នៅព្រឹកថ្ងៃទី១ ខែធ្នូ ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីប្រារព្ធពិធីអបអរសាទរខួប១១ឆ្នាំនៃប្រតិបត្តិការរបស់ក្រុមហ៊ុនមីនេបៀ Minebea (Cambodia) របស់ជប៉ុន នៅក្នុងប្រទេសកម្ពុជា។ ក្រុមហ៊ុនមីនីបៀជាក្រុមហ៊ុនដ៏ធំមួយរបស់ជប៉ុន ដែលបានវិនិយោគនៅក្នុងប្រទេសកម្ពុជាក្នុងឆ្នាំ២០១០ ដោយផលិតជាម៉ូទ័រសម្រាប់នាំចេញទៅលក់នៅក្រៅប្រទេស។ បច្ចុប្បន្នក្រុមហ៊ុនមានផលិតអំពូល LED និងសម្ភារៈក្មេងលេងកម្សាន្តផងដែរ។ ក្រុមហ៊ុនធ្លាប់បានបញ្ជាក់ថា នៅឆ្នាំ២០១៩ ទុនវិនិយោគរបស់ក្រុមហ៊ុននៅកម្ពុជា មានរហូតដល់ទៅ ៤០០លានដុល្លារអាមេរិក និងផ្តល់ការងារជូនពលរដ្ឋខ្មែរបានជាង ៦ពាន់នាក់។ បច្ចុប្បន្នក្រុមហ៊ុននេះ បានដាក់ទុនវិនិយោគសរុបរហូតដល់ ១,១២៤ពាន់លានយេន ស្មើនឹងជាង ៨ពាន់លានដុល្លារ នៅ ៩៥កន្លែងទូទាំងពិភពលោក។ សម្ដេចតេជោ ហ៊ុន សែន ពិតជារីករាយដែលបានអញ្ជើញចូលរួមក្នុងខួប១១ឆ្នាំ នៃប្រតិបត្តិការរបស់ក្រុមហ៊ុនមីនេបៀនៅកម្ពុជា និងបានមកសួរសុខទុក្ខដោយផ្ទាល់ដល់បុគ្គលិក កម្មករ កម្មការិនី ទាំងអស់នៃក្រុមហ៊ុនក្រុមមីនេបៀនាពេលនេះ។ នេះជាលើកទី៤ហើយដែលសម្តេចបានអញ្ជើញមកកាន់ក្រុមហ៊ុននេះ។ សម្តេចតេជោនាយករដ្ឋមន្ត្រី បានមានប្រសាសន៍ថា ជំនឿចិត្ត ជាចំណុចពិសេសនៃការរីកលូតលាស់របស់ក្រុមមីនេបៀ របស់ជប៉ុននៅកម្ពុជា។ សម្តេចតេជោបានមានប្រសាសន៍ទៀតថា គោលនយោបាយវិនិយោគរបស់កម្ពុជាគឺ «ត្រីណាមកមុនចាប់យកមុន » គឺមិនប្រកាន់ត្រីតូច ឬត្រីធំនោះទេ។ […]
រដ្ឋបាលខេត្តព្រះសីហនុ សម្រេចបិទខ្ទប់ក្រុងព្រះសីហនុ ចាប់ពីម៉ោងសូន្យថ្ងៃទី២៣ ខែមេសាដល់ថ្ងៃទី០៦ ខែឧសភា ឆ្នាំ២០២១ និងបានកំណត់យកភូមិសាស្រ្តភូមិ១, ២, ៣, ៤ និងភូមិ៥ សង្កាត់លេខ៤ ជាតំបន់ក្រហមដែលមានការឆ្លងរីករាលដាលជំងឺកូវីដ-១៩ ធ្ងន់ធ្ងរ។
កោះកុង៖ ប្រជាពលរដ្ឋរស់នៅក្នុងភូមិចាំយាម ឃុំប៉ាក់ខ្លង ស្រុកមណ្ឌលសីមា ត្អូញត្អែរតាមបណ្តាញសង្គមហ្វេសប៊ុក ករណីក្រុមហ៊ុន អេកូឡូខល់ សឺលូសិន ចុះប្រមូលសំរាមយឺតយ៉ាវបង្កឱ្យមានធំក្លិនស្អុយប៉ះពាល់ដល់សុខភាព និងសណ្តាប់ធ្នាប់។ ពលរដ្ឋម្នាក់ក្នុងចំណោមពលរដ្ឋជាច្រើនពាន់នាក់ នៅភូមិចាំយាម លោក ហុង ពៅ បានលើកឡើងតាមហ្វេសប៊ុកកាលពីថ្ងៃទី២៧ ខែកញ្ញា ថា ក្រុមហ៊ុនមកយកលុយ ខែសីហា តែមកដល់ពេលនេះថ្ងៃ២៧ ខែកញ្ញា ឆ្នាំ២០២២ មិនទាន់ឃើញក្រុមហ៊ុនមកយកសំរាម បង្កឱ្យមានក្លិនស្អុយ ហើយនៅតំបន់នេះ មានក្មេងតូចៗក៏ច្រើន។ លោកបញ្ជាក់ថា កាកសំណល់សំរាមទាំងនេះ ត្រូវបានក្រុមហ៊ុនខកខានប្រមូលជិត១ខែទៅហើយ។ លោក ហុង ពៅ បន្ថែមថា ក្នុងនាមលោកជាប្រជាពលរដ្ឋ សំណូមពររដ្ឋបាលសាលាស្រុក ជួយកំណត់ក្រុមហ៊ុនប្រមូលសំរាមយកក្នុងមួយសប្តាហ៍ឱ្យបាន២ដងយ៉ាងតិច កុំទុកយូរពេកនាំជះក្លិនស្អុយ ប៉ះពាល់ដល់បរិស្ថាន និងសុខភាពរបស់ប្រជាពលរដ្ឋ។ ទាក់ទិននឹងបញ្ហានេះដែរ ត្រូវបានលោក ប៉ែន ប៊ុនឈួយ អភិបាលរងស្រុកមណ្ឌលសីមា ឆ្លើយតបថា លោកកំពុងជំរុញឱ្យក្រុមហ៊ុន ពន្លឿនការចុះប្រមូលសំរាមដែលកកស្ទុះនៅមុខខ្នងផ្ទះប្រជាពលរដ្ឋ ឬទីសាធារណៈ គ្រាដែលក្រុមហ៊ុននេះ ទើបតែចូលមកវិនិយោគប្រមូលសំរាម។ លោកអភិបាលរងស្រុកមណ្ឌលសីមា និយាយណែនាំដល់តំណាងក្រុមហ៊ុនទៀតថា ធ្វើយ៉ាងកុំឱ្យខូចឈ្មោះក្រុមហ៊ុន អេកូឡូខល់ […]
