មណ្ឌលគិរី៖ កម្លាំងអាវុធហត្ថខេត្តមណ្ឌលគិរីបានបង្ក្រាបករណីជួញដូរសត្វព្រៃ ឈានដល់ឃាត់ខ្លួនជនសង្ស័យចំនួន២នាក់នៅរសៀលថ្ងៃទី០២ ខែមិនាឆ្នាំ២០២៣ នៅចំណុចផ្ទះក្រហម ក្នុងភូមិអូរអាម ឃុំស្រែកខ្ទុម ស្រុកកែវសីមា ខេត្តមណ្ឌលគិរី។ មេបញ្ជាការអាវុធហត្ថខេត្តមណ្ឌលគិរី លោកឧត្ដមសេនីយ៍ត្រី ហែម បូណារ៉ែល បានឱ្យដឹងថា កម្លាំងអាវុធហត្ថខេត្តមណ្ឌលគិរី ស្ទាក់ចាប់រថយន្តម៉ាកកាមរីហើម០១គ្រឿង ពណ៌សំបកឪឡឹក ស្លាក់លេខភ្នំពេញ2G 9297 ដែលធ្វើសកម្មភាពដឹកសត្វព្រៃជាប្រចាំជាយូរមកហើយ សមត្ថកិច្ចបានដាក់បណ្ដាញស្រាវជ្រាវឃ្លាំមើលជាច្រើនថ្ងៃ ទើបចាប់បាននៅរសៀលថ្ងៃទី០២មិនានេះ។ ប្រតិបត្តិការនេះ សមត្ថកិច្ចបានរកឃើញសត្វ សំពោចចំនួន០៥ក្បាល ឃាត់បានមេខ្លោងជួញដូរសត្វព្រៃបានចំនួន២នាក់ ក្នុងនោះមានជនជាតិវៀតណាមម្នាក់ និងជនជាតិខ្មែរម្នាក់។ ជនសង្ស័យខាងលើមាន ឈ្មោះ ភាព ម៉េងលី ភេទប្រុស អាយុ២៨ឆ្នាំ មុខរបរបើកបររថយន្ត ទីលំនៅបច្ចុប្បន្ន ភូមិអន្រ្ទង់ ឃុំសែនមនោរម្យ ស្រុកអូររាំង ខេត្តមណ្ឌលគិរី ។ និងមេខ្លោងឈ្មួញសត្វជនជាតិវៀតណាម ឈ្មោះ ធី វេ ភេទស្រី អាយុ៤៦ឆ្នាំ ។ វត្ថុតាងរួមមាន៖ ម៉ូតូ០១គ្រឿង ម៉ាកសង់ការ៉េ ពណ៌ខ្មៅ ពាក់ស្លាកលេខវៀតណាម សត្វសំពោចចំនួន០៥ក្បាល និងរថយន្ត០១គ្រឿង។ បច្ចុប្បន្នវត្ថុតាង និងមនុស្ស បានបញ្ជូនទៅបញ្ជាការដ្ឋានកងរាជអាវុធហត្ថខេត្តមណ្ឌលគិរីដើម្បីបន្តនិតិវិធី៕
សម្តេចតេជោ ហ៊ុន សែន នាយករដ្ឋមន្ត្រី តាមរយៈទំព័រហ្វេសប៊ុកផ្លូវការនាព្រឹថ្ងៃទី១២ ខែកក្កដា ឆ្នាំ២០២២នេះ បានឲ្យដឹងយ៉ាងដូច្នេះថា៖ ថ្ងៃនេះជាខួបលើកទី ៩ឆ្នាំ នៃមរណភាពឪពុករបស់ខ្ញុំ(១២ កក្កដា ២០១៣-១២ កក្កដា ២០២២)។ កូនគ្មានពាក្យអ្វីក្រៅពីពាក្យនឹកពុកនឹកម៉ែនោះឡើយ។ អ្នកឧកញ៉ាមហាភក្តីសប្បុរិសភោគាធិបតី ហ៊ុន នាង បិតាបង្កើតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានទទួលមរណភាពកាលពីវេលាម៉ោង៤ និង ១០នាទី ទៀបភ្លឺថ្ងៃទី១២ ខែកក្កដា ឆ្នាំ២០១៣ ក្នុងជន្មាយុ ៩០ឆ្នាំដោយជរាពាធ៕
(ភ្នំពេញ)៖ កម្មវិធីចាក់វ៉ាក់សាំងការពារជំងឺគ្រុនផ្តាសាយធំ វគ្គ២ ជូនសមាជិកកិត្តិយស និងសមាជិក សាខាសមាគមនារីកម្ពុជា ដើម្បីសន្តិភាពនិងអភិវឌ្ឍន៍ ក្រសួងព័ត៌មាន បានធ្វើឡើងនៅព្រឹកថ្ងៃទី១៣ ខែកក្កកាក់ដា ឆ្នាំ២០២៣ នាទីតាំងទីស្តីការក្រសួងព័ត៌មាន ក្រោមវត្តមានអញ្ជើញពិនិត្យផ្ទាល់ដោយ លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន និងលោកស្រីសាស្រ្តាចារ្យ ឱសថបណ្ឌិត ខៀវ ទេព រង្សី កាញារីទ្ធ ប្រធានកិត្តិយសសមាគមនារីកម្ពុជា ដើម្បីសន្តិភាព និងអភិវឌ្ឍន៍សាខាក្រសួងព័ត៌មាន។ តាមការបញ្ជាក់របស់ លោកស្រី ឆៃ ច័ន្ទរិទ្ធីសូលីដា រដ្ឋលេខាធិការ និងជាសមាជិកកិត្តិយស សមាគមនារីដើម្បីសន្តិភាពនិងអភិវឌ្ឍន៍ សាខាក្រសួងព័ត៌មាន បានជម្រាបជូនពីដំណើរការចាក់វ៉ាក់សាំងផ្តាសាយធំប្រភេទ A វគ្គ២ នាឧកាសនេះធ្វើឡើងដោយ មានការយកចិត្តទុកដាក់ខ្ពស់ពីសំណាក់ លោក រដ្ឋមន្រ្តី ខៀវ កាញារីទ្ធ និង លោកស្រី សាស្រ្តាចារ្យ ឱសថបណ្ឌិត ខៀវ ទេព រង្សី កាញ្ញារីទ្ធ ដល់ថ្នាក់ដឹកនាំជានារី សមាជិកកិត្តិយស សមាជិក […]
