ក្នុងឱកាសអញ្ជើញជាអធិបតីពិធីសម្ពោធដាក់ឲ្យប្រើប្រាស់ជាផ្លូវការ ទំនប់អូរតេធិបតី ទំនប់សែនសុខដុម និងទំនប់សែនមនោរម្យ ខេត្តមណ្ឌលគិរី នៅព្រឹកថ្ងៃទី២៤ ខែតុលា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានដាក់បញ្ជាដល់អាជ្ញាធរខេត្ត និងសមត្ថកិច្ចពាក់ប័ន្ធត្រូវចុះស្រាវជ្រាវបន្ទាន់ ករណីមានមេខ្យល់កំពុងបំផុសបំផុលពលរដ្ឋឱ្យទៅចាប់ដីខុសច្បាប់នៅខេត្តមណ្ឌលគិរី ដើម្បីយកមកអនុវត្តតាមច្បាប់។ សម្ដេចធិបតី នាយករដ្ឋមន្រ្ដី បានបញ្ជាក់ថា បញ្ហាមេខ្យល់ញុះញង់ពលរដ្ឋឱ្យទៅចាប់ដីខុសច្បាប់នេះបើមិនគិតគូរស្រាវជ្រាវរកមុខឱ្យបានទាន់ពេលវេលាទេ ពួកគេនឹងទៅបោកប្រាស់ប្រជាពលរដ្ឋ និងញុះញង់ពលរដ្ឋឱ្យទៅកាប់រានដីព្រៃ ឬដីរបស់រដ្ឋដោយខុសច្បាប់ ក្នុងនោះក៏មានពលរដ្ឋមួយចំនួនអាចចាញ់បោកមេខ្យល់ មានការបង់ប្រាក់ឱ្យក្រុមមេខ្យល់ថែមទៀតផង។ សូមបញ្ជាក់ថា រាជរដ្ឋាភិបាលអាណត្តិទី៧ នៃរដ្ឋសភានេះក្រោមការដឹកនាំដោយសម្ដេចធិបតី ហ៊ុន ម៉ាណែត ជានាយករដ្ឋមន្រ្ដី សម្ដេចបន្តដាក់ចេញនូវគោលនយោបាយផ្ដល់ដីដល់ប្រជាពលរដ្ឋដែលខ្វះដីជាក់ស្ដែង តាមរយៈការបញ្ជាក់ទៅអាជ្ញាធរភូមិ ឃុំ និងក្រុមការងាររបស់រាជរដ្ឋាភិបាលដើម្បីឈានទៅការផ្ដល់ដីជូនដល់ប្រជាពលរដ្ឋខ្វះខាតពិតប្រាដក។ ជាមួយគ្នានេះសម្ដេចធិបតីក៏ធ្លាប់បានលើកទឹកចិត្ត ផ្ដល់ដីជូនដល់ប្រជាពលរដ្ឋដែលខ្វះខាតដី បើចង់ទៅរស់នៅខេត្តភូមិភាគឦសាន រាជរដ្ឋាភិបាលក៏នឹងផ្ដល់ដីជូនផងដែរ៕
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ថា “ការវិនិយោគលើវិស័យអប់រំ គឺជាការបណ្តុះទស្សនៈវិជ្ជមាន និងផ្តល់មូលដ្ឋានគ្រឹះសម្រាប់និស្សិតផ្ទាល់ផង និងជាកត្តារួមចំណែកយ៉ាងសំខាន់សម្រាប់អភិវឌ្ឍប្រទេសផងដែរ។” ក្នុងន័យនេះ ចំណេះដឹង គឺជាអំណាចធំធេងណាស់ ព្រោះចំណេះដឹងអាចឱ្យយើងមានសមត្ថភាពក្នុងភាពម្ចាស់ការ និងឯករាជ្យ៖ ១) ការធ្វើសេចក្តីសម្រេចចិត្ត និងការកំណត់អនាគតរបស់ខ្លួន ២) ការពង្រីកសមត្ថភាពដើម្បីចាប់យកឱកាស ពង្រីកឱកាស និងបង្កើតឱកាស និង៣) ជាមូលដ្ឋានសម្រាប់ប្រទេសក្នុងការលើកកម្ពស់ភាពប្រកួតប្រជែង និងទាក់ទាញវិនិយោគិន។ សម្តេចមហាបវរធិបតីនាយករដ្ឋមន្ត្រី ក៏បានធ្វើការគូសបញ្ជាក់ដល់និស្សិត និងអង្គពិធីបន្ថែមផងដែរថា “ការរក្សាបានទស្សនៈវិជ្ជមាន គឺជាជំហានឈានទៅចាប់យកអាជីព និង ជីវិតវិជ្ជមាន”។ ក្នុងន័យនេះ ការដាក់គោលដៅវិជ្ជមានរបស់ប្អូនៗនិស្សិត ទើបអាចបញ្ចប់ការសិក្សាដោយជោគជ័យនៅថ្ងៃនេះ ហើយការបញ្ចប់ការសិក្សាថ្ងៃនេះ គឺនឹងអាចទទួលបានលទ្ធផលវិជ្ជមានតាមការរំពឹងទុក ទៅថ្ងៃអនាគត។ សម្តេចធិបតីនាយករដ្ឋមន្ត្រី បានធ្វើការអបអរសាទរនូវភាពជោគជ័យថ្ងៃនេះទៅដល់ភាគីសំខាន់ៗ ដូចជា៖ និស្សិតជ័យលាភីផ្ទាល់, ឪពុកម្តាយ និង អាណាព្យាបាល ដែលទទួលបានកិត្តិយស និងធនធានមនុស្សសម្រាប់គ្រួសារ, សាស្ត្រាចារ្យ បុគ្គលិកអប់រំ គណៈគ្រប់គ្រង និងគ្រឹះស្ថានអប់រំ ដែលអាចបណ្តុះ បណ្តាលធនធានមនុស្សបន្ថែមជូនប្រទេសជាតិ។ […]
ភ្នំពេញ ÷ ឯកឧត្តមបណ្ឌិត អុិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ លេីកឡេីងថា យើងពិតជាមានមោទកភាពដែលកម្ពុជា ជាប្រទេសឈានមុខ ក្នុងការអនុវត្តកម្មវិធីការងារសមរម្យដែលរហូតមកដល់ពេលនេះបានចំនួន៥ ដំណាក់កាលរួចមកហើយ សម្រាប់កម្មវិធីឆ្នាំ២០១៩-២០២៣ ដែលគោលដៅអាទិភាពសំខាន់ៗ ក្នុងការសម្រេចបានលទ្ធផលគួរជាទីមោទន: ដូចជា ការអភិវឌ្ឍមុខរបរ និងការងារ និងសហគ្រាស, ការពង្រឹង និងពង្រីកកិច្ចគាំពារសង្គមនិងការធ្វើឱ្យប្រសើរឡើងទំនាក់ទំនងវិជ្ជាជីវៈ និងសិទ្ធិការងារ។ នៅក្នុងពិធីបើកសិក្ខាសាលាត្រីភាគី ស្ដីពីការត្រួតពិនិត្យប្រចាំឆ្នាំលើកម្មវិធីការងារសមរម្យសម្រាប់ប្រទេសកម្ពុជាឆ្នាំ២០១៩-២០២៣ នាព្រឹកថ្ងៃទី២៩ មីនា ឆ្នាំ២០២៣នេះ នៅចំពោះមុខតំណាងក្រសួង-ស្ថាប័ន្ធពាក់ព័ន្ធ តំណាងនិយោជក តំណាងសហជីព និងតំណាងអង្គការអន្តរជាតិខាងការងារ (ILO) ឯកឧត្តមបណ្ឌិត អ៉ិត សំហេង បានមានប្រសាសន៍ថា គោលបំណងសំខាន់នៃសិក្ខាសាលានេះ ដេីម្បីពិនិត្យមើលសមិទ្ធផលសំខាន់ៗនៃការអនុវត្តកម្មវិធីការងារសមរម្យសម្រាប់កម្ពុជា ក្នុងឆ្នាំ២០២២, ការបង្ហាញអំពីចំណុចអាទិភាពសម្រាប់ឆ្នាំ២០២៣ និងការលើកកម្ពស់ការយល់ដឹងអំពីដំណើរការអភិវឌ្ឍកម្មវិធីការងារសមរម្យសម្រាប់ប្រទេសកម្ពុជា និងការពិនិត្យអនុម័តលើសេចក្តីព្រាងផែនទីបង្ហាញផ្លូវសម្រាប់ការរៀបចំកម្មវិធីការងារសមរម្យសម្រាប់ប្រទេសកម្ពុជាសម្រាប់ឆ្នាំ២០២៤-២០២៨។ នាឱកាសនោះឯកឧត្តមរដ្ឋមន្រ្តី បានសំដែងនូវអំណរគុណចំពោះគ្រប់ភាគីពាក់ព័ន្ធទាំងអស់ ជាពិសេសអង្គការអន្តរជាតិខាងការងារដែលបានរួមចំណែកខិតខំប្រឹងប្រែងសម្រេចបាននូវលទ្ធផលជាផ្លែផ្កា គួរជាទីមោទនៈដល់ការអភិវឌ្ឍន៍រីកចម្រើនសេដ្ឋកិច្ច សង្គមកម្ពុជា និងបានផ្តល់ការការពារសិទ្ធិ អត្ថប្រយោជន៍ និងកិច្ចគាំពារ រួមទាំងការផ្តល់នូវសេវានានាជូនប្រជាពលរដ្ឋ និយោជក បងប្អូនកម្មករនិយោជិតទាំងសេដ្ឋកិច្ចក្នុងប្រព័ន្ធ និងសេដ្ឋកិច្ចក្រៅប្រព័ន្ធ និងបងប្អូនពលករខ្មែរនៅក្រៅប្រទេស […]
