ព័ត៌មានថ្មីៗ

BREAKING NEWS] ឧទ្ធម្ភាគចក្រដែលបានបាត់នៅខេត្តពោធិ៍សាត់ត្រូវបានរកឃើញហើយ នៅរសៀលថ្ងៃនេះ

Posted on Author nmr Comments Off on BREAKING NEWS] ឧទ្ធម្ភាគចក្រដែលបានបាត់នៅខេត្តពោធិ៍សាត់ត្រូវបានរកឃើញហើយ នៅរសៀលថ្ងៃនេះ

នាយឧត្តមសេនីយ៍ ឈុំ សុជាត អ្នកនាំពាក្យរបស់ក្រសួងការពារជាតិ កម្ពុជាបានបញ្ជាក់ ឧទ្ធម្ភាគ ចក្រ ដែលបានធ្លាក់បាត់នៅខេត្តពោធិ៍សាត់កាលពីថ្ងៃទី១២ ខែកក្កដាកន្លងទៅនេះត្រូវបានក្រុម រុក រកប្រទះ ឃើញហើយ តែការរកឃើញនេះគឺបានឃើញពីលើអាកាស តែប៉ុណ្ណោះខណៈក្រុមការងាររុករកមិនទាន់ ដល់កន្លែងកើតហេតុដោយផ្ទាល់នោះទេ។

ថ្លែងប្រាប់ទូរទស្សន៍ BTVតាមរយៈតេលេក្រាមនាថ្ងៃនេះ នាយឧត្តមសេនីយ៍ ឈុំ សុជាត បានបញ្ជាក់ថា«ថតពីលើមេឃឃើញ ប៉ុន្តែកម្លាំង(កម្លាំងរុករក)អត់ទាន់ចូលដល់ទេ…យើងថតពីលើឧទ្ធម្ភាគចក្រទៅឃើញ ដោយសារតែអាកាសធាតុល្អ រកឃើញទូយន្តហោះហើយ រកឃើញទង់ជាតិហើយ តែយើងគ្រាន់តែអត់ទាន់បានដល់ ឥឡូវកម្លាំងថ្មើរជើងយើងនៅប្រហែលជិតមួយគីឡូទៀតបានចូលដល់ ដោយសារព្រៃក្រាស់ និងភ្នំខ្ពស់»។

សូមបញ្ជាក់ថាឧទ្ធម្ភាគចក្រមួយគ្រឿងប្រភេទZ-9 បានបាត់ចេញពីរាដា(ធ្លាក់) នៅតំបន់ភ្នំជួរក្រវាញរវាងព្រំប្រទល់ខេត្តពោធិសាត់ និងខេត្តកោះកុងកាលពីព្រឹកថ្ងៃទី១២ ខែកក្កដា ឆ្នាំ២០២៤កន្លងទៅនេះខណៈកំពុងធ្វើការហ្វឹកហ្វឺន(រៀនបើកបរ)៕

nmr

Related Articles
ព័ត៌មានថ្មីៗ

សារលិខិតរំលែកទុក្ខជូនចំពោះ ឯកឧត្តមបណ្ឌិត សុខ ចាន់ភក្តី និងលោកជំទាវ ព្រមទាំងក្រុមគ្រួសារ ជាទីគោរពដ៏ខ្ពង់ខ្ពស់ ក្នុងនាមរូបខ្ញុំផ្ទាល់ និងសមាជិក សមាជិកា អិន អឹម អ ធីវី ញូស៍ សូមសម្តែង នូវ ទុក្ខដ៏ក្រៀមក្រំ និងភាពក្តុកក្តួលរំជួលចិត្តឥតឧបមា ជូនចំពោះ ឯកឧត្តមបណ្ឌិត សុខ ចាន់ភក្តី រដ្ឋលេខាធិការក្រសួងព័ត៌មាន ចំពោះដំណឹងនៃមរណៈភាពរបស់ មហាឧបាសិកា មួង ហ៊ុនយី ដែលត្រូវជាម្តាយ បង្កើត បានទទួលអនិច្ចកម្ម នៅថ្ងៃចន្ទ ២កើត ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១១ ខែមីនាឆ្នាំ២០២៤ វេលាម៉ោង០៦:៥៦ នាទី ព្រឹក ក្នុងជន្មាយុ៧៤ឆ្នាំ ដោយជរាពាធ។

