២១នេះ ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ បានបញ្ចេញអង្ករជាង៦០០តោន ដល់ស្រុកក្រុងទាំង៧ ទូទាំងខេត្ត ដើម្បីចែកជូនដល់ជនចាស់ជរាគ្មានទីពឹង គ្រួសារក្រីក្រ និងប្រជាពលរដ្ឋតាមមូលដ្ឋានរបស់ខ្លួន ដែលមានការខ្វះខាត ក្នុងអំឡុងនៃការរីករាលដាលជំងឺកូវីដ១៩។ បើតាម លោក ឃុត ឧសភា នាយករដ្ឋបាលខេត្តពោធិ៍សាត់ បានឱ្យដឹងថា អង្ករទាំងអស់នោះ គឺទទួលបានមក តាមរយៈសប្បុរសជន សហគ្រាសនានា ទាំងក្នុង និងក្រៅខេត្ត ដែលបានជួយគាំទ្ររាល់សកម្មភាពមនុស្សធម៌នៅក្នុងខេត្ត ជាពិសេសក្នុងអំឡុងនៃការរីករាលដាលជំងឺកូវីដ១៩។ លោកនាយករដ្ឋបាលបន្តថា មិនត្រឹមតែអង្ករប៉ុណ្ណោះទេ គឺនៅមានគ្រឿងឧបភោគបរិភោគ និងសម្ភារៈបរិក្ខាជាច្រើនមុខទៀត ដែលសប្បុរសជន បានជួយជាបន្តបន្ទាប់ ក្នុងការឆ្លើយតបឱ្យបានទាន់ពេលវេលា ចំពោះប្រជាពលរដ្ឋដែលខ្វះខាត។ លោកនាយករដ្ឋបាលបន្ថែមថា នេះគឺជាសិល្បៈនៃការចែករំលែក សម្រាប់អ្នកមានច្រើន ត្រូវចែកឱ្យអ្នកមានតិច, ហើយអ្នកមានតិច ត្រូវចែកឱ្យអ្នកដែលក្រីក្រខ្វះខាតជាងនេះបន្តទៀត ដើម្បីភាពសុខដុមរមនាក្នុងសង្គមតែមួយ គ្រួសារតែមួយ និងរស់នៅក្រោមដំបូលសុខសន្តិភាពតែមួយ៕ ប្រភព៖ រដ្ឋបាលខេត្តពោធិ៍សាត់
សារលិខិតរបស់សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ដែលត្រូវបានផ្សព្វផ្សាយនៅថ្ងៃទី៥ ខែធ្នូ ឆ្នាំ២០២២នេះ បានឲ្យដឹងថា អ្នកស្ម័គ្រចិត្ដ គឺជាឆ្អឹងខ្នង និងជាប្រតិបត្ដិករជួរមុខដ៏សកម្ម ពុំអាចខ្វះបាន់ឡើយរបស់កាកបាទក្រហមកម្ពុជា និងអង្គការស្ម័គ្រចិត្ដនានា។ អ្នកស្ម័គ្រចិត្ដ គឺជានិម្មិតរូបនៃការលះបង់កម្លាំងកាយចិត្ដ ពេលវេលា ធ្វើការរួមគ្នា ក្នុងការសាមគ្គីគ្នាជាធ្លុងមួយ ដើម្បីជំនៈបានរាល់ការលំបាក និងបញ្ហាប្រឈមនានា។