Posted on Author nmr

ក្នុងឱកាសប្រកបដោយក្តីខ្សឹបខ្សួលរំជួលចិត្តជាអនេកនេះ យើងខ្ញុំទាំងអស់គ្នា សូមសម្តែងនូវក្តីក្រៀមក្រំ យ៉ាងក្រៃលែង ពោរពេញដោយក្តីសោកស្តាយស្រណោះអាឡោះអាល័យ និងសូមចូលរួមរំលែកទុក្ខ ជូនចំពោះ ឯកឧត្តមបណ្ឌិត សុខ ចាន់ភក្តី និងលោកជំទាវ ព្រមទាំងក្រុមគ្រួសារដែលបានបាត់បង់អ្នកម្តាយ អ្នកម្តាយក្មេក ជីដូន ជីដូន ជីទួត ជាទីស្រឡាញ់ក៏ដូចជាអ្នកមានគុណជាទីគោរពបំផុត ព្រមទាំងជាម្លប់ដ៏ត្រជាក់កក់ក្ដៅរបស់ក្រុមគ្រួសារ។ ស្ថិតក្នុងទុក្ខដ៏សែនក្រៀមក្រំនេះ យើងខ្ញុំទាំងអស់គ្នា សូមឧទ្ទិសបួងសួងដល់ដួងវិញ្ញាណក្ខន្ធ របស់មហាឧបាសិកា មួង ហ៊ុនយី សូមបានចាប់បដិសន្ធិនិងសោយសុខក្នុងឋានសុគតិភពគ្រប់ៗជាតិកុំបីឃ្លៀងឃ្លាតឡើយ។ សូម ឯកឧត្តមបណ្ឌិត សុខ ចាន់ភក្តី និងលោកជំទាវ ព្រមទាំងក្រុមគ្រួសារ មេត្តាទទួលនូវការ រំលែកទុក្ខដ៏ក្រៀមក្រំនេះ អំពីយើងខ្ញុំទាំងអស់គ្នា៕
ជីវិតនិងសង្គម ព័ត៌មានជាតិ ព័ត៌មានថ្មីៗ

សម្តេចតេជោ ហ៊ុន សែន ប្រកាសពីការផ្ទុះឡើងវិញជំងឺកូវីដ-១៩ បន្ទាប់ពីអត្រាឆ្លងកម្រិតសូន្យជាង៥០ថ្ងៃ

Posted on Author nmr

ប្រមុខរាជរដ្ឋាភិបាលកម្ពុជា សម្ដេច តេជោ ហ៊ុន សែន បានប្រកាសជាថ្មីថា ប្រទេសរបស់យើងចាប់ផ្ដើមមានកូវីដ ១៩សារជាថ្មី បន្ទាប់ពីអាក់ខានរយៈពេល ៥២ថ្ងៃកន្លងទៅ ហើយដែលថ្ងៃទី៥៣នេះ យើងបានចាប់ផ្ដើមមានកូវីដ១៩ មានទាំងអ្នក នៅក្នុងប្រទេស អ្នកធ្វើវិញ្ញាបនបត្រសម្រាប់ចេញទៅក្រៅប្រទេស និងអ្នកដែលមកពី ក្រៅប្រទេស ដែលមានការពិនិត្យតាមរយៈ ម៉ាស៊ីនធំ PCR និងតាមរយៈការធ្វើតេស្តរហ័ស។ ក្នុងសារបន្ទាន់ជាសំឡេងផ្ញើជូនជនរួមជាតិ នាយប់ថ្ងៃទី ២៨ ខែមិថុនា ឆ្នាំ២០២២ សម្ដេចតេជោ ហ៊ុន សែន មានប្រសាសន៍ថា នៅក្នុងថ្ងៃនេះ យើងបានសង្កេតឃើញអំពីការចាប់ផ្ដើមឆ្លងឡើងវិញនូវកូវីដ១៩ ដែលនៅក្នុងនោះយើងបានរកឃើញអ្នកដែលឆ្លងក្នុងសហគមន៍ តាមរយៈនៃការធ្វើតេស្ត PCRមួយចំនួន ទៅលើអ្នកធ្វើទម្រង់បែបបទចេញទៅក្រៅប្រទេសមួយចំនួន និងមួយចំនួនទៀត គឺអ្នកដែលបានវិលត្រឡប់ពៅក្រៅប្រទេស ចូមមកក្នុងប្រទេសវិញ។ សម្ដេចតេជោបន្តថា នេះជាការបញ្ជាក់ដោយម៉ាស៊ីន PCR ដែលយើងបានធ្វើសម្រាប់អ្នកឆ្លងក្នុងសហគមន៍ អ្នកមកពីក្រៅប្រទេស និងអ្នកធ្វើវិញ្ញាបនប័ត្រសម្រាប់ការចេញទៅក្រៅប្រទេស។ ទន្ទឹមនេះ សម្ដេចតេជោក៏បានទទួលព័ត៌មានថា នៅតាមទីកន្លែងមួយចំនួន ក្នុងការធ្វើតេស្តរហ័ស ក៏ឃើញវិជ្ជមាននៃកូវីដ១៩។ ដូច្នេះអាចសន្មត់បានថា កូវីដ១៩ វាចាប់ផ្ដើមឡើងវិញ ទោះបីជាក្នុងចំនួនតិចក៏ដោយចុះ ហើយអាការៈមិនទាន់ធ្ងន់ធ្ងរក៏ដោយ។ […]
ព័ត៌មានថ្មីៗ

រដ្ឋមន្ត្រីការពារជាតិកម្ពុជា-ម៉ាឡេស៊ី ឯកភាពគ្នាលើកកម្ពស់កិច្ចសហប្រតិបត្តិការយោធា គាំទ្រគ្នាទៅវិញទៅមកក្នុងការឈានឆ្ពោះទៅរកការបើកសង្គម សេដ្ឋកិច្ចឡើងវិញ តាមគន្លងប្រក្រតីភាពថ្មី

Posted on Author nmr

សម្តេច ទៀបាញ់ រដ្ឋមន្ត្រីការពារជាតិ បានឱ្យដឹងនៅក្នុងផេកហ្វេសប៊ុករបស់សម្តេចនៅល្ងាចថ្ងៃទី១៣ ខែតុលា ឆ្នាំ២០២១ថា នៅរសៀលថ្ងៃទី១៣នេះ ខ្ញុំបានជួបពិភាក្សាជាមួយឯកឧត្តម DATO’ SERI HISHAMMUDDIN TUN HUSSEIN ទេសរដ្ឋមន្ត្រី រដ្ឋមន្ត្រីក្រសួងការពារជាតិម៉ាឡេស៊ី តាមរយៈប្រព័ន្ធវីដេអូ “Video Conference”។ នៅក្នុងកិច្ចពិភាក្សានេះ ខ្ញុំនិងឯកឧត្តម Hussein បានធ្វើការវាយតម្លៃរួមគ្នាពីវិស័យសន្តិសុខការពារជាតិនាពេលបច្ចុប្បន្ន នៅមានបញ្ហាប្រឈមជាច្រើនទៀត និងបានចែករំលែកពីវឌ្ឍនភាពកិច្ចសហប្រតិបត្តិការយោធាទ្វេភាគី ស្ថានភាពជំងឺកូវីដ-១៩នៅប្រទេសទាំងពីរកម្ពុជា-ម៉ាឡេស៊ី និងបានឯកភាពគ្នាលើកកម្ពស់កិច្ចសហប្រតិបត្តិការយោធា គាំទ្រគ្នាទៅវិញទៅមកក្នុងការឈានឆ្ពោះទៅរកការបើកសង្គម សេដ្ឋកិច្ចឡើងវិញ តាមគន្លងប្រក្រតីភាពថ្មី។ ជាមួយគ្នានេះ ខ្ញុំនិងឯកឧត្តម Hussein បានចែករំលែកទស្សនៈ និងសម្តែងការគាំទ្រជួយគ្នាទៅវិញទៅមកលើការរៀបចំកិច្ចប្រជុំរដ្ឋមន្រ្តីការពារជាតិអាស៊ាន និងកិច្ចប្រជុំពាក់ព័ន្ធនៅឆ្នាំ២០២២នៅកម្ពុជាខាងមុខនេះ ឲ្យដំណើរការប្រកបដោយជោគជ័យ ដើម្បីឆ្ពោះទៅរកតំបន់មួយ ប្រកបដោយសន្តិភាព សន្តិសុខ បរិយាប័ន្ន និងវិបុលភាព។